E’doza 4
4
Kaini pi Habili be
1Agu nde nga oku ini Evani ni ra; eri nga mva isu eri ma alia, nga Kainini osi ra, nga ’yo kini, Ma isu agupimva, Yehovani ma aza kolerisi. 2Eri nga vini adri Habilini ti ra. Habilini eri ’ba kabilo ocepiri, te Kainini’ba amvu’yapiri’i. 3Teeri nga eca ’dini o’du azini ma vutia, Kaini nga afa kapi amvua ’diyi maazi eji fe edetaru Yehova dri. 4#Efu 13:12; 34:19; Lev 27:26; Kal 18:17; O’be 3:9; Lip 6:21Habilini vini indi nga ini kabilo o’biru ma anzi otile oko ’diyi ma azi eji edetaru, oso yini be. Yehova nga Habilini a’i ra edeta erini be, 5#Ebra 11:4; E’do 3:16te a’ini Kainini edeta erini be ku. Kaini nga di ovu aokosi tu, eri ma mile nga bi ini. 6Yehova nga ’yo Kaini ma tia kini, Mi aoko be ’dini a’disi ya? Mi mile bi ini a’disi ya? 7Mi ka e’yo onyiru ’ye, ma ngani mi a’i ku ya? Te mi ka e’yo onyiru ’ye ku, isu e’yo onzini mi te jotilea; e’yo erini leleri le mi mba, te mi ma nde eri ovuzu opiru eri drilia.
8 #
Mat 23:35; Luk 11:51; 1 Yoh 3:12-15; Yud 1:11 Kaini nga ’yo i adripi Habili ma tia kini, Onyiru ama ma fu mu amvua. Te eri nga eca ’dini, yini de ovuria amvua, Kaini nga enga i adripi Habili ma ruaa ombasi, nga eri fu kai ra. 9Yehova nga di ’yo Kaini ma tia, Mi adri Habilini ngoa ya ? Eri nga ’yo ra, Ma nini ku; ma ’ba ma adripi ma ta mbapiri ma’i ya ? 10#Ebra 12:24; Eceza 6:10Eri nga ’yo eri tia, Mi ’ye ngoni ya? O’duko mi adripi ma ariniri wu ma bilia engazu nyakuarisi ’do. 11#Azi 28:15-20; Gal 3:10; Yob 16:18Te curu’do mi ovu trizaru nyakuarisi ’bo, nyaku nderini i ti zile mi adripi ma ari mini adaleri mvuzurisi. 12Mi ka nga nyaku nde ’ya ra, eri ngani curu’do afa ka mi dri eri ma okposi ku; mi nga ovu ’ba apapi apariru, azini ’ba abapi saaruriru oro drisi dria. 13Kaini ang ’yo Yehova ma tia, Panga mani nde ma ra, okpo mani eri ’duzu yo. 14Mi ndre, mi dro ma andru nyakuarisi bo; ma nga ovu zizaru mi milia; ma nga ovu ’ba apapi apariru azini ’ba abapi saaruriru oro drisi dria, te eri nga eca ’dini, ’ba ma isupiri nga ma fu ra. 15#Eze 9:4, 6Yehova nga ’yo eri tia, E’yo ’disi ’ba ka Kainini fu ra, eri nga avutani ofe paleko aziri. Yehova nga eceta ’ba Kaini ma dria, ’ba eri isupiri kazu eri ’dizu ku. 16#2 Opi 13:23; 24:20; Yer 23:39; 52:3Kaini nga di fu Yehova ma driliarisi, nga mu ovu angu Nodia Edeni ma kala etuni efurialeruria.
17 #
Zab 49:11
Kaini nga oku erini ni ra, eri nga mva isu eri ma alia, nga Enokani ti ra; eri nga vini aku amboru si, nga aku nde ma ru ’da Enoka’i mvi erini ma ru vusi. 18Osi Iradini Enoka dri; Irari ti Mehuyaelini, Mehuyaeliti Metusaelini, Metusaeli ti Lame-kini. 19Lameki nga ini oku o’du iri; aluri ma ru Ada’i, aziniri ma ru Zila’i. 20Ada ti Yabalini; eri ’ba ovupi hema ma alia anyapa ocepi ’diyi ma a’bi. 21Adripi ma ru Yubali’i; eri ’ba dria o’di copi ejeleko vupi ’diyi ma a’bi. 22Zilani ti vini ini indi Tubali-kainini; eri oka dipi afa dria si ciza be edele molasi kani ayasi ’diyiedepiri’i.Tubalikaini ma amvini Naama’i.
23Lameki nga di ’yo okupi ma tia:
Ada pi Zila be, emi ma eri ma
o’duko fo!
Emi Lameki okupi la, emi eri
e’yo mani ’yoleri:
Ma ’di ’ba ’bo erini ebi ’bale ma
ruaarisi;
ma ’di karilau ’bo erini ma
colerisi.
24Yi ka Kaini ma avuta ofe paleko
aziri,
yi nga Lameki ma avuta ofe
paleko kali aziri drini aziri
adada.
25Adamu nga oku erini ni dika, eri nga mva ti, nga runi ’da Seti’i;#4:25 Seti ma efi ’Ba’ba’i eri kini, Te Mungu ’ba ma dri ori azini Habili paria ’bo, Kainini eri fulerisi. 26#E’do 6:2; 1 Opi 18:24; Zab 116:17; Yoe 2:32; Zef 3:9; Yoh 1:12; ’Yeta 15:17; 1 Kor 1:2Seti dri indi, ti mva eri dri, ’da runi Enosi’i. Ewu nde ’dasi ’ba e’do Yehova ma ru omve.
Iliyochaguliwa sasa
E’doza 4: LB66
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible in Lugbara © United Bible Societies, 1966.
E’doza 4
4
Kaini pi Habili be
1Agu nde nga oku ini Evani ni ra; eri nga mva isu eri ma alia, nga Kainini osi ra, nga ’yo kini, Ma isu agupimva, Yehovani ma aza kolerisi. 2Eri nga vini adri Habilini ti ra. Habilini eri ’ba kabilo ocepiri, te Kainini’ba amvu’yapiri’i. 3Teeri nga eca ’dini o’du azini ma vutia, Kaini nga afa kapi amvua ’diyi maazi eji fe edetaru Yehova dri. 4#Efu 13:12; 34:19; Lev 27:26; Kal 18:17; O’be 3:9; Lip 6:21Habilini vini indi nga ini kabilo o’biru ma anzi otile oko ’diyi ma azi eji edetaru, oso yini be. Yehova nga Habilini a’i ra edeta erini be, 5#Ebra 11:4; E’do 3:16te a’ini Kainini edeta erini be ku. Kaini nga di ovu aokosi tu, eri ma mile nga bi ini. 6Yehova nga ’yo Kaini ma tia kini, Mi aoko be ’dini a’disi ya? Mi mile bi ini a’disi ya? 7Mi ka e’yo onyiru ’ye, ma ngani mi a’i ku ya? Te mi ka e’yo onyiru ’ye ku, isu e’yo onzini mi te jotilea; e’yo erini leleri le mi mba, te mi ma nde eri ovuzu opiru eri drilia.
8 #
Mat 23:35; Luk 11:51; 1 Yoh 3:12-15; Yud 1:11 Kaini nga ’yo i adripi Habili ma tia kini, Onyiru ama ma fu mu amvua. Te eri nga eca ’dini, yini de ovuria amvua, Kaini nga enga i adripi Habili ma ruaa ombasi, nga eri fu kai ra. 9Yehova nga di ’yo Kaini ma tia, Mi adri Habilini ngoa ya ? Eri nga ’yo ra, Ma nini ku; ma ’ba ma adripi ma ta mbapiri ma’i ya ? 10#Ebra 12:24; Eceza 6:10Eri nga ’yo eri tia, Mi ’ye ngoni ya? O’duko mi adripi ma ariniri wu ma bilia engazu nyakuarisi ’do. 11#Azi 28:15-20; Gal 3:10; Yob 16:18Te curu’do mi ovu trizaru nyakuarisi ’bo, nyaku nderini i ti zile mi adripi ma ari mini adaleri mvuzurisi. 12Mi ka nga nyaku nde ’ya ra, eri ngani curu’do afa ka mi dri eri ma okposi ku; mi nga ovu ’ba apapi apariru, azini ’ba abapi saaruriru oro drisi dria. 13Kaini ang ’yo Yehova ma tia, Panga mani nde ma ra, okpo mani eri ’duzu yo. 14Mi ndre, mi dro ma andru nyakuarisi bo; ma nga ovu zizaru mi milia; ma nga ovu ’ba apapi apariru azini ’ba abapi saaruriru oro drisi dria, te eri nga eca ’dini, ’ba ma isupiri nga ma fu ra. 15#Eze 9:4, 6Yehova nga ’yo eri tia, E’yo ’disi ’ba ka Kainini fu ra, eri nga avutani ofe paleko aziri. Yehova nga eceta ’ba Kaini ma dria, ’ba eri isupiri kazu eri ’dizu ku. 16#2 Opi 13:23; 24:20; Yer 23:39; 52:3Kaini nga di fu Yehova ma driliarisi, nga mu ovu angu Nodia Edeni ma kala etuni efurialeruria.
17 #
Zab 49:11
Kaini nga oku erini ni ra, eri nga mva isu eri ma alia, nga Enokani ti ra; eri nga vini aku amboru si, nga aku nde ma ru ’da Enoka’i mvi erini ma ru vusi. 18Osi Iradini Enoka dri; Irari ti Mehuyaelini, Mehuyaeliti Metusaelini, Metusaeli ti Lame-kini. 19Lameki nga ini oku o’du iri; aluri ma ru Ada’i, aziniri ma ru Zila’i. 20Ada ti Yabalini; eri ’ba ovupi hema ma alia anyapa ocepi ’diyi ma a’bi. 21Adripi ma ru Yubali’i; eri ’ba dria o’di copi ejeleko vupi ’diyi ma a’bi. 22Zilani ti vini ini indi Tubali-kainini; eri oka dipi afa dria si ciza be edele molasi kani ayasi ’diyiedepiri’i.Tubalikaini ma amvini Naama’i.
23Lameki nga di ’yo okupi ma tia:
Ada pi Zila be, emi ma eri ma
o’duko fo!
Emi Lameki okupi la, emi eri
e’yo mani ’yoleri:
Ma ’di ’ba ’bo erini ebi ’bale ma
ruaarisi;
ma ’di karilau ’bo erini ma
colerisi.
24Yi ka Kaini ma avuta ofe paleko
aziri,
yi nga Lameki ma avuta ofe
paleko kali aziri drini aziri
adada.
25Adamu nga oku erini ni dika, eri nga mva ti, nga runi ’da Seti’i;#4:25 Seti ma efi ’Ba’ba’i eri kini, Te Mungu ’ba ma dri ori azini Habili paria ’bo, Kainini eri fulerisi. 26#E’do 6:2; 1 Opi 18:24; Zab 116:17; Yoe 2:32; Zef 3:9; Yoh 1:12; ’Yeta 15:17; 1 Kor 1:2Seti dri indi, ti mva eri dri, ’da runi Enosi’i. Ewu nde ’dasi ’ba e’do Yehova ma ru omve.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible in Lugbara © United Bible Societies, 1966.