Mathiu 20
20
1Ȧtesoma-e rȧbȧy ra ro riyana rǝ bȧlȧnɛ mɔ wuni ɔwe ba kǝfus, kɔ wur bǝth bǝth tǝ kǝyamɔ afǝm tǝ kǝyɔ mǝpanth ka akɔr kɔŋ ka yɛt ɛtɛp ɛgbam. 2Ma ɔ po gbanɛ mɔlɔ yi aŋyɔ mǝpanth ta asiliŋ ta arey ŋin-e, ɔ som ŋa ka akɔr kɔŋ. 3Ma ɔ wur ka aŋhawa aŋa bekȧ mǝsas-e, ɔ nənk alɔm aŋ tǝma ka ɔdɛr ɔthila kǝte ba mǝpanth. 4kɔ pa ro rɔŋaŋ, Naŋ sɔ-e, kɔ nu ka mapanth ro kɔr, ɔwa i ti sɔŋ nu ara yi rǝlompi. Kaŋ kɔnɛ. 5kɔ wur sɔ ka aŋhawa aŋa bekȧ tamthǝrukin yi tamthǝrɛŋanlɛ, kɔ yɔ yi sɔ. 6Ka aŋhawa aŋa bekȧ tɔfɔt ŋin, ɔ wur sɔ-e, kɔ bǝp alɔm aŋ tǝma tǝma gbo, ɔ pa ro ŋaŋ, kɔyɛŋ mǝ nǝ tǝma nɔ pali nǝ te yɔ mǝpanth-e? 7kaŋ pa ro ŋɔŋ, Pǝkasifɛ wuni o wuni ɔ tha yamɔ hɛ su. Kɔ pa ro ŋaŋ, Kɔnɛ nu sɔ ro kɔr, ɔwa ara yi rǝlompi, rǝ i ti sɔŋ nu. 8Ɔwa ma rȧfɔy rǝ bek-e, ɔmarki ka akɔr ɔ pa ka ȧŋbɔy ŋɔŋ ubaki, Tela aŋyɔ mǝpanth, mǝ ram ŋa aŋkala ŋaŋ, mǝ tǝp ka ɔlǝpsɔ mǝ gbanthi ka ɔtɔtɔkɔ. 9Ka ŋaŋ aŋa lǝpsɔ wɔŋ ka mapanth aŋ der, aŋ sɔthɔ ukin o kin asiliŋ. 10Ma aŋtɔtɔkɔ aŋ der-e, aŋ nanɛ kǝpa a tǝ bȧrȧ ŋa, kɛrɛ ŋaŋ sɔ aŋ sɔthɔ ukin o kin asiliŋ. 11Maŋ wop ŋi-e, aŋ fɔfthənɛ ta ɔwe yamɔ ŋa, 12aŋ pa, Aŋe-e, ŋa lǝpsɔ wɔŋ ka mapanth, aŋ bulɔ gbo ahawa ŋin. Ɔwa mǝ po yɔ ŋa aŋ thǝnanɛ yi saŋ-e, saŋ aŋa thɔrɔ ɔlel ka ɔwon wa ȧŋrey. 13Kɛrɛ ɔ wosa, ɔ pa ka ukin ka ŋaŋ, Yathki, i yɔ hɛ mu ɔlǝs. Sǝ gbanɛ hɛ yi munɔ ta asiliŋ-i? 14Gbasi ara yi ara mu, mǝ kɔnɛ. Mȧselɔ ma mi miyɛŋ tǝ kǝsɔŋ aŋlǝpsɔ aŋe mɔ mǝ i po sɔŋ mu. 15Pǝ lomp hɛ ta ȧtȧ mi tǝ kǝyɔ mɔ mǝ i yema yi akɛŋ ka mi-i? thalɔm mǝ ba kǝtut ta mafinɔ ma mi-i? 16Tiyȧŋ aŋlǝpsɔ aŋ tǝ yi ȧtɔtɔkɔ ɔwa aŋtɔtɔkɔ aŋ tǝ yi alǝpsɔ. Kotȧy-e a tela agbȧthi, kɛrɛ a thith athȧn.
17Ɔwa ma Yisɔsȧŋ ɔ bɔ kɔ ro Yerusalɛm-e, ɔ gbasi aŋkarande tɔfɔt ŋarǝŋ rayɛr ka aroŋ, kɔ pa ro ŋaŋ, 18Ɔwa sǝ kɔ ro Yerusalɛm. A tǝ lȧnki ɔWan ka wuni ka aŋfode ȧbana yi aŋkarmɔkɔ ɔwa a tǝ sɔŋ kɔ mǝtheri tǝ kǝfi. 19Aŋ tǝ lȧnki kɔ ka tȧbona tǝlɔm kȧmȧ aŋ sel kɔ, ɔwa aŋ tǝ sap kɔ, aŋ tǝ tȧŋ kɔ ka kǝnt kǝpǝŋkinɛ. Ɔwa ka ȧŋrey aŋa bekȧ mǝsas-e, ɔ tǝ yokanɛ.
20Ka ɔkara ka aŋwuth ŋa Sɛbidi ɔ der ka Yisɔs yi aŋwuth ŋɔŋ aruni, kaŋ bȧtho kɔ, kɔ tholir kɔ tȧy. 21kɔ pa ka ɔya, Ko mǝ yema-e? Ka ɔya ɔ pa ro ŋɔŋ, Yamari kȧmȧ aŋwuth a mi aruni ŋarǝŋ aŋe aŋ yirȧ, ukin ka kȧdiyɔ ka mu, ɔwa ukin ka kȧmɛrɔ ka mu ka rȧbȧy ra mu. 22Kɛrɛ Yisɔsȧŋ ɔ wosa ɔ pa, Nǝ tɛ hɛ ȧte nǝ yif. Nǝ gbǝli mun ka ampɔthi mǝ i re mun-i? A gbǝli baftays nu yi ȧŋbaftisəm aŋa a baftays mi-i? kaŋ pa ro ŋɔŋ, Sǝ gbǝli. 23kɔ pa ro ŋaŋ, Tɛntɛnɛ nǝ tǝ mun ka ampɔthi a mi, ɔwa a tǝ baftays nu yi ȧŋbaftisəm aŋa a baftays mi. Kɛrɛ tǝ kǝyira ka kȧdiyɔ kȧmi yi ka kȧmɛrɔ ka mi-e, tȧy ta mi tǝ kǝsɔŋ thahɔ, kɛrɛ a tǝ sɔŋ ti ka ŋaŋ ta aŋa ɔKas kȧmi ɔ bɛnɛ ti. 24Ma aŋtɔfɔt aŋ tǝl ti-e, pǝ bansȧnɛ ŋa ta aŋwɔnt ŋarǝŋ. 25Kɛrɛ Yisɔs ɔ tela ŋa ro ŋɔŋ, kɔ pa, Nǝ tȧrȧ kǝpa aŋbȧki ŋa tȧbona tǝlɔm aŋ gbǝka ŋa, ɔwa aŋfǝm ŋaŋ ȧbana aŋ yɔ ŋa afɔsɔ. 26Kɛrɛ ya tha mǝ pǝ yi kǝtɔŋ ka nu. Wuni o wuni ɔwe yema yi ubana kǝtɔŋ ka nu, ta ɔ yi ȧbɔy a nu. 27Ɔwa wuni o wuni ɔwe yema yi utɔtɔkɔ, ta ɔ yi utar ka nu; 28mɔ mǝ ɔWan ka wuni ɔ te der kȧmȧ a yɔna kɔ, kɛrɛ tǝ kǝyɔna afǝm, dɛ yi tǝ kǝsɔnd aŋesǝm ŋɔŋ tǝ kǝbani afǝm alai.
29Maŋ wur kǝyɛfǝ ro Yɛriko-e, runiya rǝbana rǝ tȧŋ kɔ. 30Ɔwa afǝm afith ŋarǝŋ aŋ yirȧ ro roŋ rayɛr, ma aŋ tǝl kǝpa Yisɔsȧŋ ɔ thas-e, aŋ sel ɛrɔŋ, aŋ pa, Pa, ba su ȧney, munɔ ɔwan ka Debid. 31Ka ȧruniya rǝ ŋal ŋa kȧmȧ aŋ taŋk, kɛrɛ aŋ bȧr sel ɛrɔŋ, aŋ pa, Pa, ba su ȧney, munɔ ɔwan ka Debid. 32Ka Yisɔs ɔ tǝma son, ɔ tela ŋa ɔ pa, Ko nǝ yema i yɔna nu-e? 33kaŋ pa ro ŋɔŋ, Pa, kȧmȧ a kanthi ɛfɔr ɛ su. 34Ka Yisɔsȧŋ ɔ ba ŋa ȧney, ɔ gboŋ ɛfɔr yaŋ. Ɔwa ka ɔlɛmp wati aŋ sɔthɔ kakǝli ka ŋaŋ, kaŋ tȧŋ kɔ.
Iliyochaguliwa sasa
Mathiu 20: TMNNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.
Mathiu 20
20
1Ȧtesoma-e rȧbȧy ra ro riyana rǝ bȧlȧnɛ mɔ wuni ɔwe ba kǝfus, kɔ wur bǝth bǝth tǝ kǝyamɔ afǝm tǝ kǝyɔ mǝpanth ka akɔr kɔŋ ka yɛt ɛtɛp ɛgbam. 2Ma ɔ po gbanɛ mɔlɔ yi aŋyɔ mǝpanth ta asiliŋ ta arey ŋin-e, ɔ som ŋa ka akɔr kɔŋ. 3Ma ɔ wur ka aŋhawa aŋa bekȧ mǝsas-e, ɔ nənk alɔm aŋ tǝma ka ɔdɛr ɔthila kǝte ba mǝpanth. 4kɔ pa ro rɔŋaŋ, Naŋ sɔ-e, kɔ nu ka mapanth ro kɔr, ɔwa i ti sɔŋ nu ara yi rǝlompi. Kaŋ kɔnɛ. 5kɔ wur sɔ ka aŋhawa aŋa bekȧ tamthǝrukin yi tamthǝrɛŋanlɛ, kɔ yɔ yi sɔ. 6Ka aŋhawa aŋa bekȧ tɔfɔt ŋin, ɔ wur sɔ-e, kɔ bǝp alɔm aŋ tǝma tǝma gbo, ɔ pa ro ŋaŋ, kɔyɛŋ mǝ nǝ tǝma nɔ pali nǝ te yɔ mǝpanth-e? 7kaŋ pa ro ŋɔŋ, Pǝkasifɛ wuni o wuni ɔ tha yamɔ hɛ su. Kɔ pa ro ŋaŋ, Kɔnɛ nu sɔ ro kɔr, ɔwa ara yi rǝlompi, rǝ i ti sɔŋ nu. 8Ɔwa ma rȧfɔy rǝ bek-e, ɔmarki ka akɔr ɔ pa ka ȧŋbɔy ŋɔŋ ubaki, Tela aŋyɔ mǝpanth, mǝ ram ŋa aŋkala ŋaŋ, mǝ tǝp ka ɔlǝpsɔ mǝ gbanthi ka ɔtɔtɔkɔ. 9Ka ŋaŋ aŋa lǝpsɔ wɔŋ ka mapanth aŋ der, aŋ sɔthɔ ukin o kin asiliŋ. 10Ma aŋtɔtɔkɔ aŋ der-e, aŋ nanɛ kǝpa a tǝ bȧrȧ ŋa, kɛrɛ ŋaŋ sɔ aŋ sɔthɔ ukin o kin asiliŋ. 11Maŋ wop ŋi-e, aŋ fɔfthənɛ ta ɔwe yamɔ ŋa, 12aŋ pa, Aŋe-e, ŋa lǝpsɔ wɔŋ ka mapanth, aŋ bulɔ gbo ahawa ŋin. Ɔwa mǝ po yɔ ŋa aŋ thǝnanɛ yi saŋ-e, saŋ aŋa thɔrɔ ɔlel ka ɔwon wa ȧŋrey. 13Kɛrɛ ɔ wosa, ɔ pa ka ukin ka ŋaŋ, Yathki, i yɔ hɛ mu ɔlǝs. Sǝ gbanɛ hɛ yi munɔ ta asiliŋ-i? 14Gbasi ara yi ara mu, mǝ kɔnɛ. Mȧselɔ ma mi miyɛŋ tǝ kǝsɔŋ aŋlǝpsɔ aŋe mɔ mǝ i po sɔŋ mu. 15Pǝ lomp hɛ ta ȧtȧ mi tǝ kǝyɔ mɔ mǝ i yema yi akɛŋ ka mi-i? thalɔm mǝ ba kǝtut ta mafinɔ ma mi-i? 16Tiyȧŋ aŋlǝpsɔ aŋ tǝ yi ȧtɔtɔkɔ ɔwa aŋtɔtɔkɔ aŋ tǝ yi alǝpsɔ. Kotȧy-e a tela agbȧthi, kɛrɛ a thith athȧn.
17Ɔwa ma Yisɔsȧŋ ɔ bɔ kɔ ro Yerusalɛm-e, ɔ gbasi aŋkarande tɔfɔt ŋarǝŋ rayɛr ka aroŋ, kɔ pa ro ŋaŋ, 18Ɔwa sǝ kɔ ro Yerusalɛm. A tǝ lȧnki ɔWan ka wuni ka aŋfode ȧbana yi aŋkarmɔkɔ ɔwa a tǝ sɔŋ kɔ mǝtheri tǝ kǝfi. 19Aŋ tǝ lȧnki kɔ ka tȧbona tǝlɔm kȧmȧ aŋ sel kɔ, ɔwa aŋ tǝ sap kɔ, aŋ tǝ tȧŋ kɔ ka kǝnt kǝpǝŋkinɛ. Ɔwa ka ȧŋrey aŋa bekȧ mǝsas-e, ɔ tǝ yokanɛ.
20Ka ɔkara ka aŋwuth ŋa Sɛbidi ɔ der ka Yisɔs yi aŋwuth ŋɔŋ aruni, kaŋ bȧtho kɔ, kɔ tholir kɔ tȧy. 21kɔ pa ka ɔya, Ko mǝ yema-e? Ka ɔya ɔ pa ro ŋɔŋ, Yamari kȧmȧ aŋwuth a mi aruni ŋarǝŋ aŋe aŋ yirȧ, ukin ka kȧdiyɔ ka mu, ɔwa ukin ka kȧmɛrɔ ka mu ka rȧbȧy ra mu. 22Kɛrɛ Yisɔsȧŋ ɔ wosa ɔ pa, Nǝ tɛ hɛ ȧte nǝ yif. Nǝ gbǝli mun ka ampɔthi mǝ i re mun-i? A gbǝli baftays nu yi ȧŋbaftisəm aŋa a baftays mi-i? kaŋ pa ro ŋɔŋ, Sǝ gbǝli. 23kɔ pa ro ŋaŋ, Tɛntɛnɛ nǝ tǝ mun ka ampɔthi a mi, ɔwa a tǝ baftays nu yi ȧŋbaftisəm aŋa a baftays mi. Kɛrɛ tǝ kǝyira ka kȧdiyɔ kȧmi yi ka kȧmɛrɔ ka mi-e, tȧy ta mi tǝ kǝsɔŋ thahɔ, kɛrɛ a tǝ sɔŋ ti ka ŋaŋ ta aŋa ɔKas kȧmi ɔ bɛnɛ ti. 24Ma aŋtɔfɔt aŋ tǝl ti-e, pǝ bansȧnɛ ŋa ta aŋwɔnt ŋarǝŋ. 25Kɛrɛ Yisɔs ɔ tela ŋa ro ŋɔŋ, kɔ pa, Nǝ tȧrȧ kǝpa aŋbȧki ŋa tȧbona tǝlɔm aŋ gbǝka ŋa, ɔwa aŋfǝm ŋaŋ ȧbana aŋ yɔ ŋa afɔsɔ. 26Kɛrɛ ya tha mǝ pǝ yi kǝtɔŋ ka nu. Wuni o wuni ɔwe yema yi ubana kǝtɔŋ ka nu, ta ɔ yi ȧbɔy a nu. 27Ɔwa wuni o wuni ɔwe yema yi utɔtɔkɔ, ta ɔ yi utar ka nu; 28mɔ mǝ ɔWan ka wuni ɔ te der kȧmȧ a yɔna kɔ, kɛrɛ tǝ kǝyɔna afǝm, dɛ yi tǝ kǝsɔnd aŋesǝm ŋɔŋ tǝ kǝbani afǝm alai.
29Maŋ wur kǝyɛfǝ ro Yɛriko-e, runiya rǝbana rǝ tȧŋ kɔ. 30Ɔwa afǝm afith ŋarǝŋ aŋ yirȧ ro roŋ rayɛr, ma aŋ tǝl kǝpa Yisɔsȧŋ ɔ thas-e, aŋ sel ɛrɔŋ, aŋ pa, Pa, ba su ȧney, munɔ ɔwan ka Debid. 31Ka ȧruniya rǝ ŋal ŋa kȧmȧ aŋ taŋk, kɛrɛ aŋ bȧr sel ɛrɔŋ, aŋ pa, Pa, ba su ȧney, munɔ ɔwan ka Debid. 32Ka Yisɔs ɔ tǝma son, ɔ tela ŋa ɔ pa, Ko nǝ yema i yɔna nu-e? 33kaŋ pa ro ŋɔŋ, Pa, kȧmȧ a kanthi ɛfɔr ɛ su. 34Ka Yisɔsȧŋ ɔ ba ŋa ȧney, ɔ gboŋ ɛfɔr yaŋ. Ɔwa ka ɔlɛmp wati aŋ sɔthɔ kakǝli ka ŋaŋ, kaŋ tȧŋ kɔ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.