Eksodo 25
25
Ddoovelleella ddoomakella musasa wamutthukumano
(Eks 35.4-9)
1Apwiya yaamulleella Mose wi, 2“Alleelle Aisraele evelleelle ddoovelleella ddiwa wa miyaano. Nave weyaano waakhelle ddoovelleella ovenyera wa arive muthu nnddo anapaalleeye ovelleella ni murimaaye muttheene. 3Ddoovelleella onaakhelleewennddo tti ddeko wonanko, golide, siliva, mukuwa, 4ekuwo ddabululu, ddooreera ddoofiira, ddoofiira, ekuwo ddabafuta aphaama, ekuwo ddawoopiwa ni mapururu eepuri, 5mattapara awoollowa a nankhoro a enkhosa ooruweyiwa mu otooto woofiira, mattapara mamodda awoollowa, matabwa akesha, 6makhura a enyali, ddawunkhella dda makhura oozozella navettho lubani* na nthuko naphaama. 7Waakhellettho malluku aphaama a onikisi navettho malluku mamodda oohiya va yoowara ya efodi* ni yoowara ya vakhakaddani. 8Nave ekimakelle musasa woopatuleya wi miyaano kikhalle variyari viwa. 9Emake musasa navettho ehiyemo ezipangizo ddittheddene moollikana ni mmo kinawoonihelleemi.”
Nibokosi na echipangano
(Eks 37.1-9)
10“Nave apange nibokosi na matabwa akesha. Orekama wiwa nikhalle masentimita 114, okhuveya wiwa okhalle masentimita 69 navettho oya muddullu wiwa okhalle masentimita 69. 11Anihuruwelle ni golide aphaama wunchichi muwari mwiwa ni otte wene. Nave aapheellihe mukoko wa golide owanoni wa nikuwanno. 12Apange emphete ddisese ddagolide ddootukhullella nibokosinno nave amakellelle emphetennddo omasitandiniiwa masese, nngu piilli nngu piilli. 13Apangettho ekopo ddakesha nave ekoponnddo addihuruwelle ni golide. 14Nave ekoponnddo addiherere mu emphetennddo va embali piilli dda nibokosinno wi atukhullekena. 15Ekoponnddo ddikhalle mu emphetennddo nave ddihivenyihiwekemo. 16Munibokosinimmo ahiyemo malluku meelli ayo kinaamuvaheemi elembiwe malamulo a echipangano.
17 #
Ahe 9.5
“Yookhuneella ya nibokosinno ayipange ni golide aphaama wunchichi, orekama wiwa okhalle masentimita 114 nave okhuveya wiwa okhalle masentimita 69. 18Golide a mukhwipi vaddullu va yookhuneelleeyo amuhane wi aapange akerubi* eelli, 19mmodda nngu ni mmoddattho nngu. Sika akerubaayo ekhalle oovenyera va golide a va yookhuneelleeyo. 20Muuphello a akerubaayo aattaphuruselle muddullu va yookhuneelleeyo. Akerubi ekhalle moowehana, arive kerubi aweheke vatthi va yookhuneelleeyo. 21Munibokosinimmo ahiyemo malluku meelli oolembiwa malamulo a echipangano ayo kinaamuvaheemi. Vano anikhuneelle nibokosinno ni yookhuneelleeyo. 22Kineerekokumana ni olliye vaavo nave ovenyera vaddullu va yookhuneelleeyo, variyari va akerubi eri vaddullu va nibokosaayo, kineeromulleella malamulwaaka mattheene wa Aisraele.
Tebulo a buledi oopatuleya
(Eks 37.10-16)
23“Ampange tebulo a matabwa akesha, orekama wiwa okhalle masentimita 91, okhuveya wiwa okhalle masentimita 46, oya muddullu wiwa okhalle masentimita 69. 24Sika amuhuruwelle ni golide aphaama wunchichi. Nave aapheellihe mukoko wagolide owanoni wa nikuwanno. 25Golidooyo akhalle wonanko eferemu mukhwipi mwa tebulo, oramballalla waye okhalle wonanko orekama wa nnatta. 26Apange emphete ddisese ddagolide nave eddimakellelle o makona masese a meto ddiwa ddisese. 27Emphete munaaherereenyu ekopo ddoomutukhullana tebulo ddimakellelliwe vakhuviru ni eferemu yatebulweeyo. 28Apangettho ekopo ddakesha ddoomutukhullellana tebulo nave ekoponnddo addihuruwelle ni golide. 29Apange embale, ebakuli, mino ni mabeseni oopaalleya va ddoovelleella dda ddoowirya. Ddittheddenenndda ddikhalle dda golide aphaama wunchichi. 30#Lev 24.5-8Vatebulonimvo amuhiyekevo buledi oopatuleyella wa miyaano wi akhalleke vamiitthoni vaka enthawi ddittheddene.
Yoohiyavo enyali
(Eks 37.17-24)
31“Apange yoohiyavo enyali ya golide aphaama wunchichi. Nthimwa niwa, mwiirukulluni mwiwa, makapwiiwa ni ddooreerihella ottaphullella wi malluwa ni murwiiwa ddittheddenennddo ddihaniwe ovenyera va mukoko wagolide mmoddave. 32Vaddullu va erukullwiiwa vikhalle enthambi dditthanu ni emodda, ddiraru erive embali. 33Erive enthambi ya enthambi dditthanu ni emodda ekhalle ni malluwa mararu ni miru ddiwa. Malluwaalla ekhalle wonanko a muteekho wa manangwa. 34Erukullu ya enyaleeyo ekhalle ni malluwa masese ni miru ddiwa. Malluwaalla ekhalle wonanko a muteekho wa manangwa. 35Mararu mwa malluwa masesaalla ephuwe vatthi va voomellella enthambi. 36Yoohiyavo enyali ettheeneeyo opwesereravo enthambi ni malluwa ddihaniwe ovenyera va mukoko wagolide aphaama mmoddave. 37Apange enyali dditthanu ni piilli nave addihiye otthoka wa erukullu ni enthambi dda yoohiyavo enyaleeyo wi ddimolleelleke muhoollo. 38Ezipangizo dda enyaleeyo, ddoopanella ddeko ni embale ddikhalle dda golide aphaama wunchichi. 39Yoohiyavo enyaleeyo ni ezipangizo ddittheddene addipange ni golide oollemella makilogaramu 34. 40#Mit 7.44; Ahe 8.5Achenjere wi epangiwe moollikana ni mmo kawoonihelleemi vamwaangoni valle.
Iliyochaguliwa sasa
Eksodo 25: MW2019
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.
Eksodo 25
25
Ddoovelleella ddoomakella musasa wamutthukumano
(Eks 35.4-9)
1Apwiya yaamulleella Mose wi, 2“Alleelle Aisraele evelleelle ddoovelleella ddiwa wa miyaano. Nave weyaano waakhelle ddoovelleella ovenyera wa arive muthu nnddo anapaalleeye ovelleella ni murimaaye muttheene. 3Ddoovelleella onaakhelleewennddo tti ddeko wonanko, golide, siliva, mukuwa, 4ekuwo ddabululu, ddooreera ddoofiira, ddoofiira, ekuwo ddabafuta aphaama, ekuwo ddawoopiwa ni mapururu eepuri, 5mattapara awoollowa a nankhoro a enkhosa ooruweyiwa mu otooto woofiira, mattapara mamodda awoollowa, matabwa akesha, 6makhura a enyali, ddawunkhella dda makhura oozozella navettho lubani* na nthuko naphaama. 7Waakhellettho malluku aphaama a onikisi navettho malluku mamodda oohiya va yoowara ya efodi* ni yoowara ya vakhakaddani. 8Nave ekimakelle musasa woopatuleya wi miyaano kikhalle variyari viwa. 9Emake musasa navettho ehiyemo ezipangizo ddittheddene moollikana ni mmo kinawoonihelleemi.”
Nibokosi na echipangano
(Eks 37.1-9)
10“Nave apange nibokosi na matabwa akesha. Orekama wiwa nikhalle masentimita 114, okhuveya wiwa okhalle masentimita 69 navettho oya muddullu wiwa okhalle masentimita 69. 11Anihuruwelle ni golide aphaama wunchichi muwari mwiwa ni otte wene. Nave aapheellihe mukoko wa golide owanoni wa nikuwanno. 12Apange emphete ddisese ddagolide ddootukhullella nibokosinno nave amakellelle emphetennddo omasitandiniiwa masese, nngu piilli nngu piilli. 13Apangettho ekopo ddakesha nave ekoponnddo addihuruwelle ni golide. 14Nave ekoponnddo addiherere mu emphetennddo va embali piilli dda nibokosinno wi atukhullekena. 15Ekoponnddo ddikhalle mu emphetennddo nave ddihivenyihiwekemo. 16Munibokosinimmo ahiyemo malluku meelli ayo kinaamuvaheemi elembiwe malamulo a echipangano.
17 #
Ahe 9.5
“Yookhuneella ya nibokosinno ayipange ni golide aphaama wunchichi, orekama wiwa okhalle masentimita 114 nave okhuveya wiwa okhalle masentimita 69. 18Golide a mukhwipi vaddullu va yookhuneelleeyo amuhane wi aapange akerubi* eelli, 19mmodda nngu ni mmoddattho nngu. Sika akerubaayo ekhalle oovenyera va golide a va yookhuneelleeyo. 20Muuphello a akerubaayo aattaphuruselle muddullu va yookhuneelleeyo. Akerubi ekhalle moowehana, arive kerubi aweheke vatthi va yookhuneelleeyo. 21Munibokosinimmo ahiyemo malluku meelli oolembiwa malamulo a echipangano ayo kinaamuvaheemi. Vano anikhuneelle nibokosinno ni yookhuneelleeyo. 22Kineerekokumana ni olliye vaavo nave ovenyera vaddullu va yookhuneelleeyo, variyari va akerubi eri vaddullu va nibokosaayo, kineeromulleella malamulwaaka mattheene wa Aisraele.
Tebulo a buledi oopatuleya
(Eks 37.10-16)
23“Ampange tebulo a matabwa akesha, orekama wiwa okhalle masentimita 91, okhuveya wiwa okhalle masentimita 46, oya muddullu wiwa okhalle masentimita 69. 24Sika amuhuruwelle ni golide aphaama wunchichi. Nave aapheellihe mukoko wagolide owanoni wa nikuwanno. 25Golidooyo akhalle wonanko eferemu mukhwipi mwa tebulo, oramballalla waye okhalle wonanko orekama wa nnatta. 26Apange emphete ddisese ddagolide nave eddimakellelle o makona masese a meto ddiwa ddisese. 27Emphete munaaherereenyu ekopo ddoomutukhullana tebulo ddimakellelliwe vakhuviru ni eferemu yatebulweeyo. 28Apangettho ekopo ddakesha ddoomutukhullellana tebulo nave ekoponnddo addihuruwelle ni golide. 29Apange embale, ebakuli, mino ni mabeseni oopaalleya va ddoovelleella dda ddoowirya. Ddittheddenenndda ddikhalle dda golide aphaama wunchichi. 30#Lev 24.5-8Vatebulonimvo amuhiyekevo buledi oopatuleyella wa miyaano wi akhalleke vamiitthoni vaka enthawi ddittheddene.
Yoohiyavo enyali
(Eks 37.17-24)
31“Apange yoohiyavo enyali ya golide aphaama wunchichi. Nthimwa niwa, mwiirukulluni mwiwa, makapwiiwa ni ddooreerihella ottaphullella wi malluwa ni murwiiwa ddittheddenennddo ddihaniwe ovenyera va mukoko wagolide mmoddave. 32Vaddullu va erukullwiiwa vikhalle enthambi dditthanu ni emodda, ddiraru erive embali. 33Erive enthambi ya enthambi dditthanu ni emodda ekhalle ni malluwa mararu ni miru ddiwa. Malluwaalla ekhalle wonanko a muteekho wa manangwa. 34Erukullu ya enyaleeyo ekhalle ni malluwa masese ni miru ddiwa. Malluwaalla ekhalle wonanko a muteekho wa manangwa. 35Mararu mwa malluwa masesaalla ephuwe vatthi va voomellella enthambi. 36Yoohiyavo enyali ettheeneeyo opwesereravo enthambi ni malluwa ddihaniwe ovenyera va mukoko wagolide aphaama mmoddave. 37Apange enyali dditthanu ni piilli nave addihiye otthoka wa erukullu ni enthambi dda yoohiyavo enyaleeyo wi ddimolleelleke muhoollo. 38Ezipangizo dda enyaleeyo, ddoopanella ddeko ni embale ddikhalle dda golide aphaama wunchichi. 39Yoohiyavo enyaleeyo ni ezipangizo ddittheddene addipange ni golide oollemella makilogaramu 34. 40#Mit 7.44; Ahe 8.5Achenjere wi epangiwe moollikana ni mmo kawoonihelleemi vamwaangoni valle.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.