Genesis 34
34
Opharelliwa wa Dina
1Nllapo nimodda Dina mwaana aamutthiyana a Yakobo, a erukullu ya Leya, aaya wawaarera ni aatthiyana amodda a mwiillaponimmo. 2Shekemu, mwaana a Hamori Muhivi mwene a echigawo ya ellapweeyo, amoonille namwallooyo, aakonana momupharella. 3Vawi Shekemu aamukonda wunchichi Dina ahaambella omullotella mawu oomukohera#34.3 mawu oomukohera: apaalle omukhurumusa murima olliye. namwallooyo. 4Sika ahaalleella attiitthinnya wi, “Mukikuselle namwalloolla wi akhalle mwaaraka.”
5Yakobo ahiiwa dda ddoowulliha muru nnddo ddamweereyelle mwanaye Dina voopharelliwani koma vawi anaaye aallopwana yaari obusani woochiha eziweto, khaaweerillevo ello ophiyera alliwaayo ewiille. 6Hamori, attiitthinnya Shekemu, yaaya wawaarera ni Yakobo. 7Va enthawi yeeyo anamwani a Yakobo yaari yiikimaphiya wene ovenyera obusani wulle. Anamwanaayo yiiwalle ddennddo, yaasha murima wunchichi. Yaananariwa wunchichi vawoonani wi Shekemu aheera ello yoonanara wunchichi eyo tti yoowulliha muru mu Israele, voomupharellani Dina.
8Sika Hamori ahaalleella wi, “Mwanaka Shekemu oomukonda mwaninyu. Kinimuuvekani, mwaakhullelleni wi amutthelle. 9Hankoni niiwanane wi nitthellaneke variyari vahu. Hiyaano naatthelleke aniinyu, nyuwaano mwaatthellekettho aniihu. 10Ddeeddiiddo muneerekokhalla ni hiyaano mwiillaponi mwahummu. Mukeraattheye mwamurendelle orive weko munapaalleenyuwo, mukulliheke malondaanyu mwamurendelle nave mukulleke mapuro oomakavo enyumba moopaalla mwanyu.”
11Vatulli viwa Shekemu ahaalleella attiitthinnya a Dina ni arokoriyaalle wi, “Mukeerelle echifundo nave kineerewuuvahani ddittheddene munaapaalleenyu. 12Killeelleni emphaso eyo munapaalleenyu nave muromolle orive mutengo wa emphaso yootthellella. Miyaano kineerewuuvahani erive ello munaaromolleenyu, mwakaakhullella wi kimutthelle namwalloolla.”
13Koma anamwani a Yakobo yaawaakhulla Shekemu ni attiitthinnya mwawaalleka vawi Shekemu aheera ddoomuwulliha muru Dina murokoriwa. 14Alliwaayo yaallota wi, “Khanaakhullella wi murokorihu atthelliwe ni muthu oohiphaddiwa. Ello yeella tti yoowulliha muru wa hiyaano. 15Ninaakhullelle vaavove nyuwaano mwakhalla wonanko hiyaano nikhallelleehummu, vawaaphaddani aniinyu aallopwana attheene. 16Sika vaavo nineerowaakhullellani waatthella aniihu nave hiyaanottho nineerekewaatthella aniinyu. Sika nineerokeraattheya variyari vanyu wi nitthattuwe nlloko mmodda. 17Koma mwaahaakhullella ninalloteehunndda wi muphaddiwe, hiyaano nineeromukusa namwalloolla nirowekena.”
18Mawaalla yaamuddivella wunchichi Hamori ni mwanaye Shekemu. 19Nave Shekemu ahaakuva weera ddapaalleyannddo, ekaamba yawi aamukonda wunchichi mwaana a Yakobo. Vano Shekemu aanavahiwa olemu wunchichi munibanjani noowaniwanno.
20Vano Hamori ni mwanaye Shekemu yahiithaniha mutthukumano va mullako woovollowella m'muzindaniiwa, enallota ni athu a m'muzindanimmo wi, 21“Athwaalla tti akhwiihu. Sika niwaakhullelle wi ekhalle mwiillaponi mwahummu wi epangeke malonda mwamurendelle. Ellapweella tti yuullupalli nave eneerewaakwakhwanella alliwaayo sika hankoni vano nitthellaneke. 22Koma athwaalla enaakhullelle okhalla variyari vahu ni ottakanyiherana ni hiyaano wi nikhalle mutundu mmodda, vaavove hiyaano naaphadda allopwana attheene wonanko eneerelliiwa alliwaayo. 23Ethiyo nndda kheddinattaphullella wi eziweto ddiwa ni katundwiiwa ddinaakhalle ddaahu? Sika vano hankoni naakhullelle wi ekhalleke variyari vahu.” 24Athu attheene a m'muzindanimmo yahaakhullella ddoollota dda Hamori ni Shekemu nave allopwana attheene a m'muzindanimmo yaaphaddiwa.
25Viviralle mallapo mararu, makhwata a ophaddiwa wulle ehinavolle, anamwani eelli a Yakobo, Simeoni ni Levi, arokoriye a Dina, yaakusa mavakiiwa akhoto. Nave evollowa mwawiitta m'muzindani mulle, ewiipha allopwana attheene. 26Yaamwiiphattho Hamori ni mwanaye Shekemu. Nave voorowani yaamukusa Dina ovenyera mpa mwa Shekemu. 27Simeoni ni Levi ewiiphalle allopwana attheene a m'muzindani mulle, anamwani amodda a Yakobo yaaphiya va awiiphiwaalle nave yahaakha ddittheddene dda m'muzindammo, ekaamba yawi yaamupharella murokoriwa. 28Yahaakha enkhosa, epuri, eng'ombe ni abulu vamoddattho ni ddittheddene ddaari m'muzindanimmo navettho ni ddoocha ddiwa. 29Yaakusa eyuuma ettheene nave yahaaphara atthiyana attheene ni anamwani, yaakusattho erive ello ya mpa.
30Yakobo aamulleella Simeoni ni Levi wi, “Hii! Mookittatthamullella ekhoto nave mohunkhiha nnddina naka variyari va athu mwiillaponimmu, Akanani ni Aperezi. Miyaano nginna athu anchichi, sika alliwaalla yatthukumana wi ekihelle ekhoto, miyaano ni nibanja naka nittheene, attheene nineerewoonongiwa.” 31Koma alliwa yahaakhulla wi, “Hiyaano khanaakhullella wi Shekemu amutthattuse hule murokorihu.”
Iliyochaguliwa sasa
Genesis 34: MW2019
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.
Genesis 34
34
Opharelliwa wa Dina
1Nllapo nimodda Dina mwaana aamutthiyana a Yakobo, a erukullu ya Leya, aaya wawaarera ni aatthiyana amodda a mwiillaponimmo. 2Shekemu, mwaana a Hamori Muhivi mwene a echigawo ya ellapweeyo, amoonille namwallooyo, aakonana momupharella. 3Vawi Shekemu aamukonda wunchichi Dina ahaambella omullotella mawu oomukohera#34.3 mawu oomukohera: apaalle omukhurumusa murima olliye. namwallooyo. 4Sika ahaalleella attiitthinnya wi, “Mukikuselle namwalloolla wi akhalle mwaaraka.”
5Yakobo ahiiwa dda ddoowulliha muru nnddo ddamweereyelle mwanaye Dina voopharelliwani koma vawi anaaye aallopwana yaari obusani woochiha eziweto, khaaweerillevo ello ophiyera alliwaayo ewiille. 6Hamori, attiitthinnya Shekemu, yaaya wawaarera ni Yakobo. 7Va enthawi yeeyo anamwani a Yakobo yaari yiikimaphiya wene ovenyera obusani wulle. Anamwanaayo yiiwalle ddennddo, yaasha murima wunchichi. Yaananariwa wunchichi vawoonani wi Shekemu aheera ello yoonanara wunchichi eyo tti yoowulliha muru mu Israele, voomupharellani Dina.
8Sika Hamori ahaalleella wi, “Mwanaka Shekemu oomukonda mwaninyu. Kinimuuvekani, mwaakhullelleni wi amutthelle. 9Hankoni niiwanane wi nitthellaneke variyari vahu. Hiyaano naatthelleke aniinyu, nyuwaano mwaatthellekettho aniihu. 10Ddeeddiiddo muneerekokhalla ni hiyaano mwiillaponi mwahummu. Mukeraattheye mwamurendelle orive weko munapaalleenyuwo, mukulliheke malondaanyu mwamurendelle nave mukulleke mapuro oomakavo enyumba moopaalla mwanyu.”
11Vatulli viwa Shekemu ahaalleella attiitthinnya a Dina ni arokoriyaalle wi, “Mukeerelle echifundo nave kineerewuuvahani ddittheddene munaapaalleenyu. 12Killeelleni emphaso eyo munapaalleenyu nave muromolle orive mutengo wa emphaso yootthellella. Miyaano kineerewuuvahani erive ello munaaromolleenyu, mwakaakhullella wi kimutthelle namwalloolla.”
13Koma anamwani a Yakobo yaawaakhulla Shekemu ni attiitthinnya mwawaalleka vawi Shekemu aheera ddoomuwulliha muru Dina murokoriwa. 14Alliwaayo yaallota wi, “Khanaakhullella wi murokorihu atthelliwe ni muthu oohiphaddiwa. Ello yeella tti yoowulliha muru wa hiyaano. 15Ninaakhullelle vaavove nyuwaano mwakhalla wonanko hiyaano nikhallelleehummu, vawaaphaddani aniinyu aallopwana attheene. 16Sika vaavo nineerowaakhullellani waatthella aniihu nave hiyaanottho nineerekewaatthella aniinyu. Sika nineerokeraattheya variyari vanyu wi nitthattuwe nlloko mmodda. 17Koma mwaahaakhullella ninalloteehunndda wi muphaddiwe, hiyaano nineeromukusa namwalloolla nirowekena.”
18Mawaalla yaamuddivella wunchichi Hamori ni mwanaye Shekemu. 19Nave Shekemu ahaakuva weera ddapaalleyannddo, ekaamba yawi aamukonda wunchichi mwaana a Yakobo. Vano Shekemu aanavahiwa olemu wunchichi munibanjani noowaniwanno.
20Vano Hamori ni mwanaye Shekemu yahiithaniha mutthukumano va mullako woovollowella m'muzindaniiwa, enallota ni athu a m'muzindanimmo wi, 21“Athwaalla tti akhwiihu. Sika niwaakhullelle wi ekhalle mwiillaponi mwahummu wi epangeke malonda mwamurendelle. Ellapweella tti yuullupalli nave eneerewaakwakhwanella alliwaayo sika hankoni vano nitthellaneke. 22Koma athwaalla enaakhullelle okhalla variyari vahu ni ottakanyiherana ni hiyaano wi nikhalle mutundu mmodda, vaavove hiyaano naaphadda allopwana attheene wonanko eneerelliiwa alliwaayo. 23Ethiyo nndda kheddinattaphullella wi eziweto ddiwa ni katundwiiwa ddinaakhalle ddaahu? Sika vano hankoni naakhullelle wi ekhalleke variyari vahu.” 24Athu attheene a m'muzindanimmo yahaakhullella ddoollota dda Hamori ni Shekemu nave allopwana attheene a m'muzindanimmo yaaphaddiwa.
25Viviralle mallapo mararu, makhwata a ophaddiwa wulle ehinavolle, anamwani eelli a Yakobo, Simeoni ni Levi, arokoriye a Dina, yaakusa mavakiiwa akhoto. Nave evollowa mwawiitta m'muzindani mulle, ewiipha allopwana attheene. 26Yaamwiiphattho Hamori ni mwanaye Shekemu. Nave voorowani yaamukusa Dina ovenyera mpa mwa Shekemu. 27Simeoni ni Levi ewiiphalle allopwana attheene a m'muzindani mulle, anamwani amodda a Yakobo yaaphiya va awiiphiwaalle nave yahaakha ddittheddene dda m'muzindammo, ekaamba yawi yaamupharella murokoriwa. 28Yahaakha enkhosa, epuri, eng'ombe ni abulu vamoddattho ni ddittheddene ddaari m'muzindanimmo navettho ni ddoocha ddiwa. 29Yaakusa eyuuma ettheene nave yahaaphara atthiyana attheene ni anamwani, yaakusattho erive ello ya mpa.
30Yakobo aamulleella Simeoni ni Levi wi, “Hii! Mookittatthamullella ekhoto nave mohunkhiha nnddina naka variyari va athu mwiillaponimmu, Akanani ni Aperezi. Miyaano nginna athu anchichi, sika alliwaalla yatthukumana wi ekihelle ekhoto, miyaano ni nibanja naka nittheene, attheene nineerewoonongiwa.” 31Koma alliwa yahaakhulla wi, “Hiyaano khanaakhullella wi Shekemu amutthattuse hule murokorihu.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.