Jone 14
14
Jisu ta voa keve vo Mama kasi
1Ni vo Jisu ta mata o bazuemake sea disaipeli madu, ni eri kiolake, “Meta pui duki ni tiṉoliṉoli kai elo ko quli aṉa lula a melati bazuekako quli. Meta vai kerumo vo Baṉara ni so jari meta lai kerumo aṉa. 2Ako aṉavo Mama ko pade kale ta mota kama mamazo ko zae sakoi, ko noqola kama, ni aṉata a zio tu aba inainaeko ka pado zae sai tu me kaqe. Pui so tea aṉata pui nio aba melai bazueko ko. 3Nio aṉa lula a mela inainaekou koa zae Saita inio aṉata a vaitou ni aṉata a odiemelou ni a baroekimelou me a ṉavi kasi, tu meta me elou sai aṉa a eloa koi. 4Meta meqai nianiia koa keve koko odiemelo ama me sai aṉa a zio ka kialakoi,” kiolake.
5Melai Tomasi ta eri kiolake vokasi, “Lekasa, eṉeta pui ṉeqai nianiia sai ṉoṉo zio ka kiṉolakoi, sole noni kale inio eṉeta ṉeqai nianiiovou koa keve tu eṉeta ṉe barolou sai?”
6Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio. 7Erisaṉa meta lula melai nianiia aṉa, so sole meta mevai nianiiovou mata vo aṉavo Mama, ni erisaṉa azo meta mevai nianiia vo ni meta me vea vo,” kiolake.
8Sai nio Pilipi ta eri kiolake vokasi, “Lekasa, uria kasa ṉela iva vo Mama tu eṉeta ṉe uria vai nianiio,” kiolake.
9Nio Jisu ta o vati tiorikake vo, “Lula rosi ama taku a eva mea kiada mela kasi, melai ṉota pui nio ṉolai nianiia, kio, Pilipi? Ako vo lula o leani aṉa ta lula o veani vo Mama. Noi sole inio ṉota ‘Ṉela kaseva vo Mama’ kiṉola? 10Ṉota pui tuvevo ṉo ika kio, Pilipi, ko aṉata a Mama tona lala ni vo Mama ta aṉa tona, kio? Ako koa bazubazu ko aṉa lula a melai bazuekako ta pui a qaseka a ṉaviko pizato kale, melai vo Mama vo obeta evani aṉa tona, vo inio ovai bazutani ko ni o erekani o ṉaviko iruruputo aṉa kale kude. 11Meta tuvevo ilomo aṉa ko aṉata a Mama tona lala kio ni vo Mama ta aṉa tonala, melai kota tapata mekasi tea, tuvevo puelomo aṉa koa iruruputo aṉa a erekako kale. 12Tuvevo avole aṉata a bazuemela me, vo tuvevo o ilani aṉa ta vo melai o erekou koa iruruputo aṉa a erekako—tuvevo, koa iruruputo vo o ereko ama ta kokai paloasou aṉa a erekako iruruputo poso, ako aṉata a zio a Mama kasi sole. 13Ni ko quli meme baseko ama aṉako ṉikale, aṉata a mela erekou ko, tu vo Mama ta o ṉaṉaidara puilou vovo Meqora kale. 14Tuvevo avole, meta me basekou kama quli aṉako ṉikale inio aṉata a erekou ko.
Jisu ko leveleveo ivo vo Tabu ala Auvana
15“Meta me roquelou aṉa inio meta me zorikou koa aṉako bazu poso ko erekomo ka kiavema. 16-17Nio aṉata a basevou vo Mama, ni vota o katimelou me kala pado Tauvezato, vo inio voa Tabu ala Auvana, vo kasa o ikani vo Baṉara ko tuveano, vo o elo ala mekasi latau ṉaniu ni ka ṉaniu. Komia peuru ma peuru kale amu ta pui ke ṉeamuva vo, ako seta pui ke vea ni pui kevai nianiia vo sole. Melai meta mevai nianiia vo, ako vota o eva me sase ni me melai me eva vo sase sole.
18“Aṉata pui aba vaemelou me me qiada pado ojolou kamela ni tauvezato pide, melai aṉata a vaitou mekasi. 19Kama puju ama taku ta ikoana ti se maba poso komia peuru ma peuru kale amu ta pui mata kepa lelou aṉa. Melai meta mata me lelou aṉa, ni aṉako mata saevo voukale azo ama kale ta me melai me jaevou. 20Ni koa taku ko barolou keru inio meta melai nianiiovou ta aṉata a Mama tona a eva ni mata meta meqai nianiiovou ta meta aṉa tona omadeuvo aṉata me tona jari.
21“Voa maba vo aṉako bazu poso okai nianiiani ni o zorikani ko, vo inio voa maba vo o roquelani aṉa. Ni aṉa melai a roquevou vo ni kasa a elou a ṉavi vokasi tu olai uria nianiiovou aṉa,” kiolake vo Jisu.
22Nio Jiudasi (vo pui Jiudasi Isikarioti) ta eri kiolake, “Lekasa, noni ko roveovou inio ṉota kasa ṉo elou ṉo ṉavi eṉe kasi ni pui kiadama maba poso kasi?” kiolake.
23Nio Jisu ta o vati tiorikake vo, “Vo o roquelani aṉa ta o zorikou aṉako nianiiekato. Ni aṉavo Mama ta o roquevou vo, ni aṉavo Mama ni aṉa ta qe kilou vokasi ni qe elou vokasi. 24Vo pui o roquelani maba ta pui o zorikani aṉako nianiiekato. Ni koa nianiiekato ko me lula meme viqema ta pui aṉako ko kiada pala, melai kota ko kuevako a Mama kasi azo, vo o soroeleni aṉa.
25“Aṉata lula a melai bazueka komi so keru aṉa koi abeta eva keru mekasi. 26Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.
27“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo. 28Meta lula meda la viqala aṉako eri kio mekasi, ‘Aṉata ada ziovou, ni aṉata mata ada vaitou mekasi,’ kio. Meta me roquela aṉa tea meta meda zoleilou, ako aṉata a ziovou a Mama kasi, ni aṉavo Mama ta matula aṉa kasi azo sole. 29Erisaṉa aṉata a melai bazueka komi puliako ko ereilo, tu so keru koko ereilou keru inio meta me baqumukou aṉako pesio ni me duvevo puekou ko. 30Erisaṉa azo aṉata pui matu kubo quli mata aba kasekou mekasi, ako vo Setani vo peuru ma peuru ko kutumana kale ala lekasa ta obeta kueva sole. Vota maba pui opa roveovou koqotaelo aṉa, 31melai aṉata a qalou a Mama lati kiovevo ko lulueko kale, tu kiadama maba poso peuru ma peuru kale amu ta kekai nianiiovou ta aṉata a roqueva a Mama, ni a zorika voko bazu.
“Uri. Lojomo, tu meda zio komia zaekale azo,” kiolake.
Iliyochaguliwa sasa
Jone 14: BLBNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in the Bilua language, Solomon Islands © The Bible Society of the South Pacific, 1995.
Jone 14
14
Jisu ta voa keve vo Mama kasi
1Ni vo Jisu ta mata o bazuemake sea disaipeli madu, ni eri kiolake, “Meta pui duki ni tiṉoliṉoli kai elo ko quli aṉa lula a melati bazuekako quli. Meta vai kerumo vo Baṉara ni so jari meta lai kerumo aṉa. 2Ako aṉavo Mama ko pade kale ta mota kama mamazo ko zae sakoi, ko noqola kama, ni aṉata a zio tu aba inainaeko ka pado zae sai tu me kaqe. Pui so tea aṉata pui nio aba melai bazueko ko. 3Nio aṉa lula a mela inainaekou koa zae Saita inio aṉata a vaitou ni aṉata a odiemelou ni a baroekimelou me a ṉavi kasi, tu meta me elou sai aṉa a eloa koi. 4Meta meqai nianiia koa keve koko odiemelo ama me sai aṉa a zio ka kialakoi,” kiolake.
5Melai Tomasi ta eri kiolake vokasi, “Lekasa, eṉeta pui ṉeqai nianiia sai ṉoṉo zio ka kiṉolakoi, sole noni kale inio eṉeta ṉeqai nianiiovou koa keve tu eṉeta ṉe barolou sai?”
6Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio. 7Erisaṉa meta lula melai nianiia aṉa, so sole meta mevai nianiiovou mata vo aṉavo Mama, ni erisaṉa azo meta mevai nianiia vo ni meta me vea vo,” kiolake.
8Sai nio Pilipi ta eri kiolake vokasi, “Lekasa, uria kasa ṉela iva vo Mama tu eṉeta ṉe uria vai nianiio,” kiolake.
9Nio Jisu ta o vati tiorikake vo, “Lula rosi ama taku a eva mea kiada mela kasi, melai ṉota pui nio ṉolai nianiia, kio, Pilipi? Ako vo lula o leani aṉa ta lula o veani vo Mama. Noi sole inio ṉota ‘Ṉela kaseva vo Mama’ kiṉola? 10Ṉota pui tuvevo ṉo ika kio, Pilipi, ko aṉata a Mama tona lala ni vo Mama ta aṉa tona, kio? Ako koa bazubazu ko aṉa lula a melai bazuekako ta pui a qaseka a ṉaviko pizato kale, melai vo Mama vo obeta evani aṉa tona, vo inio ovai bazutani ko ni o erekani o ṉaviko iruruputo aṉa kale kude. 11Meta tuvevo ilomo aṉa ko aṉata a Mama tona lala kio ni vo Mama ta aṉa tonala, melai kota tapata mekasi tea, tuvevo puelomo aṉa koa iruruputo aṉa a erekako kale. 12Tuvevo avole aṉata a bazuemela me, vo tuvevo o ilani aṉa ta vo melai o erekou koa iruruputo aṉa a erekako—tuvevo, koa iruruputo vo o ereko ama ta kokai paloasou aṉa a erekako iruruputo poso, ako aṉata a zio a Mama kasi sole. 13Ni ko quli meme baseko ama aṉako ṉikale, aṉata a mela erekou ko, tu vo Mama ta o ṉaṉaidara puilou vovo Meqora kale. 14Tuvevo avole, meta me basekou kama quli aṉako ṉikale inio aṉata a erekou ko.
Jisu ko leveleveo ivo vo Tabu ala Auvana
15“Meta me roquelou aṉa inio meta me zorikou koa aṉako bazu poso ko erekomo ka kiavema. 16-17Nio aṉata a basevou vo Mama, ni vota o katimelou me kala pado Tauvezato, vo inio voa Tabu ala Auvana, vo kasa o ikani vo Baṉara ko tuveano, vo o elo ala mekasi latau ṉaniu ni ka ṉaniu. Komia peuru ma peuru kale amu ta pui ke ṉeamuva vo, ako seta pui ke vea ni pui kevai nianiia vo sole. Melai meta mevai nianiia vo, ako vota o eva me sase ni me melai me eva vo sase sole.
18“Aṉata pui aba vaemelou me me qiada pado ojolou kamela ni tauvezato pide, melai aṉata a vaitou mekasi. 19Kama puju ama taku ta ikoana ti se maba poso komia peuru ma peuru kale amu ta pui mata kepa lelou aṉa. Melai meta mata me lelou aṉa, ni aṉako mata saevo voukale azo ama kale ta me melai me jaevou. 20Ni koa taku ko barolou keru inio meta melai nianiiovou ta aṉata a Mama tona a eva ni mata meta meqai nianiiovou ta meta aṉa tona omadeuvo aṉata me tona jari.
21“Voa maba vo aṉako bazu poso okai nianiiani ni o zorikani ko, vo inio voa maba vo o roquelani aṉa. Ni aṉa melai a roquevou vo ni kasa a elou a ṉavi vokasi tu olai uria nianiiovou aṉa,” kiolake vo Jisu.
22Nio Jiudasi (vo pui Jiudasi Isikarioti) ta eri kiolake, “Lekasa, noni ko roveovou inio ṉota kasa ṉo elou ṉo ṉavi eṉe kasi ni pui kiadama maba poso kasi?” kiolake.
23Nio Jisu ta o vati tiorikake vo, “Vo o roquelani aṉa ta o zorikou aṉako nianiiekato. Ni aṉavo Mama ta o roquevou vo, ni aṉavo Mama ni aṉa ta qe kilou vokasi ni qe elou vokasi. 24Vo pui o roquelani maba ta pui o zorikani aṉako nianiiekato. Ni koa nianiiekato ko me lula meme viqema ta pui aṉako ko kiada pala, melai kota ko kuevako a Mama kasi azo, vo o soroeleni aṉa.
25“Aṉata lula a melai bazueka komi so keru aṉa koi abeta eva keru mekasi. 26Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.
27“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo. 28Meta lula meda la viqala aṉako eri kio mekasi, ‘Aṉata ada ziovou, ni aṉata mata ada vaitou mekasi,’ kio. Meta me roquela aṉa tea meta meda zoleilou, ako aṉata a ziovou a Mama kasi, ni aṉavo Mama ta matula aṉa kasi azo sole. 29Erisaṉa aṉata a melai bazueka komi puliako ko ereilo, tu so keru koko ereilou keru inio meta me baqumukou aṉako pesio ni me duvevo puekou ko. 30Erisaṉa azo aṉata pui matu kubo quli mata aba kasekou mekasi, ako vo Setani vo peuru ma peuru ko kutumana kale ala lekasa ta obeta kueva sole. Vota maba pui opa roveovou koqotaelo aṉa, 31melai aṉata a qalou a Mama lati kiovevo ko lulueko kale, tu kiadama maba poso peuru ma peuru kale amu ta kekai nianiiovou ta aṉata a roqueva a Mama, ni a zorika voko bazu.
“Uri. Lojomo, tu meda zio komia zaekale azo,” kiolake.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in the Bilua language, Solomon Islands © The Bible Society of the South Pacific, 1995.