yuwana 17
17
asa 17
ḏuməḏɩjo eloŋu ḏeḏi yecu
1na yecu umə ŋuɽuna ŋeno ki nuŋalaḏe kanyin, nuarno, baba gwi, sa jɩmila wɽi; buḏi ŋaɽe ŋuŋa kani ŋwa ŋaɽe ŋuŋa ŋwaŋabuḏi. 2ŋiro gi gwune ŋiḏəḏi ŋelɩnya gi liji wei nulḏəḏə ḏɩmiḏa gi gɩḏilio wei lun lɩḏəḏəlo. 3na ṯeno ḏiro ḏɩmiḏa gi gɩḏilio kani aŋalɩŋe gwun gwiro elo gwetɩdo gwun gwiro gwerkwe, na yecu kɩrisṯo gwun gwuwəjo. 4nyi gwaŋabuḏi kɩḏilio; na ŋɩru ŋun ŋiḏəḏɩnyilo ŋilape ŋilṯɩmi wɽi. 5na gwunnɩno buḏɩŋi ŋa gwe, baba gwi, ḏoɽeḏa ḏe ḏun ḏəṯi lugwuŋa gwerre ganu gɩḏilio gate gɩmagelini no. 6nyi maŋiḏi jiri juŋa gi liji lun lɩḏəḏɩnyilo kɩḏilio, luŋa liro ki nuŋwilḏəḏə, na lɩmaḏɩme ŋuɽuna ŋuŋa. 7na gwunnɩno nallɩŋe ŋɩdio wei ŋun ŋiḏəḏɩnyilo ŋuŋa ŋiro; 8gi gwune ŋuɽun ŋun ŋiḏəḏɩnyilo ŋɩmilɩḏəḏə; na luŋa ŋɩmalɩməṯo nallɩŋe muma nyi gwuduḏi lugwuŋa, naləmɩnyi nalarno ŋa gwuwəjɩŋi. 9nyi gwuməḏɩjaga gwan luŋa; nyi gwate gwuməḏɩjaŋa gwan gɩḏilio no, namɩni gwan luŋa lun lɩḏəḏɩnyilo gi gwune luŋa liro; 10na wei ŋun ŋəṯilo ŋuŋa ŋiro, na wei ŋun ŋəṯəlo ŋinyi ŋiro, na nyi mabuḏɩni lagin. 11na gwunnɩno nyi gwate kɩḏilio no, namɩni luŋa lo kɩḏilio, namɩni nyi gwila lugwuŋa. ŋa baba gwun gwɩpiḏo pɽul, dɩmiḏɩlo jiri je juŋa lun lɩḏəḏɩnyilo, alro letido gi gwune alaŋa. 12gwune lijanale laṯildɩme jiri je juŋa lun lɩḏəḏɩnyilo nildɩme ḏiḏir kəbe gwate manḏuḏe gwetido no, namɩni ŋaɽe ŋe ḏakɩmino ḏeḏi ḏaiya kani a ŋuɽun ŋeḏi gɩḏam geḏi elo ṯɩmini. 13namɩni gwunnɩno nyi gwila lugwuŋa, na nyi gwumə ŋuɽuna ŋeno kɩḏilio kani alenyeḏe ḏidila ganu ḏinyi. 14na nyi lɩmilḏəḏə ŋuɽuna ŋuŋa, nalmɩni liji leḏi gɩḏilio donye gi gwune lədu leḏi gɩḏilio no liro gi nyi. nyi gwədu gweḏi gɩḏilio no. 15nyi gwate gwo gwuməḏɩjaŋa laləbɩri kɩḏilio no, namɩni laldɩme ŋuŋu gwun gwɩki. 16luŋa lədu leḏi gɩḏilio no gi gwune nyi gwədu gweḏi gɩḏilio no. 17piḏɩl pɽul ŋuɽun ŋuŋa ŋun ŋiro gwerkwe, ŋuɽun ŋuŋa ŋiro gwerkwe. 18gi gwune ŋa wəjɩŋi kɩḏilio lɩmilwəjo dino kɩḏilio; 19na nyi gwapiḏi gwula gwinyi pɽul gwan luŋa, kani luŋa dino alpiḏe pɽul ŋuɽun ŋun ŋiro gwerkwe.
20na nyi gwate gwo gwuməḏɩjaŋa gwan leno kuwei no, namɩni dino gwan luŋa lun ləmɩnyi ŋuɽun ŋe ŋagin. 21kani a luŋa wei alro letɩdo, gi gwune ŋa baba gwaṯɩje lugwi na nyi gwaṯɩje lugwuŋa. alro luŋa dino letɩdo gi alaŋa, kani a liji leḏi gɩḏilio əmɩnyi alarno ŋa gwiro gwuwəjɩŋi. 22na nyi lɩmilḏəḏə ḏoɽeḏa ḏun ḏɩḏəḏɩnyi kani alro letɩdo gi gwune alro letɩdo. 23nyi gwo lagin na ŋa gwo lugwi, kani alkani ldu letɩdo muma, na a gɩḏilio liŋe ŋa gwiro gwun gwuwəjɩŋi, naləmɩnyi gi gwune əmɩnyinyi.
24baba gwi, nyi gwubunyu lun lɩḏəḏɩnyilo analije kalo gun ginɩje, alaŋu ḏoɽeḏa ḏinyi ḏun ḏɩḏəḏɩnyi gi gwune ŋa gwəmɩnyinyi gwerre ganu gɩḏilio gate gɩmagelini no. 25baba gwun gwiŋir, liji leḏi gɩḏilio late lilɩŋiḏaŋa no, namɩni nyi gwilɩŋiḏaŋa, na leno lɩmalɩŋe ŋa gwiro gwun gwuwəjɩŋi, 26na nyi lɩmilaŋijo jiri juŋa, na jilaŋiḏi, kani a ḏəmɩnyo je lagin ḏun ḏaminyinyɩḏe, na nyi gwaje lagin.
Iliyochaguliwa sasa
yuwana 17: OTR1966
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.
yuwana 17
17
asa 17
ḏuməḏɩjo eloŋu ḏeḏi yecu
1na yecu umə ŋuɽuna ŋeno ki nuŋalaḏe kanyin, nuarno, baba gwi, sa jɩmila wɽi; buḏi ŋaɽe ŋuŋa kani ŋwa ŋaɽe ŋuŋa ŋwaŋabuḏi. 2ŋiro gi gwune ŋiḏəḏi ŋelɩnya gi liji wei nulḏəḏə ḏɩmiḏa gi gɩḏilio wei lun lɩḏəḏəlo. 3na ṯeno ḏiro ḏɩmiḏa gi gɩḏilio kani aŋalɩŋe gwun gwiro elo gwetɩdo gwun gwiro gwerkwe, na yecu kɩrisṯo gwun gwuwəjo. 4nyi gwaŋabuḏi kɩḏilio; na ŋɩru ŋun ŋiḏəḏɩnyilo ŋilape ŋilṯɩmi wɽi. 5na gwunnɩno buḏɩŋi ŋa gwe, baba gwi, ḏoɽeḏa ḏe ḏun ḏəṯi lugwuŋa gwerre ganu gɩḏilio gate gɩmagelini no. 6nyi maŋiḏi jiri juŋa gi liji lun lɩḏəḏɩnyilo kɩḏilio, luŋa liro ki nuŋwilḏəḏə, na lɩmaḏɩme ŋuɽuna ŋuŋa. 7na gwunnɩno nallɩŋe ŋɩdio wei ŋun ŋiḏəḏɩnyilo ŋuŋa ŋiro; 8gi gwune ŋuɽun ŋun ŋiḏəḏɩnyilo ŋɩmilɩḏəḏə; na luŋa ŋɩmalɩməṯo nallɩŋe muma nyi gwuduḏi lugwuŋa, naləmɩnyi nalarno ŋa gwuwəjɩŋi. 9nyi gwuməḏɩjaga gwan luŋa; nyi gwate gwuməḏɩjaŋa gwan gɩḏilio no, namɩni gwan luŋa lun lɩḏəḏɩnyilo gi gwune luŋa liro; 10na wei ŋun ŋəṯilo ŋuŋa ŋiro, na wei ŋun ŋəṯəlo ŋinyi ŋiro, na nyi mabuḏɩni lagin. 11na gwunnɩno nyi gwate kɩḏilio no, namɩni luŋa lo kɩḏilio, namɩni nyi gwila lugwuŋa. ŋa baba gwun gwɩpiḏo pɽul, dɩmiḏɩlo jiri je juŋa lun lɩḏəḏɩnyilo, alro letido gi gwune alaŋa. 12gwune lijanale laṯildɩme jiri je juŋa lun lɩḏəḏɩnyilo nildɩme ḏiḏir kəbe gwate manḏuḏe gwetido no, namɩni ŋaɽe ŋe ḏakɩmino ḏeḏi ḏaiya kani a ŋuɽun ŋeḏi gɩḏam geḏi elo ṯɩmini. 13namɩni gwunnɩno nyi gwila lugwuŋa, na nyi gwumə ŋuɽuna ŋeno kɩḏilio kani alenyeḏe ḏidila ganu ḏinyi. 14na nyi lɩmilḏəḏə ŋuɽuna ŋuŋa, nalmɩni liji leḏi gɩḏilio donye gi gwune lədu leḏi gɩḏilio no liro gi nyi. nyi gwədu gweḏi gɩḏilio no. 15nyi gwate gwo gwuməḏɩjaŋa laləbɩri kɩḏilio no, namɩni laldɩme ŋuŋu gwun gwɩki. 16luŋa lədu leḏi gɩḏilio no gi gwune nyi gwədu gweḏi gɩḏilio no. 17piḏɩl pɽul ŋuɽun ŋuŋa ŋun ŋiro gwerkwe, ŋuɽun ŋuŋa ŋiro gwerkwe. 18gi gwune ŋa wəjɩŋi kɩḏilio lɩmilwəjo dino kɩḏilio; 19na nyi gwapiḏi gwula gwinyi pɽul gwan luŋa, kani luŋa dino alpiḏe pɽul ŋuɽun ŋun ŋiro gwerkwe.
20na nyi gwate gwo gwuməḏɩjaŋa gwan leno kuwei no, namɩni dino gwan luŋa lun ləmɩnyi ŋuɽun ŋe ŋagin. 21kani a luŋa wei alro letɩdo, gi gwune ŋa baba gwaṯɩje lugwi na nyi gwaṯɩje lugwuŋa. alro luŋa dino letɩdo gi alaŋa, kani a liji leḏi gɩḏilio əmɩnyi alarno ŋa gwiro gwuwəjɩŋi. 22na nyi lɩmilḏəḏə ḏoɽeḏa ḏun ḏɩḏəḏɩnyi kani alro letɩdo gi gwune alro letɩdo. 23nyi gwo lagin na ŋa gwo lugwi, kani alkani ldu letɩdo muma, na a gɩḏilio liŋe ŋa gwiro gwun gwuwəjɩŋi, naləmɩnyi gi gwune əmɩnyinyi.
24baba gwi, nyi gwubunyu lun lɩḏəḏɩnyilo analije kalo gun ginɩje, alaŋu ḏoɽeḏa ḏinyi ḏun ḏɩḏəḏɩnyi gi gwune ŋa gwəmɩnyinyi gwerre ganu gɩḏilio gate gɩmagelini no. 25baba gwun gwiŋir, liji leḏi gɩḏilio late lilɩŋiḏaŋa no, namɩni nyi gwilɩŋiḏaŋa, na leno lɩmalɩŋe ŋa gwiro gwun gwuwəjɩŋi, 26na nyi lɩmilaŋijo jiri juŋa, na jilaŋiḏi, kani a ḏəmɩnyo je lagin ḏun ḏaminyinyɩḏe, na nyi gwaje lagin.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.