Malɛkɛ 13
13
Lɔhɔlɔmabonba teko
Matiyu 24.1-2; Luka 21.5-6
1Isa bɔtɔla lɔhɔlɔmabonba luu kɔnɔ, a kɔbiladen dɔ vɛɛ a yɛ: «Kalanmɔɔ, a ye! Lɔhɔlɔmabonba lɔnin kawakulun makawaninnu le le! A jiinkɔnɔ bonnu keinyayine bubale!»
2Kɛɛ Isa do vɛɛ ai yɛ: «I vɛ bon makawanin minu ye? Lon dɔ, wolu bɛ tetɔle tɛtɛ, hali kawakulun fila gbu tɛnala tola i ɲɔɔ kɔkan.»
3Wo kɔ, Isa ka taa a sii Zeituna tini kɔkan, k'a ɲa bɛn lɔhɔlɔmabonba ma. Piyɛli ni Janguba ni Yohana ni Andele ka na a ma doon nɔ, k'a maɲininga, 4ai vɛɛ: «A fɔ mɔ yɛ, ko wolu kɛtɔ waate mindɛ? Tɔɔmase mindɛ kɛtɔ a jiyala k'a fɔ ko, ko wolu kɛtɔle?»
5Isa do vɛɛ ai yɛ: «Ài y'ài jando ài jɛlɛ lɔ, fɔsa mɔɔ mɔɔ kana ài lafili. 6Kamasɔlɔn mɔɔ siyama kɛtɔ nala ǹ tɔɔ lɔ k'a fɔ ko: ‹Ǹe le Masa Tɔɔmasenin ne.› Ai kɛtɔ mɔɔ siyama lafilila wo lɔ. 7Ài vɛ kɛlɛkolu mɛnna ani kɛlɛ mangan, ài hangili kà ɲaami, kamasɔlɔn wolu ka kan ka kɛ, kɛɛ wo tɛ dunuɲa laban ne. 8Sibolomalu wulitɔ i ɲɔɔ kanma. Jamanalu fana wulitɔ i ɲɔɔ kanma. Kɔɔn fitina ni duukolojaajaa kɛtɔ dingila siyama lɔ. Wo bɛ kɛtɔ tɔlɔya damina le le, iwo tinkɔnɔdimin.
9 #
Matiyu 10.17-20; Luka 12.11, 12. «Ài y'ài jando ài jɛlɛ lɔ ka bɛn mɔɔlu ma, kamasɔlɔn ai kɛtɔ taala ài le kititɛɛbonnu la, ani k'ài gbasi gbusan na Aladalibonnu la, ani k'ài lalɔ jamanatiilu ni masakɛlu ɲakɔlɔ ka bɛn ǹa ko ma. Àilu gbu le kɛtɔ ǹe masele le wo lɔ, ka ǹa ko fɔ wolu yɛ. 10Wo lɔ saa, fɔ Samakan Kein la yi se siboloma bɛ ma kunfɔlɔ le.
11«Ai vɛ kɛla taala ài le kititɛɛbonnu la, ài ka kan ka min fɔ, ài kà hamin wo le. Kuma min ditɔ ài ma wo waate kelen nɔ, ài yi wo le fɔ, kamasɔlɔn àilu gbu tɛnala kumala, mafɔ Nii Sɛnɛyanin. 12Kɔlɔmamɔɔ kɛtɔ a badenma donna mɔɔlu bolo a faako lɔ. Fa fana kɛtɔ wo suu le kɛla a den na. Dennu wulitɔ ai sɔlɔnbalu kanma k'ai don mɔɔlu bolo ai faako lɔ. 13#Matiyu 10.22.Ài gbeyatɔ mɔɔ bɛ yɛ ka bɛn ǹa ko ma. Kɛɛ ni mɔɔ min ka gbeleya mina a ma ka sii tɔlɔya laban na, wo tii yi kisile.»
Tiɲalikɛba kɔsɔnin
Matiyu 24.15-21; Luka 21.20-24
14«Ài vɛ tiɲalikɛba kɔsɔnin yena lɔnin dingila dɔ lɔ, a man kan ka kɛ tɛɛminja (sɛvɛ min kalanba y'a lɔja ka min ɲaye), wo vɛ kɛla, mɔɔ minu yi Jude koovi lɔ, wolu yi bɔli ka taa tinima dingilalu lɔ. 15#Luka 17.31.Ni waate wo ka mɔɔ min talan bon kɔkan, wo tii kà jii bon kɔnɔ a bolofennu tako lɔ. 16Ni wo do ka mɔɔ min talan sɛnɛ lɔ, wo tii kà seikɔ aa faaniba tako lɔ. 17Wo lonnu vɛ sena, gbalo kɛtɔ kɔnɔma ni dematiikulalu yɛ. 18Ài yi Ala dali fɔsa ko wolu kana bɛn nɛnɛbɔ waate ma. 19#Ko Lankɛnɛmayanin 7.14.Kamasɔlɔn wo waate tɔlɔya suu ma kɛ ba bene, ka ta dunuɲa dan waate ma Ala bolo, haan fɔɔ ka na sii bi la, ado tɔlɔya wo ɲɔɔzii tɛnala kɛla butu tuun. 20Ni mɔ Tii tɛɛ ma wo tɔlɔya waate lɔsulunya, adamaden foi tɛɛ tɛnala kisila. Kɛɛ ka bɛn Ala ya mɔɔ taninnu ma, a kɛtɔ a dɔ bɔla tele wolu la. 21Wo waate, ni mɔɔ dɔ k'a fɔ ài yɛ, a vɛɛ: ‹A ye, Masa Tɔɔmasenin yi jan ne!› niwotɛ: ‹A ye, a yi jan ve!› ài kà la wo foi la. 22Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ni kawanankolu kɛla, fɔsa Ala ya mɔɔ taninnu la yi fili, ni wo ka se kɛla. 23Ài y'ài jando ài jɛlɛ lɔ. M̀'ɛ wo ko bɛ fɔ ài yɛ jani a waate yi se.
Mɔɔnivin Tanin nako
Matiyu 24.29-31; Luka 21.25-26
24 #
Ko Lankɛnɛmayanin 6.12. «Wo waate, tɔlɔya wo vɛ timinna, tele fintɔ. Kalo tɛnala gbɛla butu. 25#Ko Lankɛnɛmayanin 6.13.Lolonilu benbentɔ ka bɔ sangbolo lɔ, ado sangbololɔ fangatiilu lamaamaatɔ. 26#Ko Lankɛnɛmayanin 1.7.Wo vɛ kɛla, mɔɔlu kɛtɔ Mɔɔnivin Tanin natɔla yena sanbiliya lɔ seetiiya makawanin ni magbiliyali boloma. 27Wo kɔ, a kɛtɔ aa mɛlɛkalu lataala dunuɲa tongun naani bɛ la. Ka damina dunuɲa kun ma ka taa sii a juu la, aa mɛlɛkalu kɛtɔ aa mɔɔ taninnu ladɛnna.»
Toloju misali
Matiyu 24.32-35; Luka 21.29-33
28Ài yi hangili sɔlɔn ka bɛn toloju misali ma. Ài v'a bolo kula ni a bulu nɛlennu yena, ài y'a lɔn ko telema ma vɛ sulunya. 29Wo boloɲa kelen ma, ni ài ka ko wolu ye kɛla, ài y'a lɔn ko ǹ na waate ma vɛ sulunya, a do vɛ to dɔni, a yi se. 30Ǹ'i tuɲa fɔ ài yɛ, bi mɔɔlu bɛ tɛnala banna sala, fɔ ko wolu bɛ vɛ kɛla ka dafa. 31Sangbolo ni duukolo tununtɔle, kɛɛ ǹ kumakannu tɛnala tununna tuun!
Mɔɔ ma dunuɲa laban waate lɔn
Matiyu 24.36-44
32 #
Matiyu 24.36. «Ko minu kɛtɔ lon min na ani waate min nɔ, mɔɔ suu suu ma wo lɔn, hali mɛlɛkalu gbu minu yi haijɛnɛ. Hali Denkɛ gbu m'a lɔn, mafɔ mɔ Fa Ala kelenpesa. 33Ài yi to ài ɲana, kamasɔlɔn ài ma ko wolu kɛ waate lɔn. 34#Luka 12.36-38.A kɛyine iwo kɛ́ min tɛɛ taama boloma. A ka aa bonnako bɛ kalifa aa bɔidennu la, a bɛ ni a ta baale. A k'a fɔ dalasiiba yɛ ko a yi to a ɲana. 35Wo boloɲa kelen ma, àilu fana yi to ài ɲana, kamasɔlɔn bontii natɔ waate min nɔ, ài ma wo lɔn. A yi na wula le la o, sutala le ma o, suba le ma o, niwotɛ sɔɔmadanina, ài ma wo lɔn. 36Wo le y'a ma, ài kà diɲa a yi bala ài lɔ, k'ài talan sunɔɔ lɔ. 37Ǹ'i min fɔla ài yɛ yi ne, ǹ'i wo le fɔla bɛ yɛ, ǹ ko, ài yi to ài ɲana.»
Iliyochaguliwa sasa
Malɛkɛ 13: MBT2023
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Manya Bible Translation, © SIM International, 2023
Malɛkɛ 13
13
Lɔhɔlɔmabonba teko
Matiyu 24.1-2; Luka 21.5-6
1Isa bɔtɔla lɔhɔlɔmabonba luu kɔnɔ, a kɔbiladen dɔ vɛɛ a yɛ: «Kalanmɔɔ, a ye! Lɔhɔlɔmabonba lɔnin kawakulun makawaninnu le le! A jiinkɔnɔ bonnu keinyayine bubale!»
2Kɛɛ Isa do vɛɛ ai yɛ: «I vɛ bon makawanin minu ye? Lon dɔ, wolu bɛ tetɔle tɛtɛ, hali kawakulun fila gbu tɛnala tola i ɲɔɔ kɔkan.»
3Wo kɔ, Isa ka taa a sii Zeituna tini kɔkan, k'a ɲa bɛn lɔhɔlɔmabonba ma. Piyɛli ni Janguba ni Yohana ni Andele ka na a ma doon nɔ, k'a maɲininga, 4ai vɛɛ: «A fɔ mɔ yɛ, ko wolu kɛtɔ waate mindɛ? Tɔɔmase mindɛ kɛtɔ a jiyala k'a fɔ ko, ko wolu kɛtɔle?»
5Isa do vɛɛ ai yɛ: «Ài y'ài jando ài jɛlɛ lɔ, fɔsa mɔɔ mɔɔ kana ài lafili. 6Kamasɔlɔn mɔɔ siyama kɛtɔ nala ǹ tɔɔ lɔ k'a fɔ ko: ‹Ǹe le Masa Tɔɔmasenin ne.› Ai kɛtɔ mɔɔ siyama lafilila wo lɔ. 7Ài vɛ kɛlɛkolu mɛnna ani kɛlɛ mangan, ài hangili kà ɲaami, kamasɔlɔn wolu ka kan ka kɛ, kɛɛ wo tɛ dunuɲa laban ne. 8Sibolomalu wulitɔ i ɲɔɔ kanma. Jamanalu fana wulitɔ i ɲɔɔ kanma. Kɔɔn fitina ni duukolojaajaa kɛtɔ dingila siyama lɔ. Wo bɛ kɛtɔ tɔlɔya damina le le, iwo tinkɔnɔdimin.
9 #
Matiyu 10.17-20; Luka 12.11, 12. «Ài y'ài jando ài jɛlɛ lɔ ka bɛn mɔɔlu ma, kamasɔlɔn ai kɛtɔ taala ài le kititɛɛbonnu la, ani k'ài gbasi gbusan na Aladalibonnu la, ani k'ài lalɔ jamanatiilu ni masakɛlu ɲakɔlɔ ka bɛn ǹa ko ma. Àilu gbu le kɛtɔ ǹe masele le wo lɔ, ka ǹa ko fɔ wolu yɛ. 10Wo lɔ saa, fɔ Samakan Kein la yi se siboloma bɛ ma kunfɔlɔ le.
11«Ai vɛ kɛla taala ài le kititɛɛbonnu la, ài ka kan ka min fɔ, ài kà hamin wo le. Kuma min ditɔ ài ma wo waate kelen nɔ, ài yi wo le fɔ, kamasɔlɔn àilu gbu tɛnala kumala, mafɔ Nii Sɛnɛyanin. 12Kɔlɔmamɔɔ kɛtɔ a badenma donna mɔɔlu bolo a faako lɔ. Fa fana kɛtɔ wo suu le kɛla a den na. Dennu wulitɔ ai sɔlɔnbalu kanma k'ai don mɔɔlu bolo ai faako lɔ. 13#Matiyu 10.22.Ài gbeyatɔ mɔɔ bɛ yɛ ka bɛn ǹa ko ma. Kɛɛ ni mɔɔ min ka gbeleya mina a ma ka sii tɔlɔya laban na, wo tii yi kisile.»
Tiɲalikɛba kɔsɔnin
Matiyu 24.15-21; Luka 21.20-24
14«Ài vɛ tiɲalikɛba kɔsɔnin yena lɔnin dingila dɔ lɔ, a man kan ka kɛ tɛɛminja (sɛvɛ min kalanba y'a lɔja ka min ɲaye), wo vɛ kɛla, mɔɔ minu yi Jude koovi lɔ, wolu yi bɔli ka taa tinima dingilalu lɔ. 15#Luka 17.31.Ni waate wo ka mɔɔ min talan bon kɔkan, wo tii kà jii bon kɔnɔ a bolofennu tako lɔ. 16Ni wo do ka mɔɔ min talan sɛnɛ lɔ, wo tii kà seikɔ aa faaniba tako lɔ. 17Wo lonnu vɛ sena, gbalo kɛtɔ kɔnɔma ni dematiikulalu yɛ. 18Ài yi Ala dali fɔsa ko wolu kana bɛn nɛnɛbɔ waate ma. 19#Ko Lankɛnɛmayanin 7.14.Kamasɔlɔn wo waate tɔlɔya suu ma kɛ ba bene, ka ta dunuɲa dan waate ma Ala bolo, haan fɔɔ ka na sii bi la, ado tɔlɔya wo ɲɔɔzii tɛnala kɛla butu tuun. 20Ni mɔ Tii tɛɛ ma wo tɔlɔya waate lɔsulunya, adamaden foi tɛɛ tɛnala kisila. Kɛɛ ka bɛn Ala ya mɔɔ taninnu ma, a kɛtɔ a dɔ bɔla tele wolu la. 21Wo waate, ni mɔɔ dɔ k'a fɔ ài yɛ, a vɛɛ: ‹A ye, Masa Tɔɔmasenin yi jan ne!› niwotɛ: ‹A ye, a yi jan ve!› ài kà la wo foi la. 22Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ni kawanankolu kɛla, fɔsa Ala ya mɔɔ taninnu la yi fili, ni wo ka se kɛla. 23Ài y'ài jando ài jɛlɛ lɔ. M̀'ɛ wo ko bɛ fɔ ài yɛ jani a waate yi se.
Mɔɔnivin Tanin nako
Matiyu 24.29-31; Luka 21.25-26
24 #
Ko Lankɛnɛmayanin 6.12. «Wo waate, tɔlɔya wo vɛ timinna, tele fintɔ. Kalo tɛnala gbɛla butu. 25#Ko Lankɛnɛmayanin 6.13.Lolonilu benbentɔ ka bɔ sangbolo lɔ, ado sangbololɔ fangatiilu lamaamaatɔ. 26#Ko Lankɛnɛmayanin 1.7.Wo vɛ kɛla, mɔɔlu kɛtɔ Mɔɔnivin Tanin natɔla yena sanbiliya lɔ seetiiya makawanin ni magbiliyali boloma. 27Wo kɔ, a kɛtɔ aa mɛlɛkalu lataala dunuɲa tongun naani bɛ la. Ka damina dunuɲa kun ma ka taa sii a juu la, aa mɛlɛkalu kɛtɔ aa mɔɔ taninnu ladɛnna.»
Toloju misali
Matiyu 24.32-35; Luka 21.29-33
28Ài yi hangili sɔlɔn ka bɛn toloju misali ma. Ài v'a bolo kula ni a bulu nɛlennu yena, ài y'a lɔn ko telema ma vɛ sulunya. 29Wo boloɲa kelen ma, ni ài ka ko wolu ye kɛla, ài y'a lɔn ko ǹ na waate ma vɛ sulunya, a do vɛ to dɔni, a yi se. 30Ǹ'i tuɲa fɔ ài yɛ, bi mɔɔlu bɛ tɛnala banna sala, fɔ ko wolu bɛ vɛ kɛla ka dafa. 31Sangbolo ni duukolo tununtɔle, kɛɛ ǹ kumakannu tɛnala tununna tuun!
Mɔɔ ma dunuɲa laban waate lɔn
Matiyu 24.36-44
32 #
Matiyu 24.36. «Ko minu kɛtɔ lon min na ani waate min nɔ, mɔɔ suu suu ma wo lɔn, hali mɛlɛkalu gbu minu yi haijɛnɛ. Hali Denkɛ gbu m'a lɔn, mafɔ mɔ Fa Ala kelenpesa. 33Ài yi to ài ɲana, kamasɔlɔn ài ma ko wolu kɛ waate lɔn. 34#Luka 12.36-38.A kɛyine iwo kɛ́ min tɛɛ taama boloma. A ka aa bonnako bɛ kalifa aa bɔidennu la, a bɛ ni a ta baale. A k'a fɔ dalasiiba yɛ ko a yi to a ɲana. 35Wo boloɲa kelen ma, àilu fana yi to ài ɲana, kamasɔlɔn bontii natɔ waate min nɔ, ài ma wo lɔn. A yi na wula le la o, sutala le ma o, suba le ma o, niwotɛ sɔɔmadanina, ài ma wo lɔn. 36Wo le y'a ma, ài kà diɲa a yi bala ài lɔ, k'ài talan sunɔɔ lɔ. 37Ǹ'i min fɔla ài yɛ yi ne, ǹ'i wo le fɔla bɛ yɛ, ǹ ko, ài yi to ài ɲana.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Manya Bible Translation, © SIM International, 2023