luka 16
16
asa 16
wəkil gwun gwate gwuḏuḏɩnu ga no
1nueico calɩmis juŋun dino no, gwiji gwete gwijo gwəṯi ŋɩdio ŋutu na gwəṯi wəkilo. na kweno gwicɩgilo nalarno ŋu maḏuji ŋɩdio ŋuŋun. 2nuəmɩḏa nueicɩno, ŋuɽun ŋɩerṯa ŋun ŋaṯɩldiŋɩni ŋan ŋa? aŋɩjilo ŋun ŋəṯəlo, gi gwune ŋa gwate gwəṯi ŋɩma ŋa gwaro wəkil wɽi no. 3na wəkil ar kwulo gwuŋun no, nyi gwarre galakwe? gi gwune gwele gwinyi gwinyiapa ŋɩru ŋeḏi wəkil. nyi gwate gwəṯi ŋɩma gwaɽe ŋɩru ŋeḏi ḏɩri no; na ḏare ḏiape ŋi ḏiɽoteḏa ŋɩdio gi liji. 4nyi ŋilɩŋiḏɩlo ŋun ŋilape kani ḏa lɩminyidi ŋɩru ŋeḏi wəkil, liji linyiməṯo ŋi lɩdunu lagin. 5nuləmɩḏe wei lun ləṯi gəmɩju kwele gwuŋun nueico gwun gwiro lɽa no, ŋa gwəṯi gəmɩjo nanu umɩnyo geḏi gwele gwi? 6nueicɩno, ŋiro jəlmiḏo jɩnei jeḏi ŋila. nueicɩno, apo ŋun ŋulinu ŋuŋa; ŋajiga cou ŋuli ḏuɽi ṯoḏɩne. 7nueico gwiro kaja no, namɩni ŋa umɩnyo? nueicɩno, ŋwona jəlmiḏo jɩnei. nueicɩno, apo ŋun ŋulinu ŋuŋa ŋuli ḏuɽi dubə. 8na gwele gwuŋun aḏɩŋane wəkilo gwun gwate gwuḏuḏɩnu ga no, gi gwune ŋudujulo ŋadɩgɩɽe ŋe; gi gwune nyaɽe nyeḏi gɩḏɩlio keno kɩḏɩriḏ ŋagin nyibɩɽeno gi jei gi nyaɽe nyeḏi bure.
ḏuṯurḏia ḏɩbona ḏiŋiriḏa ḏe
9na nyi gweiceijɩno, gelinil lɩmaḏia ḏɩbona ḏe ḏeḏi gɩḏilio kani ḏa ḏɩbona ḏɩmete, luŋa lajiməṯo kalo gun gajaḏaṯa gi gɩḏilio. 10gwun gwiŋir ŋun ŋouwɩrio gwiŋir dino ŋun ŋutu, na gwun gwate gwuḏuḏɩnu ga ŋun ŋouwɩrio no, gwate gwuḏuḏɩnu ga dino ŋun ŋutu no. 11na ŋiro dino, na ḏa nya late lɩmiŋir ḏɩbona ḏe ḏeḏi gɩḏilio no, əḏi gwiro gwajiḏəḏə ḏɩbona ḏun ḏiro gwerkwe gi ḏiŋiriḏa ḏalo? 12na ḏa nya late lɩmiŋir ḏɩbona ḏe ḏeḏi gwiji gwiro kaja no, əḏi gwiro gwajilḏəḏə ŋəri? 13gaḏam ŋate gun gəṯi ŋɩma gəpijo lelɩnya ŋɩru lɩttən no, gi gwune gwudonye gwete namɩni gwəmɩnyi gwete, i ŋwuməṯo gwete nunmɩni ŋeləḏəṯɩni ganu gwete. nya late ləṯi ŋɩma nyaləpijo eloŋu ŋɩru na ḏɩbona no.
yecu gwugireṯɩnyəḏi lɩbarɩsi
14na lɩbarɩsi dino lun laṯəmɩnyi əlŋɩrucə naldiŋɩni ŋuɽuna ŋeno wei nalaki jumo. 15nuleicɩno, nyaŋa liro leno lun ləṯiŋiri lula lalo gi jei ganu jeḏi liji, namɩni elo malɩŋe dugwor dalo. gi gwune ŋun ŋɩbuḏo gi jei ganu jeḏi liji ŋiro ŋɩrleḏ gi jei ganu jeḏi elo. 16ŋuɽun ŋun ŋigelijɩlo elo musaŋ na nebɩŋa ŋijo kəbe na yuwana wila, na uro kaja kono laṯumə ŋele ŋe ŋeḏi elo. na wei gwete gwete gwaṯəḏije gwula gwuŋun ŋɩma ŋe. 17ŋouwɩriəne ganu ḏa anyin na gwɩnyəm lɩmete gi gwune aŋan ŋuɽun ŋɩti ŋetɩdo ete ŋun ŋigelijɩlo elo musaŋ. 18gwiji gwun gwədi gwa gwuŋun nuago gwiro kaja gwuru, na gwun gwuago gwun gwidinu kwəmɩnyo gwuru.
gwəmɩnyo gwun gwutu ŋɩdio na liasar gwun gwərrinu galo
19gwəmɩnyo gwete gwijo gwəṯi ŋɩdio ŋutu. gwaṯɩkani jiria jun jure jumɩno ganu na jun jɩmɩde ganu nujiga gwutu ŋɩdio. 20na gwiji gwijo gwate ŋɩdio no gwan liasar gwun gwaṯɩlapa kouwɩr yuŋun, gwəṯi dəɽi dutu. 21aṯubunyi gwanape ŋɩdio ŋun ŋaṯɩbɩɽeṯeḏe ga gi ṯarabesa ganu ḏeḏi gwun gwəṯi ŋɩdio ŋutu; na dino aṯi nyin wila naṯɩlmuni dəɽi duŋun. 22na gwun gwate gwəṯi ŋɩdio no nuai, na liji leḏi kanyin nalapa gi jabba ganu jeḏi ibraim. na gwun gwəṯi ŋɩdio ŋutu nuai dino nalkwuri. 23nuabuje jei juŋun elo kalo gun gaṯɩn liji je lun laiyo, na gwiṯi ŋwuɽede nanu, nuaŋu ibraimŋ uro kalo gwola ganu na liasar gi jabba ganu juŋun. 24nuəmɩḏe nueicɩno, baba gwi, gwan ibraim, inəḏinyi ŋawəjo liasarŋ ŋuṯuwaja lamon luŋun lun liro ḏiɽil ŋau ganu ŋwinyidəji ḏiŋɩla ḏinyi, gi gwune ŋwuɽede ŋwo ŋwiṯinyi gi ḏiŋɩla ṯeno ḏeḏi igo. 25na ibraim eicɩno, ŋaɽe ŋe ŋinyi, aḏɩŋano gi gwune ŋɩmalape ŋuŋa ŋun ŋiŋir gi gwune ja kɩḏilio, na dino liasar ŋapulo ŋɩki, na gwunnɩno məṯi ḏɩmoɽɩḏa ganu, namɩni ŋa gwo ŋwuɽede. 26na ŋutəno kworo wei kweno, lagəri na lugwuŋa giməmu go kɩlɩgi ganu gibuḏo gun ŋɩmaṯaḏo, kəbe ḏa limabunyi limar lamurejo lagalo late ləṯi ŋɩma no, i lun lijo ŋɩmanno na lar lamurejo lagəri. 27nueicɩno, nyi gwo gwuɽoṯeḏo lugwuŋa baba, ŋa gwawəjiḏi kwu dunu gweḏi baba gwinyi, 28gi gwune nyi gwəṯi lɩmagəri ṯoḏɩne kani nulṯəḏɩjo galo lo lila luŋa dino kalo keno geḏi ŋwuɽede. 29na ibraim eicɩno, ləṯi musaŋ na nebɩŋa; ouwɩricɩlo aldiŋɩni lagin. 30nueicɩno, awe, baba gwi gwan ibraim; ḏa gwete mele lagin gi liji lun laiyo lawɩrla ga ŋuɽun ŋun ŋɩki. 31nueicɩno, ḏa late lɩmadiŋɩna musaŋ na nebɩŋa no, na dino late ləmɩnyi limidi nanu ḏa gwete madiɽi gi liji lun laiyo no.
Iliyochaguliwa sasa
luka 16: OTR1966
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.
luka 16
16
asa 16
wəkil gwun gwate gwuḏuḏɩnu ga no
1nueico calɩmis juŋun dino no, gwiji gwete gwijo gwəṯi ŋɩdio ŋutu na gwəṯi wəkilo. na kweno gwicɩgilo nalarno ŋu maḏuji ŋɩdio ŋuŋun. 2nuəmɩḏa nueicɩno, ŋuɽun ŋɩerṯa ŋun ŋaṯɩldiŋɩni ŋan ŋa? aŋɩjilo ŋun ŋəṯəlo, gi gwune ŋa gwate gwəṯi ŋɩma ŋa gwaro wəkil wɽi no. 3na wəkil ar kwulo gwuŋun no, nyi gwarre galakwe? gi gwune gwele gwinyi gwinyiapa ŋɩru ŋeḏi wəkil. nyi gwate gwəṯi ŋɩma gwaɽe ŋɩru ŋeḏi ḏɩri no; na ḏare ḏiape ŋi ḏiɽoteḏa ŋɩdio gi liji. 4nyi ŋilɩŋiḏɩlo ŋun ŋilape kani ḏa lɩminyidi ŋɩru ŋeḏi wəkil, liji linyiməṯo ŋi lɩdunu lagin. 5nuləmɩḏe wei lun ləṯi gəmɩju kwele gwuŋun nueico gwun gwiro lɽa no, ŋa gwəṯi gəmɩjo nanu umɩnyo geḏi gwele gwi? 6nueicɩno, ŋiro jəlmiḏo jɩnei jeḏi ŋila. nueicɩno, apo ŋun ŋulinu ŋuŋa; ŋajiga cou ŋuli ḏuɽi ṯoḏɩne. 7nueico gwiro kaja no, namɩni ŋa umɩnyo? nueicɩno, ŋwona jəlmiḏo jɩnei. nueicɩno, apo ŋun ŋulinu ŋuŋa ŋuli ḏuɽi dubə. 8na gwele gwuŋun aḏɩŋane wəkilo gwun gwate gwuḏuḏɩnu ga no, gi gwune ŋudujulo ŋadɩgɩɽe ŋe; gi gwune nyaɽe nyeḏi gɩḏɩlio keno kɩḏɩriḏ ŋagin nyibɩɽeno gi jei gi nyaɽe nyeḏi bure.
ḏuṯurḏia ḏɩbona ḏiŋiriḏa ḏe
9na nyi gweiceijɩno, gelinil lɩmaḏia ḏɩbona ḏe ḏeḏi gɩḏilio kani ḏa ḏɩbona ḏɩmete, luŋa lajiməṯo kalo gun gajaḏaṯa gi gɩḏilio. 10gwun gwiŋir ŋun ŋouwɩrio gwiŋir dino ŋun ŋutu, na gwun gwate gwuḏuḏɩnu ga ŋun ŋouwɩrio no, gwate gwuḏuḏɩnu ga dino ŋun ŋutu no. 11na ŋiro dino, na ḏa nya late lɩmiŋir ḏɩbona ḏe ḏeḏi gɩḏilio no, əḏi gwiro gwajiḏəḏə ḏɩbona ḏun ḏiro gwerkwe gi ḏiŋiriḏa ḏalo? 12na ḏa nya late lɩmiŋir ḏɩbona ḏe ḏeḏi gwiji gwiro kaja no, əḏi gwiro gwajilḏəḏə ŋəri? 13gaḏam ŋate gun gəṯi ŋɩma gəpijo lelɩnya ŋɩru lɩttən no, gi gwune gwudonye gwete namɩni gwəmɩnyi gwete, i ŋwuməṯo gwete nunmɩni ŋeləḏəṯɩni ganu gwete. nya late ləṯi ŋɩma nyaləpijo eloŋu ŋɩru na ḏɩbona no.
yecu gwugireṯɩnyəḏi lɩbarɩsi
14na lɩbarɩsi dino lun laṯəmɩnyi əlŋɩrucə naldiŋɩni ŋuɽuna ŋeno wei nalaki jumo. 15nuleicɩno, nyaŋa liro leno lun ləṯiŋiri lula lalo gi jei ganu jeḏi liji, namɩni elo malɩŋe dugwor dalo. gi gwune ŋun ŋɩbuḏo gi jei ganu jeḏi liji ŋiro ŋɩrleḏ gi jei ganu jeḏi elo. 16ŋuɽun ŋun ŋigelijɩlo elo musaŋ na nebɩŋa ŋijo kəbe na yuwana wila, na uro kaja kono laṯumə ŋele ŋe ŋeḏi elo. na wei gwete gwete gwaṯəḏije gwula gwuŋun ŋɩma ŋe. 17ŋouwɩriəne ganu ḏa anyin na gwɩnyəm lɩmete gi gwune aŋan ŋuɽun ŋɩti ŋetɩdo ete ŋun ŋigelijɩlo elo musaŋ. 18gwiji gwun gwədi gwa gwuŋun nuago gwiro kaja gwuru, na gwun gwuago gwun gwidinu kwəmɩnyo gwuru.
gwəmɩnyo gwun gwutu ŋɩdio na liasar gwun gwərrinu galo
19gwəmɩnyo gwete gwijo gwəṯi ŋɩdio ŋutu. gwaṯɩkani jiria jun jure jumɩno ganu na jun jɩmɩde ganu nujiga gwutu ŋɩdio. 20na gwiji gwijo gwate ŋɩdio no gwan liasar gwun gwaṯɩlapa kouwɩr yuŋun, gwəṯi dəɽi dutu. 21aṯubunyi gwanape ŋɩdio ŋun ŋaṯɩbɩɽeṯeḏe ga gi ṯarabesa ganu ḏeḏi gwun gwəṯi ŋɩdio ŋutu; na dino aṯi nyin wila naṯɩlmuni dəɽi duŋun. 22na gwun gwate gwəṯi ŋɩdio no nuai, na liji leḏi kanyin nalapa gi jabba ganu jeḏi ibraim. na gwun gwəṯi ŋɩdio ŋutu nuai dino nalkwuri. 23nuabuje jei juŋun elo kalo gun gaṯɩn liji je lun laiyo, na gwiṯi ŋwuɽede nanu, nuaŋu ibraimŋ uro kalo gwola ganu na liasar gi jabba ganu juŋun. 24nuəmɩḏe nueicɩno, baba gwi, gwan ibraim, inəḏinyi ŋawəjo liasarŋ ŋuṯuwaja lamon luŋun lun liro ḏiɽil ŋau ganu ŋwinyidəji ḏiŋɩla ḏinyi, gi gwune ŋwuɽede ŋwo ŋwiṯinyi gi ḏiŋɩla ṯeno ḏeḏi igo. 25na ibraim eicɩno, ŋaɽe ŋe ŋinyi, aḏɩŋano gi gwune ŋɩmalape ŋuŋa ŋun ŋiŋir gi gwune ja kɩḏilio, na dino liasar ŋapulo ŋɩki, na gwunnɩno məṯi ḏɩmoɽɩḏa ganu, namɩni ŋa gwo ŋwuɽede. 26na ŋutəno kworo wei kweno, lagəri na lugwuŋa giməmu go kɩlɩgi ganu gibuḏo gun ŋɩmaṯaḏo, kəbe ḏa limabunyi limar lamurejo lagalo late ləṯi ŋɩma no, i lun lijo ŋɩmanno na lar lamurejo lagəri. 27nueicɩno, nyi gwo gwuɽoṯeḏo lugwuŋa baba, ŋa gwawəjiḏi kwu dunu gweḏi baba gwinyi, 28gi gwune nyi gwəṯi lɩmagəri ṯoḏɩne kani nulṯəḏɩjo galo lo lila luŋa dino kalo keno geḏi ŋwuɽede. 29na ibraim eicɩno, ləṯi musaŋ na nebɩŋa; ouwɩricɩlo aldiŋɩni lagin. 30nueicɩno, awe, baba gwi gwan ibraim; ḏa gwete mele lagin gi liji lun laiyo lawɩrla ga ŋuɽun ŋun ŋɩki. 31nueicɩno, ḏa late lɩmadiŋɩna musaŋ na nebɩŋa no, na dino late ləmɩnyi limidi nanu ḏa gwete madiɽi gi liji lun laiyo no.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.