Ko-Dabirɛnu 34
34
Sɛkɛm Sa-Koe Daina Fɛ
1Yakoba anubɛ Liya ya dunmusi min sɔrɔn, wo tɔgɛ le Daina. Lunyɛ do, Daina wo tara musi donu kɔndɔn tinɛ Kenan nyamanɛ rɔ. 2Hemori min bi mansayɛ la Hɛfa nyamanɛ wo rɔ, wola dan Sɛkɛm buira Daina ma ka a sa a fɛ. 3A ban a sala Daina fɛ, a diyara Sɛkɛm ye kati! A ya a madiya-kumɛ fɔ a ye alako a ni diya Daina ye. 4Sɛkɛm ya a fɔ a fa Hemori ye ko, “Sunkurɔn kɛ furu n ye.”
5Yakoba ya a lamɔɛn tumɛ min ko Sɛkɛm ara ala dunmusi lamiliya, a ya a bira a rɔ ha ala den-keinu nara ka bɔ firɛ rɔ kolo-fannu fɛ.
6Kɔnɔ yanni Yakobala den-keinu ni na, Sɛkɛm fa Hemori ara na Yakoba wara Daina mabira tinɛ. 7Yakobala den-keinu bɔmatoe firɛ rɔ kolo-fannu fɛ, anu ya a lamɔɛn ko Sɛkɛm bara a sa anu dɔgɔ-musi fɛ. Anu diminyara ha mɔninyɛ ya anu bira bawo anu ya a lɔn ko Sɛkɛm bara yarabiyi sa anu fa Isirɛla kuma.
8Kɔnɔ Mansa Hemori ya a fɔ Yakoba ye ko, “Wola dunmusi-sɔgɛ ye nna den Sɛkɛm la. N bi wo madiyala alako wo ni a di a ma. 9Ma ni furu-nyɔgɔnyɛ don ma nyɔgɔn tɛma. Wo ni wola dunmusinu di ma ma. Ma fanan ni mala dunmusinu di wo ma. 10Wo ni wo sigi lafɛrɛ rɔ ma tɛma. Nyamanɛ kɛ ra si ka wo ma. Wo si yilayɛ kɛ yan tɔ ka sabati.”
11Hemorila dan Sɛkɛm nara ka a fɔ Yakoba anubɛ ala dannu ye ko, “Ni wo sɔnta hɛrɛ kɛla n ye ka wola dunmusi kɛ di n ma, wo nyinita fenfen ma, n si wo di wo ma. 12Ni n si a furu nɔnfuli min nyɔgɔn na, wo ni wo fɔ n ye. N si wo bɔ iko wo ye a fɔla n ye nya min. Alako tun, ni wo si Daina di n ma.”
13Anu bara a lɔn nun ko Sɛkɛm buira anu tirisan-musi ma, woletɔ Yakobala dannu ya Sɛkɛm anubɛ a fa yabi halliyɛ rɔ ka anu yanfa. 14Daina kɔrɔ-keminɛnu ya a fɔ anu ye ko, “Ma ti ke ma dɔgɔ-musi dila bilakore ma kamasɔrɔn wo si ma ma lamiliyɛ anubɛ ma lafɛyali-koe la.” 15Anu ko, “Ko kelen pe wo le si a ma, ma ni sɔn wola furu-koe kɛ ma, ni kei bɛɛ kemininyara iko male. 16Ma si mata dunmusinu di wo ma wo rɔ. Ma si wola dunmusinu fanan furu. Ma ni ma sigi wo fɛ ka ma mɔgɔ kelen na wo rɔ. 17Kɔnɔ ni wo ma mala kumɛ bira ka kemininya, ma si mala dunmusi kɛ bi wo bolo ka ta a la.”
18Anuna kumɛ wo diyara Mansa Hemori anubɛ ala den Sɛkɛm ye. 19Yakobala dunmusi kɛ diyanɛ Sɛkɛm kɛ ye min kɛ, anubɛ a fa ma a makɔnɔ tun. Anu tara ko-rabɛn tinɛ iko Daina kɔrɔnu bara a fɔ anu ye nya min. Kɔnɔ Sɛkɛm kɛ di a fa Hemori ye ka tenbi ala bonna-mɔgɛ bɛɛ la. 20Anu tara mɔgɛnu nadɛn anuna soe tarɛ-don-dɛ la. Anu ya anu dantɛgɛ anuna mɔgɔ-banu ye ko, 21“Ma di Isirɛla anubɛ ala dannu ye dɔgɔma ma! Woletɔ ma ni sɔn, anu ni anu sigi mala nyamanɛ kɛ rɔ ka yilayɛ kɛ kamasɔrɔn nyamanɛ kɛ kolo. Ma bɛɛ si kun de nyamanɛ kɛ rɔ. Ma ni anuna dunmusinu furu. Ma ni mala dunmusinu di anu fanan ma. 22Anu si sɔn ka ma ma sigi-nyɔgɔ la kɔnɔ fɔ ko kelen pe min si a ma, ma ni ma sigi ma nyɔgɔn fɛ anu na, ni male kei bɛɛ si sɔn ka kemininya iko anu denu bi nya min. 23Ni ma ya wo ma, anuna bolo-fannu wonubɛ anuna kolo-fannu ti ma matɛ la wo rɔ, wa? Ma sɔn wona kemininya-koe ma alako anu si sigi ma fɛ.”
24Mɔgɛ min bɛɛsi taranta sigini anuna kiti fɔ tinɛ soe tarɛ-don-dɛ la, wonu sɔnta wo ma. Kei bɛɛsi kemininyara.
25Anuna kemininyɛ tele sawa nyɔgɛ ma, Daina kɔrɔ-kemini fila wulita, Simiyɔn anubɛ Lifayi. Wonu ya anuna faannu bi ka ta Sɛkɛm soe kan ma yisi-gbɛlɛyɛ la ka biri-kurɛ wonu damasi faga, 26hali Mansa Hemori anubɛ ala den Sɛkɛm. Anu ban wonu dama fagala, anu ya anu tirisan-musi Daina bi Sɛkɛm warɛ ka ta a la anu bolo anu fa warɛ. 27Yakobala dan toe wonu tara furi wonu bolo-fannu bi kamasɔrɔn nyɔ-mansɛla dan ara anu tirisan-musi lamiliya. 28Anu ya wonuna kolo-fannu bi anubɛ anuna sofɛlɛnu. Anu ya wonuna nɔnfuli bɛɛ bi, sɛnɛtɔ-fen wo, so-tɛma-fen wo, anu ya wo bɛɛ bi tɛrr! 29Anu ya anuna dannu anubɛ anuna musinu bi ka ta wonu na anu barɛ.
30Yakoba ya a fɔ ala den Simiyɔn anubɛ Lifayi ye ko, “Wo ara nanparan le di n ma kɛ la. Wo sɔn kɛ si a ma, ma si gboya Kenannu anubɛ Perasanu anubɛ sibolo-gbɛrɛ dama ye, ado male ma siya iko anu denu. Ni wonu ya anu nadɛn ma kan ma, anu si ma lato dogbe!”
31Kɔnɔ ala dan wonu ko, “A ma kin Sɛkɛm ni ma dɔgɔ-musi ma iko yɛlan.”
Iliyochaguliwa sasa
Ko-Dabirɛnu 34: KCLB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.
Ko-Dabirɛnu 34
34
Sɛkɛm Sa-Koe Daina Fɛ
1Yakoba anubɛ Liya ya dunmusi min sɔrɔn, wo tɔgɛ le Daina. Lunyɛ do, Daina wo tara musi donu kɔndɔn tinɛ Kenan nyamanɛ rɔ. 2Hemori min bi mansayɛ la Hɛfa nyamanɛ wo rɔ, wola dan Sɛkɛm buira Daina ma ka a sa a fɛ. 3A ban a sala Daina fɛ, a diyara Sɛkɛm ye kati! A ya a madiya-kumɛ fɔ a ye alako a ni diya Daina ye. 4Sɛkɛm ya a fɔ a fa Hemori ye ko, “Sunkurɔn kɛ furu n ye.”
5Yakoba ya a lamɔɛn tumɛ min ko Sɛkɛm ara ala dunmusi lamiliya, a ya a bira a rɔ ha ala den-keinu nara ka bɔ firɛ rɔ kolo-fannu fɛ.
6Kɔnɔ yanni Yakobala den-keinu ni na, Sɛkɛm fa Hemori ara na Yakoba wara Daina mabira tinɛ. 7Yakobala den-keinu bɔmatoe firɛ rɔ kolo-fannu fɛ, anu ya a lamɔɛn ko Sɛkɛm bara a sa anu dɔgɔ-musi fɛ. Anu diminyara ha mɔninyɛ ya anu bira bawo anu ya a lɔn ko Sɛkɛm bara yarabiyi sa anu fa Isirɛla kuma.
8Kɔnɔ Mansa Hemori ya a fɔ Yakoba ye ko, “Wola dunmusi-sɔgɛ ye nna den Sɛkɛm la. N bi wo madiyala alako wo ni a di a ma. 9Ma ni furu-nyɔgɔnyɛ don ma nyɔgɔn tɛma. Wo ni wola dunmusinu di ma ma. Ma fanan ni mala dunmusinu di wo ma. 10Wo ni wo sigi lafɛrɛ rɔ ma tɛma. Nyamanɛ kɛ ra si ka wo ma. Wo si yilayɛ kɛ yan tɔ ka sabati.”
11Hemorila dan Sɛkɛm nara ka a fɔ Yakoba anubɛ ala dannu ye ko, “Ni wo sɔnta hɛrɛ kɛla n ye ka wola dunmusi kɛ di n ma, wo nyinita fenfen ma, n si wo di wo ma. 12Ni n si a furu nɔnfuli min nyɔgɔn na, wo ni wo fɔ n ye. N si wo bɔ iko wo ye a fɔla n ye nya min. Alako tun, ni wo si Daina di n ma.”
13Anu bara a lɔn nun ko Sɛkɛm buira anu tirisan-musi ma, woletɔ Yakobala dannu ya Sɛkɛm anubɛ a fa yabi halliyɛ rɔ ka anu yanfa. 14Daina kɔrɔ-keminɛnu ya a fɔ anu ye ko, “Ma ti ke ma dɔgɔ-musi dila bilakore ma kamasɔrɔn wo si ma ma lamiliyɛ anubɛ ma lafɛyali-koe la.” 15Anu ko, “Ko kelen pe wo le si a ma, ma ni sɔn wola furu-koe kɛ ma, ni kei bɛɛ kemininyara iko male. 16Ma si mata dunmusinu di wo ma wo rɔ. Ma si wola dunmusinu fanan furu. Ma ni ma sigi wo fɛ ka ma mɔgɔ kelen na wo rɔ. 17Kɔnɔ ni wo ma mala kumɛ bira ka kemininya, ma si mala dunmusi kɛ bi wo bolo ka ta a la.”
18Anuna kumɛ wo diyara Mansa Hemori anubɛ ala den Sɛkɛm ye. 19Yakobala dunmusi kɛ diyanɛ Sɛkɛm kɛ ye min kɛ, anubɛ a fa ma a makɔnɔ tun. Anu tara ko-rabɛn tinɛ iko Daina kɔrɔnu bara a fɔ anu ye nya min. Kɔnɔ Sɛkɛm kɛ di a fa Hemori ye ka tenbi ala bonna-mɔgɛ bɛɛ la. 20Anu tara mɔgɛnu nadɛn anuna soe tarɛ-don-dɛ la. Anu ya anu dantɛgɛ anuna mɔgɔ-banu ye ko, 21“Ma di Isirɛla anubɛ ala dannu ye dɔgɔma ma! Woletɔ ma ni sɔn, anu ni anu sigi mala nyamanɛ kɛ rɔ ka yilayɛ kɛ kamasɔrɔn nyamanɛ kɛ kolo. Ma bɛɛ si kun de nyamanɛ kɛ rɔ. Ma ni anuna dunmusinu furu. Ma ni mala dunmusinu di anu fanan ma. 22Anu si sɔn ka ma ma sigi-nyɔgɔ la kɔnɔ fɔ ko kelen pe min si a ma, ma ni ma sigi ma nyɔgɔn fɛ anu na, ni male kei bɛɛ si sɔn ka kemininya iko anu denu bi nya min. 23Ni ma ya wo ma, anuna bolo-fannu wonubɛ anuna kolo-fannu ti ma matɛ la wo rɔ, wa? Ma sɔn wona kemininya-koe ma alako anu si sigi ma fɛ.”
24Mɔgɛ min bɛɛsi taranta sigini anuna kiti fɔ tinɛ soe tarɛ-don-dɛ la, wonu sɔnta wo ma. Kei bɛɛsi kemininyara.
25Anuna kemininyɛ tele sawa nyɔgɛ ma, Daina kɔrɔ-kemini fila wulita, Simiyɔn anubɛ Lifayi. Wonu ya anuna faannu bi ka ta Sɛkɛm soe kan ma yisi-gbɛlɛyɛ la ka biri-kurɛ wonu damasi faga, 26hali Mansa Hemori anubɛ ala den Sɛkɛm. Anu ban wonu dama fagala, anu ya anu tirisan-musi Daina bi Sɛkɛm warɛ ka ta a la anu bolo anu fa warɛ. 27Yakobala dan toe wonu tara furi wonu bolo-fannu bi kamasɔrɔn nyɔ-mansɛla dan ara anu tirisan-musi lamiliya. 28Anu ya wonuna kolo-fannu bi anubɛ anuna sofɛlɛnu. Anu ya wonuna nɔnfuli bɛɛ bi, sɛnɛtɔ-fen wo, so-tɛma-fen wo, anu ya wo bɛɛ bi tɛrr! 29Anu ya anuna dannu anubɛ anuna musinu bi ka ta wonu na anu barɛ.
30Yakoba ya a fɔ ala den Simiyɔn anubɛ Lifayi ye ko, “Wo ara nanparan le di n ma kɛ la. Wo sɔn kɛ si a ma, ma si gboya Kenannu anubɛ Perasanu anubɛ sibolo-gbɛrɛ dama ye, ado male ma siya iko anu denu. Ni wonu ya anu nadɛn ma kan ma, anu si ma lato dogbe!”
31Kɔnɔ ala dan wonu ko, “A ma kin Sɛkɛm ni ma dɔgɔ-musi ma iko yɛlan.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.