Mark 8
8
1Ka mȧrey mati ma runiya rəbana rə yi sɔ-e, ɔwa aŋ te ba da rədi-e, Yisɔsȧŋ ɔ tela aŋkarande ŋɔŋ, ɔ pa ro ŋaŋ, 2I ba ȧney ta ȧruniya ȧtesoma-e aŋ yi thɔŋ yi minɛ ta mərey məsas, ɔwa aŋ ba hɛ da rədi. 3Ɔwa bepi i ter ŋa aŋ kɔnɛ ka mayira maŋ yi dor-e, aŋ tə pika ro roŋ, ɔwa aŋlɔm aŋ wur ɔbɔli. 4Ka aŋkarande ŋɔŋ aŋ pa, Reke sə gbəli sɔthɔ təbo təbeki tə kənȧmsir aŋfəm ka ɔdɛr ɔyeŋ ɔwe-e? 5kɔ yif ŋa, Mɔlɔ təbo nə ba-a? kaŋ pa, Tȧmthədɛrəŋ. 6kɔ yamari aŋfəm kȧmȧ aŋ yirȧ ro thɔf, kɔ gbasi tȧbo tȧmthədɛrəŋ, ɔwa ma ɔ po muti məmə-e, ɔ siməth ti, kɔ sɔŋ ti ka aŋkarande ŋɔŋ kȧmȧ aŋ botəs ti rodi ka ŋaŋ; kaŋ botəs ti rodi ka aŋfəm. 7Ɔwa aŋ ba ɛlop ɛthan. Ma ɔ po ruba ŋa-e, ɔ yamari kȧmȧ aŋ botəs aŋe sɔ rodi ka aŋfəm. 8kaŋ di, aŋ namra; kaŋ gbas ɛbɛm ɛyɛ tiyȧ təbəlai tȧmthədɛrəŋ. 9Ɔwa aŋfəm aŋa po di-e aŋ yi ɛwul yanlɛ. Kɔ yɔ ŋa aŋ kɔnɛ. 10Ka ɔlɛmp wati ɔ bȧkȧ ka ȧŋbil yi aŋkarande ŋɔŋ kaŋ der ka ɛgbap ya ro Dalmanutha.
11Ka aŋFarisi aŋ der, aŋ təp kəyifȧnɛ kɔ, aŋ thɛns amisali kəwur ro ŋɔŋ kəwur ro riyana, aŋ gbɔns kɔ. 12Ɔ laŋ ka ȧŋmerȧ ŋɔŋ ɔ pa, To som rȧkomra are rə thɛns amisali-e? Tɛntɛnɛ i kanɛ nu, a ba hɛ kəsɔŋ amisali ka rȧkomra are. 13kɔ tey ŋa ɔwa ɔ kȧl bȧkȧ ro bil ɔ fəsi romɔri.
14kaŋ pənɛ tə kəkeranɛ təbo; ɔwa aŋ ba hɛ pəthas kəbo kin gbɛt ro bil. 15kɔ maŋ ŋa kȧmȧ aŋ botnɛ, ɔ pa, Pɛndaf nu ɛgbith ya aŋFarisi yi ɛgbith ya Hɛrɔd. 16kaŋ fɔflanɛ, aŋ pa, Ma sə te ba kəbo, tesom. 17Ma Yisɔsȧŋ ɔ sɔthnɛ ti-e, ɔ pa ro ŋaŋ, kɔyɛŋ mə nə fɔflanɛ-e? Ȧtesoma-e nə ba hɛ kəbo-i? Naŋ nə tha nənk hɛ-i, thalɔm nə tha sɔthnɛ hɛ-i? Ɛmerȧ ɛ nu ɛ gbolŋanɛ-i? 18Ma nə ba ɛfɔr nə gbəli hɛ nəŋk-i? Ma nə ba ɛləns nə gbəli hɛ təl-i? Nə kala hɛ amera-i? 19Ma i siməth tabo tamath kətɔŋ ka ɛwul tamath-e, amɔlɔ təbəlai təlȧ ta ɛbɛm nə gbasi-a? Aŋ pa ro ŋɔŋ, Tɔfɔt tərəŋ. 20Ma i siməth tabo tȧmthədɛrəŋ kətɔŋ ka ɛwul yanlɛ-e, amɔlɔ təbəlai təlȧ ta ɛbɛm nə gbasi-a? Aŋ pa ro ŋɔŋ, Tȧmthədɛrəŋ. 21kɔ pa ro ŋaŋ, Pə tha sɔk hɛ nu-i?
22kaŋ bek ro Bɛthsayda. Kaŋ kȧrȧ ro ŋɔŋ ulaŋgba ufith, ɔwa aŋ nɛmthɛnɛ kɔ kȧmȧ ɔ gboŋ kɔ. 23kɔ wop kȧta ka ɔwuni fith, ɔ wurɔ kɔ ro pet. Ma ɔ po thufər ɛfɔr yɔŋ-e, ɔ gboŋ kɔ mȧta mɔŋ, ɔ yif kɔ, Mə nənk rəka-i? 24kɔ lakthɛ, ɔ pa, I nənk afəm kɛrɛ aŋ yi mɔ yint, aŋ kɔth kɔth. 25kɔ kȧl bot mȧta mɔŋ ka ɛfɔr yɔŋ, ka ɔlaŋgba ɔ kəli təŋ, ɔwa ɔ yeŋk, ɔ nənk ɛyɛt bɛ gbəraŋ. 26kɔ ter kɔ ɔ kɔnɛ ro seth kɔŋ, ɔ pa, Te ras wɔŋ ro pet. 27Ka Yisɔsȧŋ yi aŋkarande ŋɔŋ aŋ kɔ ka kȧpet ta ro Sisiriya Filipay; ɔwa maŋ yi ro roŋ-e, ɔ yif aŋkarande ŋɔŋ, ɔ pa, Kanɛ aŋfəm aŋ pa minɛŋ i yi-e? 28kaŋ wosa aŋ pa, Yɔnȧŋ, ɔBaftays, alɔm aŋ pa, Ilayaŋ, kɛrɛ aŋlɔm aŋ pa ukin ka aŋnabi. 29kɔ yif ŋa, Kɛrɛ naŋ-e, kanɛ nə pa minɛŋ i yi-e? Ka Pitaŋ ɔ wosa ɔ pa, Munɔ mə yi ɔKrayst. 30kɔ maŋ ŋa kȧmȧ aŋ te kanɛ wuni o wuni ta atɔŋ. 31kɔ təp kəthəksa ŋa kəpa ɔ Wan ka wuni ɔ ba kənakasi mȧtȧy məgbathi; aŋbȧki aŋ tə pɛnsa kɔ, yi aŋkərbomp ka aŋfode, yi aŋkarmɔkɔ sɔ, ɔwa aŋ tə dif kɔ, kədarəŋ ka mərey məsas ɔ tə kȧl yokanɛ. 32Ɔ fɔf ȧŋpa aŋe gbafəth. Ka Pitaŋ ɔ gbipnɛ kɔ, ɔ təp kəŋȧl kɔ. 33Kɛrɛ ma ɔ fəlɛ ka aŋkarande ŋɔŋ-e, ɔ ŋal Pitaŋ ɔ pa, Kɔnɛ rodarəŋ kȧmi Sethani; kotȧy-e aŋnanɛ a mu aŋ yi hɛ aŋnanɛ ŋa Kuru, aŋ yi gbo aŋnanɛ ŋa wuni kəpet. 34Ɔwa ma ɔ po tela ȧruniya yi aŋkarande ŋɔŋ-e, ɔ pa ro ŋaŋ, Bepi wuni o wuni ɔ yema tȧŋ mi-e, ta ɔ kasisnɛ, kȧmȧ ɔ gbasi akənt kɔŋ kəpəŋkinɛ, ɔ tȧŋ mi. 35kotȧy-e wuni o wuni ɔwe yema kisis aŋesəm ŋɔŋ, ɔ tə dim ŋi, kɛrɛ wuni o wuni ɔwe mə dim aŋesəm ŋɔŋ salata mi yi salata ȧkɛra kəfinɔ ka Kuru-e, ɔ tə kisis ŋi. 36To mə pə munafa wuni bepi ɔ sɔthɔ ȧdȧru bɛ-e, kɛrɛ ɔ dim aŋesəm ŋɔŋ-a? 37kotȧy-e ko wuni mɔ gbəli sɔŋ tə kəsiŋkar ta ȧŋesəm ŋɔŋ-a? 38Ȧtesoma-e wuni o wuni ɔwe mə lap mi yi ȧsim ta mi-e, ka rȧkomra rərəpi are yi ɛhakɛ ɛye-e; ɔWan ka wuni ɔ tə lap kɔ sɔ, ka ȧŋlɔkɔ ma ɔ der ka aŋyiki ŋa ɔKas kɔŋ yi aŋmȧleka asəm.
Iliyochaguliwa sasa
Mark 8: TMNNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.
Mark 8
8
1Ka mȧrey mati ma runiya rəbana rə yi sɔ-e, ɔwa aŋ te ba da rədi-e, Yisɔsȧŋ ɔ tela aŋkarande ŋɔŋ, ɔ pa ro ŋaŋ, 2I ba ȧney ta ȧruniya ȧtesoma-e aŋ yi thɔŋ yi minɛ ta mərey məsas, ɔwa aŋ ba hɛ da rədi. 3Ɔwa bepi i ter ŋa aŋ kɔnɛ ka mayira maŋ yi dor-e, aŋ tə pika ro roŋ, ɔwa aŋlɔm aŋ wur ɔbɔli. 4Ka aŋkarande ŋɔŋ aŋ pa, Reke sə gbəli sɔthɔ təbo təbeki tə kənȧmsir aŋfəm ka ɔdɛr ɔyeŋ ɔwe-e? 5kɔ yif ŋa, Mɔlɔ təbo nə ba-a? kaŋ pa, Tȧmthədɛrəŋ. 6kɔ yamari aŋfəm kȧmȧ aŋ yirȧ ro thɔf, kɔ gbasi tȧbo tȧmthədɛrəŋ, ɔwa ma ɔ po muti məmə-e, ɔ siməth ti, kɔ sɔŋ ti ka aŋkarande ŋɔŋ kȧmȧ aŋ botəs ti rodi ka ŋaŋ; kaŋ botəs ti rodi ka aŋfəm. 7Ɔwa aŋ ba ɛlop ɛthan. Ma ɔ po ruba ŋa-e, ɔ yamari kȧmȧ aŋ botəs aŋe sɔ rodi ka aŋfəm. 8kaŋ di, aŋ namra; kaŋ gbas ɛbɛm ɛyɛ tiyȧ təbəlai tȧmthədɛrəŋ. 9Ɔwa aŋfəm aŋa po di-e aŋ yi ɛwul yanlɛ. Kɔ yɔ ŋa aŋ kɔnɛ. 10Ka ɔlɛmp wati ɔ bȧkȧ ka ȧŋbil yi aŋkarande ŋɔŋ kaŋ der ka ɛgbap ya ro Dalmanutha.
11Ka aŋFarisi aŋ der, aŋ təp kəyifȧnɛ kɔ, aŋ thɛns amisali kəwur ro ŋɔŋ kəwur ro riyana, aŋ gbɔns kɔ. 12Ɔ laŋ ka ȧŋmerȧ ŋɔŋ ɔ pa, To som rȧkomra are rə thɛns amisali-e? Tɛntɛnɛ i kanɛ nu, a ba hɛ kəsɔŋ amisali ka rȧkomra are. 13kɔ tey ŋa ɔwa ɔ kȧl bȧkȧ ro bil ɔ fəsi romɔri.
14kaŋ pənɛ tə kəkeranɛ təbo; ɔwa aŋ ba hɛ pəthas kəbo kin gbɛt ro bil. 15kɔ maŋ ŋa kȧmȧ aŋ botnɛ, ɔ pa, Pɛndaf nu ɛgbith ya aŋFarisi yi ɛgbith ya Hɛrɔd. 16kaŋ fɔflanɛ, aŋ pa, Ma sə te ba kəbo, tesom. 17Ma Yisɔsȧŋ ɔ sɔthnɛ ti-e, ɔ pa ro ŋaŋ, kɔyɛŋ mə nə fɔflanɛ-e? Ȧtesoma-e nə ba hɛ kəbo-i? Naŋ nə tha nənk hɛ-i, thalɔm nə tha sɔthnɛ hɛ-i? Ɛmerȧ ɛ nu ɛ gbolŋanɛ-i? 18Ma nə ba ɛfɔr nə gbəli hɛ nəŋk-i? Ma nə ba ɛləns nə gbəli hɛ təl-i? Nə kala hɛ amera-i? 19Ma i siməth tabo tamath kətɔŋ ka ɛwul tamath-e, amɔlɔ təbəlai təlȧ ta ɛbɛm nə gbasi-a? Aŋ pa ro ŋɔŋ, Tɔfɔt tərəŋ. 20Ma i siməth tabo tȧmthədɛrəŋ kətɔŋ ka ɛwul yanlɛ-e, amɔlɔ təbəlai təlȧ ta ɛbɛm nə gbasi-a? Aŋ pa ro ŋɔŋ, Tȧmthədɛrəŋ. 21kɔ pa ro ŋaŋ, Pə tha sɔk hɛ nu-i?
22kaŋ bek ro Bɛthsayda. Kaŋ kȧrȧ ro ŋɔŋ ulaŋgba ufith, ɔwa aŋ nɛmthɛnɛ kɔ kȧmȧ ɔ gboŋ kɔ. 23kɔ wop kȧta ka ɔwuni fith, ɔ wurɔ kɔ ro pet. Ma ɔ po thufər ɛfɔr yɔŋ-e, ɔ gboŋ kɔ mȧta mɔŋ, ɔ yif kɔ, Mə nənk rəka-i? 24kɔ lakthɛ, ɔ pa, I nənk afəm kɛrɛ aŋ yi mɔ yint, aŋ kɔth kɔth. 25kɔ kȧl bot mȧta mɔŋ ka ɛfɔr yɔŋ, ka ɔlaŋgba ɔ kəli təŋ, ɔwa ɔ yeŋk, ɔ nənk ɛyɛt bɛ gbəraŋ. 26kɔ ter kɔ ɔ kɔnɛ ro seth kɔŋ, ɔ pa, Te ras wɔŋ ro pet. 27Ka Yisɔsȧŋ yi aŋkarande ŋɔŋ aŋ kɔ ka kȧpet ta ro Sisiriya Filipay; ɔwa maŋ yi ro roŋ-e, ɔ yif aŋkarande ŋɔŋ, ɔ pa, Kanɛ aŋfəm aŋ pa minɛŋ i yi-e? 28kaŋ wosa aŋ pa, Yɔnȧŋ, ɔBaftays, alɔm aŋ pa, Ilayaŋ, kɛrɛ aŋlɔm aŋ pa ukin ka aŋnabi. 29kɔ yif ŋa, Kɛrɛ naŋ-e, kanɛ nə pa minɛŋ i yi-e? Ka Pitaŋ ɔ wosa ɔ pa, Munɔ mə yi ɔKrayst. 30kɔ maŋ ŋa kȧmȧ aŋ te kanɛ wuni o wuni ta atɔŋ. 31kɔ təp kəthəksa ŋa kəpa ɔ Wan ka wuni ɔ ba kənakasi mȧtȧy məgbathi; aŋbȧki aŋ tə pɛnsa kɔ, yi aŋkərbomp ka aŋfode, yi aŋkarmɔkɔ sɔ, ɔwa aŋ tə dif kɔ, kədarəŋ ka mərey məsas ɔ tə kȧl yokanɛ. 32Ɔ fɔf ȧŋpa aŋe gbafəth. Ka Pitaŋ ɔ gbipnɛ kɔ, ɔ təp kəŋȧl kɔ. 33Kɛrɛ ma ɔ fəlɛ ka aŋkarande ŋɔŋ-e, ɔ ŋal Pitaŋ ɔ pa, Kɔnɛ rodarəŋ kȧmi Sethani; kotȧy-e aŋnanɛ a mu aŋ yi hɛ aŋnanɛ ŋa Kuru, aŋ yi gbo aŋnanɛ ŋa wuni kəpet. 34Ɔwa ma ɔ po tela ȧruniya yi aŋkarande ŋɔŋ-e, ɔ pa ro ŋaŋ, Bepi wuni o wuni ɔ yema tȧŋ mi-e, ta ɔ kasisnɛ, kȧmȧ ɔ gbasi akənt kɔŋ kəpəŋkinɛ, ɔ tȧŋ mi. 35kotȧy-e wuni o wuni ɔwe yema kisis aŋesəm ŋɔŋ, ɔ tə dim ŋi, kɛrɛ wuni o wuni ɔwe mə dim aŋesəm ŋɔŋ salata mi yi salata ȧkɛra kəfinɔ ka Kuru-e, ɔ tə kisis ŋi. 36To mə pə munafa wuni bepi ɔ sɔthɔ ȧdȧru bɛ-e, kɛrɛ ɔ dim aŋesəm ŋɔŋ-a? 37kotȧy-e ko wuni mɔ gbəli sɔŋ tə kəsiŋkar ta ȧŋesəm ŋɔŋ-a? 38Ȧtesoma-e wuni o wuni ɔwe mə lap mi yi ȧsim ta mi-e, ka rȧkomra rərəpi are yi ɛhakɛ ɛye-e; ɔWan ka wuni ɔ tə lap kɔ sɔ, ka ȧŋlɔkɔ ma ɔ der ka aŋyiki ŋa ɔKas kɔŋ yi aŋmȧleka asəm.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.