Eksodo 20
20
Malamulo khumi
(Deu 5.1-21)
1Vano Mulluku aallota mawu mattheenaalla wi, 2“Mi tti Apwiya Mullukwaawo oyo kuukhumihalle mu okaporo o Iguputo.
3“Ohikhalleke ni milluku ddimodda koma meeneve.
4 #
Eks 34.17; Lev 19.4; 26.1; Deu 4.15-18; 27.15 “Ohiipangelleke nifano noophwanaphwana ni erive ello yooddullu apaalle erive ello ya va ellapo yavatthi apaalle erive ello ya m'maaddini a vatthi va ellapo. 5#Eks 34.6,7; Num 14.18; Deu 7.9,10Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano. 6Koma mibado ddooheerengeya nnddo ddinakikonda miyaano ni wiiwellella malamulwaaka, kinnaddikonda ni echikondi yoohisintheya.
7 #
Lev 19.12
“Ohiromolleke shisha nnddina na Apwiya Mullukwaawo kaambiiwa Apwiya eneeromullaka arive muthu ooromolla shisha nnddina niwa.
8 #
Eks 16.23-30; 31.12-14 “Osungeke nllapo na Sabata wi nikhalle noopatuleya. 9#Eks 23.12; 31.15; 34.21; 35.2; Lev 23.3Va mallapo matthanu ni nimodda ophareke mitteko ddawo. 10Koma nllapo naneetthanu ni piilli tti na Apwiya Mullukwaawo, sika wi va nllapo nenna ohiphareke orive mutteko, weyaano, mwanawo aamullopwana, mwanawo aamutthiyana, mullupa muttekwaawo aamullopwana, mullupa muttekwaawo aamutthiyana, erive echiwetwaawo apaalle mulleto ookhalla ni weyaano. 11#Gen 2.1-3; Eks 31.17Valle va mallapo matthanu ni nimodda Apwiya yaaphatusa oddullu, ellapo yavatthi, enyanja ni ddittheddene ddiri mwemmo koma va nllapo naneetthanu ni piilli ahiithuuwa. Sika ekaambiiwa Apwiya yadalisalliiwa nllapo na Sabata ni onipatula wi nikhalle naweella.
12 #
Deu 27.16; Mat 15.4; 19.19; Mrk 7.10; 10.19; Luk 18.20; Aef 6.2;
Aef 6.3
“Waavaheke olemu attiittho ni amaayo wi enthawi ya okumaawo erekame mu ellapo eyo Apwiya Mullukwaawo enuuvahiiwa.
13 #
Gen 9.6; Lev 24.17; Mat 5.21; 19.18; Mrk 10.19; Luk 18.20; Aro 13.9; Yak 2.11 “Ohiiphe.
14 #
Lev 20.10; Mat 5.27; 19.18; Mrk 10.19; Luk 18.20; Aro 13.9; Yak 2.11 “Ohiraruwe.
15 #
Lev 19.11; Mat 19.18; Mrk 10.19; Luk 18.20; Aro 13.9 “Ohiiye.
16 #
Eks 23.1; Mat 19.18; Mrk 10.19; Luk 18.20 “Ohivelleelle omboni woomootthera mukhwaawo.
17 #
Aro 7.7; 13.9 “Ohisilile enyumba ya mukhwaawo. Ohimusilile mwaara a mukhwaawo, mullupa muttekwaaye aamullopwana, mullupa muttekwaaye aamutthiyana, eng'ombaaye, bulwaaye apaalle erive ello ya mukhwaawo.”
Athu enimoova
(Deu 5.22-33)
18 #
Ahe 12.18,19 Athu attheene yaaniiwa ogugudeya wa murimu ni winlla wa nipallapata, nngu yoonaka ettari ni mwiisi vamwaangonimvo nave yaanoova enatthukumella, yiimellille voorekamella 19nave yaamulleella Mose wi, “Munilleelle hiyaano nave nineerewiiwa. Mulluku ahillote ni hiyaano, woova wi ninaakhwe.”
20Vano Mose awaakhulla wi, “Muhoove vawi Mulluku oophiya wi aweeseni wi mumooveke m'murimani mwanyu navettho wi muhichimwe.” 21Koma athu yahiimella voorekamella, Moseve sika aatamelle murapo wooripa mmo mwaari Mulluku.
Malamulo a makuwa
22Nave Apwiya yaamulamula Mose wi, “Khawe waalleelle Aisraele wi, Mohoona wi mi Apwiya koollota ni nyuwaano kiri oddullu. 23Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano. 24Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo. 25#Deu 27.5-7; Yos 8.31Koma mwaakimakellaka nikuwa namalluku, muhaasemeke mallukwaayo kaambiiwa mwaawaasemaka ni mukoko, muneeroripiha nikuwanno. 26Vooyaani o nikuwa naka, muhiphariheke mutteko makwelelo, woova wi munoonelliwe epwillimwinddaanyu.
Iliyochaguliwa sasa
Eksodo 20: MW2019
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.
Eksodo 20
20
Malamulo khumi
(Deu 5.1-21)
1Vano Mulluku aallota mawu mattheenaalla wi, 2“Mi tti Apwiya Mullukwaawo oyo kuukhumihalle mu okaporo o Iguputo.
3“Ohikhalleke ni milluku ddimodda koma meeneve.
4 #
Eks 34.17; Lev 19.4; 26.1; Deu 4.15-18; 27.15 “Ohiipangelleke nifano noophwanaphwana ni erive ello yooddullu apaalle erive ello ya va ellapo yavatthi apaalle erive ello ya m'maaddini a vatthi va ellapo. 5#Eks 34.6,7; Num 14.18; Deu 7.9,10Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano. 6Koma mibado ddooheerengeya nnddo ddinakikonda miyaano ni wiiwellella malamulwaaka, kinnaddikonda ni echikondi yoohisintheya.
7 #
Lev 19.12
“Ohiromolleke shisha nnddina na Apwiya Mullukwaawo kaambiiwa Apwiya eneeromullaka arive muthu ooromolla shisha nnddina niwa.
8 #
Eks 16.23-30; 31.12-14 “Osungeke nllapo na Sabata wi nikhalle noopatuleya. 9#Eks 23.12; 31.15; 34.21; 35.2; Lev 23.3Va mallapo matthanu ni nimodda ophareke mitteko ddawo. 10Koma nllapo naneetthanu ni piilli tti na Apwiya Mullukwaawo, sika wi va nllapo nenna ohiphareke orive mutteko, weyaano, mwanawo aamullopwana, mwanawo aamutthiyana, mullupa muttekwaawo aamullopwana, mullupa muttekwaawo aamutthiyana, erive echiwetwaawo apaalle mulleto ookhalla ni weyaano. 11#Gen 2.1-3; Eks 31.17Valle va mallapo matthanu ni nimodda Apwiya yaaphatusa oddullu, ellapo yavatthi, enyanja ni ddittheddene ddiri mwemmo koma va nllapo naneetthanu ni piilli ahiithuuwa. Sika ekaambiiwa Apwiya yadalisalliiwa nllapo na Sabata ni onipatula wi nikhalle naweella.
12 #
Deu 27.16; Mat 15.4; 19.19; Mrk 7.10; 10.19; Luk 18.20; Aef 6.2;
Aef 6.3
“Waavaheke olemu attiittho ni amaayo wi enthawi ya okumaawo erekame mu ellapo eyo Apwiya Mullukwaawo enuuvahiiwa.
13 #
Gen 9.6; Lev 24.17; Mat 5.21; 19.18; Mrk 10.19; Luk 18.20; Aro 13.9; Yak 2.11 “Ohiiphe.
14 #
Lev 20.10; Mat 5.27; 19.18; Mrk 10.19; Luk 18.20; Aro 13.9; Yak 2.11 “Ohiraruwe.
15 #
Lev 19.11; Mat 19.18; Mrk 10.19; Luk 18.20; Aro 13.9 “Ohiiye.
16 #
Eks 23.1; Mat 19.18; Mrk 10.19; Luk 18.20 “Ohivelleelle omboni woomootthera mukhwaawo.
17 #
Aro 7.7; 13.9 “Ohisilile enyumba ya mukhwaawo. Ohimusilile mwaara a mukhwaawo, mullupa muttekwaaye aamullopwana, mullupa muttekwaaye aamutthiyana, eng'ombaaye, bulwaaye apaalle erive ello ya mukhwaawo.”
Athu enimoova
(Deu 5.22-33)
18 #
Ahe 12.18,19 Athu attheene yaaniiwa ogugudeya wa murimu ni winlla wa nipallapata, nngu yoonaka ettari ni mwiisi vamwaangonimvo nave yaanoova enatthukumella, yiimellille voorekamella 19nave yaamulleella Mose wi, “Munilleelle hiyaano nave nineerewiiwa. Mulluku ahillote ni hiyaano, woova wi ninaakhwe.”
20Vano Mose awaakhulla wi, “Muhoove vawi Mulluku oophiya wi aweeseni wi mumooveke m'murimani mwanyu navettho wi muhichimwe.” 21Koma athu yahiimella voorekamella, Moseve sika aatamelle murapo wooripa mmo mwaari Mulluku.
Malamulo a makuwa
22Nave Apwiya yaamulamula Mose wi, “Khawe waalleelle Aisraele wi, Mohoona wi mi Apwiya koollota ni nyuwaano kiri oddullu. 23Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano. 24Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo. 25#Deu 27.5-7; Yos 8.31Koma mwaakimakellaka nikuwa namalluku, muhaasemeke mallukwaayo kaambiiwa mwaawaasemaka ni mukoko, muneeroripiha nikuwanno. 26Vooyaani o nikuwa naka, muhiphariheke mutteko makwelelo, woova wi munoonelliwe epwillimwinddaanyu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.