Eksodo 32
32
Musaanaang'ombe agolide
(Deu 9.6-29)
1 #
Mit 7.40
Athu yoonille wi Mose oollekellawo omwaangoni wulle ahikitthakawo, yaatthukumana emwaapheella Aroni nave yaamulleella wi, “Noopelle mulluku#32.1 mulluku: apaalle milluku ddimodda. awi anihoollelleke vawi khaninadduwella emweereyelle Mose, oyo anikhumihalle o Iguputo.”
2Sika Aroni ahaalleella athwaayo wi, “Arulleni awarinyu, aniinyu aallopwana ni aatthiyana endolo ddagolide ovenyera omaaruniiwa nave muweena wa miyaano.” 3Vano athwaayo yaarulla endolo ddiwa ddagolide nave yaawaana wa Aroni. 4#1 Mam 12.28; Mit 7.41Sika Aroni aamwaakhella golidooyo ovenyera wa athwaayo nave aamweeka, amoopa musaanaang'ombe mu echikombole.
Nave athu yahaamba okhuwa wi, “Aisraele, olla sika mullukwaahu oyo anikhumihalle o Iguputo.”
5Aroni oonilleeye ddenndda aamaka nikuwa vahoollo va musaanaang'ombe a golidooyo. Vano aallalleya wi, “Osiisello oneerokhalla ehakallallo yoowaatitimiha Apwiya.” 6#1 Ako 10.7Sika osaka wene ohinase aavelleella mikutho ddooshellelliha ni mikutho ddeeyaattano. Nave athu yaayo yaakeraatthi wi eche ni owirya nave yaavenya yiina.
7Vano Apwiya yaamulleella Mose wi, “Akuva, kittha mwaango vawi athwaawo waakhumihalleewe o Iguputwaalle aachimwa nave aakikhoota wunchichi. 8Aahiya khalle mwawaakuva ddittheddene kaalamulelleemi wi eddeereke. Yooddoopella weekhiiwa musaanaang'ombe a golide aweeka nave enimamullapella ni omuvelleellella mikutho ni ollota wi, ‘Aisraele, olla sika mullukwaahu oyo anikhumihalle o Iguputo.’ ” 9Nave Apwiya yaavirellella ollota wi, “Athu yaalla kinnaadduwella wi tti awumma murima. 10Vano ohikivaanyihe wi kiwoononge athwaalla vawi koosha murima wunchichi koma weyaano kineerewuutthattusa mutundu muullupalli.”
11 #
Num 14.13-19
Koma Mose ahaapepesa Apwiya Mullukwaaye wi, “Nyu Apwiya kaambiiwa tini mwaashenlleenyu murima athwaanyu mwawi ddiidda, athu ayo mwaakhumihalleenyu o Iguputo ni masivaanyu uullupalli ni nnatta nanyu namasiva? 12Ethiyo munapaalla wi Aiguputwaayo elloteke wi, ‘Ahaakhumiha o Iguputo ni yoolinga yoonanara wi awiiphelle omiyaangoni ni waatthollosa va ellapo yavatthi?’ Hiyani owallaanyu wookhara wonanko munllooyo nave muhiwoononge athwaanyu. 13#Gen 22.16,17; 17.8Muupuwelle oorumeyellaanyu, Abrahamu, Isaki ni Yakobo navettho nndde mwallupenlleenyu mu nnddina nanyu wi, ‘Kineerewuuvahani edduullu ddinchichi, ddawaata wonanko etheneeri dda oddullu. Edduullu ddaanyunnddo kineeroddivaha ellapo ettheene eyo kalonjezilleemi wi ekhalle yayiwa wa enthawi yoohimalla.’ ” 14Sika Apwiya yaasintha maganizwiiwa a ollaka wawoopiha nko yapaalliiwa oweerella athwiiwa.
15Mose aahokollowa akittha ovenyera omwaangoni, akusalle malluku meelli a echipangano oolembiwa embali piilli ddittheddene. 16Olla waari mutteko wa Mulluku nave ddoolembiwannddo alembille tti Mulluku mwaneena moogoba vamallukunimvo.
17Nave Yoswa iiwalleeye athu ekhuwaka, aamulleella Mose wi, “Kinniiwa onyakulla wa ekhoto omisasani.”
18Koma Mose ahaakhulla wi, “Onyakulla wenko khoniiweya wonanko onyakulla wa athu oopambana vakhotoni apaallettho winlla wa oogonjihiwa koma kiniiwa onyakulla wa machipo.”
19Mose aphiyalle vakhuviru ni misasa ni woona musaanaang'omboolle ni athu awiina, aasha murima wunchichi. Ahaavokhella vatthi malluku yaari m'mattani mwayaalle, aapwesa museresere mwa mwaangoolle. 20Vano aamukusa musaanaang'ombe yamoopilliiwoolle, aamweeka, aamusilla wonanko othu nave aahella m'maaddini nave vatulli viwa ahaawiryiha Aisraele maaddaalle. 21Nave Mose aamukoha Aroni wi, “Ethiyo athwaalla yaweerille ddawiidde ophiyera weyaano wi waachimwihe mwawi ddiidda?”
22Aroni ahaakhulla wi, “Pepaani apwiya muhikishelle murima. Munnadduwellattho wi athu yaalla tti ookopeya ni machimo. 23Alliwaalla yaakilleella wi, ‘Noopelle mulluku awi anihoollelleke vawi khaninadduwella emweereyelle Mose, oyo anikhumihalle o Iguputo.’ 24Sika kahaalleella wi, ‘Arive muthu oyo ari ni golide aweena wa miyaano.’ Nave oyo aarina ddeko ni golide aakivaha. Kaaddivokhella vamunlloni nave mwaakhuma musaanaang'ombe.”
25Mose ahoona wi athwaayo tti ookatamiha kaambiiwa Aroni ahaattumera ophiyera alliwaayo yaatthattuwa athu oovevulliwa vamiitthoni va adaniiwa. 26Mosooyo ahiimella vahoollo va misasa nave aakoha mookhuwa wi, “Ethiyo ttaani ari o embali ya Apwiya? Waani wuno wa miyaano.” Nave Alevi attheene yaatthukumana emwaapheella olliye. 27Nave Mose ahaalleella wi, “Apwiya Mulluku a Aisraele enallota wi, ‘Arive muthu a nyuwaano akuse nsupada naye nave eete m'misasani mutthemwene, erive embali nave amwiiphe mwanamunne apaalle mukhwaaye apaalle munasaaye.’ ” 28Alevaayo yaheera moollikana ni mmo Mose aalamulelliiwa nave allopwana 3,000 yahiiphiwa nllapo nenno. 29Vano Mose ahaalleella Alevaayo wi, “Ollellova mohiipatula weekhiinyu wi mukhalle allupa mukutho owaarumeyella Apwiya, voowiiphani aniinyu ni asinninyu. Sika Apwiya ahuudalisani ollello.”#32.29: Ottaphullella wakhalle omodda wookhalla ni mawu awi Ollellova…weekhiinyu mu Eheberi mookhalla mawu awi mwiipatule…ollello: apaalle moopatuliwa ollello.
30Osaka wene Mose ahaalleella athu wi, “Nyu mwaachimwa wunchichi. Koma vano kineerooya wa Apwiya omwaangoni nave kuuvekellellani apaalle eneerewuukhululukellani machimwaanyu.” 31Vano Mose aahokollweella wa Apwiya allota wi, “Athwaalla yaachimwa wunchichi. Yahiipangella mulluku agolide. 32#Mas 69.28; Yaw 3.5Koma vano pepaani mwaakhululukelle machimwiiwa. Mwaahaakhululukella, pepaani muvenyihemo nnddina naka munibukhuni mmo mwaalembilleenyu manddina a athwaanyu.”
33Koma Apwiya yaamulleella Mose wi, “Yooyove akichimwelle miyaano, sika kinaavenyiheemi nnddina naye munibukhuni mwaka. 34Vano khawe waahoollelle athu onipuroni nko kuulleelleemi. Upuwella wi mungelwaaka sika anuuhoollelle koma nllapo ninimawa nno kinawaallakeemi ekaamba ya machimwiiwa.”
35Sika Apwiya yaarumiha ereta wa athwaayo ekaamba yawi yaamuwatihera Aroni wi aapangelle musaanaang'ombe agolide.
Iliyochaguliwa sasa
Eksodo 32: MW2019
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.
Eksodo 32
32
Musaanaang'ombe agolide
(Deu 9.6-29)
1 #
Mit 7.40
Athu yoonille wi Mose oollekellawo omwaangoni wulle ahikitthakawo, yaatthukumana emwaapheella Aroni nave yaamulleella wi, “Noopelle mulluku#32.1 mulluku: apaalle milluku ddimodda. awi anihoollelleke vawi khaninadduwella emweereyelle Mose, oyo anikhumihalle o Iguputo.”
2Sika Aroni ahaalleella athwaayo wi, “Arulleni awarinyu, aniinyu aallopwana ni aatthiyana endolo ddagolide ovenyera omaaruniiwa nave muweena wa miyaano.” 3Vano athwaayo yaarulla endolo ddiwa ddagolide nave yaawaana wa Aroni. 4#1 Mam 12.28; Mit 7.41Sika Aroni aamwaakhella golidooyo ovenyera wa athwaayo nave aamweeka, amoopa musaanaang'ombe mu echikombole.
Nave athu yahaamba okhuwa wi, “Aisraele, olla sika mullukwaahu oyo anikhumihalle o Iguputo.”
5Aroni oonilleeye ddenndda aamaka nikuwa vahoollo va musaanaang'ombe a golidooyo. Vano aallalleya wi, “Osiisello oneerokhalla ehakallallo yoowaatitimiha Apwiya.” 6#1 Ako 10.7Sika osaka wene ohinase aavelleella mikutho ddooshellelliha ni mikutho ddeeyaattano. Nave athu yaayo yaakeraatthi wi eche ni owirya nave yaavenya yiina.
7Vano Apwiya yaamulleella Mose wi, “Akuva, kittha mwaango vawi athwaawo waakhumihalleewe o Iguputwaalle aachimwa nave aakikhoota wunchichi. 8Aahiya khalle mwawaakuva ddittheddene kaalamulelleemi wi eddeereke. Yooddoopella weekhiiwa musaanaang'ombe a golide aweeka nave enimamullapella ni omuvelleellella mikutho ni ollota wi, ‘Aisraele, olla sika mullukwaahu oyo anikhumihalle o Iguputo.’ ” 9Nave Apwiya yaavirellella ollota wi, “Athu yaalla kinnaadduwella wi tti awumma murima. 10Vano ohikivaanyihe wi kiwoononge athwaalla vawi koosha murima wunchichi koma weyaano kineerewuutthattusa mutundu muullupalli.”
11 #
Num 14.13-19
Koma Mose ahaapepesa Apwiya Mullukwaaye wi, “Nyu Apwiya kaambiiwa tini mwaashenlleenyu murima athwaanyu mwawi ddiidda, athu ayo mwaakhumihalleenyu o Iguputo ni masivaanyu uullupalli ni nnatta nanyu namasiva? 12Ethiyo munapaalla wi Aiguputwaayo elloteke wi, ‘Ahaakhumiha o Iguputo ni yoolinga yoonanara wi awiiphelle omiyaangoni ni waatthollosa va ellapo yavatthi?’ Hiyani owallaanyu wookhara wonanko munllooyo nave muhiwoononge athwaanyu. 13#Gen 22.16,17; 17.8Muupuwelle oorumeyellaanyu, Abrahamu, Isaki ni Yakobo navettho nndde mwallupenlleenyu mu nnddina nanyu wi, ‘Kineerewuuvahani edduullu ddinchichi, ddawaata wonanko etheneeri dda oddullu. Edduullu ddaanyunnddo kineeroddivaha ellapo ettheene eyo kalonjezilleemi wi ekhalle yayiwa wa enthawi yoohimalla.’ ” 14Sika Apwiya yaasintha maganizwiiwa a ollaka wawoopiha nko yapaalliiwa oweerella athwiiwa.
15Mose aahokollowa akittha ovenyera omwaangoni, akusalle malluku meelli a echipangano oolembiwa embali piilli ddittheddene. 16Olla waari mutteko wa Mulluku nave ddoolembiwannddo alembille tti Mulluku mwaneena moogoba vamallukunimvo.
17Nave Yoswa iiwalleeye athu ekhuwaka, aamulleella Mose wi, “Kinniiwa onyakulla wa ekhoto omisasani.”
18Koma Mose ahaakhulla wi, “Onyakulla wenko khoniiweya wonanko onyakulla wa athu oopambana vakhotoni apaallettho winlla wa oogonjihiwa koma kiniiwa onyakulla wa machipo.”
19Mose aphiyalle vakhuviru ni misasa ni woona musaanaang'omboolle ni athu awiina, aasha murima wunchichi. Ahaavokhella vatthi malluku yaari m'mattani mwayaalle, aapwesa museresere mwa mwaangoolle. 20Vano aamukusa musaanaang'ombe yamoopilliiwoolle, aamweeka, aamusilla wonanko othu nave aahella m'maaddini nave vatulli viwa ahaawiryiha Aisraele maaddaalle. 21Nave Mose aamukoha Aroni wi, “Ethiyo athwaalla yaweerille ddawiidde ophiyera weyaano wi waachimwihe mwawi ddiidda?”
22Aroni ahaakhulla wi, “Pepaani apwiya muhikishelle murima. Munnadduwellattho wi athu yaalla tti ookopeya ni machimo. 23Alliwaalla yaakilleella wi, ‘Noopelle mulluku awi anihoollelleke vawi khaninadduwella emweereyelle Mose, oyo anikhumihalle o Iguputo.’ 24Sika kahaalleella wi, ‘Arive muthu oyo ari ni golide aweena wa miyaano.’ Nave oyo aarina ddeko ni golide aakivaha. Kaaddivokhella vamunlloni nave mwaakhuma musaanaang'ombe.”
25Mose ahoona wi athwaayo tti ookatamiha kaambiiwa Aroni ahaattumera ophiyera alliwaayo yaatthattuwa athu oovevulliwa vamiitthoni va adaniiwa. 26Mosooyo ahiimella vahoollo va misasa nave aakoha mookhuwa wi, “Ethiyo ttaani ari o embali ya Apwiya? Waani wuno wa miyaano.” Nave Alevi attheene yaatthukumana emwaapheella olliye. 27Nave Mose ahaalleella wi, “Apwiya Mulluku a Aisraele enallota wi, ‘Arive muthu a nyuwaano akuse nsupada naye nave eete m'misasani mutthemwene, erive embali nave amwiiphe mwanamunne apaalle mukhwaaye apaalle munasaaye.’ ” 28Alevaayo yaheera moollikana ni mmo Mose aalamulelliiwa nave allopwana 3,000 yahiiphiwa nllapo nenno. 29Vano Mose ahaalleella Alevaayo wi, “Ollellova mohiipatula weekhiinyu wi mukhalle allupa mukutho owaarumeyella Apwiya, voowiiphani aniinyu ni asinninyu. Sika Apwiya ahuudalisani ollello.”#32.29: Ottaphullella wakhalle omodda wookhalla ni mawu awi Ollellova…weekhiinyu mu Eheberi mookhalla mawu awi mwiipatule…ollello: apaalle moopatuliwa ollello.
30Osaka wene Mose ahaalleella athu wi, “Nyu mwaachimwa wunchichi. Koma vano kineerooya wa Apwiya omwaangoni nave kuuvekellellani apaalle eneerewuukhululukellani machimwaanyu.” 31Vano Mose aahokollweella wa Apwiya allota wi, “Athwaalla yaachimwa wunchichi. Yahiipangella mulluku agolide. 32#Mas 69.28; Yaw 3.5Koma vano pepaani mwaakhululukelle machimwiiwa. Mwaahaakhululukella, pepaani muvenyihemo nnddina naka munibukhuni mmo mwaalembilleenyu manddina a athwaanyu.”
33Koma Apwiya yaamulleella Mose wi, “Yooyove akichimwelle miyaano, sika kinaavenyiheemi nnddina naye munibukhuni mwaka. 34Vano khawe waahoollelle athu onipuroni nko kuulleelleemi. Upuwella wi mungelwaaka sika anuuhoollelle koma nllapo ninimawa nno kinawaallakeemi ekaamba ya machimwiiwa.”
35Sika Apwiya yaarumiha ereta wa athwaayo ekaamba yawi yaamuwatihera Aroni wi aapangelle musaanaang'ombe agolide.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.