Ko-Dabirɛnu 13
13
Burama anubɛ Lɔti Fara Koe
1Burama anubɛ ala musi bɔra Iyipiti anu bolo-fan bɛɛsi la anu bolo. Anu sɛgira Kenan nyamanɛ rɔ dugula wara la. Lɔti bilanɛ anu fɛ. 2Nɔnfulu-tigi le Burama la nun. Kolo-fannu anubɛ wodi-gbɛ anubɛ sɛnɛ ye a bolo duk! 3A tora yilan-yilanna Kenan nyamanɛ rɔ ha a tara gbɛrɛn Bɛtɛli soe ma. A tara sigi a gbɛ rɔ tun Bɛtɛli soe ani Eyai soe tɛma, 4a ya saraka-mintan-tinɛ sɔ kan tinɛ min tɔ nun. Burama ya baraka bira Mari ye ka a bato.
5Burama kɔrɔla dan Lɔti min bilara a fɛ nun, kolo-fen siyaman bi wo fanan bolo. Denbaya-tigi le Lɔti la, ado yɔɔnnu bi a bolo fanan. 6-7Kɛlɛ-nyɔgɔnyɛ taranta Buramata kolo-fen-kandannɛnu anubɛ Lɔtila kolo-fen-kandannɛnu tɛma. Kolo-fannu siya anu mɔgɔ filɛ bolo min kɛ, woletɔ anu ma ke sigila anu nyɔgɔn fɛ nyamanɛ wo rɔ ka a tɛgɛ kolo-fen de-nyini tinɛla ko la. Kenannu anubɛ Perasanu fanan siginɛ nyamanɛ wo rɔ wo wati rɔ.
8Burama ya a fɔ Lɔti ye ko, “Kɛlɛ-nyɔgɔnyɛ ma bɛn mabɛ ile Lɔti tɛma kamasɔrɔn na-kelen-nyɔgɔma filɛ le mabɛ la. 9Nba, Lɔti, nyamanɛ kɛ bɛɛ mafɛlɛn. N bi i madiyala, a fisa, ma ni fara. Ni i ya bolo maran waralɛ bi ila kolo-fannu ye, nde si ta bolo nyimɛ rɔ. Ni i ya bolo nyimɛ waralɛ bi, nde si ta bolo maran rɔ.”
10 #
Ko-Dabirɛnu 2.10
Lɔti ya a yɛ lata ka Yorodan-ba-lɛɛ mafɛlɛn tala ha ka ke Sowa soe ma. A ya yi yen nyɔ iko yi ye Marita nakɔɛ rɔ nya min nun anubɛ Iyipiti nyamanɛ rɔ. (Wo wati rɔ, Mari ma Sɔdɔm anubɛ Kɔmɔra soenu halaki bɛ.) 11Woletɔ Lɔti ya Yorodan-ba-lɛɛ waralɛ wo bi a nyɛrɛ ye. Anubɛ Burama bɔra anu nyɔgɔn fɛ. Lɔti anubɛ ala kolo-fannu tara tele-bɔɛ wara la. 12Burama tora siginɛ Kenan nyamanɛ rɔ. Lɔti anubɛ ala denbayɛnu ya anu daga makɛ soe minnu sɔnɛ Yorodan bɛ dafɛ. Ale nyɛrɛ ya ala fani-bɔn sɔ Sɔdɔm soe dafɛ. 13Sɔdɔm kɛ wonu yogo dɔgɔma-ma-de, ado anu bi hakɛ kɛla Mari la kati!
Burama Ta-Koe Hiburɔn Soe Burɔ
14Lɔti bɔnɛ Burama fɛ, Mari ya a fɔ Burama ye ko, “Nyamanɛ kɛ tonko nanɛ mafɛlɛn. 15#Kɛwɔlɛnu 7.5 I ye nyamanɛ min bɛɛsi yenna kɛ la, n si wo di wobɛ i bɔnsɔn ma habadan! 16N si i bɔnsɔn siyaya iko gbangban. Woletɔ ni mɔgɛ si ke gbangban danna, nba, mani i bɔnsɔn si ke danna worɔ. 17I lasɔ ka nyamanɛ kɛ tonko nanɛ bɛɛ ratagama kamasɔrɔn n bi nala a dila i ma.”
18Burama ya ala dagɛ wayan ka ta a daga makɛ Mamirela kɔlɔma-kuru-latankanɛ donu kɔrɔ minnu bi Hiburɔn soe dafɛ. A ya saraka-mintan-tinɛ do sɔ Mari ye nyɔ.
Iliyochaguliwa sasa
Ko-Dabirɛnu 13: KCLB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.
Ko-Dabirɛnu 13
13
Burama anubɛ Lɔti Fara Koe
1Burama anubɛ ala musi bɔra Iyipiti anu bolo-fan bɛɛsi la anu bolo. Anu sɛgira Kenan nyamanɛ rɔ dugula wara la. Lɔti bilanɛ anu fɛ. 2Nɔnfulu-tigi le Burama la nun. Kolo-fannu anubɛ wodi-gbɛ anubɛ sɛnɛ ye a bolo duk! 3A tora yilan-yilanna Kenan nyamanɛ rɔ ha a tara gbɛrɛn Bɛtɛli soe ma. A tara sigi a gbɛ rɔ tun Bɛtɛli soe ani Eyai soe tɛma, 4a ya saraka-mintan-tinɛ sɔ kan tinɛ min tɔ nun. Burama ya baraka bira Mari ye ka a bato.
5Burama kɔrɔla dan Lɔti min bilara a fɛ nun, kolo-fen siyaman bi wo fanan bolo. Denbaya-tigi le Lɔti la, ado yɔɔnnu bi a bolo fanan. 6-7Kɛlɛ-nyɔgɔnyɛ taranta Buramata kolo-fen-kandannɛnu anubɛ Lɔtila kolo-fen-kandannɛnu tɛma. Kolo-fannu siya anu mɔgɔ filɛ bolo min kɛ, woletɔ anu ma ke sigila anu nyɔgɔn fɛ nyamanɛ wo rɔ ka a tɛgɛ kolo-fen de-nyini tinɛla ko la. Kenannu anubɛ Perasanu fanan siginɛ nyamanɛ wo rɔ wo wati rɔ.
8Burama ya a fɔ Lɔti ye ko, “Kɛlɛ-nyɔgɔnyɛ ma bɛn mabɛ ile Lɔti tɛma kamasɔrɔn na-kelen-nyɔgɔma filɛ le mabɛ la. 9Nba, Lɔti, nyamanɛ kɛ bɛɛ mafɛlɛn. N bi i madiyala, a fisa, ma ni fara. Ni i ya bolo maran waralɛ bi ila kolo-fannu ye, nde si ta bolo nyimɛ rɔ. Ni i ya bolo nyimɛ waralɛ bi, nde si ta bolo maran rɔ.”
10 #
Ko-Dabirɛnu 2.10
Lɔti ya a yɛ lata ka Yorodan-ba-lɛɛ mafɛlɛn tala ha ka ke Sowa soe ma. A ya yi yen nyɔ iko yi ye Marita nakɔɛ rɔ nya min nun anubɛ Iyipiti nyamanɛ rɔ. (Wo wati rɔ, Mari ma Sɔdɔm anubɛ Kɔmɔra soenu halaki bɛ.) 11Woletɔ Lɔti ya Yorodan-ba-lɛɛ waralɛ wo bi a nyɛrɛ ye. Anubɛ Burama bɔra anu nyɔgɔn fɛ. Lɔti anubɛ ala kolo-fannu tara tele-bɔɛ wara la. 12Burama tora siginɛ Kenan nyamanɛ rɔ. Lɔti anubɛ ala denbayɛnu ya anu daga makɛ soe minnu sɔnɛ Yorodan bɛ dafɛ. Ale nyɛrɛ ya ala fani-bɔn sɔ Sɔdɔm soe dafɛ. 13Sɔdɔm kɛ wonu yogo dɔgɔma-ma-de, ado anu bi hakɛ kɛla Mari la kati!
Burama Ta-Koe Hiburɔn Soe Burɔ
14Lɔti bɔnɛ Burama fɛ, Mari ya a fɔ Burama ye ko, “Nyamanɛ kɛ tonko nanɛ mafɛlɛn. 15#Kɛwɔlɛnu 7.5 I ye nyamanɛ min bɛɛsi yenna kɛ la, n si wo di wobɛ i bɔnsɔn ma habadan! 16N si i bɔnsɔn siyaya iko gbangban. Woletɔ ni mɔgɛ si ke gbangban danna, nba, mani i bɔnsɔn si ke danna worɔ. 17I lasɔ ka nyamanɛ kɛ tonko nanɛ bɛɛ ratagama kamasɔrɔn n bi nala a dila i ma.”
18Burama ya ala dagɛ wayan ka ta a daga makɛ Mamirela kɔlɔma-kuru-latankanɛ donu kɔrɔ minnu bi Hiburɔn soe dafɛ. A ya saraka-mintan-tinɛ do sɔ Mari ye nyɔ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.