Jan 8
8
1Jesu den gedi Olivie Tiidi juali po. 2Ku tiŋaapanpangu, o go den guani U Tienu diegu nni, ke bi niba kuli cua o kani, ke o kali ki bangi ba.
3U Tienu bali maama banda leni Farisieninba den cuani o kani ban cuo yaa pua ke o conbi. 4Bi den sieni o bi niba kuli siiga, ki yedi Jesu: «Canbaa, bi cuo o naa pua wan conbi yaa yogunu. 5Li bali maama nni, Musa bili ti po ke tin lugidi yaa puoba n tieni yeni a tana. Amo yedi lede?» #Lev 20.10; Tia 22.22-24. 6Bi den yedi yeni, ki bua ki biigi o, ki fidi ki kuli o. Ama Jesu den tibini ki dangi tiipo leni o nubili. 7Nani ban den suagi liiga ki buali o yeni, o den yaadi ki sedi, ki yedi ba: «Yi siiga nni yua n kaa pia tuonbiadi, n kpa lugidi o li tanli.» 8Lani, o go den tibini ki dangi tiipo. 9Ban den gbadi wan yedi yaala, bi pala siedi den cuo ba, ke bikuli ña yendo yendo, ki cili a nikpela, ki ban pundi hali puoli yaaba. Bi den ban ŋaa Jesu bebe leni o pua yeni, ke o se wan bi se naankani. 10Lanwani, Jesu den yaadi ki sedi, ki buali o: «Pua, yaaba n kuli a ye le? Oba kuli ki buni ki cuo ŋa?» 11O den yedi o: «Canbaa, oba kuli.» Jesu den yedi o: «Nmoko kan bu ki cuo ŋa. Kuni, die ŋan da go faa ki tieni tuonbiadi.»]
Jesu tie ŋanduna yenma
12Jesu go den yedi bi niba: «Mini n tie ŋanduna yenma, yua n ŋua nni kuli, kan go cuoni li biigili nni, ama o baa baa li miali yenma.» #Mat 5.14; Jan 9.5. 13Lani yaa po, Farisieninba den yedi o: «A tiendi a yuli po siedi, a siedi yeni ki tie moamoani.» #Jan 5.31. 14Jesu den guani ki yedi ba: «Ba ke n tieni n yuli po siedi, n siedi tie moamoani, kelima n bani min ñani naani, ki go bani min caa naani. Ama yinba, yii bani min ñani naani ki cua, yii go bani min caa naani mo. 15Yi ja ti buudi nani bi nisaaliba n nua maama, ama mii ja niloba buudi. 16Ba n yaa baa jia ti buudi, n bujiali baa yaa tiegi, kelima mii ye nbebe. Baa U Tienu yua n soani nni, ye leni nni. 17Yi bali maama nni, li diani ke nibilie siedo tie moamoani. 18N tiendi n yuli po siedi, Baa yua n soani nni moko tiendi n po siedi.» 19Lanwani, bi den buali o: «A Baa ye le?» Jesu den guani ki yedi ba: «Yii bani nni, yii bani n Baa mo. Yi yaa bi bani nni, yi bi baa bandi n Baa moko.»
20Jesu den maadi laa maama ki kuu ban den biliti ŋalimani naankani, wan den bangi bi niba U Tienu diegu nni yaa yogunu. Oba kuli ki den cuo o, kelima o yogunu daa pundi.
Yi kan fidi ki gedi min caa naanpo
21Lani, Jesu den yedi ba: «N baa gedi. Yi baa lingi nni, ama yi baa kpe yi tuonbiadi nni. Yi kan fidi ki gedi min caa naanpo.» 22Jufinba den yedi: «Wan yedi: ‹Yi kan fidi ki gedi min caa naanpo yeni,› naani o baa kpa o yule?» 23O den yedi ba: «Yi tie tiipo yaaba, nmo tie tanpoli yua. Yinba, yi tie ŋanduna ne yaaba, mini, mii tie ŋanduna ne yua. 24Lani yaa po yo, ke n waani yi ke yi baa kpe yi tuonbiadi nni, kelima yi yàá daani ke “N Ye,” yi baa kpe yi tuonbiadi nni.» 25Bi den yedi o: «A tie ŋme?» Jesu den yedi ba: «Min den kpa waani yi ke n tie yua yeni. 26N pia li bonla boncianla ki baa maadi leni yi, ki go jia yi buudi li po. Ama yua n soani nni tie moamoandaano, min maadi yaa maama moala ŋanduna nni tie min den gbadi o kani yaama.» 27Baa den bani ke o maadi ba, Baa U Tienu yaa maame. 28Lani yaa po, Jesu den yedi ba: «Yi yaa yugidi o Joa Bijua yaa yogunu, yi baa bandi ke “N Ye.” Lanyogunu yi baa bandi ke mii tieni liba n yuceli po, ama ke n maadi n Baa n den bangi nni yaala bebe. 29Wani yua n soani nni yeni ye leni nni, waa ŋaa nni nbebe, kelima yogunu kuli n tiendi yaala n mani o po.» 30Wan den maadi laa maama, bi niba boncianla den tuo ki daani o.
Abalahama yaabila
31Lani, Jesu den yedi yaa Jufinba n tuo ki daani o yeni: «Yi yaa tuo ki kubi n maama, yi tie n ŋoadikaaba moamoani. 32Yi baa bandi i moamoani, i moamoani yeni baa faabi yi.» 33Bi den guani ki yedi o: «Ti tie Abalahama puoliŋuani, hali tin ye, tii tua oba kuli yonbi. Be yaa po ke a yedi ke ti baa faabi?» #Mat 3.9; Luk 3.8. 34Jesu den guani ki yedi ba: «N waani yi i moamoani, yua n tiendi ti tuonbiadi kuli tie ti tuonbiadi yonbo. 35O yonbo n ye yaa diegu nni ka tie wan baa yaa ye naani yogunu kuli. Ama yua n tie laa diegu biga, baa yaa ye lienni hali yaa yogunu kuli. 36Lani yaa po, Bijua yaa faabi yi, yi baa faabi moamoani. 37N bani ke yi tie Abalahama puoliŋuani, ama ba yeni, yi lingi ki bua ki kpa nni, kelima min maadi yaa maama, naa baa kaanu yi pala nni. 38N maadi min laa yaala n Baa kani, yimo tiendi yin gbadi yaala yimo yaa baa kani.» 39Bi den yedi o: «Ti baa n tie Abalahama.» Jesu den guani ki yedi ba: «Yi yaa bi tie Abalahama puoliŋuani, yi bi baa yaa tiendi Abalahama n den tuuni yaa tuona.
40Ama moala yi lingi ki baa kpa nni, mini yua n waani yi min den gbadi yaa moamoani U Tienu kani. Abalahama ki den tieni yeni. 41Yi tiendi yi baa n tuuni yaa tuona.» Bi den yedi o: «Tii tie conconbila ka. Ti pia Baayendo, wani n tie U Tienu!» 42Jesu den yedi ba: «U Tienu n yaa bi tie yi Baa, yi bi baa yaa bua nni, kelima n ñani U Tienu kani ki cua. Mii cua n yuceli po ka, wani n soani nni. 43Be yaa po ke yii gbadi min maadi yaa maama? Li tie ke yii fidi ki gaa min yedi yaale. 44Yi baa n tie Sutaani, yi bua ki yaa tiendi wani yi baa yaa yanbuame. O tie nikpalo hali mi cilima, waa ye i moamoani nni, kelima i moamoani ki ye o niinni. O yaa pua mi faama, o maadi nani wani o ba yantiali n tie maama, kelima o tie o tuofaadaano, ki go tie mi faama kuli yaa baa. 45Mini wani, n maadi i moamoani, ama yii dugi n maama po. 46Yi siiga nni, ŋme n baa fidi ki doagidi ke n pia ti tuonbiadi? N yaa maadi i moamoani, be yaa po ke yii dugi n maama po? 47Yaa nilo n tie U Tienu yua kuli, cengi wani U Tienu maama. Yin kaa cengi yeni, li tie ke yii tie U Tienu yaa yaabe.»
Jesu leni Abalahama
48Jufinba den guani ki yedi o: «Tii pia moamoani ka ki yedi ke a tie Samari yua, ki pia ki cicibiadiga?» 49Jesu den guani ki yedi ba: «Mii pia cicibiadiga ka. N jigindi n Baa yo, ama yinba, yi jigidi nni. 50Mii lingi ti kpiagidi n yuli po ka. Yendo ye yua n lingi n po ti kpiagidi, ki go ja ti buudi. 51N yedi yi i moamoani, yua n kubi n maama, o kan kpe abada.»
52Laa maama po, Jufinba den yedi o: «Moala wani, ti li bani ke a pia ki cicibiadige. Abalahama kpe, bi saawalipuaba moko kpe, ama ke fini nan yedi ke yua n kubi a maama, kan bandi mi kuuma abada. 53Naani a cie ti yaaja Abalahama yua n kpe yo? Bi saawalipuaba moko kpe. A tama ke a tie ŋme?» 54Jesu den guani ki yedi: «N yaa kpiagidi n yuli, n kpiagidi tie fanma fanma. Yua n kpiagidi nni tie n Baa, yin maadi yua yaa maama ki tua ke o tie yi Tienu yeni. 55Yii bani o, ama mini n bani o. N yaa bi yedi ke mii bani o, n bi baa tua tuofaadaano nani yinba. Ama n bani o, ki kubi o maama. 56Yi baa Abalahama den mangi o pali boncianla, ke o baa le n daali. O den laa li ke li mangi o.»
57Lani yaa po, Jufinba den yedi o: «A daa pundi bina piimuu, ki nan laa Abalahama?» 58Jesu den yedi ba: «N yedi yi i moamoani, hali ke Abalahama daa den ye, “N Ye.”» 59Lani yaa po, bi den taa a tana ki baa lugidi o. Ama Jesu den wuoni ki ñani U Tienu diegu nni.
Iliyochaguliwa sasa
Jan 8: BGP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gulmancema Protestant Bible © Bible Society of Burkina Faso, 2013.
Jan 8
8
1Jesu den gedi Olivie Tiidi juali po. 2Ku tiŋaapanpangu, o go den guani U Tienu diegu nni, ke bi niba kuli cua o kani, ke o kali ki bangi ba.
3U Tienu bali maama banda leni Farisieninba den cuani o kani ban cuo yaa pua ke o conbi. 4Bi den sieni o bi niba kuli siiga, ki yedi Jesu: «Canbaa, bi cuo o naa pua wan conbi yaa yogunu. 5Li bali maama nni, Musa bili ti po ke tin lugidi yaa puoba n tieni yeni a tana. Amo yedi lede?» #Lev 20.10; Tia 22.22-24. 6Bi den yedi yeni, ki bua ki biigi o, ki fidi ki kuli o. Ama Jesu den tibini ki dangi tiipo leni o nubili. 7Nani ban den suagi liiga ki buali o yeni, o den yaadi ki sedi, ki yedi ba: «Yi siiga nni yua n kaa pia tuonbiadi, n kpa lugidi o li tanli.» 8Lani, o go den tibini ki dangi tiipo. 9Ban den gbadi wan yedi yaala, bi pala siedi den cuo ba, ke bikuli ña yendo yendo, ki cili a nikpela, ki ban pundi hali puoli yaaba. Bi den ban ŋaa Jesu bebe leni o pua yeni, ke o se wan bi se naankani. 10Lanwani, Jesu den yaadi ki sedi, ki buali o: «Pua, yaaba n kuli a ye le? Oba kuli ki buni ki cuo ŋa?» 11O den yedi o: «Canbaa, oba kuli.» Jesu den yedi o: «Nmoko kan bu ki cuo ŋa. Kuni, die ŋan da go faa ki tieni tuonbiadi.»]
Jesu tie ŋanduna yenma
12Jesu go den yedi bi niba: «Mini n tie ŋanduna yenma, yua n ŋua nni kuli, kan go cuoni li biigili nni, ama o baa baa li miali yenma.» #Mat 5.14; Jan 9.5. 13Lani yaa po, Farisieninba den yedi o: «A tiendi a yuli po siedi, a siedi yeni ki tie moamoani.» #Jan 5.31. 14Jesu den guani ki yedi ba: «Ba ke n tieni n yuli po siedi, n siedi tie moamoani, kelima n bani min ñani naani, ki go bani min caa naani. Ama yinba, yii bani min ñani naani ki cua, yii go bani min caa naani mo. 15Yi ja ti buudi nani bi nisaaliba n nua maama, ama mii ja niloba buudi. 16Ba n yaa baa jia ti buudi, n bujiali baa yaa tiegi, kelima mii ye nbebe. Baa U Tienu yua n soani nni, ye leni nni. 17Yi bali maama nni, li diani ke nibilie siedo tie moamoani. 18N tiendi n yuli po siedi, Baa yua n soani nni moko tiendi n po siedi.» 19Lanwani, bi den buali o: «A Baa ye le?» Jesu den guani ki yedi ba: «Yii bani nni, yii bani n Baa mo. Yi yaa bi bani nni, yi bi baa bandi n Baa moko.»
20Jesu den maadi laa maama ki kuu ban den biliti ŋalimani naankani, wan den bangi bi niba U Tienu diegu nni yaa yogunu. Oba kuli ki den cuo o, kelima o yogunu daa pundi.
Yi kan fidi ki gedi min caa naanpo
21Lani, Jesu den yedi ba: «N baa gedi. Yi baa lingi nni, ama yi baa kpe yi tuonbiadi nni. Yi kan fidi ki gedi min caa naanpo.» 22Jufinba den yedi: «Wan yedi: ‹Yi kan fidi ki gedi min caa naanpo yeni,› naani o baa kpa o yule?» 23O den yedi ba: «Yi tie tiipo yaaba, nmo tie tanpoli yua. Yinba, yi tie ŋanduna ne yaaba, mini, mii tie ŋanduna ne yua. 24Lani yaa po yo, ke n waani yi ke yi baa kpe yi tuonbiadi nni, kelima yi yàá daani ke “N Ye,” yi baa kpe yi tuonbiadi nni.» 25Bi den yedi o: «A tie ŋme?» Jesu den yedi ba: «Min den kpa waani yi ke n tie yua yeni. 26N pia li bonla boncianla ki baa maadi leni yi, ki go jia yi buudi li po. Ama yua n soani nni tie moamoandaano, min maadi yaa maama moala ŋanduna nni tie min den gbadi o kani yaama.» 27Baa den bani ke o maadi ba, Baa U Tienu yaa maame. 28Lani yaa po, Jesu den yedi ba: «Yi yaa yugidi o Joa Bijua yaa yogunu, yi baa bandi ke “N Ye.” Lanyogunu yi baa bandi ke mii tieni liba n yuceli po, ama ke n maadi n Baa n den bangi nni yaala bebe. 29Wani yua n soani nni yeni ye leni nni, waa ŋaa nni nbebe, kelima yogunu kuli n tiendi yaala n mani o po.» 30Wan den maadi laa maama, bi niba boncianla den tuo ki daani o.
Abalahama yaabila
31Lani, Jesu den yedi yaa Jufinba n tuo ki daani o yeni: «Yi yaa tuo ki kubi n maama, yi tie n ŋoadikaaba moamoani. 32Yi baa bandi i moamoani, i moamoani yeni baa faabi yi.» 33Bi den guani ki yedi o: «Ti tie Abalahama puoliŋuani, hali tin ye, tii tua oba kuli yonbi. Be yaa po ke a yedi ke ti baa faabi?» #Mat 3.9; Luk 3.8. 34Jesu den guani ki yedi ba: «N waani yi i moamoani, yua n tiendi ti tuonbiadi kuli tie ti tuonbiadi yonbo. 35O yonbo n ye yaa diegu nni ka tie wan baa yaa ye naani yogunu kuli. Ama yua n tie laa diegu biga, baa yaa ye lienni hali yaa yogunu kuli. 36Lani yaa po, Bijua yaa faabi yi, yi baa faabi moamoani. 37N bani ke yi tie Abalahama puoliŋuani, ama ba yeni, yi lingi ki bua ki kpa nni, kelima min maadi yaa maama, naa baa kaanu yi pala nni. 38N maadi min laa yaala n Baa kani, yimo tiendi yin gbadi yaala yimo yaa baa kani.» 39Bi den yedi o: «Ti baa n tie Abalahama.» Jesu den guani ki yedi ba: «Yi yaa bi tie Abalahama puoliŋuani, yi bi baa yaa tiendi Abalahama n den tuuni yaa tuona.
40Ama moala yi lingi ki baa kpa nni, mini yua n waani yi min den gbadi yaa moamoani U Tienu kani. Abalahama ki den tieni yeni. 41Yi tiendi yi baa n tuuni yaa tuona.» Bi den yedi o: «Tii tie conconbila ka. Ti pia Baayendo, wani n tie U Tienu!» 42Jesu den yedi ba: «U Tienu n yaa bi tie yi Baa, yi bi baa yaa bua nni, kelima n ñani U Tienu kani ki cua. Mii cua n yuceli po ka, wani n soani nni. 43Be yaa po ke yii gbadi min maadi yaa maama? Li tie ke yii fidi ki gaa min yedi yaale. 44Yi baa n tie Sutaani, yi bua ki yaa tiendi wani yi baa yaa yanbuame. O tie nikpalo hali mi cilima, waa ye i moamoani nni, kelima i moamoani ki ye o niinni. O yaa pua mi faama, o maadi nani wani o ba yantiali n tie maama, kelima o tie o tuofaadaano, ki go tie mi faama kuli yaa baa. 45Mini wani, n maadi i moamoani, ama yii dugi n maama po. 46Yi siiga nni, ŋme n baa fidi ki doagidi ke n pia ti tuonbiadi? N yaa maadi i moamoani, be yaa po ke yii dugi n maama po? 47Yaa nilo n tie U Tienu yua kuli, cengi wani U Tienu maama. Yin kaa cengi yeni, li tie ke yii tie U Tienu yaa yaabe.»
Jesu leni Abalahama
48Jufinba den guani ki yedi o: «Tii pia moamoani ka ki yedi ke a tie Samari yua, ki pia ki cicibiadiga?» 49Jesu den guani ki yedi ba: «Mii pia cicibiadiga ka. N jigindi n Baa yo, ama yinba, yi jigidi nni. 50Mii lingi ti kpiagidi n yuli po ka. Yendo ye yua n lingi n po ti kpiagidi, ki go ja ti buudi. 51N yedi yi i moamoani, yua n kubi n maama, o kan kpe abada.»
52Laa maama po, Jufinba den yedi o: «Moala wani, ti li bani ke a pia ki cicibiadige. Abalahama kpe, bi saawalipuaba moko kpe, ama ke fini nan yedi ke yua n kubi a maama, kan bandi mi kuuma abada. 53Naani a cie ti yaaja Abalahama yua n kpe yo? Bi saawalipuaba moko kpe. A tama ke a tie ŋme?» 54Jesu den guani ki yedi: «N yaa kpiagidi n yuli, n kpiagidi tie fanma fanma. Yua n kpiagidi nni tie n Baa, yin maadi yua yaa maama ki tua ke o tie yi Tienu yeni. 55Yii bani o, ama mini n bani o. N yaa bi yedi ke mii bani o, n bi baa tua tuofaadaano nani yinba. Ama n bani o, ki kubi o maama. 56Yi baa Abalahama den mangi o pali boncianla, ke o baa le n daali. O den laa li ke li mangi o.»
57Lani yaa po, Jufinba den yedi o: «A daa pundi bina piimuu, ki nan laa Abalahama?» 58Jesu den yedi ba: «N yedi yi i moamoani, hali ke Abalahama daa den ye, “N Ye.”» 59Lani yaa po, bi den taa a tana ki baa lugidi o. Ama Jesu den wuoni ki ñani U Tienu diegu nni.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gulmancema Protestant Bible © Bible Society of Burkina Faso, 2013.