Eksodo 10
10
Yoottikhiniha yaneetthanu ni raru: Nazombe
1Vano Apwiya yaamulleella Mose wi, “Oye wa Farao. Kohummiha murima wa Farao ni wa enduna ddaye wi kiwoonihe ddoottikhiniha ddittheddenenndda variyari viwa 2wi nyuwaano mwaalleelleke aniinyu ni edduullu ddanyu dda mmo kaweerelleemi ekuku Aiguputo vaweerani ddoottikhiniha variyari viwa. Sika attheenenyu muneerodduwella wi mi tti Apwiya.”
3Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle. 4Waahiwaakhullellave wi evenyewo, osiisello kineerommoriha nazombe mwiillaponi mwawo 5nave ethaya ettheene eneerohuruwelliwa ni nazombooyo wi ethayeeyo ehooneyettho. Aneerocha ddeko ddittheddene nnddo ddahoonongeye ni marallalla. Aneerocha miteekho nnddo ddinaphuwella wiilli. 6Nave enyumba ddawo, dda enduna ddawo ni dda athwaawo, ddittheddene ddineeroddalla ni nazombeve, eyo eri ello yawi naari attiitthaanyu apaalle makhollwaanyu khenaddooneke ephatuwellwiiwa.’ ” Vano Mose aavenyawo wa Farao.
7Enduna dda Farao ddaamukoha wi, “Ethiyo muthu yoolla anaahiye niini onihoosa mwawi ddiidda? Waakhullelleni athwaayo evenyewo wi eye yaallapelle Apwiya Mullukwiiwa. Ethiyo khemunoona wi vano ellapo ya Iguputo yoomalla woonongeya?”
8Sika Farao aamwiithanihattho Mose ni Aroni aalleella wi, “Khawekeni mwaallapelle Apwiya Mullukwaanyu. Koma vano anaayeewo ttaani?”
9Nave Mose ahaakhulla wi, “Attheenehi, anamwani ni attekweene nineeroyaawo. Ninaayeewo ni aniihu aallopwana, aniihu aatthiyana, enkhosa, epuri, abulu ni eng'ombe ddahu ddene, ekaamba yawi nineereweera ehakallallo yowaallapella Apwiya.”
10Koma Farao ahaalleella wi, “Kinimallupella vamiitthoni va Apwiya Mullukwaanyu wi ngiwaakhullellani wi mwaakuse aniinyu ni awarinyu. Kinnadduwella wi nyuwaano mookhalla ni yoolinga yoonanara m'murimani mwanyummo. 11Ata! Nyuwaano, allopwana sika munaaye wi mwaallapelle Apwiya vawi nnddo sika munapaalleenyu.” Vano Mose ni Aroni yahiikariwa vamiitthoni va Farao.
12Vano Apwiya yaamulleella Mose wi, “Tukhullella nnatta nawo va ellapo ya Iguputo wi nazombe awe nave ache ddoomella ddittheddene nndde marallallaalle yahoonongilliiwa.” 13Vano Mose aatukhullella ekopwaaye va ellapweeyo nave Apwiya yahaambiha ephevo yoovenyera wookhuma nndduwa wi yoope va ellapo ettheene ya Iguputo otthaana ni mahiiyweene. Osaka wene, nazombe aari virive veko. 14#Yaw 9.2,3Aaddalla va ellapo ettheene ya Iguputo. Waata wa nazombooyo waari wawi khawunooneyekettho waambeella khalle nave khawiwa wooneyakattho. 15Aahuruwella ellapo ettheene nave ethaya ettheene yaaripa ekaamba ya nazombooyo. Aacha erive ello yoomella muthayani ni ezipaso dda m'miteekhoni ddahoonongiwe ni marallallaalle. Kheyaarivo ello ekitthi yahallille vamuteekhoni apaalle yoomella mu ellapo ettheene ya Iguputo.
16Vano Farao aamwiithana Mose ni Aroni mwawaakuva aalleella wi, “Kohaachimwella Apwiya Mullukwaanyu nave kohuulakwellanittho. 17Koma vano pepaani, mukikhululukelle va enthawi yeellave nave muvekelle wa Apwiya Mullukwaanyu wi ekivenyihelle ollaka wawoopihanngu.” 18Mose aavenyawo wa Farao wulle, aya avekella wa Apwiya. 19Apwiya yaatthattusa ephevweeyo ekhalla ephevo yawoopiha yoovenyera woovollowa nndduwa nave yaamuthamakihella nazombooyo o Enyanja Yoofiira. O Iguputo wulle khewaahallillettho naari nazombe mmodda. 20Koma Apwiya yaamummihave murima Farao nave khaawaakhullelle Aisraele wi evenyewo.
Yoottikhiniha yaneetthanu ni sese: Epiphi
21Vano Apwiya yaamulleella Mose wi, “Tukhullella nnatta nawo muddullu wi vikhalle epiphi yawoopiha wunchichi va ellapo ettheene ya Iguputo.” 22#Mas 105.28; Yaw 16.10Sika Mose aatukhullella nnatta naye muddullu nave waamora epiphi yawoopiha wunchichi wa mallapo mararu mu ellapo ettheene. 23Aiguputwaayo kheyaaworattho woonana nave khaarivo naari muthu mmodda asusalle vamullakoni vaye wa mallapo mararu mattheenaayo. Koma nko wakhalla Aisraele khawaari epiphi.
24Vano Farao aamwiithana Mose amulleella wi, “Khaweni mwaallapelle Apwiya. Muyeenawottho awarinyu ni aniinyweene. Koma enkhosa ddanyu, epuri ddanyu, abulwaanyu ni eng'ombe ddanyu ddene ddineerosungiwa weewuno.”
25Mose aallota wi, “Vanothi nyuwaano sika munaanivahe eziweto ddoovelleellella mukutho wooshellelliha wa Apwiya Mullukwaahu. 26Koma nineerokusa eziweto ddahu nave wuno khohalla naari echiweto emodda. Vawi ninaphwanella wi natthoolle eziweto ddawaarumeyellana Apwiya Mullukwaahu. Nave khaninadduwella ddoophwanella ophariha mutteko vawaallapellani Apwiya ophiyera niphiyalle wenko.”
27Koma Apwiya yaamummihave murima Farao nave khaawaakhullelle athwaayo wi evenyewo. 28Vano Farao aamulleella Mose wi, “Kivenyerevo! Chenjera nave ohiphiyettho vamiitthoni vaka vawi nllapo nno kineereemi kiwoone kinimawiipha.”
29Mose ahaakhulla wi, “Ddawoona moollikana ni mmo mullotelleenyu, ngiwa kiwoonakanittho.”
Iliyochaguliwa sasa
Eksodo 10: MW2019
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.
Eksodo 10
10
Yoottikhiniha yaneetthanu ni raru: Nazombe
1Vano Apwiya yaamulleella Mose wi, “Oye wa Farao. Kohummiha murima wa Farao ni wa enduna ddaye wi kiwoonihe ddoottikhiniha ddittheddenenndda variyari viwa 2wi nyuwaano mwaalleelleke aniinyu ni edduullu ddanyu dda mmo kaweerelleemi ekuku Aiguputo vaweerani ddoottikhiniha variyari viwa. Sika attheenenyu muneerodduwella wi mi tti Apwiya.”
3Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle. 4Waahiwaakhullellave wi evenyewo, osiisello kineerommoriha nazombe mwiillaponi mwawo 5nave ethaya ettheene eneerohuruwelliwa ni nazombooyo wi ethayeeyo ehooneyettho. Aneerocha ddeko ddittheddene nnddo ddahoonongeye ni marallalla. Aneerocha miteekho nnddo ddinaphuwella wiilli. 6Nave enyumba ddawo, dda enduna ddawo ni dda athwaawo, ddittheddene ddineeroddalla ni nazombeve, eyo eri ello yawi naari attiitthaanyu apaalle makhollwaanyu khenaddooneke ephatuwellwiiwa.’ ” Vano Mose aavenyawo wa Farao.
7Enduna dda Farao ddaamukoha wi, “Ethiyo muthu yoolla anaahiye niini onihoosa mwawi ddiidda? Waakhullelleni athwaayo evenyewo wi eye yaallapelle Apwiya Mullukwiiwa. Ethiyo khemunoona wi vano ellapo ya Iguputo yoomalla woonongeya?”
8Sika Farao aamwiithanihattho Mose ni Aroni aalleella wi, “Khawekeni mwaallapelle Apwiya Mullukwaanyu. Koma vano anaayeewo ttaani?”
9Nave Mose ahaakhulla wi, “Attheenehi, anamwani ni attekweene nineeroyaawo. Ninaayeewo ni aniihu aallopwana, aniihu aatthiyana, enkhosa, epuri, abulu ni eng'ombe ddahu ddene, ekaamba yawi nineereweera ehakallallo yowaallapella Apwiya.”
10Koma Farao ahaalleella wi, “Kinimallupella vamiitthoni va Apwiya Mullukwaanyu wi ngiwaakhullellani wi mwaakuse aniinyu ni awarinyu. Kinnadduwella wi nyuwaano mookhalla ni yoolinga yoonanara m'murimani mwanyummo. 11Ata! Nyuwaano, allopwana sika munaaye wi mwaallapelle Apwiya vawi nnddo sika munapaalleenyu.” Vano Mose ni Aroni yahiikariwa vamiitthoni va Farao.
12Vano Apwiya yaamulleella Mose wi, “Tukhullella nnatta nawo va ellapo ya Iguputo wi nazombe awe nave ache ddoomella ddittheddene nndde marallallaalle yahoonongilliiwa.” 13Vano Mose aatukhullella ekopwaaye va ellapweeyo nave Apwiya yahaambiha ephevo yoovenyera wookhuma nndduwa wi yoope va ellapo ettheene ya Iguputo otthaana ni mahiiyweene. Osaka wene, nazombe aari virive veko. 14#Yaw 9.2,3Aaddalla va ellapo ettheene ya Iguputo. Waata wa nazombooyo waari wawi khawunooneyekettho waambeella khalle nave khawiwa wooneyakattho. 15Aahuruwella ellapo ettheene nave ethaya ettheene yaaripa ekaamba ya nazombooyo. Aacha erive ello yoomella muthayani ni ezipaso dda m'miteekhoni ddahoonongiwe ni marallallaalle. Kheyaarivo ello ekitthi yahallille vamuteekhoni apaalle yoomella mu ellapo ettheene ya Iguputo.
16Vano Farao aamwiithana Mose ni Aroni mwawaakuva aalleella wi, “Kohaachimwella Apwiya Mullukwaanyu nave kohuulakwellanittho. 17Koma vano pepaani, mukikhululukelle va enthawi yeellave nave muvekelle wa Apwiya Mullukwaanyu wi ekivenyihelle ollaka wawoopihanngu.” 18Mose aavenyawo wa Farao wulle, aya avekella wa Apwiya. 19Apwiya yaatthattusa ephevweeyo ekhalla ephevo yawoopiha yoovenyera woovollowa nndduwa nave yaamuthamakihella nazombooyo o Enyanja Yoofiira. O Iguputo wulle khewaahallillettho naari nazombe mmodda. 20Koma Apwiya yaamummihave murima Farao nave khaawaakhullelle Aisraele wi evenyewo.
Yoottikhiniha yaneetthanu ni sese: Epiphi
21Vano Apwiya yaamulleella Mose wi, “Tukhullella nnatta nawo muddullu wi vikhalle epiphi yawoopiha wunchichi va ellapo ettheene ya Iguputo.” 22#Mas 105.28; Yaw 16.10Sika Mose aatukhullella nnatta naye muddullu nave waamora epiphi yawoopiha wunchichi wa mallapo mararu mu ellapo ettheene. 23Aiguputwaayo kheyaaworattho woonana nave khaarivo naari muthu mmodda asusalle vamullakoni vaye wa mallapo mararu mattheenaayo. Koma nko wakhalla Aisraele khawaari epiphi.
24Vano Farao aamwiithana Mose amulleella wi, “Khaweni mwaallapelle Apwiya. Muyeenawottho awarinyu ni aniinyweene. Koma enkhosa ddanyu, epuri ddanyu, abulwaanyu ni eng'ombe ddanyu ddene ddineerosungiwa weewuno.”
25Mose aallota wi, “Vanothi nyuwaano sika munaanivahe eziweto ddoovelleellella mukutho wooshellelliha wa Apwiya Mullukwaahu. 26Koma nineerokusa eziweto ddahu nave wuno khohalla naari echiweto emodda. Vawi ninaphwanella wi natthoolle eziweto ddawaarumeyellana Apwiya Mullukwaahu. Nave khaninadduwella ddoophwanella ophariha mutteko vawaallapellani Apwiya ophiyera niphiyalle wenko.”
27Koma Apwiya yaamummihave murima Farao nave khaawaakhullelle athwaayo wi evenyewo. 28Vano Farao aamulleella Mose wi, “Kivenyerevo! Chenjera nave ohiphiyettho vamiitthoni vaka vawi nllapo nno kineereemi kiwoone kinimawiipha.”
29Mose ahaakhulla wi, “Ddawoona moollikana ni mmo mullotelleenyu, ngiwa kiwoonakanittho.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.