luka 9
9
asa 9
ŋɩru ŋeḏi duwəjo dun diro di na gwuṯɩen
mṯ. 10:5-15, mks. 6:7-13
1gwune nuəmɩḏe calɩmis juŋun jun jiro di na gwuttən nulḏəḏə ŋɩma na ŋelɩnya kalo geḏi ḏiŋeroma wei na gi ḏigela liji muma lun ləṯi ŋɩɽainy ŋiro kajakaja; 2nulwəje gi ḏuməḏɩjo liji ŋele ŋe ŋeḏi elo, naliŋele muma lun leḏeḏo nanu. 3nuleicɩno, aṯanyapa laŋ lədi leḏi ṯaṯ no, ḏaparra, i gwurəḏ, i gia, i əlŋɩrucu; i gwo gwanəṯi gwete ŋwugə ŋwɩttən. 4na i dunu gwun gwanyanəḏi jəḏəṯɩl ga, kəbe nyanwele. 5na lun late ləmɩnyeje no, na ḏa nyalmele kamɩrigen yəwei nyapənyə ḏɩbuɽɩbuɽə galo ŋwara ŋwalo ḏɩteijo ḏe ga lagin. 6nalwele nalwɩreḏelo ŋwurgwom ŋwurgwom gi ḏuməḏɩjo liji ŋuɽuna ŋiŋir ŋeḏi elo, nalŋele liji muma lun leḏeḏo nanu kalo wei.
ḏobeḏaga ṯuṯ ḏeḏi ərudus
mṯ. 14:1-2, mks. 6:14-16
7na ərudus diŋɩni gwun gwiro gwele ŋɩdi ŋun ŋaṯularre. numəḏɩni gworki nuobaga ṯuṯ gi gwune liji kworo laṯarno yuwana madiɽo gi ḏaiya, 8na kworo laṯarno iliya gwiro maŋino, na liro kaja laṯarno gwiro gwete gweḏi nebɩŋa leḏi uro gwerre madiɽo. 9na ərudus eicɩno, yuwana miuɽo lɽa galo; namɩni əḏi gwiro gwun gwudiŋɩni gwe ŋɩdi ŋeno? na nuar gwuaŋu.
ḏia liji lun liro alɩb ṯoḏɩne
mṯ. 14:13-21, mks. 6:30-44, ywn. 6:1-13
10na duwəjo aɽuwaḏa ḏi yecu, naluməḏɩjo ŋuɽuna wei ŋun ŋarrɩlo. nulgwuloḏa nulkuwa kaja ŋagin kamɩrɩgen yun yan beṯsaida; 11namɩni liji lɩŋe nalgwujane. nulmɩni əmɩnyi nuluməḏɩjo ŋele ŋe ŋeḏi elo, na lun lɩbunyu ḏigelino muma nulgele muma.
12gwune na anyin ar yabɩɽe wɽi, na calɩmis jun jiro di na gwuttən nalwila lugwun naleicɩno, kuwəḏi liji lun lutu kani alwele ŋwurgwom ŋwun ŋwujeicije ga, albunyi gala anijiga ŋɩdi ŋe ḏiṯa, gi gwune ilo ŋɩne kiḏɩwer. 13nuleicɩno, ḏəḏɩlo nyaŋa alʼe. naleicɩno, ŋate ŋəṯɩnalo ŋutəno kia ṯoḏɩne na ŋwumi ŋwɩttən no, i anele mino aneḏɩla gia gan liji wei leno; 14gi gwune lijo alɩb ṯoḏɩne ca lun liro ləmɩnyo. nueico calɩmis juŋun no, aṯanyalgela ga ŋwudu ḏuɽi ṯoḏɩne ṯoḏɩne. 15nalarre dino nalɩŋegile wei ga ŋwudu. 16nuape gia ṯoḏɩne na ŋwumi ŋwɩṯɩen, nuŋalaḏe kanyin nueico eloŋu sukran nubɩleṯɩnya ganu; nuḏəḏə calɩmis nalḏəḏə liji. 17nalʼe nalpe wei; nalwəɽeice ŋɩdio ldu ŋun ŋiṯɩlɩne ganu nalenyeḏe jɩḏi di na gwuttən.
buṯrus gwiteijo ga yecu gwiro kɩrisṯo
mṯ. 16:13-19, mks. 8:27-29
18na gwune ju gi ḏuməḏɩjo eloŋu gwetɩdo gwijilo calɩmis juŋun je, nulɽoṯəḏɩjo nuleicɩno, liji laṯarno nyi gwan əḏi? 19nalwɩrlijo ŋuɽuna naleicɩno, yuwana mamadan; na liro kaja laṯarno, iliya, na liro kaja laṯarno, gwete gweḏi nebɩŋa leḏi uro gwerre madiɽo gi ḏaiya. 20nuleicɩno, namɩni nyaŋa laṯarno nyi gwan əḏi? na buṯrus wɩrlijo ŋuɽuna nueicɩno, kɩrisṯo gweḏi elo. 21nuluməḏɩjo ŋuɽuna ŋɩbɩɽe nuarno late lanuməḏɩjo gwiji gwetɩdo no. 22nuleicɩno, arram ŋaɽe ŋeḏi liji ŋiḏe gworki naŋadonyini gi liji lun luɽun na jɩsis jun jibuḏo na jalgaṯɩm, naŋaɽinyeni, na gi lamon lun ləduji loro ṯəɽɩl ŋədiɽ.
yecu gwarno ḏa ma gwiji gwujane nudonye gwula gwuŋun
mṯ. 16:24-28, mks. 8:34—9:1
23nuleico wei no, na ḏa gwete mar gwigwujane nudonye gwula gwuŋun nuape luɽi luŋun lun lɩmalɩḏo ganu ŋwamon wei nilgwujane. 24na gwun gwar gwadɩme ḏɩmiḏa ḏuŋun ḏuḏuji, na gwun gwaḏuji ḏɩmiḏa ḏuŋun gwan nyi ḏuḏɩme. 25ḏiḏienə ga ḏaḏa ḏa gwiji madɩme ŋɩḏio ŋeḏi gɩḏilio wei, namɩni maɽinye gwula gwuŋun i muḏuji? 26gi gwune gwiji gwun gwaḏarape lugwi na ŋuɽun ŋinyi, na ŋaɽe ŋeḏi liji ŋaje ŋaḏarape lugwun ḏa maje maɽuwe ḏoɽeḏa ḏe ḏuŋun na ḏeḏi baba, na ḏeḏi liji leḏi kanyin lun lɩpiḏo pɽul. 27na gwerkwe ganu nyi gweiceijɩno, lo kworo leḏi liji leno lun lɩḏuḏɩnu ŋɩne late lai no, kəbe laŋu ŋelɩnya ŋeḏi elo.
yecu gwumɩdinu nupiḏe pɽul
mṯ. 17:1-8, mks. 9:2-8
28na gɩdo ŋuɽun ŋeno ŋwamon ŋwaro dubə ca, nugwulo buṯrusŋaije yuwana gwe na yagub nalabo gi lɩrgwom elo gi ḏuməḏɩjo eloŋu. 29na gi gwune ju gi ḏuməḏɩjo eloŋu, nuro gi jei ganu kaja, na jiria juŋun ro nɩɽe bubɽul. 30na ləmɩnyo lɩttən luməḏɩlle musaŋa iliya gwe liro. 31lun laŋinu ḏoɽeḏa ḏe nalumə gwan ḏituḏo ḏuŋun ḏun ḏara ḏaje urucəlim. 32namɩni buṯrus na lun lijille liṯilo ŋwar gworki; na gwune naldijo nalaŋu ḏoɽeḏa ḏuŋun na ləmɩnyəŋe lɩttən lun lɩḏuḏɩnɩlle. 33na gwune nanwalane lugwun na buṯrus eico yecuŋ no, mualɩm gwəri, gwiŋir ilo ŋɩne; anoḏa jupia ṯəɽɩl, yete yan ŋa, na yete yan musa na yete yan iliya, namɩni ŋu gwate gwilɩŋiḏi ŋun ŋulumə no. 34na gi gwune ju gi ḏuməḏo ŋuɽuna ŋeno, na jəbɩɽu wilelo nalɩkiɽɩbə nanu gɩḏiḏɩŋilge; naldonye gwune naləḏi gi jəbɩɽu. 35na ŋwal wila gi jabɩɽu nalarno, ŋeno ŋiro ŋaɽe ŋinyi ŋun ŋɩməṯɩnu; diŋɩnəḏil. 36na gwune na ŋwal ete nalbuje yecuŋ gwetɩdo. na luŋa nalje nyɩkwom nate nanuməḏɩjo gwiji gwetɩdo ŋwamon ŋweno ŋuɽuna ŋun ŋaŋəḏɩlo no.
yecu gwudi ḏiŋeroma ŋaɽe
mṯ. 17:14-18, mks. 9:14-27
37na giləganu na gwune nalgwulo lɩrgwoma nanu nalobeḏeṯe liji le lutu. 38na gwəmɩnyo gwete gi liji nuərəjo gwula nuarno, mualɩm gwi, nyi gwuɽoṯeḏo lugwuŋa cagi ŋalaḏo ŋaɽe ŋi ŋun ŋiro gwəmɩyo, gi gwune ŋiro ŋetɩdo, 39naṯi ḏiŋerom məṯo, na cou naṯuəri gwula; nuro gwogwɩnyeje nuabubuja abonya; na ḏa ŋimupi nudiɽi juwɩḏɩwiḏo nunwalane mɩce. 40niɽoṯeḏe gi calɩmis juŋa nuarno gwaldi nalmɩni ate naləṯi ŋɩma no. 41nal yecu wɩrlijo ŋuɽuna nuleicɩno, liji le leḏi gwunne, lun late ləṯi ḏɩməṯo no, na lun ləṯi ŋuɽuna ŋɩmanɩḏo ganu, jaḏo gwiro gwun gwar gwilgwije na nyiməṯo ḏugwor lagalo? apa ŋaɽe ŋuŋa ŋɩne. 42na gi gwune wiḏu na ḏiŋerom idi nuro gwogwɩnyeje. na yecu lo ḏiŋeroma, numiḏi ŋaɽe nuḏəḏə babaŋ gwuŋun. 43nalobaga ṯuṯ wei ŋɩma ŋeḏi elo ŋun ŋɩbuḏo.
yecu gwuwəɽeico ŋuɽuna ga ŋan ḏaiya ḏuŋun
mṯ. 17:22-23, mks. 9:30-32
na gwune nalobaga ṯuṯ wei ŋun ŋapulo, nueico calɩmis juŋun no, 44ouwɩricil ŋuɽuna ŋeno aliji gi nəni nalo; gi gwune ŋaɽe ŋeḏi liji ŋəḏəḏini gi di deḏi liji. 45namɩni luŋa nate naldiŋɩni ŋuɽuna ŋeno no, na ŋɩlɩbo lagin kani nate alilɩŋe no; naldonye gwaluməḏɩjo galo ŋuɽuna ŋeno.
ḏidujia gwula gwɩti, na ŋɩki gi ḏakajo gwiji gwun gwapo ŋɩru ŋiŋir
mṯ. 18:1-5, mks. 9:33-40
46naluməḏəṯe ŋuɽun ŋete laginŋu nalarno əḏi gwiro lagin gwiro gwubuṯano. 47na yecu lɩŋe ŋuɽuna ŋeḏi dugwor dagin, nuape ŋaɽe ŋuḏuḏɩneje gɩṯo lugwun. 48nuleicɩno, gwun gwəmɩnyi ŋaɽe ŋeno jiri je jinyi gwinyiəmɩnyi; na gwun gwinyiəmɩnyi gwəmɩnyi gwun gwuwəjɩŋi, gi gwune gwun gwɩtieno lagalo wei ŋu gwubuṯano.
49na yuwana wɩrlijo ŋuɽuna nueicɩno, gwele gwəri, anaŋəḏi gwete gwudi ḏiŋeroma jiri je juŋa, nanakajo gi gwune gwate gwaṯiligwuḏiḏe no. 50na yecu eicɩno, nyakaja no; gwun gwate gwɩkiḏiḏɩle no gwage gwiro.
yecu madiɽo kwilo gweḏi urucəlim; lisamɩra lun lale ləṯi ŋino ŋeḏi liḏo no
51na gwune ŋwamon ŋwo gɩṯo ŋwun ŋwuŋwidiɽi gi ḏaiya nuḏeiji jei morrr gwar gwele urucəlim. 52nuwəje duwəjo kɩɽelo lugwun. nalwele gi lɩrgwom leḏi samɩra, gwalgico gala muma; 53namɩni nate naləmɩnyi no gi gwune gi jei ganu lugwun gwar gwele urucəlim. 54na gwune na calɩmis juŋun aŋu jun jan yagub na yuwana naleicɩno, gwele gwəri, ŋa gwubunyu anumə a igo gwulo kanyin alinuni a? 55nuwɩrla ganu, nullo nuleicɩno, nya late lilɩŋiḏi gwuɽɩwə gwalo gwiro gwira no, 56gi gwune ŋaɽe ŋeḏi liji ŋate ŋɩwiḏi ŋajɩnye lula leḏi liji no, numɩni wila lulkədə ga. nalwele gi lɩrgwom liro kaja.
ḏɩḏeijo ḏeḏi liji lun lar laro calɩmis
mṯ. 8:19-22
57na gi gwune wiḏɩl gi ṯaṯ na gwete eicɩno, gwele gwi, nyi gwaŋagwujane kalo wei gun gar ganele. 58na yecu eicɩno, nyəjoɽi nyəṯi ŋwɩbuɽulo na nyiɽuwə nyeḏi kanyin nyəṯi jɩḏio, namɩni ŋaɽe ŋeḏi liji ŋate ŋəṯi gala gun ḏɩri lɽa luŋun no. 59nueico gwiro kaja no, gwujani. numɩni eicɩno, gwele, ḏəḏɩnyi ŋuɽuna nyidare gwerre nyikwuri babaŋ gwi. 60na yecu eicɩno, ouwɩrico lun laiyo alkwuri gworo gwagin gwun gwaiyo, namɩni ŋa wiḏi ŋuməḏɩjo liji ŋele ŋe ŋeḏi elo. 61nuar gwiro kaja no, gwele gwi, nyi gwaŋagwujane, namɩni ḏəḏɩnyi ŋuɽuna gwerre nyimɩɽəḏə liji leḏi dunu gwi. 62na yecu eicɩno, gwate gwete gwagele ḏi ḏuŋun kɩləḏ numɩni ŋalaḏe gɩdo no, ŋate gwɩdeleḏo ŋele ŋeḏi elo no.
Iliyochaguliwa sasa
luka 9: OTR1966
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.
luka 9
9
asa 9
ŋɩru ŋeḏi duwəjo dun diro di na gwuṯɩen
mṯ. 10:5-15, mks. 6:7-13
1gwune nuəmɩḏe calɩmis juŋun jun jiro di na gwuttən nulḏəḏə ŋɩma na ŋelɩnya kalo geḏi ḏiŋeroma wei na gi ḏigela liji muma lun ləṯi ŋɩɽainy ŋiro kajakaja; 2nulwəje gi ḏuməḏɩjo liji ŋele ŋe ŋeḏi elo, naliŋele muma lun leḏeḏo nanu. 3nuleicɩno, aṯanyapa laŋ lədi leḏi ṯaṯ no, ḏaparra, i gwurəḏ, i gia, i əlŋɩrucu; i gwo gwanəṯi gwete ŋwugə ŋwɩttən. 4na i dunu gwun gwanyanəḏi jəḏəṯɩl ga, kəbe nyanwele. 5na lun late ləmɩnyeje no, na ḏa nyalmele kamɩrigen yəwei nyapənyə ḏɩbuɽɩbuɽə galo ŋwara ŋwalo ḏɩteijo ḏe ga lagin. 6nalwele nalwɩreḏelo ŋwurgwom ŋwurgwom gi ḏuməḏɩjo liji ŋuɽuna ŋiŋir ŋeḏi elo, nalŋele liji muma lun leḏeḏo nanu kalo wei.
ḏobeḏaga ṯuṯ ḏeḏi ərudus
mṯ. 14:1-2, mks. 6:14-16
7na ərudus diŋɩni gwun gwiro gwele ŋɩdi ŋun ŋaṯularre. numəḏɩni gworki nuobaga ṯuṯ gi gwune liji kworo laṯarno yuwana madiɽo gi ḏaiya, 8na kworo laṯarno iliya gwiro maŋino, na liro kaja laṯarno gwiro gwete gweḏi nebɩŋa leḏi uro gwerre madiɽo. 9na ərudus eicɩno, yuwana miuɽo lɽa galo; namɩni əḏi gwiro gwun gwudiŋɩni gwe ŋɩdi ŋeno? na nuar gwuaŋu.
ḏia liji lun liro alɩb ṯoḏɩne
mṯ. 14:13-21, mks. 6:30-44, ywn. 6:1-13
10na duwəjo aɽuwaḏa ḏi yecu, naluməḏɩjo ŋuɽuna wei ŋun ŋarrɩlo. nulgwuloḏa nulkuwa kaja ŋagin kamɩrɩgen yun yan beṯsaida; 11namɩni liji lɩŋe nalgwujane. nulmɩni əmɩnyi nuluməḏɩjo ŋele ŋe ŋeḏi elo, na lun lɩbunyu ḏigelino muma nulgele muma.
12gwune na anyin ar yabɩɽe wɽi, na calɩmis jun jiro di na gwuttən nalwila lugwun naleicɩno, kuwəḏi liji lun lutu kani alwele ŋwurgwom ŋwun ŋwujeicije ga, albunyi gala anijiga ŋɩdi ŋe ḏiṯa, gi gwune ilo ŋɩne kiḏɩwer. 13nuleicɩno, ḏəḏɩlo nyaŋa alʼe. naleicɩno, ŋate ŋəṯɩnalo ŋutəno kia ṯoḏɩne na ŋwumi ŋwɩttən no, i anele mino aneḏɩla gia gan liji wei leno; 14gi gwune lijo alɩb ṯoḏɩne ca lun liro ləmɩnyo. nueico calɩmis juŋun no, aṯanyalgela ga ŋwudu ḏuɽi ṯoḏɩne ṯoḏɩne. 15nalarre dino nalɩŋegile wei ga ŋwudu. 16nuape gia ṯoḏɩne na ŋwumi ŋwɩṯɩen, nuŋalaḏe kanyin nueico eloŋu sukran nubɩleṯɩnya ganu; nuḏəḏə calɩmis nalḏəḏə liji. 17nalʼe nalpe wei; nalwəɽeice ŋɩdio ldu ŋun ŋiṯɩlɩne ganu nalenyeḏe jɩḏi di na gwuttən.
buṯrus gwiteijo ga yecu gwiro kɩrisṯo
mṯ. 16:13-19, mks. 8:27-29
18na gwune ju gi ḏuməḏɩjo eloŋu gwetɩdo gwijilo calɩmis juŋun je, nulɽoṯəḏɩjo nuleicɩno, liji laṯarno nyi gwan əḏi? 19nalwɩrlijo ŋuɽuna naleicɩno, yuwana mamadan; na liro kaja laṯarno, iliya, na liro kaja laṯarno, gwete gweḏi nebɩŋa leḏi uro gwerre madiɽo gi ḏaiya. 20nuleicɩno, namɩni nyaŋa laṯarno nyi gwan əḏi? na buṯrus wɩrlijo ŋuɽuna nueicɩno, kɩrisṯo gweḏi elo. 21nuluməḏɩjo ŋuɽuna ŋɩbɩɽe nuarno late lanuməḏɩjo gwiji gwetɩdo no. 22nuleicɩno, arram ŋaɽe ŋeḏi liji ŋiḏe gworki naŋadonyini gi liji lun luɽun na jɩsis jun jibuḏo na jalgaṯɩm, naŋaɽinyeni, na gi lamon lun ləduji loro ṯəɽɩl ŋədiɽ.
yecu gwarno ḏa ma gwiji gwujane nudonye gwula gwuŋun
mṯ. 16:24-28, mks. 8:34—9:1
23nuleico wei no, na ḏa gwete mar gwigwujane nudonye gwula gwuŋun nuape luɽi luŋun lun lɩmalɩḏo ganu ŋwamon wei nilgwujane. 24na gwun gwar gwadɩme ḏɩmiḏa ḏuŋun ḏuḏuji, na gwun gwaḏuji ḏɩmiḏa ḏuŋun gwan nyi ḏuḏɩme. 25ḏiḏienə ga ḏaḏa ḏa gwiji madɩme ŋɩḏio ŋeḏi gɩḏilio wei, namɩni maɽinye gwula gwuŋun i muḏuji? 26gi gwune gwiji gwun gwaḏarape lugwi na ŋuɽun ŋinyi, na ŋaɽe ŋeḏi liji ŋaje ŋaḏarape lugwun ḏa maje maɽuwe ḏoɽeḏa ḏe ḏuŋun na ḏeḏi baba, na ḏeḏi liji leḏi kanyin lun lɩpiḏo pɽul. 27na gwerkwe ganu nyi gweiceijɩno, lo kworo leḏi liji leno lun lɩḏuḏɩnu ŋɩne late lai no, kəbe laŋu ŋelɩnya ŋeḏi elo.
yecu gwumɩdinu nupiḏe pɽul
mṯ. 17:1-8, mks. 9:2-8
28na gɩdo ŋuɽun ŋeno ŋwamon ŋwaro dubə ca, nugwulo buṯrusŋaije yuwana gwe na yagub nalabo gi lɩrgwom elo gi ḏuməḏɩjo eloŋu. 29na gi gwune ju gi ḏuməḏɩjo eloŋu, nuro gi jei ganu kaja, na jiria juŋun ro nɩɽe bubɽul. 30na ləmɩnyo lɩttən luməḏɩlle musaŋa iliya gwe liro. 31lun laŋinu ḏoɽeḏa ḏe nalumə gwan ḏituḏo ḏuŋun ḏun ḏara ḏaje urucəlim. 32namɩni buṯrus na lun lijille liṯilo ŋwar gworki; na gwune naldijo nalaŋu ḏoɽeḏa ḏuŋun na ləmɩnyəŋe lɩttən lun lɩḏuḏɩnɩlle. 33na gwune nanwalane lugwun na buṯrus eico yecuŋ no, mualɩm gwəri, gwiŋir ilo ŋɩne; anoḏa jupia ṯəɽɩl, yete yan ŋa, na yete yan musa na yete yan iliya, namɩni ŋu gwate gwilɩŋiḏi ŋun ŋulumə no. 34na gi gwune ju gi ḏuməḏo ŋuɽuna ŋeno, na jəbɩɽu wilelo nalɩkiɽɩbə nanu gɩḏiḏɩŋilge; naldonye gwune naləḏi gi jəbɩɽu. 35na ŋwal wila gi jabɩɽu nalarno, ŋeno ŋiro ŋaɽe ŋinyi ŋun ŋɩməṯɩnu; diŋɩnəḏil. 36na gwune na ŋwal ete nalbuje yecuŋ gwetɩdo. na luŋa nalje nyɩkwom nate nanuməḏɩjo gwiji gwetɩdo ŋwamon ŋweno ŋuɽuna ŋun ŋaŋəḏɩlo no.
yecu gwudi ḏiŋeroma ŋaɽe
mṯ. 17:14-18, mks. 9:14-27
37na giləganu na gwune nalgwulo lɩrgwoma nanu nalobeḏeṯe liji le lutu. 38na gwəmɩnyo gwete gi liji nuərəjo gwula nuarno, mualɩm gwi, nyi gwuɽoṯeḏo lugwuŋa cagi ŋalaḏo ŋaɽe ŋi ŋun ŋiro gwəmɩyo, gi gwune ŋiro ŋetɩdo, 39naṯi ḏiŋerom məṯo, na cou naṯuəri gwula; nuro gwogwɩnyeje nuabubuja abonya; na ḏa ŋimupi nudiɽi juwɩḏɩwiḏo nunwalane mɩce. 40niɽoṯeḏe gi calɩmis juŋa nuarno gwaldi nalmɩni ate naləṯi ŋɩma no. 41nal yecu wɩrlijo ŋuɽuna nuleicɩno, liji le leḏi gwunne, lun late ləṯi ḏɩməṯo no, na lun ləṯi ŋuɽuna ŋɩmanɩḏo ganu, jaḏo gwiro gwun gwar gwilgwije na nyiməṯo ḏugwor lagalo? apa ŋaɽe ŋuŋa ŋɩne. 42na gi gwune wiḏu na ḏiŋerom idi nuro gwogwɩnyeje. na yecu lo ḏiŋeroma, numiḏi ŋaɽe nuḏəḏə babaŋ gwuŋun. 43nalobaga ṯuṯ wei ŋɩma ŋeḏi elo ŋun ŋɩbuḏo.
yecu gwuwəɽeico ŋuɽuna ga ŋan ḏaiya ḏuŋun
mṯ. 17:22-23, mks. 9:30-32
na gwune nalobaga ṯuṯ wei ŋun ŋapulo, nueico calɩmis juŋun no, 44ouwɩricil ŋuɽuna ŋeno aliji gi nəni nalo; gi gwune ŋaɽe ŋeḏi liji ŋəḏəḏini gi di deḏi liji. 45namɩni luŋa nate naldiŋɩni ŋuɽuna ŋeno no, na ŋɩlɩbo lagin kani nate alilɩŋe no; naldonye gwaluməḏɩjo galo ŋuɽuna ŋeno.
ḏidujia gwula gwɩti, na ŋɩki gi ḏakajo gwiji gwun gwapo ŋɩru ŋiŋir
mṯ. 18:1-5, mks. 9:33-40
46naluməḏəṯe ŋuɽun ŋete laginŋu nalarno əḏi gwiro lagin gwiro gwubuṯano. 47na yecu lɩŋe ŋuɽuna ŋeḏi dugwor dagin, nuape ŋaɽe ŋuḏuḏɩneje gɩṯo lugwun. 48nuleicɩno, gwun gwəmɩnyi ŋaɽe ŋeno jiri je jinyi gwinyiəmɩnyi; na gwun gwinyiəmɩnyi gwəmɩnyi gwun gwuwəjɩŋi, gi gwune gwun gwɩtieno lagalo wei ŋu gwubuṯano.
49na yuwana wɩrlijo ŋuɽuna nueicɩno, gwele gwəri, anaŋəḏi gwete gwudi ḏiŋeroma jiri je juŋa, nanakajo gi gwune gwate gwaṯiligwuḏiḏe no. 50na yecu eicɩno, nyakaja no; gwun gwate gwɩkiḏiḏɩle no gwage gwiro.
yecu madiɽo kwilo gweḏi urucəlim; lisamɩra lun lale ləṯi ŋino ŋeḏi liḏo no
51na gwune ŋwamon ŋwo gɩṯo ŋwun ŋwuŋwidiɽi gi ḏaiya nuḏeiji jei morrr gwar gwele urucəlim. 52nuwəje duwəjo kɩɽelo lugwun. nalwele gi lɩrgwom leḏi samɩra, gwalgico gala muma; 53namɩni nate naləmɩnyi no gi gwune gi jei ganu lugwun gwar gwele urucəlim. 54na gwune na calɩmis juŋun aŋu jun jan yagub na yuwana naleicɩno, gwele gwəri, ŋa gwubunyu anumə a igo gwulo kanyin alinuni a? 55nuwɩrla ganu, nullo nuleicɩno, nya late lilɩŋiḏi gwuɽɩwə gwalo gwiro gwira no, 56gi gwune ŋaɽe ŋeḏi liji ŋate ŋɩwiḏi ŋajɩnye lula leḏi liji no, numɩni wila lulkədə ga. nalwele gi lɩrgwom liro kaja.
ḏɩḏeijo ḏeḏi liji lun lar laro calɩmis
mṯ. 8:19-22
57na gi gwune wiḏɩl gi ṯaṯ na gwete eicɩno, gwele gwi, nyi gwaŋagwujane kalo wei gun gar ganele. 58na yecu eicɩno, nyəjoɽi nyəṯi ŋwɩbuɽulo na nyiɽuwə nyeḏi kanyin nyəṯi jɩḏio, namɩni ŋaɽe ŋeḏi liji ŋate ŋəṯi gala gun ḏɩri lɽa luŋun no. 59nueico gwiro kaja no, gwujani. numɩni eicɩno, gwele, ḏəḏɩnyi ŋuɽuna nyidare gwerre nyikwuri babaŋ gwi. 60na yecu eicɩno, ouwɩrico lun laiyo alkwuri gworo gwagin gwun gwaiyo, namɩni ŋa wiḏi ŋuməḏɩjo liji ŋele ŋe ŋeḏi elo. 61nuar gwiro kaja no, gwele gwi, nyi gwaŋagwujane, namɩni ḏəḏɩnyi ŋuɽuna gwerre nyimɩɽəḏə liji leḏi dunu gwi. 62na yecu eicɩno, gwate gwete gwagele ḏi ḏuŋun kɩləḏ numɩni ŋalaḏe gɩdo no, ŋate gwɩdeleḏo ŋele ŋeḏi elo no.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.