Mathiu 11
11
1Ka pǝ re yi ma Yisɔsȧŋ ɔ po yamari aŋkarande ŋɔŋ tɔfɔt ŋarǝŋ-e, ɔ wur ri tǝ kǝthǝksa dɛ yi tǝ kǝtam ka tapet taŋ.
2Ma Yɔnȧŋ ɔ tǝl ka ȧŋseth ŋa tȧrǝŋka mȧyɔs ma Kraist-e, ɔ som akarande ŋɔŋ ŋarǝŋ. 3kaŋ pa ro ŋɔŋ, Munɔ yi kɔn ɔwe ba kǝder-i, thalɔm sǝ ba tǝ kǝkǝli ta ulɔm-i? 4Ka Yisɔsȧŋ ɔ lasi ɔ pa ro ŋaŋ, Kɔnɛ nǝ tɔri Yɔn mȧtȧy ama nǝ tǝl dɛ yi ama nǝ nənk. 5Aŋfith aŋ sɔthɔ kakǝli ka ŋaŋ, aŋtǝtkɛ aŋ kɔth, aŋa ba rǝlel-e, a fethǝr ŋa, aŋtȧŋȧ aŋ tǝl, a yokas aŋfi-e, ɔwa a tɔri ȧkɛra kǝfinɔ ka Kuru ka ȧŋmɔnɛ. 6Ɔwa wuni ka aruba wɔŋ ɔwe te fir tȧy tǝpǝnthbǝla ro rɔmi.
7Maŋ po kɔnɛ-e, Yisɔs ɔ tǝp kǝpa ka ȧsuniya ta salata Yɔn, Ko tȧy tȧŋ nǝ kɔ ro wula tǝ kǝkǝli-e? Kǝthȧŋkɛ ȧke aŋfef aŋ yinktha-i? 8Kɛrɛ ko tȧy tȧŋ nǝ wur tǝ kǝkǝli-e? Wuni ɔwe lopra ɛlopra ɛnɔfthɔ-i? Kǝla, ŋaŋ aŋa wɔŋ ɛlopra ɛnɔfthɔ aŋ yi ka ɛseth ya aŋbȧy. 9Kɛrɛ kɔyɛŋ gbeŋ nǝ wur-e? Tǝ kǝnǝŋk unabi-i? Aŋko i kanɛ nu-e, uthasi unabi. 10Kɔn ɔwe ta ɔwe a gbal kǝpa,
Kǝla i som ɔsom kȧmi roder ka mu kǝdi,
Ɔwe mǝ bɛmpa aroŋ da mu rodi kȧmu.
11Tǝ tɛntɛnɛ i kanɛ nu, kǝtɔŋ ka ŋaŋ aŋa afǝm abom aŋ kom wuni ɔ tha yokanɛ hɛ ɔwe yi ubana uthasi Yɔnȧŋ ɔBaftays. Kɛrɛ ɔwe yi ɔlɔl thɔŋ bɛ ka rȧbȧy ra ro riyana ɔ yi ubana uthasi kɔ. 12Kǝtǝp ka mȧrey ma Yɔn ɔBaftays haŋ ka ȧŋlɔkɔ aŋe rȧbȧy ra ro riyana rǝ tǝlnɛ afɔsɔ-e, ɔwa aŋfǝm ŋa afɔsɔ aŋ gbasi ŋi rǝ afɔsɔ. 13kotȧy-e aŋnabi yi aŋthɔ aŋ nȧbi haŋ ka kȧder ka Yɔn. 14Ɔwa bepi nǝ selɔ tǝ kǝmalanɛ ti-e, Ilaya kɔn ɔwe, ɔwe ba tǝ kǝder. 15Ɔwe ba ɛlǝns ta ɔ tǝl.
16Ko rǝka raŋ mǝ i lomɔ rȧkomra are-e? Rǝ bȧlȧnɛ mɔ afɛth aŋa yirȧ ka ɔdɛr ɔthila, aŋ muti aŋkos ŋaŋ,
17kaŋ pa, Sǝ fɛŋa nu tulɛŋ, nǝ thɔmɔ hɛ; sǝ leŋa nu mǝleŋ ma rǝbora,
kɛrɛ nǝ bok hɛ. 18kotȧy-e Yɔnȧŋ ɔ der hɛ rǝ kǝdi thalɔm rǝ kǝmun, kaŋ pa, Ɔ ba ukǝrǝfi.
19ƆWan ka wuni ɔ der rǝ kǝdi dɛ yi rǝ kǝmun, ɔwa aŋ pa, Kǝli ulaŋgba uwɔnthi rɛ umun ubana-e, uyathki ka aŋthoŋkla ɛfȧk yi aŋfǝm ŋa ɛhakɛ. Kɛrɛ kǝtemp kǝ tǝ sɔthɔ mǝmari ka mȧyɔs mati.
20Ka ȧŋlɔkɔ ŋati ɔ tǝp kǝthɛkɛ tapet ro ɔ tha po yɔ mȧyɔs mɔŋ mǝkabanɛ, pǝkasifɛ aŋ thupi hɛ, kɔ pa, 21Mɔnɛ ro mu Korasin! Mɔnɛ ro mu Bɛthsayda! kotȧy-e bepi mȧyɔs mǝkabanɛ ama a po yɔ kǝtɔŋ ka nu-e, a yɔ ma naŋ ro Tair dɛ yi ro Sidon-e, aŋ tǝ po naŋ thupi ɔwoni rǝ kotha kǝnɛthɛ dɛ yi rǝ ros. 22Kɛrɛ i kanɛ nu, pǝ tǝ yi ɔfisa ta ro Tair yi ro Sidon ka ȧŋrey ŋa kǝthoŋkas pǝthasi nu. 23Ɔwa munɔ Kepaniyɔm, a tǝ ŋata mu ro riana-i? A tǝ thora mu ro kǝrǝfi! kotȧy-e bepi aŋ po naŋ yɔ mȧyɔs mǝkabanɛ ro Sɔdɔm ama a po yɔ ro mu-e, kǝ tǝ tǝma naŋ haŋ ka-ake. 24Kɛrɛ i kanɛ nu, pǝ tǝ yi ɔfisa ta ȧŋthɔf ŋa ro Sɔdɔm ka ȧŋrey ŋa kǝthoŋkas pǝthasi munɔ.
25Ka ȧŋlɔkɔ ŋati Yisɔsȧŋ ɔ pa, I mɔmɔ mu, ɔKas ɔMarki ka ro riyana yi ȧdȧru, pǝkasifɛ mǝ po maŋk mȧtȧy ame ka aŋtempi yi aŋtara tȧy, ɔwa mǝ ŋaibi ma ka tǝlɛnth. 26Aŋko, ɔKas, ȧtesoma-e ya pǝ yi ɔfinɔ ka kakǝli ka mu. 27ƆKas kȧmi ɔ po sɔŋ mi mətȧy bɛ, ɔwa wuni o wuni ɔ tɛ hɛ ɔWan thambe ɔKas; ɔwa wuni o wuni ɔ tɛ hɛ ɔKas thambe ɔWan dɛ yi ka ɔwe ɔWan ɔ yema tǝ kǝŋaibi kɔ. 28Der nu ro rɔmi, naŋ bɛ aŋa mǝ thɔrɔ dɛ yi aŋa ba tothe tǝlel, ɔwa i ti sɔŋ nu kǝfothanɛ. 29Gbasi kȧronke kȧmi nǝ rǝnȧ ki, kȧmȧ nǝ thǝkǝs ro rɔmi; kotȧy-e min thɔfǝl bɛm, i kȧl ba ȧmerȧ athoranɛ, ɔwa nǝ tǝ fir kǝfothanɛ ka ɛŋesǝm ɛ nu. 30kotȧy-e kȧronke kȧmi kǝ tui hɛ tȧy, ɔwa akothe kȧmi kǝ fǝŋf.
Iliyochaguliwa sasa
Mathiu 11: TMNNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.
Mathiu 11
11
1Ka pǝ re yi ma Yisɔsȧŋ ɔ po yamari aŋkarande ŋɔŋ tɔfɔt ŋarǝŋ-e, ɔ wur ri tǝ kǝthǝksa dɛ yi tǝ kǝtam ka tapet taŋ.
2Ma Yɔnȧŋ ɔ tǝl ka ȧŋseth ŋa tȧrǝŋka mȧyɔs ma Kraist-e, ɔ som akarande ŋɔŋ ŋarǝŋ. 3kaŋ pa ro ŋɔŋ, Munɔ yi kɔn ɔwe ba kǝder-i, thalɔm sǝ ba tǝ kǝkǝli ta ulɔm-i? 4Ka Yisɔsȧŋ ɔ lasi ɔ pa ro ŋaŋ, Kɔnɛ nǝ tɔri Yɔn mȧtȧy ama nǝ tǝl dɛ yi ama nǝ nənk. 5Aŋfith aŋ sɔthɔ kakǝli ka ŋaŋ, aŋtǝtkɛ aŋ kɔth, aŋa ba rǝlel-e, a fethǝr ŋa, aŋtȧŋȧ aŋ tǝl, a yokas aŋfi-e, ɔwa a tɔri ȧkɛra kǝfinɔ ka Kuru ka ȧŋmɔnɛ. 6Ɔwa wuni ka aruba wɔŋ ɔwe te fir tȧy tǝpǝnthbǝla ro rɔmi.
7Maŋ po kɔnɛ-e, Yisɔs ɔ tǝp kǝpa ka ȧsuniya ta salata Yɔn, Ko tȧy tȧŋ nǝ kɔ ro wula tǝ kǝkǝli-e? Kǝthȧŋkɛ ȧke aŋfef aŋ yinktha-i? 8Kɛrɛ ko tȧy tȧŋ nǝ wur tǝ kǝkǝli-e? Wuni ɔwe lopra ɛlopra ɛnɔfthɔ-i? Kǝla, ŋaŋ aŋa wɔŋ ɛlopra ɛnɔfthɔ aŋ yi ka ɛseth ya aŋbȧy. 9Kɛrɛ kɔyɛŋ gbeŋ nǝ wur-e? Tǝ kǝnǝŋk unabi-i? Aŋko i kanɛ nu-e, uthasi unabi. 10Kɔn ɔwe ta ɔwe a gbal kǝpa,
Kǝla i som ɔsom kȧmi roder ka mu kǝdi,
Ɔwe mǝ bɛmpa aroŋ da mu rodi kȧmu.
11Tǝ tɛntɛnɛ i kanɛ nu, kǝtɔŋ ka ŋaŋ aŋa afǝm abom aŋ kom wuni ɔ tha yokanɛ hɛ ɔwe yi ubana uthasi Yɔnȧŋ ɔBaftays. Kɛrɛ ɔwe yi ɔlɔl thɔŋ bɛ ka rȧbȧy ra ro riyana ɔ yi ubana uthasi kɔ. 12Kǝtǝp ka mȧrey ma Yɔn ɔBaftays haŋ ka ȧŋlɔkɔ aŋe rȧbȧy ra ro riyana rǝ tǝlnɛ afɔsɔ-e, ɔwa aŋfǝm ŋa afɔsɔ aŋ gbasi ŋi rǝ afɔsɔ. 13kotȧy-e aŋnabi yi aŋthɔ aŋ nȧbi haŋ ka kȧder ka Yɔn. 14Ɔwa bepi nǝ selɔ tǝ kǝmalanɛ ti-e, Ilaya kɔn ɔwe, ɔwe ba tǝ kǝder. 15Ɔwe ba ɛlǝns ta ɔ tǝl.
16Ko rǝka raŋ mǝ i lomɔ rȧkomra are-e? Rǝ bȧlȧnɛ mɔ afɛth aŋa yirȧ ka ɔdɛr ɔthila, aŋ muti aŋkos ŋaŋ,
17kaŋ pa, Sǝ fɛŋa nu tulɛŋ, nǝ thɔmɔ hɛ; sǝ leŋa nu mǝleŋ ma rǝbora,
kɛrɛ nǝ bok hɛ. 18kotȧy-e Yɔnȧŋ ɔ der hɛ rǝ kǝdi thalɔm rǝ kǝmun, kaŋ pa, Ɔ ba ukǝrǝfi.
19ƆWan ka wuni ɔ der rǝ kǝdi dɛ yi rǝ kǝmun, ɔwa aŋ pa, Kǝli ulaŋgba uwɔnthi rɛ umun ubana-e, uyathki ka aŋthoŋkla ɛfȧk yi aŋfǝm ŋa ɛhakɛ. Kɛrɛ kǝtemp kǝ tǝ sɔthɔ mǝmari ka mȧyɔs mati.
20Ka ȧŋlɔkɔ ŋati ɔ tǝp kǝthɛkɛ tapet ro ɔ tha po yɔ mȧyɔs mɔŋ mǝkabanɛ, pǝkasifɛ aŋ thupi hɛ, kɔ pa, 21Mɔnɛ ro mu Korasin! Mɔnɛ ro mu Bɛthsayda! kotȧy-e bepi mȧyɔs mǝkabanɛ ama a po yɔ kǝtɔŋ ka nu-e, a yɔ ma naŋ ro Tair dɛ yi ro Sidon-e, aŋ tǝ po naŋ thupi ɔwoni rǝ kotha kǝnɛthɛ dɛ yi rǝ ros. 22Kɛrɛ i kanɛ nu, pǝ tǝ yi ɔfisa ta ro Tair yi ro Sidon ka ȧŋrey ŋa kǝthoŋkas pǝthasi nu. 23Ɔwa munɔ Kepaniyɔm, a tǝ ŋata mu ro riana-i? A tǝ thora mu ro kǝrǝfi! kotȧy-e bepi aŋ po naŋ yɔ mȧyɔs mǝkabanɛ ro Sɔdɔm ama a po yɔ ro mu-e, kǝ tǝ tǝma naŋ haŋ ka-ake. 24Kɛrɛ i kanɛ nu, pǝ tǝ yi ɔfisa ta ȧŋthɔf ŋa ro Sɔdɔm ka ȧŋrey ŋa kǝthoŋkas pǝthasi munɔ.
25Ka ȧŋlɔkɔ ŋati Yisɔsȧŋ ɔ pa, I mɔmɔ mu, ɔKas ɔMarki ka ro riyana yi ȧdȧru, pǝkasifɛ mǝ po maŋk mȧtȧy ame ka aŋtempi yi aŋtara tȧy, ɔwa mǝ ŋaibi ma ka tǝlɛnth. 26Aŋko, ɔKas, ȧtesoma-e ya pǝ yi ɔfinɔ ka kakǝli ka mu. 27ƆKas kȧmi ɔ po sɔŋ mi mətȧy bɛ, ɔwa wuni o wuni ɔ tɛ hɛ ɔWan thambe ɔKas; ɔwa wuni o wuni ɔ tɛ hɛ ɔKas thambe ɔWan dɛ yi ka ɔwe ɔWan ɔ yema tǝ kǝŋaibi kɔ. 28Der nu ro rɔmi, naŋ bɛ aŋa mǝ thɔrɔ dɛ yi aŋa ba tothe tǝlel, ɔwa i ti sɔŋ nu kǝfothanɛ. 29Gbasi kȧronke kȧmi nǝ rǝnȧ ki, kȧmȧ nǝ thǝkǝs ro rɔmi; kotȧy-e min thɔfǝl bɛm, i kȧl ba ȧmerȧ athoranɛ, ɔwa nǝ tǝ fir kǝfothanɛ ka ɛŋesǝm ɛ nu. 30kotȧy-e kȧronke kȧmi kǝ tui hɛ tȧy, ɔwa akothe kȧmi kǝ fǝŋf.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.