Mark 3
3
1Ka Yisɔsȧŋ ɔ wɔŋ sɔ ka ȧŋseth agbanɛ, kɔ bəp ri ulaŋgba ɔwe ba kəta kəfi. 2Ka aŋfəm aŋ kəli kɔ təŋ, bepi ɔ tə yenkəs kɔ ka ȧŋrey ŋa aŋsabath, kȧmȧ aŋ gbəli gbȧnthir kɔ. 3kɔ pa ka ɔlaŋgba ɔwe ba kȧta kəfi, Təmȧ nɔ. 4kɔ yif aŋfəm, Ɔlompi ka ȧŋrey ŋa aŋsabath tə kəyɔ tȧy təfinɔ-i, thalɔm tə kəyɔ tȧy tələs-i? Tə kəkisis ŋesəm-i thalɔm tə kədif wuni-i? Kɛrɛ aŋ taŋk. 5Pə yi kɔ ɔnɔsinɛ ma ɔ nənk aŋ gbolŋas tabuth taŋ, kɔ kəli ŋa yi məbaŋ, kɔ pa ka ɔlaŋgba, Thanthi kȧta ka mu. Kɔ thanthi ki ka kȧta kɔŋ kə yeŋk. 6Ma aŋFarisi aŋ wur-e, aŋ kɔnɛ lɛmp ka aŋHerodian kȧmȧ aŋ nəŋkanɛ to mə aŋ yɔ kȧmȧ aŋ dif kɔ.
7Kɛrɛ Yisɔs ɔ wur ri yi aŋkarande ŋɔŋ, ka aŋ kɔnɛ ro baŋ. Ka runiya rəbana kəwur ro Kalili yi ka Yudia rə tȧŋ kɔ. 8Ɔwa runiya rəbana sɔ kəwur ro Yerusalɛm, ro Idɔm yi ka kȧbȧŋ ka Yɔrdan mɔri, yi ka ȧŋthɔf aŋa gbətɔ ro Tair yi ro Sidon, aŋ der ro ŋɔŋ maŋ təl ta mȧtȧy məbana ama ɔ po yɔ. 9Ɔ pa ka aŋkarande ŋɔŋ, ta aŋ bɛnɛnɛ kɔ abil alɔl salata ȧruniya, kȧmȧ aŋ te thiŋkanɛ kɔ, 10ȧtesoma-e ɔ po yenkəs agbȧthi. Tiyȧŋ ŋa bɛ aŋa ba tətu aŋ fumpər kɔ kȧmȧ aŋ gboŋ kɔ. 11Ɔwa aŋkərəfi aləs, alɔkɔ o lɔkɔ aŋ nənk kɔ-e, aŋ gbapsa ro thɔf, aŋ woŋa, aŋ pa, ƆWan ka Kuru munɔŋ. 12Kɛrɛ ɔ maŋ ŋa asɔbɛ kȧmȧ aŋ te ŋaibi kɔ.
13kɔ gbep ka kateŋ, ɔ tela ro ŋɔŋ aŋa kɔn kɔnɔnɛ ɔ yema, kaŋ kɔnɛ ro ŋɔŋ. 14kɔ thithəs afəm tɔfɔt ŋarəŋ kȧmȧ aŋ yi ro ŋɔŋ, ɔwa kȧmȧ ɔ soməth ŋa tə kətaməs, 15yi tə kəba afɔsɔ tə kəyeŋkəs aŋtuy, dɛ yi tə kəwura akərəfi aləs. 16kɔ sɔŋ Saymɔn ȧŋes ŋa Pita; 17ɔwa Yeməs ɔwan ka Sɛbidi yi Yɔn ɔwɔnt ka Yeməs, aŋa ɔ sɔŋ mes Bowanakes, ŋə yi kəpa, aŋwuth ŋa arɛŋ. 18Andru, Filip, Barthɔlɔmiyu, Mathiu, Thɔmɔs, Yeməs ɔwan ka Alfiyɔs, Thadiyus, Saymɔn ɔwe ro Kena, 19yi Yudas Iskariyɔt ɔwe sɔnd kɔ.
kaŋ wɔŋ rȧ ȧseth. 20Ɔwa ȧruniya rə kȧl thoŋklanɛ sɔ, haŋ pə fɔyɛ sɔ di bɛ. 21Ma aŋyathki ŋɔŋ aŋ təl ti-e, aŋ wur tə kəwop kɔ, aŋ pa, Ɔ po wɔŋ məməl. 22Aŋkarmɔkɔ aŋa wur ro Yerusalɛm-e, aŋ pa, Ɔ ba Biyɛlsibɔb, ɔwa ɔ wurɔ aŋkərəfi ka aŋfɔsɔ ŋa ɔbȧy ka aŋkərəfi.
23kɔ tela ŋa ro ŋɔŋ, ɔ pa ro ŋaŋ rȧ ɛlomɔ, To Sethani mɔ gbəli wurɔ Sethani-e? 24Bepi məputhanɛ mə wɔŋ rȧ rəbȧy, rȧbȧy rati rə gbəli hɛ won. 25Bepi məputhanɛ mə wɔŋ rȧ ȧseth-e, ȧŋseth ŋati aŋ gbəli hɛ təmȧ. 26Ɔwa bepi Sethani ɔ po yokar kɔn kɔnɔnɛ, ɔwa ɔ gbayanɛ, ɔ gbəli hɛ təmȧ, ɔthalnɛ wɔŋ ɔ bek. 27Wuni o wuni ɔ gbəli hɛ wɔŋ ka ȧŋseth ŋa wuni ɔwe ba afɔsɔ, ɔ ləsər ɛyɛt yɔŋ, thambe ɔ mɔtha sek ɔwe ba aŋfɔsɔ. Kədarəŋ kati ɔ tə ləsər ȧŋseth ŋɔŋ. 28Tɛntɛnɛ i pa ro nu, A tə tera ɛhakɛ bɛ ya aŋwuth ŋa aŋfəm, yi tȧfɔf taŋ tələs ȧte maŋ fɔf, 29kɛrɛ wuni o wuni ɔwe mə fɔf ɔləs kəŋamnɛ ɔ Yina məsəm a tera hɛ kɔ ti thȧbana, ɔ ba mətheri ma ahakɛ thəbana. 30Pəkasifɛ aŋ po pa, Ɔ ba ukərəfi uləs.
31Ɔkara kɔŋ yi aŋwɔnt ŋɔŋ aŋ der, aŋ təmȧ rokaŋ, kaŋ som kətela kɔ. 32Ɔwa runiya rə yirȧ rə gbətɔ kɔ, aŋ pa ro ŋɔŋ, Ɔkara ka mu yi aŋwɔnt mu aŋ yi rokaŋ aŋ thɛns mu. 33kɔ pa ro ŋaŋ, Kanɛ yi ɔkara kȧmi yi aŋwɔnt mi-e? 34kɔ kəli kəli ŋa aŋa yirȧ ri, ɔ pa, Kəli ɔkara kȧmi yi aŋwɔnt mi! 35Ȧtesoma-e wuni o wuni ɔwe mə yɔ mȧselɔ ma Kuru-e kɔnɔ yi ɔwɔnt mi runi, yi ɔwɔnt mi bɛra, yi ɔkara kȧmi.
Iliyochaguliwa sasa
Mark 3: TMNNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.
Mark 3
3
1Ka Yisɔsȧŋ ɔ wɔŋ sɔ ka ȧŋseth agbanɛ, kɔ bəp ri ulaŋgba ɔwe ba kəta kəfi. 2Ka aŋfəm aŋ kəli kɔ təŋ, bepi ɔ tə yenkəs kɔ ka ȧŋrey ŋa aŋsabath, kȧmȧ aŋ gbəli gbȧnthir kɔ. 3kɔ pa ka ɔlaŋgba ɔwe ba kȧta kəfi, Təmȧ nɔ. 4kɔ yif aŋfəm, Ɔlompi ka ȧŋrey ŋa aŋsabath tə kəyɔ tȧy təfinɔ-i, thalɔm tə kəyɔ tȧy tələs-i? Tə kəkisis ŋesəm-i thalɔm tə kədif wuni-i? Kɛrɛ aŋ taŋk. 5Pə yi kɔ ɔnɔsinɛ ma ɔ nənk aŋ gbolŋas tabuth taŋ, kɔ kəli ŋa yi məbaŋ, kɔ pa ka ɔlaŋgba, Thanthi kȧta ka mu. Kɔ thanthi ki ka kȧta kɔŋ kə yeŋk. 6Ma aŋFarisi aŋ wur-e, aŋ kɔnɛ lɛmp ka aŋHerodian kȧmȧ aŋ nəŋkanɛ to mə aŋ yɔ kȧmȧ aŋ dif kɔ.
7Kɛrɛ Yisɔs ɔ wur ri yi aŋkarande ŋɔŋ, ka aŋ kɔnɛ ro baŋ. Ka runiya rəbana kəwur ro Kalili yi ka Yudia rə tȧŋ kɔ. 8Ɔwa runiya rəbana sɔ kəwur ro Yerusalɛm, ro Idɔm yi ka kȧbȧŋ ka Yɔrdan mɔri, yi ka ȧŋthɔf aŋa gbətɔ ro Tair yi ro Sidon, aŋ der ro ŋɔŋ maŋ təl ta mȧtȧy məbana ama ɔ po yɔ. 9Ɔ pa ka aŋkarande ŋɔŋ, ta aŋ bɛnɛnɛ kɔ abil alɔl salata ȧruniya, kȧmȧ aŋ te thiŋkanɛ kɔ, 10ȧtesoma-e ɔ po yenkəs agbȧthi. Tiyȧŋ ŋa bɛ aŋa ba tətu aŋ fumpər kɔ kȧmȧ aŋ gboŋ kɔ. 11Ɔwa aŋkərəfi aləs, alɔkɔ o lɔkɔ aŋ nənk kɔ-e, aŋ gbapsa ro thɔf, aŋ woŋa, aŋ pa, ƆWan ka Kuru munɔŋ. 12Kɛrɛ ɔ maŋ ŋa asɔbɛ kȧmȧ aŋ te ŋaibi kɔ.
13kɔ gbep ka kateŋ, ɔ tela ro ŋɔŋ aŋa kɔn kɔnɔnɛ ɔ yema, kaŋ kɔnɛ ro ŋɔŋ. 14kɔ thithəs afəm tɔfɔt ŋarəŋ kȧmȧ aŋ yi ro ŋɔŋ, ɔwa kȧmȧ ɔ soməth ŋa tə kətaməs, 15yi tə kəba afɔsɔ tə kəyeŋkəs aŋtuy, dɛ yi tə kəwura akərəfi aləs. 16kɔ sɔŋ Saymɔn ȧŋes ŋa Pita; 17ɔwa Yeməs ɔwan ka Sɛbidi yi Yɔn ɔwɔnt ka Yeməs, aŋa ɔ sɔŋ mes Bowanakes, ŋə yi kəpa, aŋwuth ŋa arɛŋ. 18Andru, Filip, Barthɔlɔmiyu, Mathiu, Thɔmɔs, Yeməs ɔwan ka Alfiyɔs, Thadiyus, Saymɔn ɔwe ro Kena, 19yi Yudas Iskariyɔt ɔwe sɔnd kɔ.
kaŋ wɔŋ rȧ ȧseth. 20Ɔwa ȧruniya rə kȧl thoŋklanɛ sɔ, haŋ pə fɔyɛ sɔ di bɛ. 21Ma aŋyathki ŋɔŋ aŋ təl ti-e, aŋ wur tə kəwop kɔ, aŋ pa, Ɔ po wɔŋ məməl. 22Aŋkarmɔkɔ aŋa wur ro Yerusalɛm-e, aŋ pa, Ɔ ba Biyɛlsibɔb, ɔwa ɔ wurɔ aŋkərəfi ka aŋfɔsɔ ŋa ɔbȧy ka aŋkərəfi.
23kɔ tela ŋa ro ŋɔŋ, ɔ pa ro ŋaŋ rȧ ɛlomɔ, To Sethani mɔ gbəli wurɔ Sethani-e? 24Bepi məputhanɛ mə wɔŋ rȧ rəbȧy, rȧbȧy rati rə gbəli hɛ won. 25Bepi məputhanɛ mə wɔŋ rȧ ȧseth-e, ȧŋseth ŋati aŋ gbəli hɛ təmȧ. 26Ɔwa bepi Sethani ɔ po yokar kɔn kɔnɔnɛ, ɔwa ɔ gbayanɛ, ɔ gbəli hɛ təmȧ, ɔthalnɛ wɔŋ ɔ bek. 27Wuni o wuni ɔ gbəli hɛ wɔŋ ka ȧŋseth ŋa wuni ɔwe ba afɔsɔ, ɔ ləsər ɛyɛt yɔŋ, thambe ɔ mɔtha sek ɔwe ba aŋfɔsɔ. Kədarəŋ kati ɔ tə ləsər ȧŋseth ŋɔŋ. 28Tɛntɛnɛ i pa ro nu, A tə tera ɛhakɛ bɛ ya aŋwuth ŋa aŋfəm, yi tȧfɔf taŋ tələs ȧte maŋ fɔf, 29kɛrɛ wuni o wuni ɔwe mə fɔf ɔləs kəŋamnɛ ɔ Yina məsəm a tera hɛ kɔ ti thȧbana, ɔ ba mətheri ma ahakɛ thəbana. 30Pəkasifɛ aŋ po pa, Ɔ ba ukərəfi uləs.
31Ɔkara kɔŋ yi aŋwɔnt ŋɔŋ aŋ der, aŋ təmȧ rokaŋ, kaŋ som kətela kɔ. 32Ɔwa runiya rə yirȧ rə gbətɔ kɔ, aŋ pa ro ŋɔŋ, Ɔkara ka mu yi aŋwɔnt mu aŋ yi rokaŋ aŋ thɛns mu. 33kɔ pa ro ŋaŋ, Kanɛ yi ɔkara kȧmi yi aŋwɔnt mi-e? 34kɔ kəli kəli ŋa aŋa yirȧ ri, ɔ pa, Kəli ɔkara kȧmi yi aŋwɔnt mi! 35Ȧtesoma-e wuni o wuni ɔwe mə yɔ mȧselɔ ma Kuru-e kɔnɔ yi ɔwɔnt mi runi, yi ɔwɔnt mi bɛra, yi ɔkara kȧmi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.