Genesis 23
23
Okhwa wa Sara nave Abrahamu anakulla mahame
1Sara aakhalla ni okumi miyakha 127, 2nave akhwenlle o Kiriyati Ariba (sika wi Hebroni) mu ellapo ya Kanani. Abrahamu aaya wenko iinlla maliro a Sarooyo.
3Vano Abrahamu aahiya mutembo wa mwaariye, aya allota ni athu a o Hiti wi, 4#Ahe 11.9,13; Mit 7.16“Mi tti mulleto, ookhalla enthawi yooyeva, owaninyu wuno. Mukikullihelle emata wi ekhalle mahame wi kimvitthevo mwaaraka.”
5Athwaayo yaamwaakhulla wi, 6“Niiweseseni, apwiya. Nyuwaano tti enduna yuullupalli variyari vaahumva. Amwaarinywaalla mwaavitthe mu erive mahame aphaama niriihuna. Khaavo muthu naari mmodda variyari vaahumva anaawiimaneni mahame niriihuna apaalle wuuvaanyihani waavitthamo amwaarinywaalla.”
7Enthawi yeeyo Abrahamu aakokhora vatthi vamiitthoni va athwaayo, 8nave aalleella wi, “Mwaarimi mukaakhullenlle wi kimuvitthe mwaarakoolla weewuno, mukivekelle wa Efuroni mwaana a Zohari, 9wi akikullihelle nikhungu naye na Makipera. Nikhungunno niri mukhwipi mwa emataaye. Muvekeni wi akikullihelle vamutengoni woophwanellella, nyuwaano moonaka wi nipuronno nikhalle mahame.”
10Vaavo Efuronooyo sika ari ni Ahiti o nipuro na mutthukumano va mullako woovollowella m'muzindani. Nave athu attheenaayo yiiwaka, ahaakhulla wi, 11“Iyaayi, apwiya. Miyaano kineerewuuvahani emata ettheene ni nikhungunno. Kineerewuuvahani nipuronno vamiitthoni va athwaaka attheenaalla wi mwaavitthemo amwaarinyu.”
12Vaavo Abrahamu aakokhora vamiitthoni va athu attheenaalle, 13nave amulleella Efuroni wi, “Mwawuuvekani, mukiiwellelle, miyaano kinapaalla kikulle emateeyo. Akhellani makobiri va mutengo woophwanella ni emateella wi kimvitthemo mwaaraka.”
14Koma Efuroni ahaakhulla wi, 15“Kiiweseseni apwiya. Emateeyo mutengweene tti makobiri a siliva 400. Koma ddennddo khehiyo ello variyari va nyuwaano ni miyaano. Vitthani malirwaanyu.” 16Abrahamu ahaakhullella nave vamiitthoni va athu attheene a o Hiti aheerengella makobiri a siliva 400 ayo Efuroni aromonlleeye moollikana ni makobiri ayo athu amalonda yapharihiiwa mutteko mwiillaponimmo va enthawi yeeyo.
17Mmu sika emata ya Efuroni o Makipera, wookhuma nndduwa wa Mamure, yatthattuselliwiiwa ya Abrahamu. Nipuronno naakhalla ni emata ni nikhungu mukhwipi mwa emateeyo, vamoddattho ni miteekho ddittheddene dda mukhwipi mwa emateeyo. 18Sika ddittheddenenndda ddaakhalla ddaayeddaaye dda Abrahamu vamiitthoni va Ahiti ayo yakhallillena va mutthukumano va mullako woovollowella wa m'muzindani. 19Vatulli viwa Abrahamu aamuvittha mwaariye munikhunguni na emata ya o Makipera wookhuma nndduwa wa Mamure (sika wi Hebroni), mu ellapo ya Kanani. 20Sika emateeyo ni nikhungu nnddo khalle ddaari dda Ahiti, nipuro nittheenenno naakullihiwa wa Abrahamu wi nikhalle mahame.
Iliyochaguliwa sasa
Genesis 23: MW2019
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.
Genesis 23
23
Okhwa wa Sara nave Abrahamu anakulla mahame
1Sara aakhalla ni okumi miyakha 127, 2nave akhwenlle o Kiriyati Ariba (sika wi Hebroni) mu ellapo ya Kanani. Abrahamu aaya wenko iinlla maliro a Sarooyo.
3Vano Abrahamu aahiya mutembo wa mwaariye, aya allota ni athu a o Hiti wi, 4#Ahe 11.9,13; Mit 7.16“Mi tti mulleto, ookhalla enthawi yooyeva, owaninyu wuno. Mukikullihelle emata wi ekhalle mahame wi kimvitthevo mwaaraka.”
5Athwaayo yaamwaakhulla wi, 6“Niiweseseni, apwiya. Nyuwaano tti enduna yuullupalli variyari vaahumva. Amwaarinywaalla mwaavitthe mu erive mahame aphaama niriihuna. Khaavo muthu naari mmodda variyari vaahumva anaawiimaneni mahame niriihuna apaalle wuuvaanyihani waavitthamo amwaarinywaalla.”
7Enthawi yeeyo Abrahamu aakokhora vatthi vamiitthoni va athwaayo, 8nave aalleella wi, “Mwaarimi mukaakhullenlle wi kimuvitthe mwaarakoolla weewuno, mukivekelle wa Efuroni mwaana a Zohari, 9wi akikullihelle nikhungu naye na Makipera. Nikhungunno niri mukhwipi mwa emataaye. Muvekeni wi akikullihelle vamutengoni woophwanellella, nyuwaano moonaka wi nipuronno nikhalle mahame.”
10Vaavo Efuronooyo sika ari ni Ahiti o nipuro na mutthukumano va mullako woovollowella m'muzindani. Nave athu attheenaayo yiiwaka, ahaakhulla wi, 11“Iyaayi, apwiya. Miyaano kineerewuuvahani emata ettheene ni nikhungunno. Kineerewuuvahani nipuronno vamiitthoni va athwaaka attheenaalla wi mwaavitthemo amwaarinyu.”
12Vaavo Abrahamu aakokhora vamiitthoni va athu attheenaalle, 13nave amulleella Efuroni wi, “Mwawuuvekani, mukiiwellelle, miyaano kinapaalla kikulle emateeyo. Akhellani makobiri va mutengo woophwanella ni emateella wi kimvitthemo mwaaraka.”
14Koma Efuroni ahaakhulla wi, 15“Kiiweseseni apwiya. Emateeyo mutengweene tti makobiri a siliva 400. Koma ddennddo khehiyo ello variyari va nyuwaano ni miyaano. Vitthani malirwaanyu.” 16Abrahamu ahaakhullella nave vamiitthoni va athu attheene a o Hiti aheerengella makobiri a siliva 400 ayo Efuroni aromonlleeye moollikana ni makobiri ayo athu amalonda yapharihiiwa mutteko mwiillaponimmo va enthawi yeeyo.
17Mmu sika emata ya Efuroni o Makipera, wookhuma nndduwa wa Mamure, yatthattuselliwiiwa ya Abrahamu. Nipuronno naakhalla ni emata ni nikhungu mukhwipi mwa emateeyo, vamoddattho ni miteekho ddittheddene dda mukhwipi mwa emateeyo. 18Sika ddittheddenenndda ddaakhalla ddaayeddaaye dda Abrahamu vamiitthoni va Ahiti ayo yakhallillena va mutthukumano va mullako woovollowella wa m'muzindani. 19Vatulli viwa Abrahamu aamuvittha mwaariye munikhunguni na emata ya o Makipera wookhuma nndduwa wa Mamure (sika wi Hebroni), mu ellapo ya Kanani. 20Sika emateeyo ni nikhungu nnddo khalle ddaari dda Ahiti, nipuro nittheenenno naakullihiwa wa Abrahamu wi nikhalle mahame.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.