Mark 14
14
1Kədarəŋ ka mərey mȧrəŋ amet ma kapainɛ yi kabo kəpaŋi ɛgbith mə yi, ka aŋfode abana yi aŋkarmɔkɔ aŋ thɛns roŋ rə məsɔth tə kəwop, ɔwa tə kədif kɔ; 2kɛrɛ aŋ pa, Ta pə te yi ka ȧŋlɔkɔ ŋa amet ta kəthɛna məgboŋktha mə yi ka aŋfəm kətɔŋ.
3Ma Yisɔs ɔ yi ro Bɛthani ka ȧŋseth ŋa Saymɔn ɔwe ba arom-e, ma ɔ yirȧ tə kədi-e, wuni bom ɔ der ɔ ba kəbos ka mȧro məsopa məbaki mɔlɔ. Ɔ sunti kȧbos, kɔ lond ma ka rȧbomp rɔŋ. 4Kɛrɛ alɔm ri-e, pə bansȧnɛ ŋa, aŋ pa, kɔyɛŋ mɔ ləsər ȧmȧro ame-e? 5kotȧy-e a gbəli naŋ thila ȧmȧro ame ta akala athasi ɛsiliŋ tɛmɛ təsas, a sɔŋ ma ka ȧŋmɔnɛ. Kaŋ bansər ɔbɔrkɔ. 6Ka Yisɔsȧŋ ɔ pa, Tey kɔ nu. Kɔyɛŋ mə kira kɔ-e? Ɔ po yɔ məyɔs məfinɔ ro rɔmi. 7Aŋmɔnɛ aŋ yi yi naŋȧŋ alɔkɔ o lɔkɔ, ɔwa alɔkɔ bɛ ma nə yema nə gbəli yɔ ŋa ɔfinɔ. Kɛrɛ minɛŋ i yi hɛ yi naŋȧŋ lɔkɔ o lɔkɔ. 8Ɔ po yɔ ȧte ɔ gbəli; ɔ po sop aŋdɛr a mi tə kəmȧnk mi. 9Tɛntɛnɛ i kanɛ nu, Dɛr o dɛr ro mə a taməs ȧkɛra kəfinɔ ka Kuru ka ȧdȧru bɛ-e, ȧte ɔya ɔ po yɔ-e, a ba kəfɔf ti sɔ tə kənanɛ kɔ.
10Ka Yudas Iskariyɔtȧŋ, ukin ka aŋtɔfɔt ŋarəŋ, ɔ kɔnɛ ka aŋfode abana kȧmȧ ɔ lȧnki kɔ ro rɔŋaŋ. 11Maŋ təl ti-e, pə bɔnɛ ŋa, kaŋ lahiri tə kəsɔŋ kɔ akala. Kɔ thɛns roŋ dəfɔy tȧy tə kəlaŋkli kɔ ro ŋaŋ.
12Ka ȧŋrey ȧtɔtɔkɔ ŋa kabo kəpaŋi ɛgbith-e, maŋ fai kalɔmɛ ka kapainɛ-e, aŋkarande ŋɔŋ aŋ pa ro ŋɔŋ, Reke mə yema sə kɔ bɛnɛnɛ kȧmȧ mə di kapainɛ-e? 13kɔ som akarande ŋɔŋ ŋarəŋ, ɔ pa ro rɔŋaŋ, Kɔnɛ nu ro pet, ɔwa nə tə gbanɛ ulaŋgba ɔ gbanɛ ȧbɔl ȧkuthȧ aŋ la mȧnt; tȧŋ kɔ nu. 14Dɛr o dɛr ɔ wɔŋ, pa ka ɔkas ka ȧŋseth, Ɔkarmɔkɔ ɔ pa, Areke yi ȧŋkonko ŋa aŋtik-a, ro mə i di kapainɛ yi aŋkarande a mi-e? 15Ɔwa kɔn kɔnɔnɛ ɔ tə tɔri nu ȧkonko abana rokɔm aŋa a po yesi ro mə nə bɛnɛnɛ ta ȧtȧ su. 16Ka aŋkarande aŋ kɔnɛ aŋ der ro pet, kaŋ bəp ti mɔ mɔ pa, kaŋ bɛnɛnɛ kapainɛ.
17Ma rȧfɔy rə bek-e, ɔ der yi aŋtɔfɔt ŋarəŋ. 18Maŋ yirȧ ka kədi-e, Yisɔsȧŋ ɔ pa, Tə tɛntɛnɛ i kanɛ nu, ukin kətɔŋ ka nu ka kadi ake-e ɔ tə sɔnd mi. 19Animisa aŋ təp kəwop ŋa, kaŋ yif kɔ ukin kin, Minɛŋ-i? 20kɔ wosa ɔ pa ro rɔŋaŋ, Ukin ka na atɔfɔt ŋarəŋ, ɔwe mə tɔka kȧta kɔŋ ka ȧŋbɔl yi minɛŋ. 21Ȧtesoma-e ɔWan ka wuni ɔ kɔ mɔ mə a po gbal ta atɔŋ; kɛrɛ mɔnɛ ka ɔwuni ɔwe mə sɔnd ɔWan ka wuni! Pə tə yi ɔfinɔ ta ɔwuni kati bepi a kom hɛ kɔ naŋ.
22Mɔ mə aŋ di-e, ɔ gbasi kabo, ɔwa ma ɔ po ruba ki-e, ɔ siməth ki, kɔ sɔŋ ki ro rɔŋaŋ, ɔ pa, Gbasi nu ake, nə di. Ake kə yi aŋdɛr a mi. 23kɔ gbasi ampɔthi, ɔwa ma ɔ po sɔŋ məmə-e, ɔ sɔŋ ŋi ro ŋaŋ, ka ŋa bɛ aŋ muna ri. 24kɔ pa ro ŋaŋ, Ame mə yi mȧtir ma mi ma aŋlemranɛ afu ama a loŋ ta afəm alai. 25Tɛntɛnɛ i kanɛ nu, i ba hɛ sɔ kəmun mȧkomi ma ralek haŋ ka ȧŋrey ŋati aŋa mə i mun ma ɔfu ka rȧbȧy ra Kuru.
26Maŋ po leŋ aleŋ-e, aŋ wur aŋ kɔnɛ ka kateŋ ka Ɔlif. 27Ka Yisɔsȧŋ ɔ pa ro ŋaŋ, Naŋ bɛ nə tə pənthbəla salata mi rȧfɔy are; kotȧy-e a gbal ti kəpa, I ti gbantha ɔtɔl, ɔwa talɔmɛ aŋ tə sakanɛ. 28Kɛrɛ ma i po yokanɛ ka rafi-e, i ti təmȧ nu kədi ro Kalili. 29Pitaŋ ɔ pa ro ŋɔŋ, Hali ŋa bɛ aŋ pənthbəla-e, kɛrɛ minɛ tha. 30Ka Yisɔs ɔ pa ro ŋɔŋ, I kanɛ mu tə tɛntɛnɛ, thonɔŋ, hali ka rȧtȧtȧk are-e, munɔ mə tə pɛnsanɛ mi məsas, yeŋka katəpi ɔ tam mȧrəŋ. 31Kɛrɛ Pitaŋ ɔ pa asɔbɛ, Hali i ba tə kəfi yi munɔŋ, i gbəli hɛ pɛnsanɛ mu. Ya aŋkarande bɛ aŋ pa sɔ.
32kaŋ der ka ɔdɛr ro a bont Kɛthsɛmanɛ; kɔ pa ka aŋkarande ŋɔŋ, Yirȧ nu nɔ ma mə i ramnɛ. 33Ɔ banɛnɛ Pitaŋ, Yeməs yi Yɔnȧŋ kɔ təp kəsaŋ amɔl, ɔwa ȧŋmerȧ ŋɔŋ aŋ lela kɔ. 34kɔ pa ro ŋaŋ, Ȧŋmerȧ a mi aŋ ba ɔnɔsinɛ ɔbana haŋ ka rəfi. Bȧkər nu nɔ, ɔwa kəlɛnɛ nu. 35kɔ kɔ rodi ɔthan, kɔ gbəpsa, ɔ ramnɛ kəpa bepi naŋ pə gbəli yi-e ta ȧŋlɔkɔ aŋe aŋ painɛ kɔ. 36kɔ pa Aba, Pa, ro rɔmu mȧtȧy bɛ mə selɔnɛ. Tɔŋa ampɔthi ŋa ȧŋsɔmpanɛŋ aŋe ro mi, kɛrɛ ta pə te yi ka mayema ma mi, ta pə yi mɔ mə munɔ mə yema. 37kɔ der ɔ bəp ŋa aŋ dirȧ, kɔ pa ka Pitaŋ, Saymɔn, mə dira-i, mə gbəli hɛ kəlɛnɛ ta alɔkɔ ŋin-i? 38Kəlȧnɛ nu ɔwa nə ramnɛ kȧmȧ nə te wɔŋ rə tȧy təgbɔns. Tɛntɛnɛ ȧŋmerȧ aŋ selɔ kɛrɛ aŋdɛr a rant. 39kɔ kȧl kɔnɛ ɔ ramnɛ, ɔ pa ȧsim tati sɔ. 40kɔ kȧl sɔ der, ɔ bəp ŋa aŋ dirȧ, kotȧy-e ɛfɔr yaŋ ɛ lel; ɔwa aŋ tɛ hɛ ȧte mə aŋ wosȧnɛ kɔ. 41kɔ kȧl der kəbeka məsas, ɔ pa ro ŋaŋ, Dira nu thɔŋ ka-ake, nə fothanɛ. Ɔbeki, ȧŋlɔkɔ aŋ bek. Kəla, a po sɔnd ɔWan ka wuni ka mȧta ma afəm aləs. 42Yokanɛ nu kȧmȧ sə kɔnɛ. Kəli, ɔwe mə sɔnd mi ɔ bek.
43Ka ɔlɛmp wati, ma ɔ bɔ fɔf-e, Yudasȧŋ, ukin ka aŋtɔfɔt ŋarəŋ-e, ɔ der yi runiya rəbana, aŋ ba ɛgbathɔ yi təgbeŋgbeŋ, aŋ wur ka aŋfode abana, aŋkarmɔkɔ yi aŋbȧki. 44Kɔn ɔwe mə sɔnd Yisɔsȧŋ ɔ po sɔŋ ŋa alomar, ɔ pa, Ɔwe mə i muməl-e, kɔnɔ yi ɔkin kati. Wop kɔ nu, nə kera kɔ ɔthɔfəl. 45Ma ɔ bek-e, ka ɔlɛmp wati ɔ der ro ŋɔŋ ɔ pa, Karmɔkɔ, Karmɔkɔ; kɔ muməl kɔ. 46kaŋ wop kɔ yi tȧmthədɛrəŋ maŋ, aŋ kera kɔ. 47Ka ukin ka ŋaŋ aŋa təmȧ rayɛr ɔ tali aŋgbathɔ ŋɔŋ, ɔ tap ȧŋbɔy ŋa ɔfode ubana, ɔ gbək aŋləns ŋɔŋ. 48Ka Yisɔs ɔ pa ro ŋaŋ, Nə po der yi ɛgbathɔ dɛ yi təgbeŋgbeŋ tə kəwop mi mɔ wuni key-i? 49I yi yi naŋȧŋ ȧrey o rei ka ȧŋseth ŋa Kuru, i thəksa, kɛrɛ nə wop hɛ mi. Kɛrɛ ȧte tə yɔnɛ kȧmȧ mȧgbal mə lasər. 50Ka ŋa bɛ aŋ tey kɔ, aŋ gbukɛ.
51Ka ulaŋgba ulɔm ɔ taŋanɛ kɔ, ɔ gbaŋkthanɛ kotha kəlinɛn ka aŋdɛr ŋɔŋ, ka a wop kɔ. 52Kɛrɛ ɔ tey akotha kəlinɛn, ɔ gbukɛ kətiŋ.
53kaŋ kera Yisɔsȧŋ ka ɔfode ubana. Ka aŋkərbomp ka aŋfode, aŋbȧki yi aŋkarmɔkɔ aŋ thoŋklanɛ dɛr rɔkin yi kɔnɔ. 54Ɔwa Pitaŋ ɔ tȧŋ kɔ ɔbɔli poŋ haŋ ka ȧŋbare ŋa ɔfode ubana. Kɔ yirȧ yi ɛbɔy, ɔ saya. 55Ka aŋfode abana yi aŋSanhedrin bɛ aŋ thɛns aseri ta Yisɔsȧŋ tə kədif kɔ kɛrɛ aŋ fir hɛ kɔ. 56Agbathi aŋ sɔŋ məseri ma rəyem, kɛrɛ mə bɛŋȧnɛ hɛ. 57Ɔwa alɔm aŋ təmȧ aŋ seri rəyem ta atɔŋ, 58aŋ pa, Sə təlȧ kɔ ɔ pa, I ti sakthi ȧŋseth ŋa Kuru aŋe aŋa a bɛmpanɛ məta, ɔwa ka mərey məsas i ti kȧl təmər alɔm aŋa a te bɛmpanɛ məta. 59Kɛrɛ maseri maŋ mə bɛŋȧnɛ hɛ sɔ. 60Ka ɔfode ubana ɔ yokanɛ kətɔŋ ka ŋaŋ, ɔ yif Yisɔsȧŋ, ɔ pa, Mə gbaki hɛ bɛ-i? Ko tȧy ȧte ȧtȧ aŋ seri ta ȧtȧ mu-e? 61Kɛrɛ ɔ taŋk thəm, ɔ gbaki hɛ. Ka ɔfode ubana ɔ yif kɔ sɔ, ɔ pa, Munɔ yi ɔKraist-i, ɔWan ka ɔRuba-i? 62Ka Yisɔs ɔ pa, Minɛŋ, ɔwa nə tə nənk ɔWan ka wuni ɔ yirȧ ka kȧta kədiɔ ka afɔsɔ, ɔ tə der ka tarənt təfera ta ȧkuru. 63Ka ɔfode ubana ɔ piməs ȧsuma tɔŋ, ɔ pa, Ko məseri məlɔm mə sə yema sɔ-e? 64Na bɛ nə po təl ma ɔ ŋamnɛ Kurɔŋ. To nə nanɛ-e? Ka ŋa bɛ aŋ sɔŋ kɔ mətheri tə kəfi. 65Alɔm aŋ thufər kɔ, kaŋ gbəpər ader rɔŋ, aŋ tuns kɔ, aŋ pa ro ŋɔŋ, Tɔri su ɔwuni bepi mə yi unȧbi. Ka ɛbɔy aŋ nȧpəs kɔ yi mȧta maŋ.
66Ma Pitaŋ ɔ yi ro bare-e, ukin ka ɛbɔy abɛra ŋa ɔfode ubana ɔ der. 67Ma ɔ nənk Pitaŋ ɔ saya-e, ɔ kəli kɔ kɔ pa, Munɔ sɔ mə sa yi yi Yisɔsȧŋ ɔwe ro Nasarɛth. 68Kɛrɛ ɔ pɛnsa ɔ pa, I tɛ hɛ, ɔwa ȧte mə pa tə sɔk hɛ mi. Kɔ wur ro gbənthəŋ, ka katəpi ɔ tam. 69Ka ȧbɔy ubɛra ɔ nənk kɔ sɔ, kɔ kȧl təp kəpa ka ŋaŋ aŋa təmȧ rayɛr, Ukin ka ŋaŋ kɔnɔ ɔwe. 70Kɛrɛ ɔ pɛnsa sɔ. Kədarəŋ kati ŋaŋ aŋa təmȧ rayɛr aŋ pa ka Pita, Ka təteŋ munɔ yi ukin ka ŋaŋ, mə yi uKalili, mafɔf ma mu mə tɔri ti. 71Ɔ təp kənal yi kəgbiŋ, ɔ pa, I tɛ hɛ ɔlaŋgba ɔwe mə nə bont. 72Ka ɔlɛmp wati katəpi ɔ tam kəbeka mȧrəŋ. Ka Pita ɔ kala ȧmerȧ ka ȧrim ara Yisɔs ɔ pa ro rɔŋɔŋ, Yeŋka katəpi ɔ tam marəŋ-e, mə tə pɛnsa mi məsas. Ma ɔ tȧmtȧmnɛ ti-e, ɔ bok.
Iliyochaguliwa sasa
Mark 14: TMNNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.
Mark 14
14
1Kədarəŋ ka mərey mȧrəŋ amet ma kapainɛ yi kabo kəpaŋi ɛgbith mə yi, ka aŋfode abana yi aŋkarmɔkɔ aŋ thɛns roŋ rə məsɔth tə kəwop, ɔwa tə kədif kɔ; 2kɛrɛ aŋ pa, Ta pə te yi ka ȧŋlɔkɔ ŋa amet ta kəthɛna məgboŋktha mə yi ka aŋfəm kətɔŋ.
3Ma Yisɔs ɔ yi ro Bɛthani ka ȧŋseth ŋa Saymɔn ɔwe ba arom-e, ma ɔ yirȧ tə kədi-e, wuni bom ɔ der ɔ ba kəbos ka mȧro məsopa məbaki mɔlɔ. Ɔ sunti kȧbos, kɔ lond ma ka rȧbomp rɔŋ. 4Kɛrɛ alɔm ri-e, pə bansȧnɛ ŋa, aŋ pa, kɔyɛŋ mɔ ləsər ȧmȧro ame-e? 5kotȧy-e a gbəli naŋ thila ȧmȧro ame ta akala athasi ɛsiliŋ tɛmɛ təsas, a sɔŋ ma ka ȧŋmɔnɛ. Kaŋ bansər ɔbɔrkɔ. 6Ka Yisɔsȧŋ ɔ pa, Tey kɔ nu. Kɔyɛŋ mə kira kɔ-e? Ɔ po yɔ məyɔs məfinɔ ro rɔmi. 7Aŋmɔnɛ aŋ yi yi naŋȧŋ alɔkɔ o lɔkɔ, ɔwa alɔkɔ bɛ ma nə yema nə gbəli yɔ ŋa ɔfinɔ. Kɛrɛ minɛŋ i yi hɛ yi naŋȧŋ lɔkɔ o lɔkɔ. 8Ɔ po yɔ ȧte ɔ gbəli; ɔ po sop aŋdɛr a mi tə kəmȧnk mi. 9Tɛntɛnɛ i kanɛ nu, Dɛr o dɛr ro mə a taməs ȧkɛra kəfinɔ ka Kuru ka ȧdȧru bɛ-e, ȧte ɔya ɔ po yɔ-e, a ba kəfɔf ti sɔ tə kənanɛ kɔ.
10Ka Yudas Iskariyɔtȧŋ, ukin ka aŋtɔfɔt ŋarəŋ, ɔ kɔnɛ ka aŋfode abana kȧmȧ ɔ lȧnki kɔ ro rɔŋaŋ. 11Maŋ təl ti-e, pə bɔnɛ ŋa, kaŋ lahiri tə kəsɔŋ kɔ akala. Kɔ thɛns roŋ dəfɔy tȧy tə kəlaŋkli kɔ ro ŋaŋ.
12Ka ȧŋrey ȧtɔtɔkɔ ŋa kabo kəpaŋi ɛgbith-e, maŋ fai kalɔmɛ ka kapainɛ-e, aŋkarande ŋɔŋ aŋ pa ro ŋɔŋ, Reke mə yema sə kɔ bɛnɛnɛ kȧmȧ mə di kapainɛ-e? 13kɔ som akarande ŋɔŋ ŋarəŋ, ɔ pa ro rɔŋaŋ, Kɔnɛ nu ro pet, ɔwa nə tə gbanɛ ulaŋgba ɔ gbanɛ ȧbɔl ȧkuthȧ aŋ la mȧnt; tȧŋ kɔ nu. 14Dɛr o dɛr ɔ wɔŋ, pa ka ɔkas ka ȧŋseth, Ɔkarmɔkɔ ɔ pa, Areke yi ȧŋkonko ŋa aŋtik-a, ro mə i di kapainɛ yi aŋkarande a mi-e? 15Ɔwa kɔn kɔnɔnɛ ɔ tə tɔri nu ȧkonko abana rokɔm aŋa a po yesi ro mə nə bɛnɛnɛ ta ȧtȧ su. 16Ka aŋkarande aŋ kɔnɛ aŋ der ro pet, kaŋ bəp ti mɔ mɔ pa, kaŋ bɛnɛnɛ kapainɛ.
17Ma rȧfɔy rə bek-e, ɔ der yi aŋtɔfɔt ŋarəŋ. 18Maŋ yirȧ ka kədi-e, Yisɔsȧŋ ɔ pa, Tə tɛntɛnɛ i kanɛ nu, ukin kətɔŋ ka nu ka kadi ake-e ɔ tə sɔnd mi. 19Animisa aŋ təp kəwop ŋa, kaŋ yif kɔ ukin kin, Minɛŋ-i? 20kɔ wosa ɔ pa ro rɔŋaŋ, Ukin ka na atɔfɔt ŋarəŋ, ɔwe mə tɔka kȧta kɔŋ ka ȧŋbɔl yi minɛŋ. 21Ȧtesoma-e ɔWan ka wuni ɔ kɔ mɔ mə a po gbal ta atɔŋ; kɛrɛ mɔnɛ ka ɔwuni ɔwe mə sɔnd ɔWan ka wuni! Pə tə yi ɔfinɔ ta ɔwuni kati bepi a kom hɛ kɔ naŋ.
22Mɔ mə aŋ di-e, ɔ gbasi kabo, ɔwa ma ɔ po ruba ki-e, ɔ siməth ki, kɔ sɔŋ ki ro rɔŋaŋ, ɔ pa, Gbasi nu ake, nə di. Ake kə yi aŋdɛr a mi. 23kɔ gbasi ampɔthi, ɔwa ma ɔ po sɔŋ məmə-e, ɔ sɔŋ ŋi ro ŋaŋ, ka ŋa bɛ aŋ muna ri. 24kɔ pa ro ŋaŋ, Ame mə yi mȧtir ma mi ma aŋlemranɛ afu ama a loŋ ta afəm alai. 25Tɛntɛnɛ i kanɛ nu, i ba hɛ sɔ kəmun mȧkomi ma ralek haŋ ka ȧŋrey ŋati aŋa mə i mun ma ɔfu ka rȧbȧy ra Kuru.
26Maŋ po leŋ aleŋ-e, aŋ wur aŋ kɔnɛ ka kateŋ ka Ɔlif. 27Ka Yisɔsȧŋ ɔ pa ro ŋaŋ, Naŋ bɛ nə tə pənthbəla salata mi rȧfɔy are; kotȧy-e a gbal ti kəpa, I ti gbantha ɔtɔl, ɔwa talɔmɛ aŋ tə sakanɛ. 28Kɛrɛ ma i po yokanɛ ka rafi-e, i ti təmȧ nu kədi ro Kalili. 29Pitaŋ ɔ pa ro ŋɔŋ, Hali ŋa bɛ aŋ pənthbəla-e, kɛrɛ minɛ tha. 30Ka Yisɔs ɔ pa ro ŋɔŋ, I kanɛ mu tə tɛntɛnɛ, thonɔŋ, hali ka rȧtȧtȧk are-e, munɔ mə tə pɛnsanɛ mi məsas, yeŋka katəpi ɔ tam mȧrəŋ. 31Kɛrɛ Pitaŋ ɔ pa asɔbɛ, Hali i ba tə kəfi yi munɔŋ, i gbəli hɛ pɛnsanɛ mu. Ya aŋkarande bɛ aŋ pa sɔ.
32kaŋ der ka ɔdɛr ro a bont Kɛthsɛmanɛ; kɔ pa ka aŋkarande ŋɔŋ, Yirȧ nu nɔ ma mə i ramnɛ. 33Ɔ banɛnɛ Pitaŋ, Yeməs yi Yɔnȧŋ kɔ təp kəsaŋ amɔl, ɔwa ȧŋmerȧ ŋɔŋ aŋ lela kɔ. 34kɔ pa ro ŋaŋ, Ȧŋmerȧ a mi aŋ ba ɔnɔsinɛ ɔbana haŋ ka rəfi. Bȧkər nu nɔ, ɔwa kəlɛnɛ nu. 35kɔ kɔ rodi ɔthan, kɔ gbəpsa, ɔ ramnɛ kəpa bepi naŋ pə gbəli yi-e ta ȧŋlɔkɔ aŋe aŋ painɛ kɔ. 36kɔ pa Aba, Pa, ro rɔmu mȧtȧy bɛ mə selɔnɛ. Tɔŋa ampɔthi ŋa ȧŋsɔmpanɛŋ aŋe ro mi, kɛrɛ ta pə te yi ka mayema ma mi, ta pə yi mɔ mə munɔ mə yema. 37kɔ der ɔ bəp ŋa aŋ dirȧ, kɔ pa ka Pitaŋ, Saymɔn, mə dira-i, mə gbəli hɛ kəlɛnɛ ta alɔkɔ ŋin-i? 38Kəlȧnɛ nu ɔwa nə ramnɛ kȧmȧ nə te wɔŋ rə tȧy təgbɔns. Tɛntɛnɛ ȧŋmerȧ aŋ selɔ kɛrɛ aŋdɛr a rant. 39kɔ kȧl kɔnɛ ɔ ramnɛ, ɔ pa ȧsim tati sɔ. 40kɔ kȧl sɔ der, ɔ bəp ŋa aŋ dirȧ, kotȧy-e ɛfɔr yaŋ ɛ lel; ɔwa aŋ tɛ hɛ ȧte mə aŋ wosȧnɛ kɔ. 41kɔ kȧl der kəbeka məsas, ɔ pa ro ŋaŋ, Dira nu thɔŋ ka-ake, nə fothanɛ. Ɔbeki, ȧŋlɔkɔ aŋ bek. Kəla, a po sɔnd ɔWan ka wuni ka mȧta ma afəm aləs. 42Yokanɛ nu kȧmȧ sə kɔnɛ. Kəli, ɔwe mə sɔnd mi ɔ bek.
43Ka ɔlɛmp wati, ma ɔ bɔ fɔf-e, Yudasȧŋ, ukin ka aŋtɔfɔt ŋarəŋ-e, ɔ der yi runiya rəbana, aŋ ba ɛgbathɔ yi təgbeŋgbeŋ, aŋ wur ka aŋfode abana, aŋkarmɔkɔ yi aŋbȧki. 44Kɔn ɔwe mə sɔnd Yisɔsȧŋ ɔ po sɔŋ ŋa alomar, ɔ pa, Ɔwe mə i muməl-e, kɔnɔ yi ɔkin kati. Wop kɔ nu, nə kera kɔ ɔthɔfəl. 45Ma ɔ bek-e, ka ɔlɛmp wati ɔ der ro ŋɔŋ ɔ pa, Karmɔkɔ, Karmɔkɔ; kɔ muməl kɔ. 46kaŋ wop kɔ yi tȧmthədɛrəŋ maŋ, aŋ kera kɔ. 47Ka ukin ka ŋaŋ aŋa təmȧ rayɛr ɔ tali aŋgbathɔ ŋɔŋ, ɔ tap ȧŋbɔy ŋa ɔfode ubana, ɔ gbək aŋləns ŋɔŋ. 48Ka Yisɔs ɔ pa ro ŋaŋ, Nə po der yi ɛgbathɔ dɛ yi təgbeŋgbeŋ tə kəwop mi mɔ wuni key-i? 49I yi yi naŋȧŋ ȧrey o rei ka ȧŋseth ŋa Kuru, i thəksa, kɛrɛ nə wop hɛ mi. Kɛrɛ ȧte tə yɔnɛ kȧmȧ mȧgbal mə lasər. 50Ka ŋa bɛ aŋ tey kɔ, aŋ gbukɛ.
51Ka ulaŋgba ulɔm ɔ taŋanɛ kɔ, ɔ gbaŋkthanɛ kotha kəlinɛn ka aŋdɛr ŋɔŋ, ka a wop kɔ. 52Kɛrɛ ɔ tey akotha kəlinɛn, ɔ gbukɛ kətiŋ.
53kaŋ kera Yisɔsȧŋ ka ɔfode ubana. Ka aŋkərbomp ka aŋfode, aŋbȧki yi aŋkarmɔkɔ aŋ thoŋklanɛ dɛr rɔkin yi kɔnɔ. 54Ɔwa Pitaŋ ɔ tȧŋ kɔ ɔbɔli poŋ haŋ ka ȧŋbare ŋa ɔfode ubana. Kɔ yirȧ yi ɛbɔy, ɔ saya. 55Ka aŋfode abana yi aŋSanhedrin bɛ aŋ thɛns aseri ta Yisɔsȧŋ tə kədif kɔ kɛrɛ aŋ fir hɛ kɔ. 56Agbathi aŋ sɔŋ məseri ma rəyem, kɛrɛ mə bɛŋȧnɛ hɛ. 57Ɔwa alɔm aŋ təmȧ aŋ seri rəyem ta atɔŋ, 58aŋ pa, Sə təlȧ kɔ ɔ pa, I ti sakthi ȧŋseth ŋa Kuru aŋe aŋa a bɛmpanɛ məta, ɔwa ka mərey məsas i ti kȧl təmər alɔm aŋa a te bɛmpanɛ məta. 59Kɛrɛ maseri maŋ mə bɛŋȧnɛ hɛ sɔ. 60Ka ɔfode ubana ɔ yokanɛ kətɔŋ ka ŋaŋ, ɔ yif Yisɔsȧŋ, ɔ pa, Mə gbaki hɛ bɛ-i? Ko tȧy ȧte ȧtȧ aŋ seri ta ȧtȧ mu-e? 61Kɛrɛ ɔ taŋk thəm, ɔ gbaki hɛ. Ka ɔfode ubana ɔ yif kɔ sɔ, ɔ pa, Munɔ yi ɔKraist-i, ɔWan ka ɔRuba-i? 62Ka Yisɔs ɔ pa, Minɛŋ, ɔwa nə tə nənk ɔWan ka wuni ɔ yirȧ ka kȧta kədiɔ ka afɔsɔ, ɔ tə der ka tarənt təfera ta ȧkuru. 63Ka ɔfode ubana ɔ piməs ȧsuma tɔŋ, ɔ pa, Ko məseri məlɔm mə sə yema sɔ-e? 64Na bɛ nə po təl ma ɔ ŋamnɛ Kurɔŋ. To nə nanɛ-e? Ka ŋa bɛ aŋ sɔŋ kɔ mətheri tə kəfi. 65Alɔm aŋ thufər kɔ, kaŋ gbəpər ader rɔŋ, aŋ tuns kɔ, aŋ pa ro ŋɔŋ, Tɔri su ɔwuni bepi mə yi unȧbi. Ka ɛbɔy aŋ nȧpəs kɔ yi mȧta maŋ.
66Ma Pitaŋ ɔ yi ro bare-e, ukin ka ɛbɔy abɛra ŋa ɔfode ubana ɔ der. 67Ma ɔ nənk Pitaŋ ɔ saya-e, ɔ kəli kɔ kɔ pa, Munɔ sɔ mə sa yi yi Yisɔsȧŋ ɔwe ro Nasarɛth. 68Kɛrɛ ɔ pɛnsa ɔ pa, I tɛ hɛ, ɔwa ȧte mə pa tə sɔk hɛ mi. Kɔ wur ro gbənthəŋ, ka katəpi ɔ tam. 69Ka ȧbɔy ubɛra ɔ nənk kɔ sɔ, kɔ kȧl təp kəpa ka ŋaŋ aŋa təmȧ rayɛr, Ukin ka ŋaŋ kɔnɔ ɔwe. 70Kɛrɛ ɔ pɛnsa sɔ. Kədarəŋ kati ŋaŋ aŋa təmȧ rayɛr aŋ pa ka Pita, Ka təteŋ munɔ yi ukin ka ŋaŋ, mə yi uKalili, mafɔf ma mu mə tɔri ti. 71Ɔ təp kənal yi kəgbiŋ, ɔ pa, I tɛ hɛ ɔlaŋgba ɔwe mə nə bont. 72Ka ɔlɛmp wati katəpi ɔ tam kəbeka mȧrəŋ. Ka Pita ɔ kala ȧmerȧ ka ȧrim ara Yisɔs ɔ pa ro rɔŋɔŋ, Yeŋka katəpi ɔ tam marəŋ-e, mə tə pɛnsa mi məsas. Ma ɔ tȧmtȧmnɛ ti-e, ɔ bok.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.