markus 14
14
asa 14
ḏikaiya ḏeḏi ɽinyɩḏa yecuŋ
mṯ. 26:1-5, lk. 22:1-2
1gwune na ŋwamon ete ŋwɩttən na gɩmuri je ge ḏouwɩrico na geḏɩ gia gun gaicɩwa. na jɩsis jun jɩbuḏo na jalgaṯɩm. naluməḏəṯe laginŋu nalnyinyiməḏeice yecuŋ nalarno gwalməṯo alɽɩnye. 2nalmɩni arno, gwate gwalməṯo gi lamon leḏi gɩmuri no, i lijɩ lar lijinwɩrlani ganu.
gwa gwuwɩrṯi yecuŋ ŋila ŋe beṯiniya
mṯ. 26:6-13, ywn. 12:1-8
3na gwune ju beṯiniya kwu dunu gweḏi simian gwun gwiṯi ŋilo, na gwune əru gweʼe na gwa gwete wila, nuapa lɩbi lun lɩkədɩnu gowe ge ləṯi ŋila ŋun ŋiro ŋɩḏini ŋun ŋutu jilɩnya nuki lɩbi nudoije ŋila gi lɽa elo leḏi yecu. 4na liji kworo lun lijo nalɽe ganu nalarno, gwudaro gəko na ŋila keḏe ga ḏino? 5gi gwune ŋəṯɩ ŋɩma ŋiḏɩlini jɩnei di na ṯoḏɩne jilḏəḏə liji lun late ləṯɩ ŋɩdio no. nalke dugwore kwa. 6nal yecu eicɩno, ouwɩricil, gwudaro gəko nanyaɽi gwa ganu? gwiminyiəpijo ŋɩru ŋiŋir; 7gi gwune liji lun late ləṯi ŋɩdio no laṯanyalije bubruṯ na ḏa lɩmar lanyaləpijo ŋɩru ŋiŋir nyaləṯi ŋɩma, namɩni nyi ilate ilaṯɩje lagalo bubruṯ no. 8ŋɩmularre ŋun ŋəṯi ŋɩma ŋularre; nuŋdarana nuwɩrṯi aŋɩna yinyi ŋɩḏini ŋe ŋan ḏɩkwumo. 9gwerkwe ganu nyi gweiceijɩno, kalo wei geḏi gɩḏilio gun gaṯɩje gan liji umə ŋuɽuna ŋeno ŋiŋir ŋeḏi elo, nalumə dino. ŋuɽuna ŋeno ŋɩmal gwa ape, naṯɩl liji aḏɩŋane.
ŋuɽun ŋun ŋɩki ŋeḏi ŋauḏa
mṯ. 26:14-16, lk. 22:3-6
10na yauḏa iskariyuṯi, gwun gwiro gwete gweḏi calɩmis juŋun jun jiro di na gwuttən, nuwele gi jɩsis jun jɩbuḏo gwar gwulɩḏəḏə. 11na gwune naldiŋɩni naliŋir dugwore, nalarno gwilḏəḏə əlŋɩrucə; na ŋu nubunyi lamon lun liŋir gwulɩḏəḏə.
ḏiṯa gia ḏun ḏiro gɩdo ḏeḏi yecu
mṯ. 26:17-30, lk. 22:7-23, ywn. 13:21-30, 1 kur. 11:23-25
12na gi lamon lun liro lɽa leḏi gɩmuri geḏi gia gun gaicɩwa lun laṯɩliḏuge lrəmə leḏi gɩmuri ge ḏouwɩrico, na calɩmis juŋun nalɽoṯəḏɩjo naleicɩno, ŋa gwarno laŋagico gala ga ka ge ḏiṯa ŋɩdio ŋeḏi gɩmuri? 13nulwəjo calɩmis juŋun jɩttən nuluməḏɩjo nuleicɩno, wiḏɩl kamɩrɩgen. nyalobeḏe gwəmɩnyəŋale gwete gwun gwapo gɩḏi geḏi ŋau, gwujanɩl. 14na dunu gwun gwar gwunəḏi nyeico gwiji gweḏi dunu no, mualɩm gwarno dunu gwe liḏo gwaḏa, gwun gwanənʼe ŋɩdio ŋe ḏiṯa ŋe gɩmuri ge douwɩrico calɩmis je jinyi? 15na gwaje gwajaŋijo duno gwete gwun gwubuḏo lakwia gwun gwəṯi ŋɩdio wei, nyaŋele muma. 16na calɩmis juŋun wele, nalṯɩmi kamɩrɩgen, nalbuje ŋuɽuna ŋiro gi gwune ŋun ŋuməḏɩjulo, nalŋele ŋɩdio wei muma ŋeḏi gɩmuri.
17gwune na galo ro garage na yecuŋa wila calɩmis je juŋun jun jiro di na gwuttən, 18na gwune jilga gi ḏiṯa, nal yecu uməḏɩjo nuleicɩno, gwerkwe ganu nyi gweiceijɩno, gwete gwo lagalo gwinyɩḏəḏə gwun gwiṯanagwe. 19nalrone gworki naṯi gwete arno, nyi gwiro a? naṯɩlar gwete gwete no, nyi gwiro a? 20nulwɩrlijo ŋuɽuna nuleicɩno, gwiro gwete gweḏi calɩmis jun jiro di na gwuttən gwun gwanagwiṯiwaḏaice nanu kɩɽudo getɩdo. 21ŋaɽe ŋeḏi liji ŋele ŋiro gi gwune ŋulinu ŋan ŋu, namɩni ŋɩki kwijiŋu gwun gwəḏəḏə ŋaɽe ŋeḏi liji. gwiŋir gwiji kweno ḏa ŋwate malɩŋini no.
22gwune iṯɩlo na yecu ape gia nueico eloŋu sukran, nubɩleṯɩnya ganu nulḏəḏə, nuleicɩno, apul nyaʼe, keno aŋɩnu yinyi ŋiro. 23nuaɽu nuape kɩɽuda nueico eloŋu sukran, nulḏəḏə nalyu wei 24nuluməḏɩjo nuleicɩno, ŋeno ŋiro ŋuwən ŋinyi ŋeḏi ŋuɽun ŋun ŋiya ŋun ŋɩkaiilo elo ŋun ŋirijo liji lutu. 25gwerkwe ganu nyi gweiceijɩno, nyi gwate gweyu ŋau ŋeḏi jaɽe jun jiro gi ḏuɽuṯ minu no kəbe gi lamon leno lun laje lilyu ŋiya ŋele ŋeḏi elo.
26na gwune nalelɩŋe ḏelɩŋa ḏeḏi elo, naltu nalwele gi lirgwom lun lan seitun.
yecu gwuməḏi ŋuɽuna gwan calɩmis walane gwerre ŋuɽun ŋate ŋimila no
mṯ. 26:31-35, lk. 22:31-34, ywn. 13:36-38
27nal yecu uməḏɩjo nuleicɩno, nyaŋa wei nyalobɩlkəḏɩni lugwi, gi gwune ŋulinu, nyi gwapi gwaɽa na joŋol jouwɩreḏelo; 28namɩni ḏa nyi madiɽi ŋi ḏaiya nyi gwajidara nyi gwele jalil. 29namɩni buṯrus uməḏɩjo nueicɩno, ḏa luŋa lɩmobɩlkəḏɩni wei, namɩni nyi gwate gwobɩlkəḏɩni no. 30na yecu uməḏɩjo nueicɩno, gwerkwe ganu nyi gweicaŋano, gwunanyine gilio, gwerre lɩgwugiɽe late lɩməri gwula ŋwamon ganu ŋwɩttən no, ŋa gwinyidonye ŋwamon ganu ṯəɽɩl. 31nuuməḏɩjane bucu nueicɩno, ḏa nyi gwumar alai, nyi gwate gwaŋadonye ḏuṯ no. na luŋa wei are dino.
yecu gwo jeṯisamɩni
mṯ. 26:36-46, lk. 22:39-46
32nalṯɩmi kalo gun gan jeṯisamɩm, nuuməḏɩjo calɩmis juŋun nuleicɩno, jilga ŋɩne, nyiuməḏɩjo eloŋu. 33nugwulo buṯrusŋ na yagubŋ na yuwanaŋ nuobaga ṯuṯ, na ḏugwor ouwce ganu. 34nuluməḏɩjo nuleicɩno, ḏugwor ḏinyi ḏo ḏouwci ganu ḏiro gi gwune nyi gwai. jilga ŋɩne nyadɩmini ga. 35nudɩka galo mɩce nuiḏi kwɩnyəm, nuuməḏɩjo eloŋu gi gwune sa jadarane lugwun ḏa ŋɩmandro, 36nueicɩno, abba baba, ŋuɽun wei ŋandro luŋwuŋa. əbɩri kiɽuḏa keno; nalmmi ro ŋun ŋate ŋɩbunyilnyi no, nalmɩni ro ŋun ŋɩbunyaloŋa. 37nuaɽuwe nulbuje liḏɩro, nuuməḏɩjo buṯrusŋ nueicɩno, simian, ŋa gwo gwiḏɩro a? ŋa gwate gwəṯi ŋɩma gwadɩmini ga sa jetɩdo na? 38aṯanyadɩmini ga nyuməḏɩjo eloŋu kani nyate nyəḏi ŋuɽun ŋe ḏɩḏeijo no. gwerkwe gwuɽɩwə gwubɩɽe gi jei namɩni aŋɩnu yowa gi jei, 39nuaɽuwe mɩna, nuuməḏɩjo eloŋu ŋuɽuna ŋun ŋuməḏɩjulo gwerre. 40nuaɽuwa nulbuje liḏɩro mɩna liṯɩlo ŋwar, naṯilɩŋeḏa gwaluməḏɩjo no. 41nuaɽuwa lamon lun ləduji loro ṯəɽṯɩ nuleicɩno, nya lore liḏɩro na nyalar lobɩḏa uwə gwe a? ŋweno ŋwiro wei. sa jɩmila wɽi. ŋaɽe ŋeḏi liji ŋalḏəḏə liji gi di lun lɩki. 42diɽil ilwele. eʼe gwiji gwun gwiḏəḏɩnyi gwo gɩṯo.
yecu malməṯo wɽi
mṯ. 26:47-56, lk. 22:47-53, ywn. 18:2-11
43na kaja gun guməḏɩlge, yauḏa gwun gwiro gwete gweḏi calɩmis jun jiro di na gwuttən, nalwila lijiŋale lutu cɩwiḏ je na jurləlo je gi jɩsis jun jɩbuḏo na jalgaṯɩm na lun luɽun leḏi liji. 44na gwiji gwun gwiḏəḏulo nulaŋijo ŋuɽuna nuleicɩno, ŋu kwe gwun gwamɩɽənyo ŋu gwiro. məṯil nyagwuloḏa muma. 45nuwila nuwela ḏi yecu ganu, nuuməḏɩjo nueicɩno, mualɩm gwi, numɩɽənyo. 46nalməṯo di de nalgwuloḏa. 47na gwiji gwete gwun gwuḏuḏɩnu gɩṯo nuwal kɩwɩḏio guŋun nugimɩɽi wainya gweḏi gwele gweḏi jɩsis nuɽə gəni ga. 48nal yecu uməḏɩjo nuleicɩno, nyaltuḏiji cɩwiḏ je na jurləlo je gi gwun gwiro gwuɽam nyalɩməṯo a? 49iləṯɩje kwu dunu gweḏi elo gwun gwubuḏo bubruṯ, nuajalɩmi nate ninyilməṯo no. namɩni ouwɩricil ŋuɽuna ŋeḏi gɩḏam geḏi elo ŋəṯɩmi ŋun ŋarno, 50luŋa wei naniwalane nalabɩre.
51na gamal gete gwuje gun gikanu pərḏa gweice, namɩni nalməṯo. 52nuwalane kwu pərḏa galo, nuabɩre galo dino.
əcərio yeḏi yecu gi jei ganu jeḏi gwele gweḏi jɩsis
mṯ. 26:57-68, lk. 22:54-55,63-71, ywn. 18:12-14,19-24
53na luŋa nalgwuloḏa yecuŋ kwele gweḏi jɩsis, na jɩsis jun jɩbuḏo na liji lun luɽun na jalgaṯɩm nalaɽuwaḏe ldu lugwun. 54na buṯrus gwuje uro gɩdo, kəbe nuwele gi ḏɩgara ganu ḏeḏi gwele gweḏi jɩsis; na gwijilga jaḏam je kigo nueneje.
55na jɩsis jun jɩbuḏo na liji wei lun laṯɩje kəcərio yun yɩbuḏo yeḏi liju nalbunyi ḏugɩḏio ḏi yecu gwar gwalɽinye, nate nalbuje ŋetɩdo no. 56gi gwune lo lutu gwugɩḏine nalmɩni uɽuḏi ŋuɽuna ganu. 57na liji kworo ḏiɽi nanugɩḏi nalarno, 58anḏiŋɩnu gwarno, nyi gwaki duno gweḏi elo kweno gwun gwubuḏo gwun gwuṯɩlo di de, na ḏa ŋwamon ŋwɩmete ṯəɽɩl, na gwiuṯe gwiro kaja, gwun gwate gwugelɩnu di de no. 59nalmɩni uɽuḏi ŋuɽuna ganu naṯi ŋuɽun ŋagin nate nalɩje no, 60na gwele gweḏi jɩsis diɽo elo kɩlɩgi ganu, nuɽoṯeḏe yecuŋ nueicɩno, ŋa gwate gwanuməḏo ŋuɽuna ŋədi na? gwudaro gəko naŋalcɩgi? 61nujiga nyɩkwom. na gwele gweḏi jɩsis ɽoṯəḏɩjo mɩna, nueicɩno, ŋa gwiro kɩrisṯo gwun gwiro ŋaɽe ŋeḏi elo gwun gwaṯɩbuḏini a? 62na yecu arno, nyi gwiro, na nyalaŋu ŋaɽe ŋeḏi liji ŋijoga gi ḏi ḏun ḏiro ḏiŋir ḏeḏi ŋele, na gi ḏaɽuwa gi jəbɩɽu jeḏi kanyin. 63na gwele gweḏi jɩsis ṯɩrṯa jikia juŋun ganu nuarno, gwudaro gəko nilbunyu lun lɩteijo ga lutəno? 64nyalmadiŋɩni ḏɩḏenɩḏia. nyalarau? na liji wei arno gwai.
65na liji kworo gwoginya nanu, nalkɩɽɩbə ga gi jei ganu, nalpi ŋwuɽudo ŋwe naṯɩleicɩno, lɩŋiḏije, na dabɩṯ pi nɩrɩge ne.
ḏidonyɩḏa ḏeḏi buṯrus yecuŋ
mṯ. 26:69-75, lk. 22:56-62, ywn. 18:15-18,25-27
66na gwune jo buṯrus gelio gi ḏɩgara ganu, na gaḏam gete geḏi gwele gweḏi jɩsis nuwila ŋun ŋiro ŋera, 67na gwune nuaŋu buṯrusŋ gwenejo, nunŋalaḏe, nueicɩno, nyalijo yecu gwe dino gweḏi nasɩra. 68nudonye nuarno, nyi ŋate ŋilɩŋiḏɩlo i ŋiḏiŋɩnɩlo ŋun ŋuməḏəlo no. nutu gi ḏɩgara ganu na lɩgwugiɽe əri gwula. 69na ŋera ŋun ŋiro gaḏam aŋu, nuuməḏɩjo liji lun lɩḏuḏɩnu ga mɩna naleicɩno, gwiji kweno gwiro gwete lagin. 70nudonye mɩna. nalijiga mɩce, na liji lun lɩḏuḏɩnu ga naluməḏɩjo buṯrusŋ mɩna naleicɩno, gwerkwe ganu, ŋa gwiro gwete lagin, ŋa gwiro gwiji gweḏi jalil na ŋuɽun ŋuŋa ŋiro gi gwune luŋa. 71numɩni luḏe nuərɩmi nuarno, nyi gwate gwilɩŋiḏi gwiji kweno gwun gwaranyagwe no. 72na lɩgwugiɽe əri gwula mɩna, na buṯrus aḏɩŋane ŋuɽuna ŋeḏi yecu ŋun ŋeicuŋeno, gwerre lɩgwugiɽe late lɩməri gwula ŋwamon ganu ŋwuttən no, ŋa gwinyidonye ŋwamon ganu ṯəɽɩl. nuəri gwula.
Iliyochaguliwa sasa
markus 14: OTR1966
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.
markus 14
14
asa 14
ḏikaiya ḏeḏi ɽinyɩḏa yecuŋ
mṯ. 26:1-5, lk. 22:1-2
1gwune na ŋwamon ete ŋwɩttən na gɩmuri je ge ḏouwɩrico na geḏɩ gia gun gaicɩwa. na jɩsis jun jɩbuḏo na jalgaṯɩm. naluməḏəṯe laginŋu nalnyinyiməḏeice yecuŋ nalarno gwalməṯo alɽɩnye. 2nalmɩni arno, gwate gwalməṯo gi lamon leḏi gɩmuri no, i lijɩ lar lijinwɩrlani ganu.
gwa gwuwɩrṯi yecuŋ ŋila ŋe beṯiniya
mṯ. 26:6-13, ywn. 12:1-8
3na gwune ju beṯiniya kwu dunu gweḏi simian gwun gwiṯi ŋilo, na gwune əru gweʼe na gwa gwete wila, nuapa lɩbi lun lɩkədɩnu gowe ge ləṯi ŋila ŋun ŋiro ŋɩḏini ŋun ŋutu jilɩnya nuki lɩbi nudoije ŋila gi lɽa elo leḏi yecu. 4na liji kworo lun lijo nalɽe ganu nalarno, gwudaro gəko na ŋila keḏe ga ḏino? 5gi gwune ŋəṯɩ ŋɩma ŋiḏɩlini jɩnei di na ṯoḏɩne jilḏəḏə liji lun late ləṯɩ ŋɩdio no. nalke dugwore kwa. 6nal yecu eicɩno, ouwɩricil, gwudaro gəko nanyaɽi gwa ganu? gwiminyiəpijo ŋɩru ŋiŋir; 7gi gwune liji lun late ləṯi ŋɩdio no laṯanyalije bubruṯ na ḏa lɩmar lanyaləpijo ŋɩru ŋiŋir nyaləṯi ŋɩma, namɩni nyi ilate ilaṯɩje lagalo bubruṯ no. 8ŋɩmularre ŋun ŋəṯi ŋɩma ŋularre; nuŋdarana nuwɩrṯi aŋɩna yinyi ŋɩḏini ŋe ŋan ḏɩkwumo. 9gwerkwe ganu nyi gweiceijɩno, kalo wei geḏi gɩḏilio gun gaṯɩje gan liji umə ŋuɽuna ŋeno ŋiŋir ŋeḏi elo, nalumə dino. ŋuɽuna ŋeno ŋɩmal gwa ape, naṯɩl liji aḏɩŋane.
ŋuɽun ŋun ŋɩki ŋeḏi ŋauḏa
mṯ. 26:14-16, lk. 22:3-6
10na yauḏa iskariyuṯi, gwun gwiro gwete gweḏi calɩmis juŋun jun jiro di na gwuttən, nuwele gi jɩsis jun jɩbuḏo gwar gwulɩḏəḏə. 11na gwune naldiŋɩni naliŋir dugwore, nalarno gwilḏəḏə əlŋɩrucə; na ŋu nubunyi lamon lun liŋir gwulɩḏəḏə.
ḏiṯa gia ḏun ḏiro gɩdo ḏeḏi yecu
mṯ. 26:17-30, lk. 22:7-23, ywn. 13:21-30, 1 kur. 11:23-25
12na gi lamon lun liro lɽa leḏi gɩmuri geḏi gia gun gaicɩwa lun laṯɩliḏuge lrəmə leḏi gɩmuri ge ḏouwɩrico, na calɩmis juŋun nalɽoṯəḏɩjo naleicɩno, ŋa gwarno laŋagico gala ga ka ge ḏiṯa ŋɩdio ŋeḏi gɩmuri? 13nulwəjo calɩmis juŋun jɩttən nuluməḏɩjo nuleicɩno, wiḏɩl kamɩrɩgen. nyalobeḏe gwəmɩnyəŋale gwete gwun gwapo gɩḏi geḏi ŋau, gwujanɩl. 14na dunu gwun gwar gwunəḏi nyeico gwiji gweḏi dunu no, mualɩm gwarno dunu gwe liḏo gwaḏa, gwun gwanənʼe ŋɩdio ŋe ḏiṯa ŋe gɩmuri ge douwɩrico calɩmis je jinyi? 15na gwaje gwajaŋijo duno gwete gwun gwubuḏo lakwia gwun gwəṯi ŋɩdio wei, nyaŋele muma. 16na calɩmis juŋun wele, nalṯɩmi kamɩrɩgen, nalbuje ŋuɽuna ŋiro gi gwune ŋun ŋuməḏɩjulo, nalŋele ŋɩdio wei muma ŋeḏi gɩmuri.
17gwune na galo ro garage na yecuŋa wila calɩmis je juŋun jun jiro di na gwuttən, 18na gwune jilga gi ḏiṯa, nal yecu uməḏɩjo nuleicɩno, gwerkwe ganu nyi gweiceijɩno, gwete gwo lagalo gwinyɩḏəḏə gwun gwiṯanagwe. 19nalrone gworki naṯi gwete arno, nyi gwiro a? naṯɩlar gwete gwete no, nyi gwiro a? 20nulwɩrlijo ŋuɽuna nuleicɩno, gwiro gwete gweḏi calɩmis jun jiro di na gwuttən gwun gwanagwiṯiwaḏaice nanu kɩɽudo getɩdo. 21ŋaɽe ŋeḏi liji ŋele ŋiro gi gwune ŋulinu ŋan ŋu, namɩni ŋɩki kwijiŋu gwun gwəḏəḏə ŋaɽe ŋeḏi liji. gwiŋir gwiji kweno ḏa ŋwate malɩŋini no.
22gwune iṯɩlo na yecu ape gia nueico eloŋu sukran, nubɩleṯɩnya ganu nulḏəḏə, nuleicɩno, apul nyaʼe, keno aŋɩnu yinyi ŋiro. 23nuaɽu nuape kɩɽuda nueico eloŋu sukran, nulḏəḏə nalyu wei 24nuluməḏɩjo nuleicɩno, ŋeno ŋiro ŋuwən ŋinyi ŋeḏi ŋuɽun ŋun ŋiya ŋun ŋɩkaiilo elo ŋun ŋirijo liji lutu. 25gwerkwe ganu nyi gweiceijɩno, nyi gwate gweyu ŋau ŋeḏi jaɽe jun jiro gi ḏuɽuṯ minu no kəbe gi lamon leno lun laje lilyu ŋiya ŋele ŋeḏi elo.
26na gwune nalelɩŋe ḏelɩŋa ḏeḏi elo, naltu nalwele gi lirgwom lun lan seitun.
yecu gwuməḏi ŋuɽuna gwan calɩmis walane gwerre ŋuɽun ŋate ŋimila no
mṯ. 26:31-35, lk. 22:31-34, ywn. 13:36-38
27nal yecu uməḏɩjo nuleicɩno, nyaŋa wei nyalobɩlkəḏɩni lugwi, gi gwune ŋulinu, nyi gwapi gwaɽa na joŋol jouwɩreḏelo; 28namɩni ḏa nyi madiɽi ŋi ḏaiya nyi gwajidara nyi gwele jalil. 29namɩni buṯrus uməḏɩjo nueicɩno, ḏa luŋa lɩmobɩlkəḏɩni wei, namɩni nyi gwate gwobɩlkəḏɩni no. 30na yecu uməḏɩjo nueicɩno, gwerkwe ganu nyi gweicaŋano, gwunanyine gilio, gwerre lɩgwugiɽe late lɩməri gwula ŋwamon ganu ŋwɩttən no, ŋa gwinyidonye ŋwamon ganu ṯəɽɩl. 31nuuməḏɩjane bucu nueicɩno, ḏa nyi gwumar alai, nyi gwate gwaŋadonye ḏuṯ no. na luŋa wei are dino.
yecu gwo jeṯisamɩni
mṯ. 26:36-46, lk. 22:39-46
32nalṯɩmi kalo gun gan jeṯisamɩm, nuuməḏɩjo calɩmis juŋun nuleicɩno, jilga ŋɩne, nyiuməḏɩjo eloŋu. 33nugwulo buṯrusŋ na yagubŋ na yuwanaŋ nuobaga ṯuṯ, na ḏugwor ouwce ganu. 34nuluməḏɩjo nuleicɩno, ḏugwor ḏinyi ḏo ḏouwci ganu ḏiro gi gwune nyi gwai. jilga ŋɩne nyadɩmini ga. 35nudɩka galo mɩce nuiḏi kwɩnyəm, nuuməḏɩjo eloŋu gi gwune sa jadarane lugwun ḏa ŋɩmandro, 36nueicɩno, abba baba, ŋuɽun wei ŋandro luŋwuŋa. əbɩri kiɽuḏa keno; nalmmi ro ŋun ŋate ŋɩbunyilnyi no, nalmɩni ro ŋun ŋɩbunyaloŋa. 37nuaɽuwe nulbuje liḏɩro, nuuməḏɩjo buṯrusŋ nueicɩno, simian, ŋa gwo gwiḏɩro a? ŋa gwate gwəṯi ŋɩma gwadɩmini ga sa jetɩdo na? 38aṯanyadɩmini ga nyuməḏɩjo eloŋu kani nyate nyəḏi ŋuɽun ŋe ḏɩḏeijo no. gwerkwe gwuɽɩwə gwubɩɽe gi jei namɩni aŋɩnu yowa gi jei, 39nuaɽuwe mɩna, nuuməḏɩjo eloŋu ŋuɽuna ŋun ŋuməḏɩjulo gwerre. 40nuaɽuwa nulbuje liḏɩro mɩna liṯɩlo ŋwar, naṯilɩŋeḏa gwaluməḏɩjo no. 41nuaɽuwa lamon lun ləduji loro ṯəɽṯɩ nuleicɩno, nya lore liḏɩro na nyalar lobɩḏa uwə gwe a? ŋweno ŋwiro wei. sa jɩmila wɽi. ŋaɽe ŋeḏi liji ŋalḏəḏə liji gi di lun lɩki. 42diɽil ilwele. eʼe gwiji gwun gwiḏəḏɩnyi gwo gɩṯo.
yecu malməṯo wɽi
mṯ. 26:47-56, lk. 22:47-53, ywn. 18:2-11
43na kaja gun guməḏɩlge, yauḏa gwun gwiro gwete gweḏi calɩmis jun jiro di na gwuttən, nalwila lijiŋale lutu cɩwiḏ je na jurləlo je gi jɩsis jun jɩbuḏo na jalgaṯɩm na lun luɽun leḏi liji. 44na gwiji gwun gwiḏəḏulo nulaŋijo ŋuɽuna nuleicɩno, ŋu kwe gwun gwamɩɽənyo ŋu gwiro. məṯil nyagwuloḏa muma. 45nuwila nuwela ḏi yecu ganu, nuuməḏɩjo nueicɩno, mualɩm gwi, numɩɽənyo. 46nalməṯo di de nalgwuloḏa. 47na gwiji gwete gwun gwuḏuḏɩnu gɩṯo nuwal kɩwɩḏio guŋun nugimɩɽi wainya gweḏi gwele gweḏi jɩsis nuɽə gəni ga. 48nal yecu uməḏɩjo nuleicɩno, nyaltuḏiji cɩwiḏ je na jurləlo je gi gwun gwiro gwuɽam nyalɩməṯo a? 49iləṯɩje kwu dunu gweḏi elo gwun gwubuḏo bubruṯ, nuajalɩmi nate ninyilməṯo no. namɩni ouwɩricil ŋuɽuna ŋeḏi gɩḏam geḏi elo ŋəṯɩmi ŋun ŋarno, 50luŋa wei naniwalane nalabɩre.
51na gamal gete gwuje gun gikanu pərḏa gweice, namɩni nalməṯo. 52nuwalane kwu pərḏa galo, nuabɩre galo dino.
əcərio yeḏi yecu gi jei ganu jeḏi gwele gweḏi jɩsis
mṯ. 26:57-68, lk. 22:54-55,63-71, ywn. 18:12-14,19-24
53na luŋa nalgwuloḏa yecuŋ kwele gweḏi jɩsis, na jɩsis jun jɩbuḏo na liji lun luɽun na jalgaṯɩm nalaɽuwaḏe ldu lugwun. 54na buṯrus gwuje uro gɩdo, kəbe nuwele gi ḏɩgara ganu ḏeḏi gwele gweḏi jɩsis; na gwijilga jaḏam je kigo nueneje.
55na jɩsis jun jɩbuḏo na liji wei lun laṯɩje kəcərio yun yɩbuḏo yeḏi liju nalbunyi ḏugɩḏio ḏi yecu gwar gwalɽinye, nate nalbuje ŋetɩdo no. 56gi gwune lo lutu gwugɩḏine nalmɩni uɽuḏi ŋuɽuna ganu. 57na liji kworo ḏiɽi nanugɩḏi nalarno, 58anḏiŋɩnu gwarno, nyi gwaki duno gweḏi elo kweno gwun gwubuḏo gwun gwuṯɩlo di de, na ḏa ŋwamon ŋwɩmete ṯəɽɩl, na gwiuṯe gwiro kaja, gwun gwate gwugelɩnu di de no. 59nalmɩni uɽuḏi ŋuɽuna ganu naṯi ŋuɽun ŋagin nate nalɩje no, 60na gwele gweḏi jɩsis diɽo elo kɩlɩgi ganu, nuɽoṯeḏe yecuŋ nueicɩno, ŋa gwate gwanuməḏo ŋuɽuna ŋədi na? gwudaro gəko naŋalcɩgi? 61nujiga nyɩkwom. na gwele gweḏi jɩsis ɽoṯəḏɩjo mɩna, nueicɩno, ŋa gwiro kɩrisṯo gwun gwiro ŋaɽe ŋeḏi elo gwun gwaṯɩbuḏini a? 62na yecu arno, nyi gwiro, na nyalaŋu ŋaɽe ŋeḏi liji ŋijoga gi ḏi ḏun ḏiro ḏiŋir ḏeḏi ŋele, na gi ḏaɽuwa gi jəbɩɽu jeḏi kanyin. 63na gwele gweḏi jɩsis ṯɩrṯa jikia juŋun ganu nuarno, gwudaro gəko nilbunyu lun lɩteijo ga lutəno? 64nyalmadiŋɩni ḏɩḏenɩḏia. nyalarau? na liji wei arno gwai.
65na liji kworo gwoginya nanu, nalkɩɽɩbə ga gi jei ganu, nalpi ŋwuɽudo ŋwe naṯɩleicɩno, lɩŋiḏije, na dabɩṯ pi nɩrɩge ne.
ḏidonyɩḏa ḏeḏi buṯrus yecuŋ
mṯ. 26:69-75, lk. 22:56-62, ywn. 18:15-18,25-27
66na gwune jo buṯrus gelio gi ḏɩgara ganu, na gaḏam gete geḏi gwele gweḏi jɩsis nuwila ŋun ŋiro ŋera, 67na gwune nuaŋu buṯrusŋ gwenejo, nunŋalaḏe, nueicɩno, nyalijo yecu gwe dino gweḏi nasɩra. 68nudonye nuarno, nyi ŋate ŋilɩŋiḏɩlo i ŋiḏiŋɩnɩlo ŋun ŋuməḏəlo no. nutu gi ḏɩgara ganu na lɩgwugiɽe əri gwula. 69na ŋera ŋun ŋiro gaḏam aŋu, nuuməḏɩjo liji lun lɩḏuḏɩnu ga mɩna naleicɩno, gwiji kweno gwiro gwete lagin. 70nudonye mɩna. nalijiga mɩce, na liji lun lɩḏuḏɩnu ga naluməḏɩjo buṯrusŋ mɩna naleicɩno, gwerkwe ganu, ŋa gwiro gwete lagin, ŋa gwiro gwiji gweḏi jalil na ŋuɽun ŋuŋa ŋiro gi gwune luŋa. 71numɩni luḏe nuərɩmi nuarno, nyi gwate gwilɩŋiḏi gwiji kweno gwun gwaranyagwe no. 72na lɩgwugiɽe əri gwula mɩna, na buṯrus aḏɩŋane ŋuɽuna ŋeḏi yecu ŋun ŋeicuŋeno, gwerre lɩgwugiɽe late lɩməri gwula ŋwamon ganu ŋwuttən no, ŋa gwinyidonye ŋwamon ganu ṯəɽɩl. nuəri gwula.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.