Luk 9
9
1Ka Yisɔs ɔ tela aŋkarande ŋɔŋ tɔfɔt ŋarəŋ, kɔ sɔŋ ŋa afɔsɔ rokɔm ka akərəfi bɛ, yi tə kədamər tətu. 2kɔ som ŋa tə kətaməs rȧbȧy ra Kuru, ɔwa, tə kəyeŋkəs aŋboma. 3kɔ pa ro ŋaŋ, Te nu kera rəka o rəka ka ȧŋbiyas a nu, kətək-o, agbaŋfa-o, kəbo-o, akala-o; ɔwa ta ukin ka nu ɔ te ba suma tərəŋ. 4Ɔwa rə aseth o seth nə wɔŋ-e, yianɛ ri nu haŋ nə kȧlanɛ. 5Ɔwa aŋfəm aŋa mə te malanɛ nu-e, ma nə wur ka kȧpet kati, koŋkoŋ nu kabof ka ȧtȧtək ta nu ta məseri ro rɔŋaŋ. 6kaŋ kɔnɛ, aŋ kɔth ka tapet bɛ, aŋ tɔri ȧkɛra kəfinɔ ka Kuru, kaŋ yenkəs aŋboma dɛr o dɛr.
7Hɛrɔdȧŋ ɔbȧy ɔ təl bɛ ȧte ɔ yɔ, ɔwa pə kɛtha kɔ pəkasifɛ afəm alɔm aŋ pa, Yɔnȧŋ ɔ po yokanɛ ka rafi. 8Alɔm aŋ pa, Ilaya kɔnɔ kȧl der; alɔm aŋ pa, Ukin ka aŋnabi akur ɔ kȧl yokanɛ. 9Hɛrɔdȧŋ ɔ pa, Yɔnȧŋ i po gbetha rȧbomp rɔŋ, kɛrɛ kanɛ ɔwe ta ɔwe mə i təl mȧtȧy məwunɔŋ-e? Kɔ fela tə kənəŋk kɔ.
10Ma aŋsom aŋ po kalanɛ-e, aŋ tɔri kɔ mȧtȧy bɛ ama aŋ po yɔ. Kɔ wur ri ɔ kera ŋa dɛr ɔyeŋ ɔfati ka kȧpet ȧke a bont ro Bɛthsayda. 11Ɔwa ma aŋfəm aŋ tȧrȧ ti-e, aŋ tȧŋ kɔ. Ɔ malanɛ ŋa finɔ, kɔ kanɛ ŋa ta rȧbȧy ra Kuru, kɔ damər ŋaŋ aŋa yema kȧmȧ ɔ damər ŋa. 12Ma aret rə yema wɔŋ-e, aŋtɔfɔt ŋarəŋ aŋ der aŋ pa ro ŋɔŋ, Lemnɛ aŋfəm kȧmȧ aŋ kɔnɛ ka tapet yi ka ȧŋthɔf aŋa gbətɔ nɔ tə kəyianɛ dɛ yi tə kəthɛns ra rədi, kotȧy-e saŋ sə yi nɔ ka ɔdɛr ɔyeŋ. 13Kɛrɛ kɔnɔ ɔ pa ro rɔŋaŋ. Sɔŋ ŋa nu yɛt ɛdi. Kaŋ pa, Sə ba gbo təbo tamath yi ɛlop ŋarəŋ; thambe sə kɔ wai yɛt ɛdi ta aŋfəm aŋe bɛ. 14kotȧy-e aŋfəm aruni aŋ yi mɔlɔ ma ɛwul tamath. Kɔ pa ka aŋkarande ŋɔŋ, Yɔ ŋa aŋ yirȧ ɛniŋki mɔlɔ ma təgba tərəŋ tɔfɔt, təgba tərəŋ tɔfɔt. 15kaŋ yɔ yaŋ, aŋ yɔ ŋa bɛ aŋ yirȧ. 16kɔ gbasi tabo tamath yi ɛlop ŋarəŋ, kɔ lakthi ɛfɔr ka Kuru, ɔ ruba ti, kɔ siməth ti, ɔ sɔŋ ti ka aŋkarande tə kəbot ti rodi ka aŋfəm. 17Ɔwa aŋ di, ka ŋa bɛ aŋ namra. Ka a gbas ɛbɛm ɛyɛ tianɛ, a lasər təbəlai tɔfɔt tərəŋ.
18Ka pə re yi ma ɔ ramnɛ kɔn son-e, aŋkarande ŋɔŋ aŋ der ro ŋɔŋ, kɔ yif ŋa, ɔ pa, Kanɛ aŋfəm mə aŋ pa minɛ i yi-e? 19kaŋ lasianɛ kɔ, aŋ pa, Yɔn ɔbaptist, kɛrɛ alɔm aŋ pa, Ilaya; ɔwa alɔm aŋ pa, Ukin ka aŋnabi akur ɔ yokanɛ. 20kɔ pa ro rɔŋaŋ, Kɛrɛ naŋ, kanɛ nə pa minɛ i yi-e? Ka Pitaŋ ma ɔ lasianɛ kɔ ɔ pa, ƆKrayst ka Kuru. 21kɔ maŋ ŋa, ɔ yamari ŋa kȧmȧ aŋ te kanɛ wuni o wuni; 22ɔ tɔri ŋa kəpa ɔWan ka wuni ɔ ba tə kənakasi mȧtȧy məlai, aŋbȧki yi aŋfode yi aŋkarmɔkɔ aŋ tə kasi kɔ, ɔwa a tə dif kɔ. Ka ȧŋrey aŋa bekȧ məsas-e ɔ ba tə kəkal yokanɛ. 23Ka Yisɔs ɔ pa ka ŋa bɛ, Bepi wuni o wuni ɔ yema tȧŋ mi-e, ta ɔ kasisnɛ, ɔ gbasi akənt kɔŋ kəpəŋkinɛ ȧrey o rei, ɔ tȧŋ mi. 24kotȧy-e wuni o wuni ɔwe yema kisis aŋesəm ŋɔŋ, ɔ tə dim ŋi; kɛrɛ wuni o wuni ɔwe mə dim aŋesəm ŋɔŋ salata minɛ, ɔkati ɔ tə kisis ŋi. 25Ko ŋani aŋ yi ta wuni bepi ɔ sɔthɔ ȧdȧru bɛ, ɔwa ɔ dim thalɔm ɔ sɔnd aŋesəm ŋɔŋ-e? 26Tiyȧŋ wuni o wuni ɔwe mə lap mi yi ȧsim ta mi-e, ɔWan ka wuni ɔ tə lap kɔ ma mɔ der ka aŋyiki ŋɔŋ, yi aŋa ɔKas kɔŋ, yi aŋa aŋmȧleka asəm. 27Kɛrɛ i kanɛ nu təteŋ, afəm alɔm aŋ təmȧ nɔ, aŋ ba hɛ kətham rəfi haŋ aŋ nənk rȧbȧy ra Kuru.
28Ka pə re yi mɔlɔ ma mərey tamthərɛsas kədarəŋ ka mapa ame, ɔ kɔnɛ ka kateŋ tə kəramnɛ, ɔwa ɔ ba Pitaŋ, Yɔnȧŋ yi Yeməsȧŋ. 29Ɔwa ma ɔ ramnɛ-e, ader rɔŋ rə lafthɛ, ɔwa ȧsuma tɔŋ tə səkɛ təfera təgbɛntha. 30Ɔwa kəla, afəm ŋarəŋ aŋ fɔfȧnɛ kɔ, aŋ yi Mosisȧŋ yi Ilayaŋ. 31Aŋ tɔrinɛ yi ayiki, aŋ fɔf ta rafi rɔŋ ara ɔ ba tə kəfi ro Yerusalɛm. 32Kɛrɛ mərey mə bȧk Pitaŋ yi aŋa yi yi kɔnɔ; kɛrɛ maŋ po thəmɛ-e, aŋ nənk aŋyiki ŋɔŋ yi aŋfəm ŋarəŋ aŋa təmȧ yi kɔnɔŋ-e. 33Ka pə re yi maŋ bɔ kɔnɛ-e Pita ɔ pa ka Yisɔsȧŋ, Pa, pə yi ɔfinɔ ta ȧtȧ su tə kəyi nɔ; ta sə bɛmpa ɛgbɔm ɛsas, ŋin ta ȧtȧ mu, ŋin ta Mosis, ɔwa ŋin ta Ilaya; ɔ tɛ hɛ ȧte ɔ pa. 34Mɔ mɔ fɔf mȧtȧy ame-e, kərənt kə thor, kə gbəpər ŋa, kaŋ nesa maŋ wɔŋ ka karənt. 35Ka rim rə wur ka karənt, rə pa, ƆWan kȧmi kɔnɔ ɔwe, ɔthith kȧmi. Təla kɔ nu. 36Ma ȧrim rə thas-e, Yisɔsȧŋ ɔ tiyȧ kɔn son. Ka aŋ taŋk, aŋ kanɛ hɛ wuni o wuni ka mȧrey mati ta ȧtȧy ȧte aŋ po nənk.
37Ka pə re yi ka ȧŋrey aŋa tanda-e, maŋ thor ka kateŋ-e, afəm agbȧthi aŋ bəp kɔ. 38Ɔwa kəla, ulaŋgba kətɔŋ ka ȧruniya ɔ ŋata rim, ɔ pa, Karmɔkɔ, ɔmari mu kəli ɔwan uruni kȧmi; kotȧy-e kɔnɔ yi ɔwan kȧmi gbo son. 39Ɔwa kəla, ukərəfi ɔ tə wop kɔ, ɔwa ka ɔlɛmp wati ɔ tə sel ɛrɔŋ; ɔ tə gbɔsi gbɔsi kɔ haŋ ɔ wur kəfoth, ɔwa kəter kɔ pə yi ɔbaki mədɛr thas gbo ɔ po yɔ kɔ ɔbaŋ sɔbɛ. 40Ɔwa i nɛmthɛnɛ aŋkarande a mu tə kəwura kɔ, kɛrɛ aŋ gbəli hɛ. 41Ɔwa Yisɔs ɔ pa, O rəkomra rələs rəte ba kȧlanɛ, to mɛ i ba kəwon yi naŋ-e, ɔwa i muyu nu-e? Kara ɔwan ka mu nɔ. 42Ma ɔ yi ras ka kəder-e, ɔkərəfi ɔ napanɛ kɔ ro thɔf, ɔ yɔ kɔ ɔbaŋ. Ɔwa Yisɔs ɔ ŋal ɔkərəfi uləs, kɔ yenkəs ɔwath uruni, kɔ kȧl lȧnki kɔ ka ɔkas kɔŋ. 43Ɔwa afəm bɛ aŋ kabanɛ aŋfɔsɔ abana ŋa Kuru. Kɛrɛ ma ŋa bɛ aŋ kabanɛ ka mȧtȧy ama Yisɔs ɔ po yɔ, ɔ pa ka aŋkarande ŋɔŋ, 44Yɔ ȧsim ȧte tə wɔŋ ka ɛləns ɛ nu, pəkasifɛ a tə lȧnki ɔWan ka wuni ka mȧta ma aŋfəm.
45Kɛrɛ pə sɔk hɛ ŋa ta ȧŋpa aŋe, a maŋk ŋa ŋi kȧmȧ aŋ te ŋi tȧrȧ. Kaŋ nesa tə kəyif kɔ ta ȧŋpa aŋe. 46Ɔwa ȧthonka aŋ bɔ yi kətɔŋ ka ŋaŋ ta ɔwe yi ubana uthasi bɛ. 47Kɛrɛ ma Yisɔsȧŋ ɔ tȧrȧ ɛnanɛ ya ɛmerȧ yaŋ-e, ɔ gbasi wath ufɛth, kɔ təmər kɔ rayɛr kɔŋ, 48ɔ pa ro rɔŋaŋ, Wuni o wuni ɔwe malanɛ ɔwath ufɛth ɔwe ka ȧŋes a mi, minɛŋ ɔ malanɛ; ɔwa wuni o wuni ɔwe mə malanɛ mi ɔ malanɛ kɔn ɔwe som mi, kotȧy-e ɔwe tha yi ulɔl bɛ kətɔŋ ka nu, kɔnɔ yi ubana.
49Ka Yɔnȧŋ ɔ lasi ɔ pa, Pa, sə nənk ulɔm ɔ wurɔ akərəfi ka ȧŋes a mu, ɔwa sə ŋal kɔ kotȧy-e ɔ tȧŋ hɛ su. 50Ka Yisɔsȧŋ ɔ pa ro ŋɔŋ, Te ŋal kɔ, kotȧy-e wuni ɔwe te su ŋamnɛ, ɔ yi ta ȧtȧ su.
51Ka pə re yi ma ȧŋlɔkɔ aŋ po fat kȧmȧ a malanɛ kɔ rokɔm, ɔ bȧksər tə kəkɔ ro Yerusalɛm. 52kɔ som asom tə kətəma kɔ kədi, kaŋ kɔnɛ, aŋ wɔŋ rə kəpet ka aŋSameriya tə kəbɛnɛnɛ ta atɔŋ. 53Kɛrɛ aŋ malanɛ hɛ kɔ ȧtesoma-e ader rɔŋ rə lomanɛ ro Yerusalɛm. 54Ma aŋkarande ŋɔŋ Yeməsȧŋ yi Yɔnȧŋ aŋ nənk ti-e, aŋ pa, Pa, mə yema sə yamari nȧnt nə thor kəwur ka ȧkuru tə kədim ŋa ri-i? 55kɔ fəlɛ ɔ ŋal ŋa, ɔ pa, Nə tɛ hɛ ko ayina nə ba, 56kotȧy-e ɔWan ka wuni ɔ der hɛ tə kədim afəm kɛrɛ tə kəkisis ŋa. Kaŋ kɔnɛ rə kəpet kəlɔm.
57Ka pə re yi maŋ yi ro roŋ-e, wuni lɔm ɔ pa ro ŋɔŋ, Pa, i ti tȧŋ mu dɛr o dɛr mȧ mə kɔ. 58Yisɔsȧŋ ɔ pa ro ŋɔŋ, Ɛgbogboro aŋ ba təyaŋka, ɛbȧmp ya aŋfena aŋ ba ɛseth, kɛrɛ ɔWan ka wuni ɔ ba hɛ dɛr ro mɔ bot rȧbomp rɔŋ. 59kɔ pa ka ulɔm, Tȧŋ mi, kɛrɛ ɔ pa, Pa, ter mi kȧmȧ i mɔtha kɔ maŋk ɔkas kȧmi. 60Yisɔsȧŋ ɔ pa ro ŋɔŋ, Tey aŋfi tə kəmȧnk ȧŋfi ŋaŋ, kɛrɛ munɔŋ, kɔnɛ mə kɔ taməs rȧbȧy ra Kuru. 61Ulɔm sɔ ɔ pa, Pa, minɛ i ti tȧŋ mu, kɛrɛ ter mi ras kȧmȧ i kɔ lemnɛ ŋaŋ aŋa yi ro seth kȧmi. 62Yisɔsȧŋ ɔ pa ro ŋɔŋ, Wuni o wuni ɔwe mə kəli rarəŋ ma ɔ po bot kȧta kɔŋ ka katala-e, ɔ bek hɛ ta rȧbȧy ra Kuru.
Iliyochaguliwa sasa
Luk 9: TMNNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.
Luk 9
9
1Ka Yisɔs ɔ tela aŋkarande ŋɔŋ tɔfɔt ŋarəŋ, kɔ sɔŋ ŋa afɔsɔ rokɔm ka akərəfi bɛ, yi tə kədamər tətu. 2kɔ som ŋa tə kətaməs rȧbȧy ra Kuru, ɔwa, tə kəyeŋkəs aŋboma. 3kɔ pa ro ŋaŋ, Te nu kera rəka o rəka ka ȧŋbiyas a nu, kətək-o, agbaŋfa-o, kəbo-o, akala-o; ɔwa ta ukin ka nu ɔ te ba suma tərəŋ. 4Ɔwa rə aseth o seth nə wɔŋ-e, yianɛ ri nu haŋ nə kȧlanɛ. 5Ɔwa aŋfəm aŋa mə te malanɛ nu-e, ma nə wur ka kȧpet kati, koŋkoŋ nu kabof ka ȧtȧtək ta nu ta məseri ro rɔŋaŋ. 6kaŋ kɔnɛ, aŋ kɔth ka tapet bɛ, aŋ tɔri ȧkɛra kəfinɔ ka Kuru, kaŋ yenkəs aŋboma dɛr o dɛr.
7Hɛrɔdȧŋ ɔbȧy ɔ təl bɛ ȧte ɔ yɔ, ɔwa pə kɛtha kɔ pəkasifɛ afəm alɔm aŋ pa, Yɔnȧŋ ɔ po yokanɛ ka rafi. 8Alɔm aŋ pa, Ilaya kɔnɔ kȧl der; alɔm aŋ pa, Ukin ka aŋnabi akur ɔ kȧl yokanɛ. 9Hɛrɔdȧŋ ɔ pa, Yɔnȧŋ i po gbetha rȧbomp rɔŋ, kɛrɛ kanɛ ɔwe ta ɔwe mə i təl mȧtȧy məwunɔŋ-e? Kɔ fela tə kənəŋk kɔ.
10Ma aŋsom aŋ po kalanɛ-e, aŋ tɔri kɔ mȧtȧy bɛ ama aŋ po yɔ. Kɔ wur ri ɔ kera ŋa dɛr ɔyeŋ ɔfati ka kȧpet ȧke a bont ro Bɛthsayda. 11Ɔwa ma aŋfəm aŋ tȧrȧ ti-e, aŋ tȧŋ kɔ. Ɔ malanɛ ŋa finɔ, kɔ kanɛ ŋa ta rȧbȧy ra Kuru, kɔ damər ŋaŋ aŋa yema kȧmȧ ɔ damər ŋa. 12Ma aret rə yema wɔŋ-e, aŋtɔfɔt ŋarəŋ aŋ der aŋ pa ro ŋɔŋ, Lemnɛ aŋfəm kȧmȧ aŋ kɔnɛ ka tapet yi ka ȧŋthɔf aŋa gbətɔ nɔ tə kəyianɛ dɛ yi tə kəthɛns ra rədi, kotȧy-e saŋ sə yi nɔ ka ɔdɛr ɔyeŋ. 13Kɛrɛ kɔnɔ ɔ pa ro rɔŋaŋ. Sɔŋ ŋa nu yɛt ɛdi. Kaŋ pa, Sə ba gbo təbo tamath yi ɛlop ŋarəŋ; thambe sə kɔ wai yɛt ɛdi ta aŋfəm aŋe bɛ. 14kotȧy-e aŋfəm aruni aŋ yi mɔlɔ ma ɛwul tamath. Kɔ pa ka aŋkarande ŋɔŋ, Yɔ ŋa aŋ yirȧ ɛniŋki mɔlɔ ma təgba tərəŋ tɔfɔt, təgba tərəŋ tɔfɔt. 15kaŋ yɔ yaŋ, aŋ yɔ ŋa bɛ aŋ yirȧ. 16kɔ gbasi tabo tamath yi ɛlop ŋarəŋ, kɔ lakthi ɛfɔr ka Kuru, ɔ ruba ti, kɔ siməth ti, ɔ sɔŋ ti ka aŋkarande tə kəbot ti rodi ka aŋfəm. 17Ɔwa aŋ di, ka ŋa bɛ aŋ namra. Ka a gbas ɛbɛm ɛyɛ tianɛ, a lasər təbəlai tɔfɔt tərəŋ.
18Ka pə re yi ma ɔ ramnɛ kɔn son-e, aŋkarande ŋɔŋ aŋ der ro ŋɔŋ, kɔ yif ŋa, ɔ pa, Kanɛ aŋfəm mə aŋ pa minɛ i yi-e? 19kaŋ lasianɛ kɔ, aŋ pa, Yɔn ɔbaptist, kɛrɛ alɔm aŋ pa, Ilaya; ɔwa alɔm aŋ pa, Ukin ka aŋnabi akur ɔ yokanɛ. 20kɔ pa ro rɔŋaŋ, Kɛrɛ naŋ, kanɛ nə pa minɛ i yi-e? Ka Pitaŋ ma ɔ lasianɛ kɔ ɔ pa, ƆKrayst ka Kuru. 21kɔ maŋ ŋa, ɔ yamari ŋa kȧmȧ aŋ te kanɛ wuni o wuni; 22ɔ tɔri ŋa kəpa ɔWan ka wuni ɔ ba tə kənakasi mȧtȧy məlai, aŋbȧki yi aŋfode yi aŋkarmɔkɔ aŋ tə kasi kɔ, ɔwa a tə dif kɔ. Ka ȧŋrey aŋa bekȧ məsas-e ɔ ba tə kəkal yokanɛ. 23Ka Yisɔs ɔ pa ka ŋa bɛ, Bepi wuni o wuni ɔ yema tȧŋ mi-e, ta ɔ kasisnɛ, ɔ gbasi akənt kɔŋ kəpəŋkinɛ ȧrey o rei, ɔ tȧŋ mi. 24kotȧy-e wuni o wuni ɔwe yema kisis aŋesəm ŋɔŋ, ɔ tə dim ŋi; kɛrɛ wuni o wuni ɔwe mə dim aŋesəm ŋɔŋ salata minɛ, ɔkati ɔ tə kisis ŋi. 25Ko ŋani aŋ yi ta wuni bepi ɔ sɔthɔ ȧdȧru bɛ, ɔwa ɔ dim thalɔm ɔ sɔnd aŋesəm ŋɔŋ-e? 26Tiyȧŋ wuni o wuni ɔwe mə lap mi yi ȧsim ta mi-e, ɔWan ka wuni ɔ tə lap kɔ ma mɔ der ka aŋyiki ŋɔŋ, yi aŋa ɔKas kɔŋ, yi aŋa aŋmȧleka asəm. 27Kɛrɛ i kanɛ nu təteŋ, afəm alɔm aŋ təmȧ nɔ, aŋ ba hɛ kətham rəfi haŋ aŋ nənk rȧbȧy ra Kuru.
28Ka pə re yi mɔlɔ ma mərey tamthərɛsas kədarəŋ ka mapa ame, ɔ kɔnɛ ka kateŋ tə kəramnɛ, ɔwa ɔ ba Pitaŋ, Yɔnȧŋ yi Yeməsȧŋ. 29Ɔwa ma ɔ ramnɛ-e, ader rɔŋ rə lafthɛ, ɔwa ȧsuma tɔŋ tə səkɛ təfera təgbɛntha. 30Ɔwa kəla, afəm ŋarəŋ aŋ fɔfȧnɛ kɔ, aŋ yi Mosisȧŋ yi Ilayaŋ. 31Aŋ tɔrinɛ yi ayiki, aŋ fɔf ta rafi rɔŋ ara ɔ ba tə kəfi ro Yerusalɛm. 32Kɛrɛ mərey mə bȧk Pitaŋ yi aŋa yi yi kɔnɔ; kɛrɛ maŋ po thəmɛ-e, aŋ nənk aŋyiki ŋɔŋ yi aŋfəm ŋarəŋ aŋa təmȧ yi kɔnɔŋ-e. 33Ka pə re yi maŋ bɔ kɔnɛ-e Pita ɔ pa ka Yisɔsȧŋ, Pa, pə yi ɔfinɔ ta ȧtȧ su tə kəyi nɔ; ta sə bɛmpa ɛgbɔm ɛsas, ŋin ta ȧtȧ mu, ŋin ta Mosis, ɔwa ŋin ta Ilaya; ɔ tɛ hɛ ȧte ɔ pa. 34Mɔ mɔ fɔf mȧtȧy ame-e, kərənt kə thor, kə gbəpər ŋa, kaŋ nesa maŋ wɔŋ ka karənt. 35Ka rim rə wur ka karənt, rə pa, ƆWan kȧmi kɔnɔ ɔwe, ɔthith kȧmi. Təla kɔ nu. 36Ma ȧrim rə thas-e, Yisɔsȧŋ ɔ tiyȧ kɔn son. Ka aŋ taŋk, aŋ kanɛ hɛ wuni o wuni ka mȧrey mati ta ȧtȧy ȧte aŋ po nənk.
37Ka pə re yi ka ȧŋrey aŋa tanda-e, maŋ thor ka kateŋ-e, afəm agbȧthi aŋ bəp kɔ. 38Ɔwa kəla, ulaŋgba kətɔŋ ka ȧruniya ɔ ŋata rim, ɔ pa, Karmɔkɔ, ɔmari mu kəli ɔwan uruni kȧmi; kotȧy-e kɔnɔ yi ɔwan kȧmi gbo son. 39Ɔwa kəla, ukərəfi ɔ tə wop kɔ, ɔwa ka ɔlɛmp wati ɔ tə sel ɛrɔŋ; ɔ tə gbɔsi gbɔsi kɔ haŋ ɔ wur kəfoth, ɔwa kəter kɔ pə yi ɔbaki mədɛr thas gbo ɔ po yɔ kɔ ɔbaŋ sɔbɛ. 40Ɔwa i nɛmthɛnɛ aŋkarande a mu tə kəwura kɔ, kɛrɛ aŋ gbəli hɛ. 41Ɔwa Yisɔs ɔ pa, O rəkomra rələs rəte ba kȧlanɛ, to mɛ i ba kəwon yi naŋ-e, ɔwa i muyu nu-e? Kara ɔwan ka mu nɔ. 42Ma ɔ yi ras ka kəder-e, ɔkərəfi ɔ napanɛ kɔ ro thɔf, ɔ yɔ kɔ ɔbaŋ. Ɔwa Yisɔs ɔ ŋal ɔkərəfi uləs, kɔ yenkəs ɔwath uruni, kɔ kȧl lȧnki kɔ ka ɔkas kɔŋ. 43Ɔwa afəm bɛ aŋ kabanɛ aŋfɔsɔ abana ŋa Kuru. Kɛrɛ ma ŋa bɛ aŋ kabanɛ ka mȧtȧy ama Yisɔs ɔ po yɔ, ɔ pa ka aŋkarande ŋɔŋ, 44Yɔ ȧsim ȧte tə wɔŋ ka ɛləns ɛ nu, pəkasifɛ a tə lȧnki ɔWan ka wuni ka mȧta ma aŋfəm.
45Kɛrɛ pə sɔk hɛ ŋa ta ȧŋpa aŋe, a maŋk ŋa ŋi kȧmȧ aŋ te ŋi tȧrȧ. Kaŋ nesa tə kəyif kɔ ta ȧŋpa aŋe. 46Ɔwa ȧthonka aŋ bɔ yi kətɔŋ ka ŋaŋ ta ɔwe yi ubana uthasi bɛ. 47Kɛrɛ ma Yisɔsȧŋ ɔ tȧrȧ ɛnanɛ ya ɛmerȧ yaŋ-e, ɔ gbasi wath ufɛth, kɔ təmər kɔ rayɛr kɔŋ, 48ɔ pa ro rɔŋaŋ, Wuni o wuni ɔwe malanɛ ɔwath ufɛth ɔwe ka ȧŋes a mi, minɛŋ ɔ malanɛ; ɔwa wuni o wuni ɔwe mə malanɛ mi ɔ malanɛ kɔn ɔwe som mi, kotȧy-e ɔwe tha yi ulɔl bɛ kətɔŋ ka nu, kɔnɔ yi ubana.
49Ka Yɔnȧŋ ɔ lasi ɔ pa, Pa, sə nənk ulɔm ɔ wurɔ akərəfi ka ȧŋes a mu, ɔwa sə ŋal kɔ kotȧy-e ɔ tȧŋ hɛ su. 50Ka Yisɔsȧŋ ɔ pa ro ŋɔŋ, Te ŋal kɔ, kotȧy-e wuni ɔwe te su ŋamnɛ, ɔ yi ta ȧtȧ su.
51Ka pə re yi ma ȧŋlɔkɔ aŋ po fat kȧmȧ a malanɛ kɔ rokɔm, ɔ bȧksər tə kəkɔ ro Yerusalɛm. 52kɔ som asom tə kətəma kɔ kədi, kaŋ kɔnɛ, aŋ wɔŋ rə kəpet ka aŋSameriya tə kəbɛnɛnɛ ta atɔŋ. 53Kɛrɛ aŋ malanɛ hɛ kɔ ȧtesoma-e ader rɔŋ rə lomanɛ ro Yerusalɛm. 54Ma aŋkarande ŋɔŋ Yeməsȧŋ yi Yɔnȧŋ aŋ nənk ti-e, aŋ pa, Pa, mə yema sə yamari nȧnt nə thor kəwur ka ȧkuru tə kədim ŋa ri-i? 55kɔ fəlɛ ɔ ŋal ŋa, ɔ pa, Nə tɛ hɛ ko ayina nə ba, 56kotȧy-e ɔWan ka wuni ɔ der hɛ tə kədim afəm kɛrɛ tə kəkisis ŋa. Kaŋ kɔnɛ rə kəpet kəlɔm.
57Ka pə re yi maŋ yi ro roŋ-e, wuni lɔm ɔ pa ro ŋɔŋ, Pa, i ti tȧŋ mu dɛr o dɛr mȧ mə kɔ. 58Yisɔsȧŋ ɔ pa ro ŋɔŋ, Ɛgbogboro aŋ ba təyaŋka, ɛbȧmp ya aŋfena aŋ ba ɛseth, kɛrɛ ɔWan ka wuni ɔ ba hɛ dɛr ro mɔ bot rȧbomp rɔŋ. 59kɔ pa ka ulɔm, Tȧŋ mi, kɛrɛ ɔ pa, Pa, ter mi kȧmȧ i mɔtha kɔ maŋk ɔkas kȧmi. 60Yisɔsȧŋ ɔ pa ro ŋɔŋ, Tey aŋfi tə kəmȧnk ȧŋfi ŋaŋ, kɛrɛ munɔŋ, kɔnɛ mə kɔ taməs rȧbȧy ra Kuru. 61Ulɔm sɔ ɔ pa, Pa, minɛ i ti tȧŋ mu, kɛrɛ ter mi ras kȧmȧ i kɔ lemnɛ ŋaŋ aŋa yi ro seth kȧmi. 62Yisɔsȧŋ ɔ pa ro ŋɔŋ, Wuni o wuni ɔwe mə kəli rarəŋ ma ɔ po bot kȧta kɔŋ ka katala-e, ɔ bek hɛ ta rȧbȧy ra Kuru.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.