yuwana 2
2
asa 2
ḏaga ḏun ḏijo kana
1na gi lamon lun laduji loro ṯəɽɩl ḏaga ḏijo kamɩrɩgen yun yan kana yeḏi jalil, na nana gweḏi yecu gwijo ŋɩnəwei. 2na yecuŋa calɩmis je juŋun nalorniḏe dino kɩmuri ge ḏaga. 3gwune na ŋau ŋeḏi jaɽe jun jiro gi ḏuɽuṯ ete, na nana gweḏi yecu uməḏɩjo nueicɩno, luŋa late ləṯi ŋau ŋeḏi jaɽe jun jiro gi ḏuɽuṯ no. 4na yecu eicɩno, nana, ŋa gwar i gwada? sa jinyi jore jate jɩmila no. 5na nana gwuŋun eico jaḏama no, ŋun ŋajiŋeico nyaŋəjico. 6na niḏi nijoga nyəɽɩl nun niro nyɩdol nun naṯɩro japiya ganu kwoɽo i nyəɽɩl, gi gwune ŋuɽun ŋijo ŋeḏi liju ŋe ḏuwona. 7nal yecu eicɩno, enyejil ŋau gi niḏi, nalenyeji uro kanyin. 8nuleicɩno, kɩrḏɩllo nyalapijo gwelɩnya gweḏi gɩmuri. nallape. 9gwune na gwele gweḏi gɩmuri lɩŋaico ŋau ŋun ŋimɩdinu ŋau ŋeḏi jaɽe jun jiro gi ḏuɽuṯ, namɩni gwate gwilɩŋiḏi ŋəri ŋɩwiḏi ne no, namɩni jaḏam jun jikɩrḏi ŋau jilɩŋiḏi, na gwele gweḏi gɩmuri orniḏe gwiji gwe ḏaga, 10nueicɩno, liji wei ligelo ŋau ŋeḏi jaɽe jun jiro gi ḏuɽuṯ ŋun ŋiŋir gwerre, na ḏa ŋɩmaliyu ŋutu na ŋaɽ ŋaligele ŋun ŋaicɩwa, namɩni ŋa madɩme ŋau ŋeḏi jaɽe jun jiro gi ḏuɽuṯ ŋun ŋiŋir bucu kəbe gwunne. 11ŋuɽun ŋeno ŋun ŋɩbuḏo ŋiro ŋun ŋiro lɽa ŋun ŋapɩlo yecu kana gweḏi jalil nuaŋiḏi ḏoɽeḏa ḏuŋun; na calɩmis juŋun əminyi. 12gwune na ŋuɽun ŋeno ete nugwulo kabranaum, ŋu na nana gwuŋun na lɩmegin na calɩmis juŋun, naljiga ŋɩnəwei ŋwamon ŋwouwɩrio.
ŋu gwudi ŋuɽuna ŋun ŋɩki kwu dunu gweḏi elo gwun gwubuḏo
mṯ. 21:12-13, mks. 11:15-18, lk. 19:45-46
13na gɩmuri ge ḏouwɩrico geḏi liju gijo giṯo, na yecu abo urucəlim. 14nubuje liji kwu dunu gweḏi elo gwun gwubuḏo lun laṯeḏɩla nyɩḏrio na joŋol na jɩɽiḏir, na liji lijoga lun laṯɩbi əlŋɩrucə ganu, 15gwune nuukɩɽe laicala car je jun jɩtijɩti, nuirio joŋolia wei na nyɩḏri kwu dunu gweḏi elo gwun gwubuḏo. nudurce əlgɩrucə ga yun yaṯɩlbi ganu nuwɩrli darabesa galo. 16nuleico lun liḏɩli jɩɽiḏira no, abɩril ŋɩdio ŋeno ŋɩne; aṯanyadujia duno gweḏi baba gwinyi dunu gwe ḏeḏila no. 17na calɩmis juŋun aḏɩŋane gi gwune ŋulinu, ḏugwor ḏinyi ḏiɽijo ŋuɽuna ganu ŋeḏi dunu gwuŋa. 18na liju wɩrlijo ŋuɽuna naleicɩno, ŋa jwar gwijaŋijo ḏəŋinio aŋe gi gwune apa ŋɩru ŋeno? 19nal yecu wɩrlijo ŋuɽuna nuleicɩno, kil duno kweno gweḏi elo gwun gwubuḏo, na ŋwamon ṯəɽɩl nyi gwidiɽi. 20na liju arno, dunu kweno gwuṯinu jɩḏilio ḏuɽi kwoɽo na nyəɽɩl, namɩni ŋa narno gwediɽi ŋwamon ṯəɽɩl ye? 21namɩni ŋu gwuməḏəṯi kwu dunu gweḏi elo gwun gwubuḏo gwun gwiro aŋɩnu yuŋun. 22gwune nudiɽi gi ḏaiya na calɩmis juŋun aḏɩŋane ŋuɽuna ŋeno ŋun ŋuməḏɩjulɩlo; naləmɩnyi ŋuɽuna ŋeḏi gɩḏam geḏi elo na ŋun ŋuməḏɩjilɩlo yecu.
23na gi gwune ju urucəlim kɩmuri ge ḏouwɩrico naləmɩnyi lutu jiri je juŋun gwune nalaŋu ḏəŋinio ḏun ḏigelu. 24namɩni yecu gwate gwəmɩnyu gwagele gwula gwuŋun lagin no gi gwune gwilɩŋiḏi liji wei. 25na gwate gwubunyu gwiji gwete gwəteije ga gwan gwiji no, gi gwune gwilɩŋiḏi ŋuɽuna ŋun ŋijo kwei.
Iliyochaguliwa sasa
yuwana 2: OTR1966
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.
yuwana 2
2
asa 2
ḏaga ḏun ḏijo kana
1na gi lamon lun laduji loro ṯəɽɩl ḏaga ḏijo kamɩrɩgen yun yan kana yeḏi jalil, na nana gweḏi yecu gwijo ŋɩnəwei. 2na yecuŋa calɩmis je juŋun nalorniḏe dino kɩmuri ge ḏaga. 3gwune na ŋau ŋeḏi jaɽe jun jiro gi ḏuɽuṯ ete, na nana gweḏi yecu uməḏɩjo nueicɩno, luŋa late ləṯi ŋau ŋeḏi jaɽe jun jiro gi ḏuɽuṯ no. 4na yecu eicɩno, nana, ŋa gwar i gwada? sa jinyi jore jate jɩmila no. 5na nana gwuŋun eico jaḏama no, ŋun ŋajiŋeico nyaŋəjico. 6na niḏi nijoga nyəɽɩl nun niro nyɩdol nun naṯɩro japiya ganu kwoɽo i nyəɽɩl, gi gwune ŋuɽun ŋijo ŋeḏi liju ŋe ḏuwona. 7nal yecu eicɩno, enyejil ŋau gi niḏi, nalenyeji uro kanyin. 8nuleicɩno, kɩrḏɩllo nyalapijo gwelɩnya gweḏi gɩmuri. nallape. 9gwune na gwele gweḏi gɩmuri lɩŋaico ŋau ŋun ŋimɩdinu ŋau ŋeḏi jaɽe jun jiro gi ḏuɽuṯ, namɩni gwate gwilɩŋiḏi ŋəri ŋɩwiḏi ne no, namɩni jaḏam jun jikɩrḏi ŋau jilɩŋiḏi, na gwele gweḏi gɩmuri orniḏe gwiji gwe ḏaga, 10nueicɩno, liji wei ligelo ŋau ŋeḏi jaɽe jun jiro gi ḏuɽuṯ ŋun ŋiŋir gwerre, na ḏa ŋɩmaliyu ŋutu na ŋaɽ ŋaligele ŋun ŋaicɩwa, namɩni ŋa madɩme ŋau ŋeḏi jaɽe jun jiro gi ḏuɽuṯ ŋun ŋiŋir bucu kəbe gwunne. 11ŋuɽun ŋeno ŋun ŋɩbuḏo ŋiro ŋun ŋiro lɽa ŋun ŋapɩlo yecu kana gweḏi jalil nuaŋiḏi ḏoɽeḏa ḏuŋun; na calɩmis juŋun əminyi. 12gwune na ŋuɽun ŋeno ete nugwulo kabranaum, ŋu na nana gwuŋun na lɩmegin na calɩmis juŋun, naljiga ŋɩnəwei ŋwamon ŋwouwɩrio.
ŋu gwudi ŋuɽuna ŋun ŋɩki kwu dunu gweḏi elo gwun gwubuḏo
mṯ. 21:12-13, mks. 11:15-18, lk. 19:45-46
13na gɩmuri ge ḏouwɩrico geḏi liju gijo giṯo, na yecu abo urucəlim. 14nubuje liji kwu dunu gweḏi elo gwun gwubuḏo lun laṯeḏɩla nyɩḏrio na joŋol na jɩɽiḏir, na liji lijoga lun laṯɩbi əlŋɩrucə ganu, 15gwune nuukɩɽe laicala car je jun jɩtijɩti, nuirio joŋolia wei na nyɩḏri kwu dunu gweḏi elo gwun gwubuḏo. nudurce əlgɩrucə ga yun yaṯɩlbi ganu nuwɩrli darabesa galo. 16nuleico lun liḏɩli jɩɽiḏira no, abɩril ŋɩdio ŋeno ŋɩne; aṯanyadujia duno gweḏi baba gwinyi dunu gwe ḏeḏila no. 17na calɩmis juŋun aḏɩŋane gi gwune ŋulinu, ḏugwor ḏinyi ḏiɽijo ŋuɽuna ganu ŋeḏi dunu gwuŋa. 18na liju wɩrlijo ŋuɽuna naleicɩno, ŋa jwar gwijaŋijo ḏəŋinio aŋe gi gwune apa ŋɩru ŋeno? 19nal yecu wɩrlijo ŋuɽuna nuleicɩno, kil duno kweno gweḏi elo gwun gwubuḏo, na ŋwamon ṯəɽɩl nyi gwidiɽi. 20na liju arno, dunu kweno gwuṯinu jɩḏilio ḏuɽi kwoɽo na nyəɽɩl, namɩni ŋa narno gwediɽi ŋwamon ṯəɽɩl ye? 21namɩni ŋu gwuməḏəṯi kwu dunu gweḏi elo gwun gwubuḏo gwun gwiro aŋɩnu yuŋun. 22gwune nudiɽi gi ḏaiya na calɩmis juŋun aḏɩŋane ŋuɽuna ŋeno ŋun ŋuməḏɩjulɩlo; naləmɩnyi ŋuɽuna ŋeḏi gɩḏam geḏi elo na ŋun ŋuməḏɩjilɩlo yecu.
23na gi gwune ju urucəlim kɩmuri ge ḏouwɩrico naləmɩnyi lutu jiri je juŋun gwune nalaŋu ḏəŋinio ḏun ḏigelu. 24namɩni yecu gwate gwəmɩnyu gwagele gwula gwuŋun lagin no gi gwune gwilɩŋiḏi liji wei. 25na gwate gwubunyu gwiji gwete gwəteije ga gwan gwiji no, gi gwune gwilɩŋiḏi ŋuɽuna ŋun ŋijo kwei.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.