Eksodo 35
35
Malamulo a nllapo na Sabata
1Mose aawiithana Aisraele attheene aalleella wi, “Apwiya enimuulamulani wi, 2#Eks 20.8-11; 23.12; 31.15; 34.21; Lev 23.3; Deu 5.12-14Muthu aphareke mitteko ddaye ddittheddene mallapo matthanu ni nimodda koma nllapo naneetthanu ni piilli tti na Sabata nawiithuuwa, nllapo noopatuleya na Apwiya. Arive muthu oophara mutteko va nllapo nenna iiphiwe. 3Va Sabata muhikhariheke naari munllo mpa mwanyu.”
Ddoovelleella ddoomakella musasa wamutthukumano
(Eks 25.1-9)
4Mose ahaalleella Aisraele attheenaalle wi, “Apwiya enimuulamulani wi, 5‘Muweekena ddoovelleella wa Apwiya. Sika arive muthu oyo anapaalla ovelleella ni murimaaye muttheene aweena ddeko wonanko golide, siliva, mukuwa, 6ekuwo ddabululu, ddooreera ddoofiira, ddoofiira, ekuwo ddabafuta aphaama, ekuwo ddawoopiwa ni mapururu eepuri, 7mattapara awoollowa a nankhoro a enkhosa ooruweyiwa mu otooto woofiira, mattapara mamodda awoollowa, matabwa akesha, 8makhura a enyali, ddawunkhella dda makhura oozozella navettho lubani* na nthuko naphaama, 9malluku aphaama a onikisi navettho malluku mamodda oohiya va yoowara ya efodi* ni va yoowara ya vakhakaddani.’ ”
Ezipangizo dda musasa wamutthukumano
(Eks 39.32-43)
10“Athu attheene eeruso ewe wi epange ddittheddene Apwiya elamulalliiwa. 11Emake musasa wamutthukumano wa Apwiya, musasooyo ni echironiiwa, engowi ddiwa, meto ddiwa, machengwiiwa, apotwiiwa ni matthipellwiiweene. 12Epangettho nibokosi na echipangano ni ekopo ddiwa, yookhuneellaniiwa ni ekatani yootchinga, 13tebulo ni ekopo ddiwa vamoddattho ni ezipangizo ddiwa ni buledi oopatuleyella wa Mulluku, 14yoohiyavo enyali ni ezipangizo ddiwa, enyali ddiwa ni makhura a enyalinnddo, 15nikuwa nawoosellavo lubani ni ekopo ddiwa, makhura oozozella, lubani a nthuko naphaama navettho ekatani yoowallana va mullako wa musasa wamutthukumano wa Apwiya. 16Epangettho nikuwa na mukutho wooshellelliha ni mukoko wa echiwaya yamukuwa yookhalla wonanko esefa, ekopo ni ezipangizo ddiwa, nibeseni noohapellamo ni marwiiwa, 17ekuwo ya mpanda wa nthato, apoto ni matthipellwiiwa, ekatani ya mullako wa nthato, 18ekhomo ni mikwe dda musasa wamutthukumano wa Apwiya ni dda nthato, 19ddoowara ddaphaama wunchichi dda athu oorumeyella munipuroni noopatuleya navettho ddoowara ddoopatuleya dda Aroni ni dda anaaye enaawarekiiwa voorumeyellani.”
Athu enawa ni ddoovelleella
20Sika Aisraele attheene yaavenyavo emuhiya Mose. 21Nave arive muthu, moollikana ni mmo murimaaye muttheene wapaallelliiwa, aawa wa Apwiya ni ddoovelleella ddoomakella musasa wamutthukumano ni ddoopangella ezipangizo ddiwa ddittheddene owaakattho dda ddoowara ddoopatuleya. 22Nave yaawa allopwana ni atthiyana, attheene mwa opaalla wiwa yaawaana endolo, emphete, ogufu wamukohi ni ddooreeriha ddimodda ddagolide nave yaaddivelleella wa Apwiya. 23Arive muthu aari ni ekuwo ddabululu, ddooreera ddoofiira, ddoofiira, ekuwo ddabafuta aphaama, ekuwo ddamapururu eepuri, mattapara awoollowa a nankhoro a enkhosa ooruweyiwa mu otooto woofiira ni mattapara mamodda awoollowa, yaawaana wa Apwiya. 24Athu attheene ayo yaari ni siliva apaalle mukuwa, yaavelleella wa Apwiya. Attheene yaari ni matabwa akesha, oopharihella muttekooyo, yaawaana. 25Atthiyana attheene eeruso yaapanga olusi wabululu, woofiira vang'ono ni woofiira. Yaawaanattho olusi wabafuta aphaama. 26Atthiyana attheene eeruswaayo yaapangattho olusi wamapururu eepuri. 27Nave oohoollella yaawa ni malluku aphaama a onikisi ni malluku mamodda oohiya va yoowara ya efodi navettho va yoowara ya vakhakaddani. 28Yaavelleellattho ddeko ddawunkhella, makhura a enyali, makhura oozozella navettho lubani na nthuko naphaama. 29Sika Aisraele attheene, allopwana ni atthiyana, ayo yavelleella mwa opaalla wiwa o mutteko oyo Apwiya yalamulalliiwa oweella mwa Mose, yaawa ni ddoovelleella ddiwa wa Apwiya.
Bezalele ni Oholiyabu
(Eks 31.1-11)
30Vatulli viwa Mose ahaalleella Aisraele wi, “Apwiya aamutthoolla Bezalele mwaana a Uri, edduullu ya Huri, a nlloko na Yuda. 31Apwiya aamuvaha olliyoolla munepiiwa#35.31 munepiiwa: apaalle masiviiwa. mwawi ookhalla ni eruso, ezeru ni odduwella phaama mitteko ddittheddene ddeeruso monga 32ojambula mapulani a mitteko ddeeruso ni ophara mitteko ni golide, siliva ni mukuwa, 33ogoba malluku, ogoba miteekho ni weera ddeeruso ddittheddene. 34Nave Apwiya yaamuvaha ezeru olliye ni Oholiyabu mwaana a Ahisamaki, a nlloko na Dani wi yaahuddiheke amodda erusweeyo. 35Alliwaalla aavahiwa eruso yuullupalli wi ephare mitteko ddittheddenenndda wonanko athu oogoba, oojambula mapulani ni awoopa ekuwo ddabafuta aphaama, dda bululu, ddooreera ddoofiira ni dda nthoche naphaama. Ennadduwella ophara mitteko ddittheddene nave ennawora ojambula mapulani a mitteko ddittheddene ddeeruso.
Iliyochaguliwa sasa
Eksodo 35: MW2019
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.
Eksodo 35
35
Malamulo a nllapo na Sabata
1Mose aawiithana Aisraele attheene aalleella wi, “Apwiya enimuulamulani wi, 2#Eks 20.8-11; 23.12; 31.15; 34.21; Lev 23.3; Deu 5.12-14Muthu aphareke mitteko ddaye ddittheddene mallapo matthanu ni nimodda koma nllapo naneetthanu ni piilli tti na Sabata nawiithuuwa, nllapo noopatuleya na Apwiya. Arive muthu oophara mutteko va nllapo nenna iiphiwe. 3Va Sabata muhikhariheke naari munllo mpa mwanyu.”
Ddoovelleella ddoomakella musasa wamutthukumano
(Eks 25.1-9)
4Mose ahaalleella Aisraele attheenaalle wi, “Apwiya enimuulamulani wi, 5‘Muweekena ddoovelleella wa Apwiya. Sika arive muthu oyo anapaalla ovelleella ni murimaaye muttheene aweena ddeko wonanko golide, siliva, mukuwa, 6ekuwo ddabululu, ddooreera ddoofiira, ddoofiira, ekuwo ddabafuta aphaama, ekuwo ddawoopiwa ni mapururu eepuri, 7mattapara awoollowa a nankhoro a enkhosa ooruweyiwa mu otooto woofiira, mattapara mamodda awoollowa, matabwa akesha, 8makhura a enyali, ddawunkhella dda makhura oozozella navettho lubani* na nthuko naphaama, 9malluku aphaama a onikisi navettho malluku mamodda oohiya va yoowara ya efodi* ni va yoowara ya vakhakaddani.’ ”
Ezipangizo dda musasa wamutthukumano
(Eks 39.32-43)
10“Athu attheene eeruso ewe wi epange ddittheddene Apwiya elamulalliiwa. 11Emake musasa wamutthukumano wa Apwiya, musasooyo ni echironiiwa, engowi ddiwa, meto ddiwa, machengwiiwa, apotwiiwa ni matthipellwiiweene. 12Epangettho nibokosi na echipangano ni ekopo ddiwa, yookhuneellaniiwa ni ekatani yootchinga, 13tebulo ni ekopo ddiwa vamoddattho ni ezipangizo ddiwa ni buledi oopatuleyella wa Mulluku, 14yoohiyavo enyali ni ezipangizo ddiwa, enyali ddiwa ni makhura a enyalinnddo, 15nikuwa nawoosellavo lubani ni ekopo ddiwa, makhura oozozella, lubani a nthuko naphaama navettho ekatani yoowallana va mullako wa musasa wamutthukumano wa Apwiya. 16Epangettho nikuwa na mukutho wooshellelliha ni mukoko wa echiwaya yamukuwa yookhalla wonanko esefa, ekopo ni ezipangizo ddiwa, nibeseni noohapellamo ni marwiiwa, 17ekuwo ya mpanda wa nthato, apoto ni matthipellwiiwa, ekatani ya mullako wa nthato, 18ekhomo ni mikwe dda musasa wamutthukumano wa Apwiya ni dda nthato, 19ddoowara ddaphaama wunchichi dda athu oorumeyella munipuroni noopatuleya navettho ddoowara ddoopatuleya dda Aroni ni dda anaaye enaawarekiiwa voorumeyellani.”
Athu enawa ni ddoovelleella
20Sika Aisraele attheene yaavenyavo emuhiya Mose. 21Nave arive muthu, moollikana ni mmo murimaaye muttheene wapaallelliiwa, aawa wa Apwiya ni ddoovelleella ddoomakella musasa wamutthukumano ni ddoopangella ezipangizo ddiwa ddittheddene owaakattho dda ddoowara ddoopatuleya. 22Nave yaawa allopwana ni atthiyana, attheene mwa opaalla wiwa yaawaana endolo, emphete, ogufu wamukohi ni ddooreeriha ddimodda ddagolide nave yaaddivelleella wa Apwiya. 23Arive muthu aari ni ekuwo ddabululu, ddooreera ddoofiira, ddoofiira, ekuwo ddabafuta aphaama, ekuwo ddamapururu eepuri, mattapara awoollowa a nankhoro a enkhosa ooruweyiwa mu otooto woofiira ni mattapara mamodda awoollowa, yaawaana wa Apwiya. 24Athu attheene ayo yaari ni siliva apaalle mukuwa, yaavelleella wa Apwiya. Attheene yaari ni matabwa akesha, oopharihella muttekooyo, yaawaana. 25Atthiyana attheene eeruso yaapanga olusi wabululu, woofiira vang'ono ni woofiira. Yaawaanattho olusi wabafuta aphaama. 26Atthiyana attheene eeruswaayo yaapangattho olusi wamapururu eepuri. 27Nave oohoollella yaawa ni malluku aphaama a onikisi ni malluku mamodda oohiya va yoowara ya efodi navettho va yoowara ya vakhakaddani. 28Yaavelleellattho ddeko ddawunkhella, makhura a enyali, makhura oozozella navettho lubani na nthuko naphaama. 29Sika Aisraele attheene, allopwana ni atthiyana, ayo yavelleella mwa opaalla wiwa o mutteko oyo Apwiya yalamulalliiwa oweella mwa Mose, yaawa ni ddoovelleella ddiwa wa Apwiya.
Bezalele ni Oholiyabu
(Eks 31.1-11)
30Vatulli viwa Mose ahaalleella Aisraele wi, “Apwiya aamutthoolla Bezalele mwaana a Uri, edduullu ya Huri, a nlloko na Yuda. 31Apwiya aamuvaha olliyoolla munepiiwa#35.31 munepiiwa: apaalle masiviiwa. mwawi ookhalla ni eruso, ezeru ni odduwella phaama mitteko ddittheddene ddeeruso monga 32ojambula mapulani a mitteko ddeeruso ni ophara mitteko ni golide, siliva ni mukuwa, 33ogoba malluku, ogoba miteekho ni weera ddeeruso ddittheddene. 34Nave Apwiya yaamuvaha ezeru olliye ni Oholiyabu mwaana a Ahisamaki, a nlloko na Dani wi yaahuddiheke amodda erusweeyo. 35Alliwaalla aavahiwa eruso yuullupalli wi ephare mitteko ddittheddenenndda wonanko athu oogoba, oojambula mapulani ni awoopa ekuwo ddabafuta aphaama, dda bululu, ddooreera ddoofiira ni dda nthoche naphaama. Ennadduwella ophara mitteko ddittheddene nave ennawora ojambula mapulani a mitteko ddittheddene ddeeruso.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.