Genesis 17
17
Ophaddiwa, echizindikiro ya echipangano
1Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke 2vawi kineereweera echipangano ni weyaano nave kineerewuuvaha edduullu ddinchichi.” 3Enthawi yeeyo Abramu aakokhora vatthi nave Mulluku aallota wi, 4“Ella tti echipangano kineereemi ni weyaano. Kinimalonjeza wi onaakhalle nikhollo na mitundu ddinchichi. 5#Aro 4.17Nnddina nawo khanikhallattho Abramu koma Abrahamu.#17.5 Abrahamu: Nnddina nenna niniiweya wonanko na Eheberi nno ninattaphullella nikhollo na mitundu ddittheddene. Nna sika nnddina nawo kaambiiwa kinnuutthattusa nikhollo na mitundu ddinchichi. 6Kineerewuuvaha edduullu ddinchichi vawi ddinaakhalle mitundu ddinchichi nave ddimodda mwa edduullunnddo ddinaakhalle mamwene. 7#Luk 1.55Nave kineerokeraatthiha echipangano variyari va miyaano ni weyaano ni edduullu ddawo muhoollommo nave echipanganweella enaakhalle yoohimalla. Sika miyaano kinaakhalle Mullukwaawo ni Mulluku a edduullu ddawo. 8#Mit 7.5Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”
9Mulluku aamulleellattho Abrahamu wi, “Vano weyaanottho osungeke echipanganwaaka ni edduullu ddawo muhoollommo. 10#Mit 7.8; Aro 4.11Weyaano ni edduullu ddawo muhoollo, musungeke echipanganweella yawi arive mullopwana variyari vanyu aphaddiweke. 11Waambeella ollello muphaddiweke nave ella enaakhalle echizindikiro ya echipangano ya variyari va miyaano ni nyuwaano. 12Mumuphaddeke arive mwaana aamullopwana akwakhwana mallapo matthanu ni mararu. Mumuphaddeke arive mullopwana va mibado ddanyu ddittheddene, arive kaporo ooyariwa mpa mwanyu apaalle kaporo mwamukunlleenyu ni makobiraanyu. 13Aphaddiweke arive kaporo ooyariwa mpa mwanyu apaalle kaporo mwamukunlleenyu ni makobiraanyu. Nave yeella ekhalle echizindikiro ya va miilli ddanyu, yawooniha wi echipanganwaaka ni nyuwaano tti ya enthawi yoohimalla. 14Mullopwana oohiphaddiwa kheerengelliwaka ni athu a mutundwaaye kaambiiwa ootathilla echipanganwaaka.”
15Vatulli viwa Mulluku aamulleella Abrahamu wi, “Mwaariyoolla ohimuromullekettho wi Sarai. Vano nnddina naye tti Sara.#17.15 Sara: Nnddina nenna mu Eheberi ninattaphullella mwaana aamutthiyana a mwene. 16Olliyoolla kineeromudalisa nave kineerewuuvaha mwaana aamullopwana oweella mwa olliye. Kineeromudalisa nave anaakhalle moowe a mitundu ddittheddene dda athu. Variyari va edduullu ddayennddo vineerokhuma mamwene.”
17Enthawi yeeyo Abrahamu aakokhora vatthi nave ahaamba ottheya m'murimani mwaye wi, “Ethiyo mullopwana a miyakha 100, ttuuyarattho? Ethiyo Sarooyo ari ni miyakha 90, ttuuyarattho?” 18Nave aamulleella Mulluku wi, “Kinuuvekani wi munipuroni mwiwa m'mudalise Ishmaele.”
19Koma Mulluku aallota wi, “Iyaayi, mwaariyo Sara sika anuuyarelle mwaana aamullopwana nave aneeromuvaha nnddina nawi Isaki.#17.19 Isaki: Nnddina nenna mu Eheberi ninattaphullella annattheya. Kineerokeraatthiha echipanganwaaka ni olliyooyo navettho ni edduullu ddaye muhoollo. Nave echipanganweeyo enaakhalle ya enthawi yoohimalla. 20Koma ollota dda Ishmaele, miyaano koowiiwa weyaano nave ngoona, kineeromudalisa voomuvahani edduullu ddinchichi. Anaakhalle attiitthiiwa a mamwene khumi ni eelli nave edduullu ddaye ddinaakhalle mutundu muullupalli. 21Koma kinaakeraatthihe echipanganwaaka ni mwanawo Isaki oyo anaayariwe mwa Sara mu enthawi wonanko yeella muyakha woosiisello.”
22Nave Mulluku amallihalle ollota, aamuhiya vaavo Abrahamooyo.
23Nllapo nenno Abrahamu ahiiwellella nnddo Mulluku amulleelleeye. Sika aamuphadda mwanaye Ishmaele ni akaporo attheene ooyarelliwa mpa mwaye apaalle akaporo aakullalleeye ni makobiri, okhulla mi allopwana attheene a mpa mwaye. 24Abrahamu aari ni miyakha 99 va enthawi aphaddiweeye. 25Nave mwanaye Ishmaele aari ni miyakha 13 enthawi aphaddiweeye. 26Sika nllapo nenna Abrahamu ni mwanaye Ishmaele yaaphaddiwa, 27ni allopwana attheene, erive akaporo aallopwana ooyarelliwa mpa mwaye apaalle amodda aakullalleeye ni makobiri, attheenaayo yaaphaddiwa ni olliyooyo.
Iliyochaguliwa sasa
Genesis 17: MW2019
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.
Genesis 17
17
Ophaddiwa, echizindikiro ya echipangano
1Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke 2vawi kineereweera echipangano ni weyaano nave kineerewuuvaha edduullu ddinchichi.” 3Enthawi yeeyo Abramu aakokhora vatthi nave Mulluku aallota wi, 4“Ella tti echipangano kineereemi ni weyaano. Kinimalonjeza wi onaakhalle nikhollo na mitundu ddinchichi. 5#Aro 4.17Nnddina nawo khanikhallattho Abramu koma Abrahamu.#17.5 Abrahamu: Nnddina nenna niniiweya wonanko na Eheberi nno ninattaphullella nikhollo na mitundu ddittheddene. Nna sika nnddina nawo kaambiiwa kinnuutthattusa nikhollo na mitundu ddinchichi. 6Kineerewuuvaha edduullu ddinchichi vawi ddinaakhalle mitundu ddinchichi nave ddimodda mwa edduullunnddo ddinaakhalle mamwene. 7#Luk 1.55Nave kineerokeraatthiha echipangano variyari va miyaano ni weyaano ni edduullu ddawo muhoollommo nave echipanganweella enaakhalle yoohimalla. Sika miyaano kinaakhalle Mullukwaawo ni Mulluku a edduullu ddawo. 8#Mit 7.5Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”
9Mulluku aamulleellattho Abrahamu wi, “Vano weyaanottho osungeke echipanganwaaka ni edduullu ddawo muhoollommo. 10#Mit 7.8; Aro 4.11Weyaano ni edduullu ddawo muhoollo, musungeke echipanganweella yawi arive mullopwana variyari vanyu aphaddiweke. 11Waambeella ollello muphaddiweke nave ella enaakhalle echizindikiro ya echipangano ya variyari va miyaano ni nyuwaano. 12Mumuphaddeke arive mwaana aamullopwana akwakhwana mallapo matthanu ni mararu. Mumuphaddeke arive mullopwana va mibado ddanyu ddittheddene, arive kaporo ooyariwa mpa mwanyu apaalle kaporo mwamukunlleenyu ni makobiraanyu. 13Aphaddiweke arive kaporo ooyariwa mpa mwanyu apaalle kaporo mwamukunlleenyu ni makobiraanyu. Nave yeella ekhalle echizindikiro ya va miilli ddanyu, yawooniha wi echipanganwaaka ni nyuwaano tti ya enthawi yoohimalla. 14Mullopwana oohiphaddiwa kheerengelliwaka ni athu a mutundwaaye kaambiiwa ootathilla echipanganwaaka.”
15Vatulli viwa Mulluku aamulleella Abrahamu wi, “Mwaariyoolla ohimuromullekettho wi Sarai. Vano nnddina naye tti Sara.#17.15 Sara: Nnddina nenna mu Eheberi ninattaphullella mwaana aamutthiyana a mwene. 16Olliyoolla kineeromudalisa nave kineerewuuvaha mwaana aamullopwana oweella mwa olliye. Kineeromudalisa nave anaakhalle moowe a mitundu ddittheddene dda athu. Variyari va edduullu ddayennddo vineerokhuma mamwene.”
17Enthawi yeeyo Abrahamu aakokhora vatthi nave ahaamba ottheya m'murimani mwaye wi, “Ethiyo mullopwana a miyakha 100, ttuuyarattho? Ethiyo Sarooyo ari ni miyakha 90, ttuuyarattho?” 18Nave aamulleella Mulluku wi, “Kinuuvekani wi munipuroni mwiwa m'mudalise Ishmaele.”
19Koma Mulluku aallota wi, “Iyaayi, mwaariyo Sara sika anuuyarelle mwaana aamullopwana nave aneeromuvaha nnddina nawi Isaki.#17.19 Isaki: Nnddina nenna mu Eheberi ninattaphullella annattheya. Kineerokeraatthiha echipanganwaaka ni olliyooyo navettho ni edduullu ddaye muhoollo. Nave echipanganweeyo enaakhalle ya enthawi yoohimalla. 20Koma ollota dda Ishmaele, miyaano koowiiwa weyaano nave ngoona, kineeromudalisa voomuvahani edduullu ddinchichi. Anaakhalle attiitthiiwa a mamwene khumi ni eelli nave edduullu ddaye ddinaakhalle mutundu muullupalli. 21Koma kinaakeraatthihe echipanganwaaka ni mwanawo Isaki oyo anaayariwe mwa Sara mu enthawi wonanko yeella muyakha woosiisello.”
22Nave Mulluku amallihalle ollota, aamuhiya vaavo Abrahamooyo.
23Nllapo nenno Abrahamu ahiiwellella nnddo Mulluku amulleelleeye. Sika aamuphadda mwanaye Ishmaele ni akaporo attheene ooyarelliwa mpa mwaye apaalle akaporo aakullalleeye ni makobiri, okhulla mi allopwana attheene a mpa mwaye. 24Abrahamu aari ni miyakha 99 va enthawi aphaddiweeye. 25Nave mwanaye Ishmaele aari ni miyakha 13 enthawi aphaddiweeye. 26Sika nllapo nenna Abrahamu ni mwanaye Ishmaele yaaphaddiwa, 27ni allopwana attheene, erive akaporo aallopwana ooyarelliwa mpa mwaye apaalle amodda aakullalleeye ni makobiri, attheenaayo yaaphaddiwa ni olliyooyo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.