Eksodo 4
4
Mulluku anamuvaha Mose masiva oottikhiniha
1Mose ahaakhulla wi, “Koma ethiyo vano Aisraelaayo yaahikikhulupilila apaalle yaahiiwellella mawaaka, enallota wi, ‘Apwiya khewooneyelle weyaano?’ ”
2Apwiya yaamukoha Mosooyo wi, “Ethiyo eri m'mattani mwaweeyo tti tini?” Mose ahaakhulla wi, “Ekopo.”
3Nave Apwiya yaamulleella wi, “Ngayivokhelle vatthi.” Mose ayivokhille vatthi ekopweelle, yaatthattuwa enowa nave olliye aayithawa. 4Vano Apwiya yaamulleella Mosooyo wi, “Yiphare mwiilla.” Mose aayiphara, enthawi yeeyo yaatthattuwattho ekopo m'mattani mwaye mwemmo. 5Apwiya yaamulleella wi, “Weere ddenndda wi ekhulupilile wi Apwiya Mulluku a makhollwiiwa, Mulluku a Abrahamu, Mulluku a Isaki ni Mulluku a Yakobo, aawooneyella.”
6Apwiya yaamulleellattho Mose wi, “Ngavollochiha nnatta nawo m'mukanjonimmo.” Olliye aanivollochiha koma anikhumiheeye, naakhalla ni makate, naateellella wonanko ntuura. 7Vano Apwiya yaallota wi, “Nivollochihettho nnatta nawonno m'mukanjonimmo.” Olliye aanivollochihamottho koma anikhumiheeyemo naari naphaama noohikhalla ni makate, noophwanaphwana ni mwiillaaye muttheene. 8Vano Apwiya yaallota wi, “Yaahuukhulupilila nave yaahikwakhwanihiwa ni echizindikiro yawaambeeyo, eneerokhulupilila echizindikiro yaneepiilleeyo. 9Koma yaahikhulupilila ezizindikiro piilliddenennddo, ehinawiiwellella, wakuse maaddi a m'muhinjeni wa Nailo owiithelle vamutundani. Vano maaddi a vamutundanaayo eneerotthattuwa nikhame.”
10Koma Mose aallota wi, “Apwiya, koophara mwetwaanyu. Miyaano waambeella khalle nginawora ollota phaama naari waambeella mvo mwaambeelleenyu ollota ni miyaano, oorumeyellaanyu. Ata! Nginatthopoolla voollotani.”
11Vano Apwiya yaamukoha Mose wi, “Ethiyo amuvahille muthu vayanoni ttaani? Ttaani anamweeriha muthu wi akhalle oohillota apaalle oohiiwa, awoona apaalle ohoona? Ethiyo ngihiyo mi Apwiya kineera ddennddo? 12Vano khawe, miyaano kineerewuukavihera ollotanko nave kineerewuulleella yawi wallote.”
13Koma Mose aallota wi, “Apwiya, koophara mwetwaanyu nave kinuuvekani wi mumurume muthu mmodda.”
14Vano Apwiya yaamushella murima Mose, emulleella wi, “Mwanamunno Aroni, Mulevoolle. Kinnadduwella wi olliyoolle ttuuwora ollota phaama ddene. Animawa wi akumane ni weyaano nave aneerohakallalla wunchichi aawoona. 15Oneeromulleella yawi allote. Kineerewuukaviherani ollota eelliinenyu nave kineerowuulleellanittho ddawi mweere. 16Olliye aneerekollota wa athu munipuroni mwawo. Aneerokhalla wonanko eyanwaawo nave weyaano onaakhalleke wonanko mullukwaaye. 17Okuse ekopo eri m'mattani mwaweeyo nave wapharihe mutteko vaweerani ezizindikiro ddoottikhiniha.”
Mose anahokollweella o Iguputo
18Vano Mose aahokollweella wa Yetero, attiitthinnya a mwaariyaalle, aalleella wi, “Pepaani mukaakhullelle wi kihokollweelle o Iguputo wa abalaaka wi kawoone yaarimi eri ni okumi.” Yetero aamwaakhullella Mose wi, “Khaweni ni murendelle.”
19Apwiya yaamulleella Mose aariiye o Midiyani wulle wi, “Vano hokollweella o Iguputo vawi athu attheene yapaalla owiiphaalle yaakhwa.” 20Sika Mose aamukusa mwaariye ni anaaye, aawelliha vabuluni eya o Iguputo. Mose aakusa ekopo ya Mullukweelle m'mattani mwaye.
21Apwiya yaamulleellattho Mose wi, “Mvo onahokollweelleewe o Iguputo, weere vamiitthoni va Farao ezizindikiro ddoottikhiniha ddittheddene nnddo kuuvahilleemi masiva aweerella. Koma kineeromummiha murima nave khaakhullella wi athwaaka evenyemo. 22Nave wamulleelle Farao wi mi Apwiya kinallota wi, ‘Israele tti mwanaka aamullopwana awaamba.’ 23#Eks 12.29Vano kinimuulleella wi omwaakhullelle mwanaka aamullopwana awaamba avenyemo wi aye akillapelle miyaano. Koma wakhoota omwaakhullella wi avenyemo, miyaano kineeromwiipha mwanawo aamullopwana awaamba.”
24Vatulli viwa Apwiya yaakumanana Mose m'musewuni wooya o Iguputo, vanipuroni nookonellavo olendo nave yahallille vang'ono omwiipha. 25Koma Zipora aakusa nlluku nawiisha, amuphaddana mwanaye aamullopwana nave nttapara niwa aattannyana manyallo#4.25-26 manyallo: Tti opipilisa ottaphullella wi mukhoveni. a Mose. Sika Ziporooyo aallota wi, “Ddawoona weyaano tti mamunaka awoopolliwa ni nikhame.” 26Vano Apwiya kheyaamwiiphalle Mose. Ekaamba ya ophaddiwanko, sika Zipora allotelleeye wi, “We tti mamunaka awoopolliwa ni nikhame.”
27Apwiya yaamulleella Aroni wi, “Khawe ochipululuni wakumane ni Mose.” Sika Aroni aaya akumana ni Mose omwaangoni wa Mulluku nave aamukhupaarella. 28Vano Mose aamutthopoollella Aroni mawu mattheene ayo Apwiya yamurumalliiwena. Aamulleellattho dda ezizindikiro ddoottikhiniha ddittheddene nndde Apwiya yamulamulelliiwa wi addeere. 29Vano Mose ni Aroni yaatimulla oya o Iguputo, yaatthukumaniha oohoollella attheene a Aisraele. 30Aroni ahaatthopoollella oohoollellaayo ddittheddene nndde Apwiya yamulleelliiwa Mose nave aheerattho ezizindikiro ddoottikhiniha ddittheddenenndde athu attheene yoonaka. 31Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.
Iliyochaguliwa sasa
Eksodo 4: MW2019
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.
Eksodo 4
4
Mulluku anamuvaha Mose masiva oottikhiniha
1Mose ahaakhulla wi, “Koma ethiyo vano Aisraelaayo yaahikikhulupilila apaalle yaahiiwellella mawaaka, enallota wi, ‘Apwiya khewooneyelle weyaano?’ ”
2Apwiya yaamukoha Mosooyo wi, “Ethiyo eri m'mattani mwaweeyo tti tini?” Mose ahaakhulla wi, “Ekopo.”
3Nave Apwiya yaamulleella wi, “Ngayivokhelle vatthi.” Mose ayivokhille vatthi ekopweelle, yaatthattuwa enowa nave olliye aayithawa. 4Vano Apwiya yaamulleella Mosooyo wi, “Yiphare mwiilla.” Mose aayiphara, enthawi yeeyo yaatthattuwattho ekopo m'mattani mwaye mwemmo. 5Apwiya yaamulleella wi, “Weere ddenndda wi ekhulupilile wi Apwiya Mulluku a makhollwiiwa, Mulluku a Abrahamu, Mulluku a Isaki ni Mulluku a Yakobo, aawooneyella.”
6Apwiya yaamulleellattho Mose wi, “Ngavollochiha nnatta nawo m'mukanjonimmo.” Olliye aanivollochiha koma anikhumiheeye, naakhalla ni makate, naateellella wonanko ntuura. 7Vano Apwiya yaallota wi, “Nivollochihettho nnatta nawonno m'mukanjonimmo.” Olliye aanivollochihamottho koma anikhumiheeyemo naari naphaama noohikhalla ni makate, noophwanaphwana ni mwiillaaye muttheene. 8Vano Apwiya yaallota wi, “Yaahuukhulupilila nave yaahikwakhwanihiwa ni echizindikiro yawaambeeyo, eneerokhulupilila echizindikiro yaneepiilleeyo. 9Koma yaahikhulupilila ezizindikiro piilliddenennddo, ehinawiiwellella, wakuse maaddi a m'muhinjeni wa Nailo owiithelle vamutundani. Vano maaddi a vamutundanaayo eneerotthattuwa nikhame.”
10Koma Mose aallota wi, “Apwiya, koophara mwetwaanyu. Miyaano waambeella khalle nginawora ollota phaama naari waambeella mvo mwaambeelleenyu ollota ni miyaano, oorumeyellaanyu. Ata! Nginatthopoolla voollotani.”
11Vano Apwiya yaamukoha Mose wi, “Ethiyo amuvahille muthu vayanoni ttaani? Ttaani anamweeriha muthu wi akhalle oohillota apaalle oohiiwa, awoona apaalle ohoona? Ethiyo ngihiyo mi Apwiya kineera ddennddo? 12Vano khawe, miyaano kineerewuukavihera ollotanko nave kineerewuulleella yawi wallote.”
13Koma Mose aallota wi, “Apwiya, koophara mwetwaanyu nave kinuuvekani wi mumurume muthu mmodda.”
14Vano Apwiya yaamushella murima Mose, emulleella wi, “Mwanamunno Aroni, Mulevoolle. Kinnadduwella wi olliyoolle ttuuwora ollota phaama ddene. Animawa wi akumane ni weyaano nave aneerohakallalla wunchichi aawoona. 15Oneeromulleella yawi allote. Kineerewuukaviherani ollota eelliinenyu nave kineerowuulleellanittho ddawi mweere. 16Olliye aneerekollota wa athu munipuroni mwawo. Aneerokhalla wonanko eyanwaawo nave weyaano onaakhalleke wonanko mullukwaaye. 17Okuse ekopo eri m'mattani mwaweeyo nave wapharihe mutteko vaweerani ezizindikiro ddoottikhiniha.”
Mose anahokollweella o Iguputo
18Vano Mose aahokollweella wa Yetero, attiitthinnya a mwaariyaalle, aalleella wi, “Pepaani mukaakhullelle wi kihokollweelle o Iguputo wa abalaaka wi kawoone yaarimi eri ni okumi.” Yetero aamwaakhullella Mose wi, “Khaweni ni murendelle.”
19Apwiya yaamulleella Mose aariiye o Midiyani wulle wi, “Vano hokollweella o Iguputo vawi athu attheene yapaalla owiiphaalle yaakhwa.” 20Sika Mose aamukusa mwaariye ni anaaye, aawelliha vabuluni eya o Iguputo. Mose aakusa ekopo ya Mullukweelle m'mattani mwaye.
21Apwiya yaamulleellattho Mose wi, “Mvo onahokollweelleewe o Iguputo, weere vamiitthoni va Farao ezizindikiro ddoottikhiniha ddittheddene nnddo kuuvahilleemi masiva aweerella. Koma kineeromummiha murima nave khaakhullella wi athwaaka evenyemo. 22Nave wamulleelle Farao wi mi Apwiya kinallota wi, ‘Israele tti mwanaka aamullopwana awaamba.’ 23#Eks 12.29Vano kinimuulleella wi omwaakhullelle mwanaka aamullopwana awaamba avenyemo wi aye akillapelle miyaano. Koma wakhoota omwaakhullella wi avenyemo, miyaano kineeromwiipha mwanawo aamullopwana awaamba.”
24Vatulli viwa Apwiya yaakumanana Mose m'musewuni wooya o Iguputo, vanipuroni nookonellavo olendo nave yahallille vang'ono omwiipha. 25Koma Zipora aakusa nlluku nawiisha, amuphaddana mwanaye aamullopwana nave nttapara niwa aattannyana manyallo#4.25-26 manyallo: Tti opipilisa ottaphullella wi mukhoveni. a Mose. Sika Ziporooyo aallota wi, “Ddawoona weyaano tti mamunaka awoopolliwa ni nikhame.” 26Vano Apwiya kheyaamwiiphalle Mose. Ekaamba ya ophaddiwanko, sika Zipora allotelleeye wi, “We tti mamunaka awoopolliwa ni nikhame.”
27Apwiya yaamulleella Aroni wi, “Khawe ochipululuni wakumane ni Mose.” Sika Aroni aaya akumana ni Mose omwaangoni wa Mulluku nave aamukhupaarella. 28Vano Mose aamutthopoollella Aroni mawu mattheene ayo Apwiya yamurumalliiwena. Aamulleellattho dda ezizindikiro ddoottikhiniha ddittheddene nndde Apwiya yamulamulelliiwa wi addeere. 29Vano Mose ni Aroni yaatimulla oya o Iguputo, yaatthukumaniha oohoollella attheene a Aisraele. 30Aroni ahaatthopoollella oohoollellaayo ddittheddene nndde Apwiya yamulleelliiwa Mose nave aheerattho ezizindikiro ddoottikhiniha ddittheddenenndde athu attheene yoonaka. 31Vano Aisraelaalle yaakhulupilila ddennddo. Sika yiiwalle wi Apwiya yaawa wa alliwa nave yahoona ohoosiwa wiwanko, yaakokhora emullapella Mulluku.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.