Eksodo 10:21-23
Eksodo 10:21-23 MW2019
Vano Apwiya yaamulleella Mose wi, “Tukhullella nnatta nawo muddullu wi vikhalle epiphi yawoopiha wunchichi va ellapo ettheene ya Iguputo.” Sika Mose aatukhullella nnatta naye muddullu nave waamora epiphi yawoopiha wunchichi wa mallapo mararu mu ellapo ettheene. Aiguputwaayo kheyaaworattho woonana nave khaarivo naari muthu mmodda asusalle vamullakoni vaye wa mallapo mararu mattheenaayo. Koma nko wakhalla Aisraele khawaari epiphi.