yuwana 5
5
asa 5
gwiji gwun gweḏeḏo nanu kalo geḏi lɩriŋəl beṯsaida
1na gwune na ŋuɽun ŋeno ete na gɩmuri je geḏi liju, na yecu abo urucəlim. 2na urucəlim lɩriŋəl lijo giṯo kouwir yeḏi joŋol laṯɩleico ŋuɽun ŋeḏi lɩbrani no beṯsaida, na jarda jijo ṯoḏine. 3na gi jarda ceno laṯɩḏɩre lutu lun leḏeḏo nanu, na lun lɩrimə gi jei, na jɩbɩjo na lun lɩmɩde ganu mɩdeḏ, alḏuḏɩnɩjo ŋau ŋubaga. 4gi gwune gwiji gweḏi kanyin gwaṯɩgwulo gi lɩriŋəl nudigi ŋau ganu. na gwun gwagwuli gwerre ḏa ŋau ŋimadigɩni ganu ŋu gwiŋir nanu ŋɩɽainy ŋun ŋəṯulo. 5na gwiji gwijo gwete ŋɩnəwei gweḏeḏo nanu jɩḏilio ḏuɽi ṯəɽɩl na dubə. 6gwune na yecu aŋu gwiḏɩro ga nulɩŋe gwijoga ŋɩnəwei kaja gwola ganu nueicɩno, ŋa gwəmɩnyu ŋa gwiŋir nanu a? 7na gwiji gwun gweḏeḏo nanu wɩrlijo ŋuɽuna nueicɩno, gwele gwi, na ḏa ŋau ŋimadigɩno ganu nate niəṯi gwiji gwinyiəḏɩje gi lɩriŋəl ganu no; namɩni gwune nyi gwuwiḏi namɩni gwiji gwiro kaja gwinyidara. 8na yecu eicɩno, diɽu, ŋape əlbɩriḏo yuŋa ŋele. 9na cou na gwiji nuiŋir nanu nuape əlbɩriḏo yuŋun nuwele.
na lamon leno liro lamon le sabiṯ. 10na liju eico gwiji gwun gwugelɩnu muma no, gwunne lamon le sabiṯ liro, gwate gwiŋir ŋa gwape əlbɩriḏo yuŋa no. 11nuleicɩno, gwun gwiŋiriŋi nanu gwiro gwun gweicɩŋino, apo əlbɩriḏo yuŋa ŋele. 12nalɽoṯəḏɩjo naleicɩno, gwɩji gwiro gwura gwun gweicaŋano, apo əlbɩriḏo yuŋa ŋele? 13namɩni gwiji gwun gwugelɩnu muma gwate gwilɩŋiḏi əḏi gwiro no, gi gwune yecu gwumele, gi gwune liji lijo lutu kalo kono. 14na ŋɩno gɩdo na yecu buje kwu dunu gweḏi elo gwun gwubuḏo, nueicɩno, eʼe, ŋa miŋir nanu; ŋa gwo gwanape ŋuɽuna ŋɩki mɩna kani ate aŋa ŋuɽun ilijo ŋun ŋɩkeno no. 15na gwiji wele nuuməḏɩjo liju yecu gwiro gwun gwiŋiri nanu. 16na ŋiro dino na liju ḏagɩɽini ḏi yecu gi gwune gwapo ŋɩru ŋeno gi lamon le sabiṯ. 17nal yecu eicɩno, baba gwi gwaṯape ŋɩru kabe gwunnɩno na ŋilape dino. 18na ŋiro dino naṯi liju bunyane nalarno gwalɽinye, gi gwune gwate gwɩki lamon le sabiṯ kuwei no, numɩni eico eloŋu baba gwuŋun, nuduji kwulo gwuŋun lubɩḏi elo gwe.
yecu gwaŋiḏi ŋuɽun gwudɩrəḏi babaŋ gwuŋun
19nal yecu wɩrljo ŋuɽuna nuleicɩno, gwerkwe, gwerkwe ganu, nyi gweiceijɩno, ŋaɽe ŋate ŋəṯi ŋɩma ŋape ŋɩru ŋədi kaja guŋun no, namɩni ŋun ŋaṯulape ŋiro ŋun ŋaŋəḏulo ḏi baba kuwei; gi gwune ḏa ŋɩmal baba ape na ŋal ŋaɽe ape dino. 20gi gwune baba gwəmɩnyu ŋaɽe nulaŋijo wei ŋun ŋapulo, nuaŋijo ŋɩru ŋɩbuṯano ŋeno kəbe nyalobaga ṯuṯ. 21na ŋiro gi gwune laṯɩl baba diɽi lun laiyo nulɩḏəḏə ḏɩmiḏa, na dino ŋaɽe lulmiḏi lun ləmɩnyulo. 22na baba gwate gwakɩmi gwetɩdo no, numɩni ḏəḏə ŋaɽe ḏakɩmiḏa wei, 23kani a liji wei nəji ŋaɽe gi gwune aṯɩlnəji babaŋ. gwun gwate gwanəji ŋaɽe no, gwate gwanəji babaŋ gwun gwuwəju no. 24gwerkwe, gwerkwe ganu, nyi gweiceijɩno, gwun gwadiŋɩni ŋuɽuna ŋinyi, nuəmɩnyi gwun gwuwəjɩni gwəṯi ḏɩmiḏa gi gɩḏilio, na gwate gwila gi ḏakɩmiḏa no, namɩni məbɩrini gi ḏaiya mele gi ḏɩmiḏa. 25gwerkwe, gwerkwe ganu, nyi gweiceijɩno, gi gwune gaja gaje gila, na gijo gwunnɩno, gwune liji lun laiyo ladiŋɩni ŋwal ŋweḏi ŋaɽe ŋeḏi elo, na lun ladiŋɩni ləmɩḏe. 26na giro gi gwune baba gwəṯi ḏɩmiḏa kwulo gwuŋun, na ŋiro dino nuḏəḏə ŋaɽe dino nuəṯi ḏɩmiḏa kwulo gwuŋun. 27nuḏəḏə ŋelɩnya aṯuakɩmiḏe dino, gi gwune ŋiro ŋaɽe ŋeḏi liji. 28nya lo lobaga ṯuṯ ŋuɽun ŋeno, gi gwune gaja gaje gila gun gagi liji lun lijo gi nil ladiŋɩni ŋwal ŋwuŋun, 29na ləduḏa na lun lapo ŋɩru ŋiŋir gi ḏidiɽo ḏe ḏɩmiḏa, na lun lapo ŋɩru ŋɩki gi ḏidiɽo ḏe ḏakɩmiḏa.
ḏɩteijo ga ḏan yecu
30nyi gwate gwəṯi ŋɩma gwape ŋuɽuna ŋəḏi ŋele ŋe ŋi no; gi gwune nyi gwədiŋɩni na nyi gwakɩmiḏe, na ḏakɩmiḏa ḏinyi ḏɩḏuḏɩnu ga gi gwune nyi gwate gwibunyu ŋuɽuna ŋun ŋɩbunyɩlo no, namɩm ŋuɽun ŋeḏi ŋu gwun gwuwəjɩŋi. 31na ḏa nyi gwiteijo ŋuɽuna ga ŋan gwulo gwi, na ḏɩteijo ga ḏinyi ḏate ḏiro gwerkwe no. 32namɩni gwo gwiro kaja gwun gwiteiji ga, na nyi gwilɩŋiḏi ḏɩteijo ga ḏun ḏɩteijɩŋi ḏe ga ḏiro gwerkwe. 33nyalwəjo liji ḏi yuwana na ŋu gwiteijo ga ŋuɽuna ŋun ŋiro gwerkwe. 34namɩni nyi gwate gwəməṯo ḏɩteijo ga ḏeḏi liji no, namɩni nyi gwuməḏo dino kani nyakədəḏɩni ga. 35yuwana gwiro lambə lun luwudɩnu nuoɽa ga, namɩni nyaləmɩnyu nanyadile ganu kwu bure gwuŋun ŋwamon ŋwouwɩrio. 36namɩni nyi gwəṯi ḏɩteijo ga ḏɩbuṯano kworo gweḏi yuwana, gi gwune ŋɩru ŋun ŋiḏəḏɩnyilo baba gwi nilṯɩmi, na ŋeno ŋun ŋilape ŋiŋaŋiḏi baba gwuwəjɩŋi. 37na baba gwun gwuwəjɩŋi gwinyiteije ga. nya late lɩmanḏiŋɩni ŋwal ŋwuŋun ḏuṯ no, i nanyanaŋu gwiro gi aŋe no; 38na nya late ləṯi ŋuɽuna ŋuŋun ŋajaḏaṯa lagalo no, gi gwune gwate gwəmɩnyanya gwun gwuwəju no. 39na nya laṯɩbunyi kɩḏam ganu geḏi elo gi gwune nyalaṯarno ganyagəṯi ḏɩmiḏa gi gɩḏilio, na keno giro gun gaṯɩnyigiteije ga. 40namɩni nya late ləmɩnyu nyaleleḏa lugwi kani nyəṯi ḏɩmiḏa no. 41nyi gwate gwəməṯo ḏinəjio gi liji no. 42namɩni nyi gwilɩŋiḏeje, nya late ləṯi ḏəmɩnyo ḏeḏi elo gi dugwor ganu dalo no. 43nyi gwuwiḏi jiri je jeḏi baba gwi, nanyamɩni ate ninyiləmɩnyi no, namɩni ḏa mila gwiro kaja jiri je juŋun namɩni gwanyəmɩnyi. 44nyaləmɩnyi galakwe gwune nanyaməṯo ḏinəjio ŋɩmaga lagaloŋu, nanyamɩni ate nanyabunyi ḏinəjio ḏun ḏɩwiḏi ḏi elo gwun gwiro gwetɩdo no? 45aṯanyara no nyi gwajicɩgi ḏi baba no. gwun gwajicɩgi musa gwiro, gwun gwagelanyane ḏiḏuḏɩnɩjo ḏalo, 46gi gwune ḏa nyalməmɩnyi musaŋ, nyalɩnyiəmɩnyi, gi gwune ŋu ŋulɩŋulo ŋan nyi. 47namɩni ḏa ŋate ŋɩmanyaləmɩnyi ŋun ŋuliŋulo ŋan nyi no, namɩni galakwe nyaləmɩnyi ŋuɽuna ŋinyi?
Iliyochaguliwa sasa
yuwana 5: OTR1966
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.
yuwana 5
5
asa 5
gwiji gwun gweḏeḏo nanu kalo geḏi lɩriŋəl beṯsaida
1na gwune na ŋuɽun ŋeno ete na gɩmuri je geḏi liju, na yecu abo urucəlim. 2na urucəlim lɩriŋəl lijo giṯo kouwir yeḏi joŋol laṯɩleico ŋuɽun ŋeḏi lɩbrani no beṯsaida, na jarda jijo ṯoḏine. 3na gi jarda ceno laṯɩḏɩre lutu lun leḏeḏo nanu, na lun lɩrimə gi jei, na jɩbɩjo na lun lɩmɩde ganu mɩdeḏ, alḏuḏɩnɩjo ŋau ŋubaga. 4gi gwune gwiji gweḏi kanyin gwaṯɩgwulo gi lɩriŋəl nudigi ŋau ganu. na gwun gwagwuli gwerre ḏa ŋau ŋimadigɩni ganu ŋu gwiŋir nanu ŋɩɽainy ŋun ŋəṯulo. 5na gwiji gwijo gwete ŋɩnəwei gweḏeḏo nanu jɩḏilio ḏuɽi ṯəɽɩl na dubə. 6gwune na yecu aŋu gwiḏɩro ga nulɩŋe gwijoga ŋɩnəwei kaja gwola ganu nueicɩno, ŋa gwəmɩnyu ŋa gwiŋir nanu a? 7na gwiji gwun gweḏeḏo nanu wɩrlijo ŋuɽuna nueicɩno, gwele gwi, na ḏa ŋau ŋimadigɩno ganu nate niəṯi gwiji gwinyiəḏɩje gi lɩriŋəl ganu no; namɩni gwune nyi gwuwiḏi namɩni gwiji gwiro kaja gwinyidara. 8na yecu eicɩno, diɽu, ŋape əlbɩriḏo yuŋa ŋele. 9na cou na gwiji nuiŋir nanu nuape əlbɩriḏo yuŋun nuwele.
na lamon leno liro lamon le sabiṯ. 10na liju eico gwiji gwun gwugelɩnu muma no, gwunne lamon le sabiṯ liro, gwate gwiŋir ŋa gwape əlbɩriḏo yuŋa no. 11nuleicɩno, gwun gwiŋiriŋi nanu gwiro gwun gweicɩŋino, apo əlbɩriḏo yuŋa ŋele. 12nalɽoṯəḏɩjo naleicɩno, gwɩji gwiro gwura gwun gweicaŋano, apo əlbɩriḏo yuŋa ŋele? 13namɩni gwiji gwun gwugelɩnu muma gwate gwilɩŋiḏi əḏi gwiro no, gi gwune yecu gwumele, gi gwune liji lijo lutu kalo kono. 14na ŋɩno gɩdo na yecu buje kwu dunu gweḏi elo gwun gwubuḏo, nueicɩno, eʼe, ŋa miŋir nanu; ŋa gwo gwanape ŋuɽuna ŋɩki mɩna kani ate aŋa ŋuɽun ilijo ŋun ŋɩkeno no. 15na gwiji wele nuuməḏɩjo liju yecu gwiro gwun gwiŋiri nanu. 16na ŋiro dino na liju ḏagɩɽini ḏi yecu gi gwune gwapo ŋɩru ŋeno gi lamon le sabiṯ. 17nal yecu eicɩno, baba gwi gwaṯape ŋɩru kabe gwunnɩno na ŋilape dino. 18na ŋiro dino naṯi liju bunyane nalarno gwalɽinye, gi gwune gwate gwɩki lamon le sabiṯ kuwei no, numɩni eico eloŋu baba gwuŋun, nuduji kwulo gwuŋun lubɩḏi elo gwe.
yecu gwaŋiḏi ŋuɽun gwudɩrəḏi babaŋ gwuŋun
19nal yecu wɩrljo ŋuɽuna nuleicɩno, gwerkwe, gwerkwe ganu, nyi gweiceijɩno, ŋaɽe ŋate ŋəṯi ŋɩma ŋape ŋɩru ŋədi kaja guŋun no, namɩni ŋun ŋaṯulape ŋiro ŋun ŋaŋəḏulo ḏi baba kuwei; gi gwune ḏa ŋɩmal baba ape na ŋal ŋaɽe ape dino. 20gi gwune baba gwəmɩnyu ŋaɽe nulaŋijo wei ŋun ŋapulo, nuaŋijo ŋɩru ŋɩbuṯano ŋeno kəbe nyalobaga ṯuṯ. 21na ŋiro gi gwune laṯɩl baba diɽi lun laiyo nulɩḏəḏə ḏɩmiḏa, na dino ŋaɽe lulmiḏi lun ləmɩnyulo. 22na baba gwate gwakɩmi gwetɩdo no, numɩni ḏəḏə ŋaɽe ḏakɩmiḏa wei, 23kani a liji wei nəji ŋaɽe gi gwune aṯɩlnəji babaŋ. gwun gwate gwanəji ŋaɽe no, gwate gwanəji babaŋ gwun gwuwəju no. 24gwerkwe, gwerkwe ganu, nyi gweiceijɩno, gwun gwadiŋɩni ŋuɽuna ŋinyi, nuəmɩnyi gwun gwuwəjɩni gwəṯi ḏɩmiḏa gi gɩḏilio, na gwate gwila gi ḏakɩmiḏa no, namɩni məbɩrini gi ḏaiya mele gi ḏɩmiḏa. 25gwerkwe, gwerkwe ganu, nyi gweiceijɩno, gi gwune gaja gaje gila, na gijo gwunnɩno, gwune liji lun laiyo ladiŋɩni ŋwal ŋweḏi ŋaɽe ŋeḏi elo, na lun ladiŋɩni ləmɩḏe. 26na giro gi gwune baba gwəṯi ḏɩmiḏa kwulo gwuŋun, na ŋiro dino nuḏəḏə ŋaɽe dino nuəṯi ḏɩmiḏa kwulo gwuŋun. 27nuḏəḏə ŋelɩnya aṯuakɩmiḏe dino, gi gwune ŋiro ŋaɽe ŋeḏi liji. 28nya lo lobaga ṯuṯ ŋuɽun ŋeno, gi gwune gaja gaje gila gun gagi liji lun lijo gi nil ladiŋɩni ŋwal ŋwuŋun, 29na ləduḏa na lun lapo ŋɩru ŋiŋir gi ḏidiɽo ḏe ḏɩmiḏa, na lun lapo ŋɩru ŋɩki gi ḏidiɽo ḏe ḏakɩmiḏa.
ḏɩteijo ga ḏan yecu
30nyi gwate gwəṯi ŋɩma gwape ŋuɽuna ŋəḏi ŋele ŋe ŋi no; gi gwune nyi gwədiŋɩni na nyi gwakɩmiḏe, na ḏakɩmiḏa ḏinyi ḏɩḏuḏɩnu ga gi gwune nyi gwate gwibunyu ŋuɽuna ŋun ŋɩbunyɩlo no, namɩm ŋuɽun ŋeḏi ŋu gwun gwuwəjɩŋi. 31na ḏa nyi gwiteijo ŋuɽuna ga ŋan gwulo gwi, na ḏɩteijo ga ḏinyi ḏate ḏiro gwerkwe no. 32namɩni gwo gwiro kaja gwun gwiteiji ga, na nyi gwilɩŋiḏi ḏɩteijo ga ḏun ḏɩteijɩŋi ḏe ga ḏiro gwerkwe. 33nyalwəjo liji ḏi yuwana na ŋu gwiteijo ga ŋuɽuna ŋun ŋiro gwerkwe. 34namɩni nyi gwate gwəməṯo ḏɩteijo ga ḏeḏi liji no, namɩni nyi gwuməḏo dino kani nyakədəḏɩni ga. 35yuwana gwiro lambə lun luwudɩnu nuoɽa ga, namɩni nyaləmɩnyu nanyadile ganu kwu bure gwuŋun ŋwamon ŋwouwɩrio. 36namɩni nyi gwəṯi ḏɩteijo ga ḏɩbuṯano kworo gweḏi yuwana, gi gwune ŋɩru ŋun ŋiḏəḏɩnyilo baba gwi nilṯɩmi, na ŋeno ŋun ŋilape ŋiŋaŋiḏi baba gwuwəjɩŋi. 37na baba gwun gwuwəjɩŋi gwinyiteije ga. nya late lɩmanḏiŋɩni ŋwal ŋwuŋun ḏuṯ no, i nanyanaŋu gwiro gi aŋe no; 38na nya late ləṯi ŋuɽuna ŋuŋun ŋajaḏaṯa lagalo no, gi gwune gwate gwəmɩnyanya gwun gwuwəju no. 39na nya laṯɩbunyi kɩḏam ganu geḏi elo gi gwune nyalaṯarno ganyagəṯi ḏɩmiḏa gi gɩḏilio, na keno giro gun gaṯɩnyigiteije ga. 40namɩni nya late ləmɩnyu nyaleleḏa lugwi kani nyəṯi ḏɩmiḏa no. 41nyi gwate gwəməṯo ḏinəjio gi liji no. 42namɩni nyi gwilɩŋiḏeje, nya late ləṯi ḏəmɩnyo ḏeḏi elo gi dugwor ganu dalo no. 43nyi gwuwiḏi jiri je jeḏi baba gwi, nanyamɩni ate ninyiləmɩnyi no, namɩni ḏa mila gwiro kaja jiri je juŋun namɩni gwanyəmɩnyi. 44nyaləmɩnyi galakwe gwune nanyaməṯo ḏinəjio ŋɩmaga lagaloŋu, nanyamɩni ate nanyabunyi ḏinəjio ḏun ḏɩwiḏi ḏi elo gwun gwiro gwetɩdo no? 45aṯanyara no nyi gwajicɩgi ḏi baba no. gwun gwajicɩgi musa gwiro, gwun gwagelanyane ḏiḏuḏɩnɩjo ḏalo, 46gi gwune ḏa nyalməmɩnyi musaŋ, nyalɩnyiəmɩnyi, gi gwune ŋu ŋulɩŋulo ŋan nyi. 47namɩni ḏa ŋate ŋɩmanyaləmɩnyi ŋun ŋuliŋulo ŋan nyi no, namɩni galakwe nyaləmɩnyi ŋuɽuna ŋinyi?
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.