Ko-Dabirɛnu 31
31
Yakoba Bɔ-Koe Leban Warɛ Dogɔn Rɔ
1Yakoba ya Lebanna dannu kuman-kan lamɔɛn ko, “Yakoba ara ma fa bolo-fan bɛɛsi kankan. Ale ara ma nɔnfulu-tigi la ma fa bolo-fannu tɔ.” 2Yakoba ya a berinna dannu gbunya-kumɛ wo lamɔɛn. A ya a yen fanan ala yakɔrɔ sa a berin Leban kuma tun iko fɔlɔ. 3Wo kɔma, Mari ya a fɔ Yakoba ye ko a ni sɛgi ala mɔgɛnu barɛ a fata nyamanɛ rɔ. Mari ko a si to a fɛ.
4Yakoba ya kilayɛ lata ka Resɛli anubɛ Liya kele alako anu ni a taran ala sagɛnu dafɛ binyɛ rɔ. 5A ya a fɔ anu ye ko, “N bara a yen ko nna yakɔrɔ sa wo fa kuma tun iko fɔlɔ. Kɔnɔ n fata Alla ara to n fɛ. 6Wo ya a lɔn ko n bara wɔli wo fa ye n sɛnbɛ bɛɛ la. 7Wo fa ara n yanfa ka to n sarɛ mayigi-ni-yɛlɛ kɛla iko siyaman. Kɔnɔ Alla ma sɔn wo fa ni ko ma n na. 8Ni wo fa ya a fɔ wati min ko kolo-fen-pusannu ni ma n sarɛ la, kolo-fan bɛɛ si kolo-fen-pusannu sɔrɔn. Ni wo fa ya a fɔ ko ala kolo-fen-nyɛgamɛnu ni ma n sarɛ la, kolo-fan bɛɛ si kolo-fen-nyɛgan sɔrɔn wo rɔ. 9Alla ara wo fata kolo-fannu bɔ a bolo ka anu di n ma.”
10Yakoba ya a fɔ ala musinu ye tun ko, “Kolo-fannu bu-bi-wati kenɛ, n kiyora baa-kɔrɔn-pusannu na anubɛ a manyɛgamɛnu anubɛ gbɛ kelen-kelan ye minnu ma, wonu bi yɛlɛla baa-musinu ma. 11Alla nara melikala muninyɛ rɔ kiyo wo rɔ, a ko, ‘Yakoba.’ N ya a labira. 12Woletɔ Mari ko ale Leban ye min bɛɛsi kɛla n na, ale ara wo bɛɛ lɔn. A ko n ni n hɛnkili to baa-kɔrɔn-pusan wonu bara-koe ma. Baa-kɔrɔn-pusan anubɛ gbɛ kelen-kelan ye minnu fɛrɛ ma, wonu bi yɛlɛla baa-musinu ma. 13#Ko-Dabirɛnu 28.18-22 A ko n ya Alla min taran Bɛtɛli soe dafɛ, alele le ale la. N ya kuri latelen nyɔ ka tuli kɛ a ma a dantɛgɛ-koe ma. N ya n dato a ye nyɔ. A ko woletɔ n ni bɔ nyamanɛ kɛ rɔ ka ta n sigi n fata nyamanɛ rɔ n sɔrɔnta kan min.”
14Resɛli anubɛ Liya fanan ya anuna keita kumɛ kuma-sa ko, “Kɛɛ sa ma bolo ma fa warɛ tun, 15ado a ya ma bira fanan iko mɔgɔ-gbɛrɛ. A ara ma mayira ka ma furu-fan bɛɛ dɔn, bi ma. 16Alla ara nɔnfuli minnu bɔ ma fa bolo, mabɛ mala dannutɛ le wonu na. Nba, ile ni a ma iko Alla ara a fɔ i ye nya min.”
17-21Nba, Leban tanɛ ala sagɛnu siyi matɛgɛ tinɛ anu ma, Resɛli fa si bonna-bɛsɛ minnu kɔ, a ya wo bɛɛ kankan a kɔma kilɛ la. Yakoba ya ala dannu anubɛ ala musinu sigi nyomɛnu na. A ya ala kolo-fannu anubɛ ala nɔnfuli minnu sɔrɔn Mɛsopotemiya nyamanɛ rɔ, a ya wonu bi ka wonu sɔ a yarɔ. Anu tara lakaliya-bole ma a fa Isiyaka wara Kenan nyamanɛ rɔ. Yakoba ya a berin Leban yanfa ka tuni a ma. A ya Yufereti bɛ tɛgɛ ka a telen Kaliyadi nyamanɛ rɔ kɔnkɛnu bi kan min.
Yakoba Sagaran-Koe A Berin Bolo
22Yakobala tɛ tele sawa nyɔgɛ, anu ya a fɔ Leban ye ko Yakoba ara a buri. 23Leban anubɛ a na-kelen-nyɔgɛnu ya Yakoba sagaran. Tele wɔrɔnfila anu bi kilɛ la. Anu kera a rɔ kɔnkɛ do kuma Kaliyadi nyamanɛ rɔ. 24Kɔnɔ yanni anu ni ke Yakoba ma, Alla ya kiyo ladon Leban yɛ ma suyi rɔ ka a fɔ a ye ko, “A ma i fɛrɛma. I kana Yakoba ragbɛrɛn hali ka kuma-yogoma fɔ a ma.”
25Leban ya Yakoba taran a daga-makɛnɛ kɔnkɛ wo kuma nyɔ. Leban anubɛ a na-kelen-nyɔgɛnu ya anu daga makɛ anu dafɛ nyɔ. 26Leban ya a fɔ Yakoba ye ko, “I wara nfen ma n na? I wara n yanfa ka i buri nna dunmusinu na i bolo iko i ya anu bira kɛlɛ le tɔ. 27Nfen ya a to, i wara n yanfa ka i dogon n ma? Ni i ya n nalɔn nun, n si i masara ka i bila-sila tolonnɛnu na. A sigi-sala wo, a tanba-fɔla wo, a sɔrɔn-fɔla wo, n si wo damasi bila wo fɛ nun. 28I ma fɛrɛ di n ma lefan ka nna dunmusinu anubɛ n mamanɛnu kɔndɔn. I ya yuwayɛ le ma wo la. 29Sɛnbɛ ye n bolo ka i tɔrɔ kɔnɔ kunu suyi rɔ i fata Alla kumara n ye kiyo rɔ ko n ni a ma n fɛrɛma ko n kana i ragbɛrɛn hali ka kuma-yogomɛ fɔ i ma. 30Nba, n ya a lɔn ko i wara n boloka bawo i fa-sɔgɛ ara i bira. Kɔnɔ hali wo, n bi bɛsɛ minnu kɔla, nfenna i wara wonu kankan?”
31Yakoba ya a fɔ Leban ye ko, “N kilanta i la le nun, woletɔ n ya n buri bawo n ya a lɔn nun ko i ye ila dunmusinu bila le n bolo fɔrɔsɛ la. 32Ma na-kelen-nyɔgɛ kɛnu ni ma sereyɛ la. I ya lakalan mabɛ nna denbayɛnu tɛma. Ni i ya i bolo-fen-nyantarani nabɔ mɔgɔ-wo-mɔgɔ bolo bɔn la, wo ni faga.” Kɔnɔ Yakoba ma a lɔn nun ko Resɛli ara a fala bɛsɛ wonu kankan.
33Woletɔ Leban tara Yakobala fani-bɔn lafɛlɛn. A bɔra nyɔ ka ta Liyata fani-bɔn lafɛlɛn. A bɔra nyɔ ka ta anuna solo-dununɛnuna fani-bɔnnu nafɛlɛn kɔnɔ a ma ala bɛsɛ kɛnu yen. A bɔɛ nyɔ, a tara don Resɛlita bɔn la. 34A ya a taran, Resɛli ara bɛsɛ wonu dogon nyomɛ kirika-bɔrɛnu tɔ. A siginɛ wonu kuma. Leban ya fan bɛɛsi rafɛlɛn bɔn la nyɔ kɔnɔ a ma ala bɛsɛnu yen mumɛ! 35Resɛli ya a fɔ a ye ko, “N fa, i kana diminya n ma bawo kaka, n ti ke n nasɔla i ya la. N bi nna wati le tɔ kaka.” Leban ya bɔn wo damasi lafɛlɛn kɔnɔ a ma ala bɛsɛ wo fenfen yen.
36Wo kɔma, Yakoba yisi bɔra a berin Leban kuma. A nyɛɛra a ma. A ya a fɔ Leban ye ko, “I ye n nanyinina, n ya nfen ma i la? N bara ko-yogomɛ nyamintan ma i la min bi a tola i ye n sagaranna? 37I wara n bolo-fan damasi mafɛlɛn. I ya i bolo-fan nyamintan yen n bolo? Nba, ni i wara i bolo-fan minnu yen n bara yan, anu nabɔ gbɛ ma yan mala mɔgɛ kɛnu yakɔrɔ. Wonu ni kiti tɛgɛ ma tɛma.
38“N bara san mogan kɛ bɔ i fɛ. Ila saga-musi anubɛ ila baa-musi fenfen bu ma tinya. N ma ila saga-yigi fenfen dɔn. 39Sogo-feremɛnu bi minnu fagala, n ma wonu yira i la. Nde nyɛrɛ ya n munyu wonu ma ka wonu nyɔgɛnu nasɛgi i ma. Anu ya minnu kankan n bolo tele rɔ, i ya wonu nyɔgɔn makele n na. N ya wo nyɔgɛnu nasɛgi i ma. Hali anu ya minnu fanan kankan n bolo suyi rɔ, i ya wonu makele n na fanan. 40N taranta wo nya le. Teleta wusi ya n bandan. Kimɛ ya n tɔrɔ suyi fanan tɔ. N ma ke kinɔgɔla n fanbolo. 41San mogan kɛ mumɛ bɛɛ kɔrɔ, i ye a mala n na ka le. N wɔlita i ye san tan-ni-nani ila dunmusu filɛ kɛnuna ko la. N wɔlita i ye tun san wɔrɔ kɔrɔ alako n ni nta kolo-fen-sugi sɔrɔn. Hali wo, i tora n sarɛ mayigi-ni-yɛlɛ kɛla iko siyaman. 42Ni n benba Iburayima anubɛ n fa Isiyakanuna Alla sa n fɛ nun, n bolo-kolɔn gbɛ le bɔla i warɛ nun. Kɔnɔ Alla ara nta tɔrɔyɛ anubɛ nta wɔlɛ yen n ya minnu kɛ i ye, woletɔ a ya i makuma suyi rɔ kiyo rɔ.”
Lanyiri Kiri-Koe Yakoba anubɛ A Berin Tɛma
43Leban ya a fɔ Yakoba ye ko, “Nba, ni i kan le wo la, musi minnu bi i bolo kɛ la, nna dan le wonu na. Wonuta den-sɔrɔnnɛnu, ntɛ le wonu fanan na. Kolo-fan minnu bi i bolo kɛ la, ntɛ le wonu fanan na. Ado nfan, i ti i bolo-fan fenfen nabɔ yan nta ma minnu na. Kɔnɔ n ti ke nna dunmusinu anubɛ n mamanɛnu bɔla i bolo min kɛ tun, 44woletɔ ma ni lanyiri kiri ma mɔgɔ filɛ tɛma. Ma ni kuri ladɛn anu nyɔgɔn kuma yan. Kuru-ladɛnnɛ wo si ma sereyɛ la mabɛ ile tɛma.”
45Yakoba ya kuru-kinama kelen bi ka a latelen. 46A ya a fɔ a berinna mɔgɛ wonu ye ko, “Wo ni na kurinu na ka a kinki kuri kɛ la.” Anu ya kurinu nadɛn. Anu ya fen-dɔn-kɛ kuru-ladɛnnɛ wo dafɛ. 47-48Leban anubɛ Yakoba sɔnta ka kuru-ladɛnnɛ wo tɔgɔ sa “Sereya Kuru-Ladɛnnɛ.”#31.48 Kuru-ladɛnnɛ: Yakoba ya kuru-ladɛnnɛ wo tɔgɔ sa Hiburu-kan rɔ “Kalidi.” Leban ya wo tɔgɔ sa Aram-kan rɔ “Yega-saha-duta.” Tɔgɔ filɛ kɛ bɛɛ kɔrɛ le ko, “Sereya Kuru-Ladɛnnɛ.” 49Anu ya kan tinɛ wo kele fanan ko, “Ma Mafɛlɛn Tinɛ Mari Bolo”#31.49 Ma Mafɛlɛn Tinɛ Mari Bolo: Ni i ya a lamɔɛn Hiburu-kan rɔ, “Misipa,” wo kɔrɛ le, “Ma Mafɛlɛn Tinɛ Mari Bolo.” kamasɔrɔn Leban ya a fɔ ko, “Ma wa bɔ ma nyɔgɔn fɛ tumɛ min, Mari si mabɛ ile mafɛlɛn. 50Ni i ya nna dunmusinu bira boloko-yogomɛ-kɛ, nde ya sa i la kɔnɔ Alla kolonkɛ ye i la. Ni i ya dunmusu-gbɛrɛkɛ furu ka anu sa nna dunmusinu kuma, hali sereyɛ sa ma tɛma yan, i hɛnkili to a ko ko Mari le sereyɛ la mabɛ ile tɛma.”
51-52Leban ya a fɔ Yakoba ye ko, “Kuri min sɔnɛ kɛ la anubɛ minnu kinkinɛ a la kɛ la, ma ni to ma mirila wonu ma ko nde ti tenbi kuri kɛnu na ka ta i kɛlɛ tinɛ. Ile fanan kana tenbi kuri kɛnu na ka na n kɛlɛ tinɛ. 53Alamɛ i benba Iburayima anubɛ n fa Nehorinuta Alla anubɛ wonu fanan fata Alla ya kiti tɛgɛ mabɛ ile tɛma.”
Yakoba ya a keli a berin ye a fa Isiyakata Alla yala. 54Yakoba ya sarakɛ bɔ kɔnkɛ kuma nyɔ ka a berin anubɛ a na-kelen-nyɔgɛnu kele fen dɔn tinɛ. Anu ya fen-dɔn-kɛ ka ki kɔnkɛ kuma nyɔ.
55Leban ya a lasɔ sɔgɔma ka a mamanɛnu anubɛ ala dunmusinu kɔndɔn ka duwa anu ye. A wulita ka sɛgi a warɛ.
Iliyochaguliwa sasa
Ko-Dabirɛnu 31: KCLB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.
Ko-Dabirɛnu 31
31
Yakoba Bɔ-Koe Leban Warɛ Dogɔn Rɔ
1Yakoba ya Lebanna dannu kuman-kan lamɔɛn ko, “Yakoba ara ma fa bolo-fan bɛɛsi kankan. Ale ara ma nɔnfulu-tigi la ma fa bolo-fannu tɔ.” 2Yakoba ya a berinna dannu gbunya-kumɛ wo lamɔɛn. A ya a yen fanan ala yakɔrɔ sa a berin Leban kuma tun iko fɔlɔ. 3Wo kɔma, Mari ya a fɔ Yakoba ye ko a ni sɛgi ala mɔgɛnu barɛ a fata nyamanɛ rɔ. Mari ko a si to a fɛ.
4Yakoba ya kilayɛ lata ka Resɛli anubɛ Liya kele alako anu ni a taran ala sagɛnu dafɛ binyɛ rɔ. 5A ya a fɔ anu ye ko, “N bara a yen ko nna yakɔrɔ sa wo fa kuma tun iko fɔlɔ. Kɔnɔ n fata Alla ara to n fɛ. 6Wo ya a lɔn ko n bara wɔli wo fa ye n sɛnbɛ bɛɛ la. 7Wo fa ara n yanfa ka to n sarɛ mayigi-ni-yɛlɛ kɛla iko siyaman. Kɔnɔ Alla ma sɔn wo fa ni ko ma n na. 8Ni wo fa ya a fɔ wati min ko kolo-fen-pusannu ni ma n sarɛ la, kolo-fan bɛɛ si kolo-fen-pusannu sɔrɔn. Ni wo fa ya a fɔ ko ala kolo-fen-nyɛgamɛnu ni ma n sarɛ la, kolo-fan bɛɛ si kolo-fen-nyɛgan sɔrɔn wo rɔ. 9Alla ara wo fata kolo-fannu bɔ a bolo ka anu di n ma.”
10Yakoba ya a fɔ ala musinu ye tun ko, “Kolo-fannu bu-bi-wati kenɛ, n kiyora baa-kɔrɔn-pusannu na anubɛ a manyɛgamɛnu anubɛ gbɛ kelen-kelan ye minnu ma, wonu bi yɛlɛla baa-musinu ma. 11Alla nara melikala muninyɛ rɔ kiyo wo rɔ, a ko, ‘Yakoba.’ N ya a labira. 12Woletɔ Mari ko ale Leban ye min bɛɛsi kɛla n na, ale ara wo bɛɛ lɔn. A ko n ni n hɛnkili to baa-kɔrɔn-pusan wonu bara-koe ma. Baa-kɔrɔn-pusan anubɛ gbɛ kelen-kelan ye minnu fɛrɛ ma, wonu bi yɛlɛla baa-musinu ma. 13#Ko-Dabirɛnu 28.18-22 A ko n ya Alla min taran Bɛtɛli soe dafɛ, alele le ale la. N ya kuri latelen nyɔ ka tuli kɛ a ma a dantɛgɛ-koe ma. N ya n dato a ye nyɔ. A ko woletɔ n ni bɔ nyamanɛ kɛ rɔ ka ta n sigi n fata nyamanɛ rɔ n sɔrɔnta kan min.”
14Resɛli anubɛ Liya fanan ya anuna keita kumɛ kuma-sa ko, “Kɛɛ sa ma bolo ma fa warɛ tun, 15ado a ya ma bira fanan iko mɔgɔ-gbɛrɛ. A ara ma mayira ka ma furu-fan bɛɛ dɔn, bi ma. 16Alla ara nɔnfuli minnu bɔ ma fa bolo, mabɛ mala dannutɛ le wonu na. Nba, ile ni a ma iko Alla ara a fɔ i ye nya min.”
17-21Nba, Leban tanɛ ala sagɛnu siyi matɛgɛ tinɛ anu ma, Resɛli fa si bonna-bɛsɛ minnu kɔ, a ya wo bɛɛ kankan a kɔma kilɛ la. Yakoba ya ala dannu anubɛ ala musinu sigi nyomɛnu na. A ya ala kolo-fannu anubɛ ala nɔnfuli minnu sɔrɔn Mɛsopotemiya nyamanɛ rɔ, a ya wonu bi ka wonu sɔ a yarɔ. Anu tara lakaliya-bole ma a fa Isiyaka wara Kenan nyamanɛ rɔ. Yakoba ya a berin Leban yanfa ka tuni a ma. A ya Yufereti bɛ tɛgɛ ka a telen Kaliyadi nyamanɛ rɔ kɔnkɛnu bi kan min.
Yakoba Sagaran-Koe A Berin Bolo
22Yakobala tɛ tele sawa nyɔgɛ, anu ya a fɔ Leban ye ko Yakoba ara a buri. 23Leban anubɛ a na-kelen-nyɔgɛnu ya Yakoba sagaran. Tele wɔrɔnfila anu bi kilɛ la. Anu kera a rɔ kɔnkɛ do kuma Kaliyadi nyamanɛ rɔ. 24Kɔnɔ yanni anu ni ke Yakoba ma, Alla ya kiyo ladon Leban yɛ ma suyi rɔ ka a fɔ a ye ko, “A ma i fɛrɛma. I kana Yakoba ragbɛrɛn hali ka kuma-yogoma fɔ a ma.”
25Leban ya Yakoba taran a daga-makɛnɛ kɔnkɛ wo kuma nyɔ. Leban anubɛ a na-kelen-nyɔgɛnu ya anu daga makɛ anu dafɛ nyɔ. 26Leban ya a fɔ Yakoba ye ko, “I wara nfen ma n na? I wara n yanfa ka i buri nna dunmusinu na i bolo iko i ya anu bira kɛlɛ le tɔ. 27Nfen ya a to, i wara n yanfa ka i dogon n ma? Ni i ya n nalɔn nun, n si i masara ka i bila-sila tolonnɛnu na. A sigi-sala wo, a tanba-fɔla wo, a sɔrɔn-fɔla wo, n si wo damasi bila wo fɛ nun. 28I ma fɛrɛ di n ma lefan ka nna dunmusinu anubɛ n mamanɛnu kɔndɔn. I ya yuwayɛ le ma wo la. 29Sɛnbɛ ye n bolo ka i tɔrɔ kɔnɔ kunu suyi rɔ i fata Alla kumara n ye kiyo rɔ ko n ni a ma n fɛrɛma ko n kana i ragbɛrɛn hali ka kuma-yogomɛ fɔ i ma. 30Nba, n ya a lɔn ko i wara n boloka bawo i fa-sɔgɛ ara i bira. Kɔnɔ hali wo, n bi bɛsɛ minnu kɔla, nfenna i wara wonu kankan?”
31Yakoba ya a fɔ Leban ye ko, “N kilanta i la le nun, woletɔ n ya n buri bawo n ya a lɔn nun ko i ye ila dunmusinu bila le n bolo fɔrɔsɛ la. 32Ma na-kelen-nyɔgɛ kɛnu ni ma sereyɛ la. I ya lakalan mabɛ nna denbayɛnu tɛma. Ni i ya i bolo-fen-nyantarani nabɔ mɔgɔ-wo-mɔgɔ bolo bɔn la, wo ni faga.” Kɔnɔ Yakoba ma a lɔn nun ko Resɛli ara a fala bɛsɛ wonu kankan.
33Woletɔ Leban tara Yakobala fani-bɔn lafɛlɛn. A bɔra nyɔ ka ta Liyata fani-bɔn lafɛlɛn. A bɔra nyɔ ka ta anuna solo-dununɛnuna fani-bɔnnu nafɛlɛn kɔnɔ a ma ala bɛsɛ kɛnu yen. A bɔɛ nyɔ, a tara don Resɛlita bɔn la. 34A ya a taran, Resɛli ara bɛsɛ wonu dogon nyomɛ kirika-bɔrɛnu tɔ. A siginɛ wonu kuma. Leban ya fan bɛɛsi rafɛlɛn bɔn la nyɔ kɔnɔ a ma ala bɛsɛnu yen mumɛ! 35Resɛli ya a fɔ a ye ko, “N fa, i kana diminya n ma bawo kaka, n ti ke n nasɔla i ya la. N bi nna wati le tɔ kaka.” Leban ya bɔn wo damasi lafɛlɛn kɔnɔ a ma ala bɛsɛ wo fenfen yen.
36Wo kɔma, Yakoba yisi bɔra a berin Leban kuma. A nyɛɛra a ma. A ya a fɔ Leban ye ko, “I ye n nanyinina, n ya nfen ma i la? N bara ko-yogomɛ nyamintan ma i la min bi a tola i ye n sagaranna? 37I wara n bolo-fan damasi mafɛlɛn. I ya i bolo-fan nyamintan yen n bolo? Nba, ni i wara i bolo-fan minnu yen n bara yan, anu nabɔ gbɛ ma yan mala mɔgɛ kɛnu yakɔrɔ. Wonu ni kiti tɛgɛ ma tɛma.
38“N bara san mogan kɛ bɔ i fɛ. Ila saga-musi anubɛ ila baa-musi fenfen bu ma tinya. N ma ila saga-yigi fenfen dɔn. 39Sogo-feremɛnu bi minnu fagala, n ma wonu yira i la. Nde nyɛrɛ ya n munyu wonu ma ka wonu nyɔgɛnu nasɛgi i ma. Anu ya minnu kankan n bolo tele rɔ, i ya wonu nyɔgɔn makele n na. N ya wo nyɔgɛnu nasɛgi i ma. Hali anu ya minnu fanan kankan n bolo suyi rɔ, i ya wonu makele n na fanan. 40N taranta wo nya le. Teleta wusi ya n bandan. Kimɛ ya n tɔrɔ suyi fanan tɔ. N ma ke kinɔgɔla n fanbolo. 41San mogan kɛ mumɛ bɛɛ kɔrɔ, i ye a mala n na ka le. N wɔlita i ye san tan-ni-nani ila dunmusu filɛ kɛnuna ko la. N wɔlita i ye tun san wɔrɔ kɔrɔ alako n ni nta kolo-fen-sugi sɔrɔn. Hali wo, i tora n sarɛ mayigi-ni-yɛlɛ kɛla iko siyaman. 42Ni n benba Iburayima anubɛ n fa Isiyakanuna Alla sa n fɛ nun, n bolo-kolɔn gbɛ le bɔla i warɛ nun. Kɔnɔ Alla ara nta tɔrɔyɛ anubɛ nta wɔlɛ yen n ya minnu kɛ i ye, woletɔ a ya i makuma suyi rɔ kiyo rɔ.”
Lanyiri Kiri-Koe Yakoba anubɛ A Berin Tɛma
43Leban ya a fɔ Yakoba ye ko, “Nba, ni i kan le wo la, musi minnu bi i bolo kɛ la, nna dan le wonu na. Wonuta den-sɔrɔnnɛnu, ntɛ le wonu fanan na. Kolo-fan minnu bi i bolo kɛ la, ntɛ le wonu fanan na. Ado nfan, i ti i bolo-fan fenfen nabɔ yan nta ma minnu na. Kɔnɔ n ti ke nna dunmusinu anubɛ n mamanɛnu bɔla i bolo min kɛ tun, 44woletɔ ma ni lanyiri kiri ma mɔgɔ filɛ tɛma. Ma ni kuri ladɛn anu nyɔgɔn kuma yan. Kuru-ladɛnnɛ wo si ma sereyɛ la mabɛ ile tɛma.”
45Yakoba ya kuru-kinama kelen bi ka a latelen. 46A ya a fɔ a berinna mɔgɛ wonu ye ko, “Wo ni na kurinu na ka a kinki kuri kɛ la.” Anu ya kurinu nadɛn. Anu ya fen-dɔn-kɛ kuru-ladɛnnɛ wo dafɛ. 47-48Leban anubɛ Yakoba sɔnta ka kuru-ladɛnnɛ wo tɔgɔ sa “Sereya Kuru-Ladɛnnɛ.”#31.48 Kuru-ladɛnnɛ: Yakoba ya kuru-ladɛnnɛ wo tɔgɔ sa Hiburu-kan rɔ “Kalidi.” Leban ya wo tɔgɔ sa Aram-kan rɔ “Yega-saha-duta.” Tɔgɔ filɛ kɛ bɛɛ kɔrɛ le ko, “Sereya Kuru-Ladɛnnɛ.” 49Anu ya kan tinɛ wo kele fanan ko, “Ma Mafɛlɛn Tinɛ Mari Bolo”#31.49 Ma Mafɛlɛn Tinɛ Mari Bolo: Ni i ya a lamɔɛn Hiburu-kan rɔ, “Misipa,” wo kɔrɛ le, “Ma Mafɛlɛn Tinɛ Mari Bolo.” kamasɔrɔn Leban ya a fɔ ko, “Ma wa bɔ ma nyɔgɔn fɛ tumɛ min, Mari si mabɛ ile mafɛlɛn. 50Ni i ya nna dunmusinu bira boloko-yogomɛ-kɛ, nde ya sa i la kɔnɔ Alla kolonkɛ ye i la. Ni i ya dunmusu-gbɛrɛkɛ furu ka anu sa nna dunmusinu kuma, hali sereyɛ sa ma tɛma yan, i hɛnkili to a ko ko Mari le sereyɛ la mabɛ ile tɛma.”
51-52Leban ya a fɔ Yakoba ye ko, “Kuri min sɔnɛ kɛ la anubɛ minnu kinkinɛ a la kɛ la, ma ni to ma mirila wonu ma ko nde ti tenbi kuri kɛnu na ka ta i kɛlɛ tinɛ. Ile fanan kana tenbi kuri kɛnu na ka na n kɛlɛ tinɛ. 53Alamɛ i benba Iburayima anubɛ n fa Nehorinuta Alla anubɛ wonu fanan fata Alla ya kiti tɛgɛ mabɛ ile tɛma.”
Yakoba ya a keli a berin ye a fa Isiyakata Alla yala. 54Yakoba ya sarakɛ bɔ kɔnkɛ kuma nyɔ ka a berin anubɛ a na-kelen-nyɔgɛnu kele fen dɔn tinɛ. Anu ya fen-dɔn-kɛ ka ki kɔnkɛ kuma nyɔ.
55Leban ya a lasɔ sɔgɔma ka a mamanɛnu anubɛ ala dunmusinu kɔndɔn ka duwa anu ye. A wulita ka sɛgi a warɛ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.