Luk 5
5
Zezu atobo bebingi bedzi be wika
1Vʉsa votu Zezu adzi unkolo ŋwen dzanga dze Zenezaleti. Batu beyitsi bedze kone dzi ne uyuka iwowe dze Nzambi. 2Zezu ayene membungu mole unkolo ŋwen dzanga. Belobi be beswi basunda ne uswaka bikoŋwon bye bangu. 3Se membungu ma mole Zezu abita se mbungu ye Simon, Zezu atanda nedzi ati: «Lawe ne mbungu va ite ne unkolo.» Zezu asunda untsitsi se mbungu, ne ulakise batu. 4Zezu amana wowe, wangu ne Simon ati: «Tseke tima ye nzali, beyi beyisa bikoŋwon se mangu, bekwata beswi.» 5Simon akalʉle nedzi ati: «Kuŋwu besu balamba bikoŋwon pinzi yesi nde kwata yila. Ni nda we me tanda vavu, me yisa bikoŋwon se mangu.» 6Bangu bayisa bikoŋwon se mangu, bikoŋwon bya lunda ne beswi, bya fumba nyasive. 7Ye bangu bebanga boko bedze se mbungu mboko ne uya yamene bangu, bangu balundise membungu mesi mole ne beswi. 8Simon Pyeli ayene vavu yedzi evʉna mebongo busu ve Zezu ati: «Kuŋwu lawe nami, meni muutu widzi ne mesumu.» 9Ni Simon etanda vavu ni ne bane boko beyene bongo ne bangu bekwata beswi beyitsi. 10Zaaki ne Zan baana be Zebede, bedze ne udzanza ne Simon, ne bangu bayene bongo. Zezu atanda ne Simon ati: «We nde yene bongo, ne ubanda vʉsa velolo we nde tse vele lobo beswi, dzanza dzowe dza kitse dze ni ne uya ne batu bitse binga me.» 11Bangu baye vutse ne mbungu ngulu, ye bangu bedzika byesi ne ubinga Zezu.
Zezu asaka muutu widzi ne fima
12Vʉsa votu Zezu edze se ngundu yotu, awayu yedze ne muutu wedze ne fima, yedzi eyene Zezu, wangu anaŋwen busu vedzi panza se senze. Wangu abondoko Zezu ati: «Kuŋwu, we tuka saka me ti wa tondo.» 13Zezu asimvɨle boko, abetime ne muutu widzi ne fima nedzi ati: «Me tondo, lunga.» Zezu amana wowe vavu, muutu mene alunga. 14Zezu atanda ne muutu wedzi mesaka ne fima ati: «We nde tanda ne batu. Tseke laka nyulu ne bekuŋwu be ndaku ye Nzambi, yayu bangu beyiba ati, wa lunga.» 15Batu bedze ne uwowe uyitsi ne me Zezu edze ne upika, batu beyitsi bedze ne ukukene ne uyuka mamvu me Zezu edze ne utanda, wangu asaka ne mibedzu. 16Zezu atse se buma ye ikanye ne umbondo.
Zezu asaka buka
17Vʉsa votu, Zezu edze ne ulakise iwowe dze Nzambi, batu be Falizi ne belakisi be bitsila bye Moyizi, bedze mitsitsi kone dzi. Bangu beyinga ni se membuka mesi me Galile, me Zude ne ngundu ye Zeluzalemi. Singa ye Kuŋwu Nzambi yedze nedzi ne usaka mibedzu. 18Batu babapa buka se lipoyi, bangu bafumba somo buka se ndaku ne utedze yangu busu ve Zezu. 19Ni bangu beke tuka nyinzile utsɨna ne batu beyitsi. Bangu babita kule ŋwanza, batsuba ibunga, basundise buka ne lipoyi lesi tima ye batu busu ve Zezu. 20Ye Zezu eyene ivukidze dze bangu, atanda ne buka ati: «Akama, ma boloko mesumu mowe.» 21Belakisi be bitsila bye Moyizi, babanda ne utsimene ati: «Ayu muutu ni nza wiwowe nda Nzambi, wituka boloko mesumu si Nzambi.» 22Zezu ayiba metsimini me bangu, Zezu atanda ne bangu ati: «Ye beyi bidzi ne metsimini me tuu ni yi?» 23Ye nde udilu ni yi? Ne utanda ati: «Baboloko mesumu mowe.» Na ne utanda ati: «Telime we landa.» 24Yayu, beyi beyiba ati: «We yikwene Muutu adzi ne pilaka, ye uboloko mesumu se senze.» Zezu ne buka ati: «Telime, boko lipoyi lowe tseke ndaku yowe.» 25Ye buka ye telime busu ve batu besi, aboko lipoyi ledzi edze kule langu, yedzi etse ne ukumise Nzambi. 26Batu besi bakima, bayene bongo, bakumise Nzambi, ye bangu betanda ati: «Vʉsa velolo, besu bayene mamvu meve me likimiyinda.»
Zezu abanga levi ne ubinga wangu
27Yumana Zezu apula, ayene untolingi we bedolo, we kumvu Levi untsitsi se buma yedzi ye dzanza. Zezu nedzi ati: «Binga me.» 28Levi atelime, adzika byesi ne ubinga Zezu. 29Ye Levi elamba bila biyitsi se ndaku yedzi ne uyamba Zezu. Yedze ne betolingi be bedolo beyitsi, ne batu boko bedze ne dza bila kone bangu. 30Batu be Falizi ne bembatsi be bangu ne belakisi be bitsila bedze ne upanda unsumvu ŋwaŋwu, bangu ne bebingi be Zezu ati: «Ye beyi bidza ne unoto kone betolingi be bedolo ne batu bidzi ne mesumu ni yi?» 31Zezu ayuka vavu, wangu ne bangu ati: «Mibedzu ni mifumba unsaki, ni batu be nde saba nde fumba unsaki. 32Me keya banga batu bidzi telee, ni me meya ni ye banga batu bidzi ne mesumu, yayu bangu bedzika biku bibi.»
Zezu awowe dze utsili ve nzala
33Batu be Falizi batanda ne Zezu ati: «Bebingi be Zambatisi ne batu be Falizi bekuta utsili ve nzala ne ubondo, ni bebingi bowe, bedza, benoto.» 34Zezu akalʉle ne bangu ati: «Nde tuka tanda batu ne ukuta utsili ve nzala vʉsa ve ibala, ndili ye unlumi idzi kone bangu. 35Ni ndili yetse ya, ye bitse nanguse unlumi, bangu betse kuta utsili ve nzala.»
36Zezu ati: «Nde muutu wituka lata liyi ye unkanda ŋwen tsaŋwen kule ŋwen kala. Ni ti bapika vavu unkanda ŋwen tsaŋwen ŋwetse biwe ne liyi ye unkanda ŋwen tsaŋwen nde vʉkise ne ŋwen kala. 37Nde muutu wisomo melaku me tsaŋwen, se membinda me kala, toko melaku me tsaŋwen mabula membinda, melaku masuve, ne membinda mabiwe. 38Ni besomo melaku me tsaŋwen, ni se membinda me tsaŋwen. 39Nde muutu witondo noto melaku me tsaŋwen, ti amana noto melaku me kala, ni betanda ati melaku mekala ni meve.»
Iliyochaguliwa sasa
Luk 5: WUM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luk 5
5
Zezu atobo bebingi bedzi be wika
1Vʉsa votu Zezu adzi unkolo ŋwen dzanga dze Zenezaleti. Batu beyitsi bedze kone dzi ne uyuka iwowe dze Nzambi. 2Zezu ayene membungu mole unkolo ŋwen dzanga. Belobi be beswi basunda ne uswaka bikoŋwon bye bangu. 3Se membungu ma mole Zezu abita se mbungu ye Simon, Zezu atanda nedzi ati: «Lawe ne mbungu va ite ne unkolo.» Zezu asunda untsitsi se mbungu, ne ulakise batu. 4Zezu amana wowe, wangu ne Simon ati: «Tseke tima ye nzali, beyi beyisa bikoŋwon se mangu, bekwata beswi.» 5Simon akalʉle nedzi ati: «Kuŋwu besu balamba bikoŋwon pinzi yesi nde kwata yila. Ni nda we me tanda vavu, me yisa bikoŋwon se mangu.» 6Bangu bayisa bikoŋwon se mangu, bikoŋwon bya lunda ne beswi, bya fumba nyasive. 7Ye bangu bebanga boko bedze se mbungu mboko ne uya yamene bangu, bangu balundise membungu mesi mole ne beswi. 8Simon Pyeli ayene vavu yedzi evʉna mebongo busu ve Zezu ati: «Kuŋwu lawe nami, meni muutu widzi ne mesumu.» 9Ni Simon etanda vavu ni ne bane boko beyene bongo ne bangu bekwata beswi beyitsi. 10Zaaki ne Zan baana be Zebede, bedze ne udzanza ne Simon, ne bangu bayene bongo. Zezu atanda ne Simon ati: «We nde yene bongo, ne ubanda vʉsa velolo we nde tse vele lobo beswi, dzanza dzowe dza kitse dze ni ne uya ne batu bitse binga me.» 11Bangu baye vutse ne mbungu ngulu, ye bangu bedzika byesi ne ubinga Zezu.
Zezu asaka muutu widzi ne fima
12Vʉsa votu Zezu edze se ngundu yotu, awayu yedze ne muutu wedze ne fima, yedzi eyene Zezu, wangu anaŋwen busu vedzi panza se senze. Wangu abondoko Zezu ati: «Kuŋwu, we tuka saka me ti wa tondo.» 13Zezu asimvɨle boko, abetime ne muutu widzi ne fima nedzi ati: «Me tondo, lunga.» Zezu amana wowe vavu, muutu mene alunga. 14Zezu atanda ne muutu wedzi mesaka ne fima ati: «We nde tanda ne batu. Tseke laka nyulu ne bekuŋwu be ndaku ye Nzambi, yayu bangu beyiba ati, wa lunga.» 15Batu bedze ne uwowe uyitsi ne me Zezu edze ne upika, batu beyitsi bedze ne ukukene ne uyuka mamvu me Zezu edze ne utanda, wangu asaka ne mibedzu. 16Zezu atse se buma ye ikanye ne umbondo.
Zezu asaka buka
17Vʉsa votu, Zezu edze ne ulakise iwowe dze Nzambi, batu be Falizi ne belakisi be bitsila bye Moyizi, bedze mitsitsi kone dzi. Bangu beyinga ni se membuka mesi me Galile, me Zude ne ngundu ye Zeluzalemi. Singa ye Kuŋwu Nzambi yedze nedzi ne usaka mibedzu. 18Batu babapa buka se lipoyi, bangu bafumba somo buka se ndaku ne utedze yangu busu ve Zezu. 19Ni bangu beke tuka nyinzile utsɨna ne batu beyitsi. Bangu babita kule ŋwanza, batsuba ibunga, basundise buka ne lipoyi lesi tima ye batu busu ve Zezu. 20Ye Zezu eyene ivukidze dze bangu, atanda ne buka ati: «Akama, ma boloko mesumu mowe.» 21Belakisi be bitsila bye Moyizi, babanda ne utsimene ati: «Ayu muutu ni nza wiwowe nda Nzambi, wituka boloko mesumu si Nzambi.» 22Zezu ayiba metsimini me bangu, Zezu atanda ne bangu ati: «Ye beyi bidzi ne metsimini me tuu ni yi?» 23Ye nde udilu ni yi? Ne utanda ati: «Baboloko mesumu mowe.» Na ne utanda ati: «Telime we landa.» 24Yayu, beyi beyiba ati: «We yikwene Muutu adzi ne pilaka, ye uboloko mesumu se senze.» Zezu ne buka ati: «Telime, boko lipoyi lowe tseke ndaku yowe.» 25Ye buka ye telime busu ve batu besi, aboko lipoyi ledzi edze kule langu, yedzi etse ne ukumise Nzambi. 26Batu besi bakima, bayene bongo, bakumise Nzambi, ye bangu betanda ati: «Vʉsa velolo, besu bayene mamvu meve me likimiyinda.»
Zezu abanga levi ne ubinga wangu
27Yumana Zezu apula, ayene untolingi we bedolo, we kumvu Levi untsitsi se buma yedzi ye dzanza. Zezu nedzi ati: «Binga me.» 28Levi atelime, adzika byesi ne ubinga Zezu. 29Ye Levi elamba bila biyitsi se ndaku yedzi ne uyamba Zezu. Yedze ne betolingi be bedolo beyitsi, ne batu boko bedze ne dza bila kone bangu. 30Batu be Falizi ne bembatsi be bangu ne belakisi be bitsila bedze ne upanda unsumvu ŋwaŋwu, bangu ne bebingi be Zezu ati: «Ye beyi bidza ne unoto kone betolingi be bedolo ne batu bidzi ne mesumu ni yi?» 31Zezu ayuka vavu, wangu ne bangu ati: «Mibedzu ni mifumba unsaki, ni batu be nde saba nde fumba unsaki. 32Me keya banga batu bidzi telee, ni me meya ni ye banga batu bidzi ne mesumu, yayu bangu bedzika biku bibi.»
Zezu awowe dze utsili ve nzala
33Batu be Falizi batanda ne Zezu ati: «Bebingi be Zambatisi ne batu be Falizi bekuta utsili ve nzala ne ubondo, ni bebingi bowe, bedza, benoto.» 34Zezu akalʉle ne bangu ati: «Nde tuka tanda batu ne ukuta utsili ve nzala vʉsa ve ibala, ndili ye unlumi idzi kone bangu. 35Ni ndili yetse ya, ye bitse nanguse unlumi, bangu betse kuta utsili ve nzala.»
36Zezu ati: «Nde muutu wituka lata liyi ye unkanda ŋwen tsaŋwen kule ŋwen kala. Ni ti bapika vavu unkanda ŋwen tsaŋwen ŋwetse biwe ne liyi ye unkanda ŋwen tsaŋwen nde vʉkise ne ŋwen kala. 37Nde muutu wisomo melaku me tsaŋwen, se membinda me kala, toko melaku me tsaŋwen mabula membinda, melaku masuve, ne membinda mabiwe. 38Ni besomo melaku me tsaŋwen, ni se membinda me tsaŋwen. 39Nde muutu witondo noto melaku me tsaŋwen, ti amana noto melaku me kala, ni betanda ati melaku mekala ni meve.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES