Malɛkɛ 16
16
Isa wuliko ka bɔ saya lɔ
Matiyu 28.1-8; Luka 24.1-12; Yohana 20.1-10
1Nɔningɛlon timinnin kɔ, Mɔyamu Magidalaka ni Salome ani Janguba ba Mɔyamu ka tulu sumadiyaninnu san ko ai taatɔ wo kɛla Isa fuleni kan. 2Lailon sɔɔmadanina tele bɔ waate, ai vɛ taala kabulu dala. 3Ai tɛɛ i ɲɔɔ maɲiningala siya la, ai vɛɛ: «Jene kɛtɔ kawa makulukulula k'a bɔ kabulu da la mɔ yɛ?»
4Kɛɛ ai ka kabulu lasaa mingɛ, ai k'a ye ko kawa ba dɛgbɛ wo ma tɛɛ vɛ kulukulu ka bɔ a nɔ lɔ. 5Ai ka don mingɛ kawawoo kabulu lɔ, ai ka kavelen dɔ siinin ye ai bolokini fannɔ, pipɔ gbɛ v'a kanna. Ai do ka siyan bubale.
6Kɛɛ kavelen do vɛɛ ai yɛ: «Ài kà siyan. Ǹ k'a lɔn ài yi Isa Nazalɛtika le ɲininna, min gbaannin tɛɛ kɔlɔman ma. A v'i wuli! A tɛ jan. Ai na a fuleni lala tɛɛminja, ài ɲa kaa vɛ je. 7#Matiyu 26.32; Malɛkɛ 14.28.Kɛɛ ài yi taa a fɔ vɛ Piyɛli ni a kɔbiladen tɔlu yɛ ko a taatɔ Galile ài ɲa. Ài kɛtɔ a yena je, iwo a k'a fɔ ài yɛ teme.»
8Wo kɛ, mosolu vɛ bɔlila ka bɔ kawawoo kabulu lɔ, ai lɔ vɛ jaajaala siyan boloma. Ai do ma ko fɔ mɔɔ suu suu yɛ, kamasɔlɔn ai tɛɛ siyanna.
Isa k'a jɛlɛ jiya Magidalaka Mɔyamu la teme
Matiyu 28.9-10; Yohana 20.11-18
9Isa k'i wuli ka bɔ saya lɔ Lailon sɔɔmadanina. A wuli kɔ, a k'a jɛlɛ jiya Magidalaka Mɔyamu la kunfɔlɔ le, a tɛɛ vɛ jina wolowulan gbɛn ka bɔ min nɔ. 10Mɔyamu ka taa ko wo fɔ Isa kɔbiladennu yɛ, k'ai talan kasila josomakasa boloma. 11Ai k'a mɛn mingɛ ko Isa y'a nii la, ani Mɔyamu na a yena, ai ma la wo la.
Isa k'a jɛlɛ jiya a kɔbiladen fila la teme
Luka 24.13-35
12Wo kɔ, Isa k'a jɛlɛ jiya a kɔbiladen fila la boloɲa gbɛlɛ ma, ai tɛɛ taala waate min nɔ soni dɔ la. 13Mɔɔ fila wolu k'ai kɔsei Jelusalɛmu ka taa wo ɲafɔ ai kɔbiladenɲɔɔlu yɛ, kɛɛ wolu ma la ai la.
Isa k'a jɛlɛ jiya aa keladen mɔɔ tan ni kelen (11) na teme
Matiyu 28.16-20; Luka 24.36-49; Yohana 20.19-23
14A laban nɔ, Isa k'a jɛlɛ jiya aa keladen mɔɔ tan ni kelen (11) na, ai tɛɛ dɔnnila waate min nɔ. A do k'ai makuma ka bɛn aiya limaniyabaliya ma ani aiya kunnɔgbeleya. Kamasɔlɔn ai ma la mɔɔ wolu la minu na a ɲɛnɛma yena a wuli kɔ ka bɔ saya lɔ. 15#Kɛkolu 1.8.A do vɛɛ ai yɛ: «Ài yi taa dunuɲa fan bɛ lɔ ka Samakan Kein lase mɔɔ bɛ ma. 16Ni mɔɔ min ka limaniya k'a mako ji kɔlɔ, wo tii yi kisile. Kɛɛ do, ni mɔɔ min ma limaniya, wo tii jobaliyatɔle feu. 17Limaniyamɔɔlu kɛtɔ tɔɔmase minu jiyala, wolu le ne: Ai kɛtɔ jinalu gbɛnna mɔɔlu lɔ ǹ tɔɔ lɔ, ani ka kuma kan gbɛlɛlu lɔ, ai tɛɛ ma minu lɔn kɔlɔkɔlɔ le. 18Ai kɛtɔ sa ɲɛnɛmalu minala ai bolo la. Ni ai do ka jeemun suu suu min, foi tɛnala kɛla ai la. Ni ai k'ai bolo la jangalobatɔ min kɔkan, wo tii yi kɛnɛyale.»
19 #
Kɛkolu 1.9-11. Mɔ Kuntii Isa ka ban wo fɔla ai yɛ mingɛ, a kɔlɔ ka ta ka taa haijɛnɛ k'i sii Ala bolokini fannɔ.
20Keladennu ka bɔ je ka taa Samakan Kein lase fan bɛ lɔ. Mɔ Kuntii k'ai madɛmɛn baale wo la, ka kawananko see di ai ma, k'a jiya ko kuma wo yi tuɲa le le.
Iliyochaguliwa sasa
Malɛkɛ 16: MBT2023
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Manya Bible Translation, © SIM International, 2023
Malɛkɛ 16
16
Isa wuliko ka bɔ saya lɔ
Matiyu 28.1-8; Luka 24.1-12; Yohana 20.1-10
1Nɔningɛlon timinnin kɔ, Mɔyamu Magidalaka ni Salome ani Janguba ba Mɔyamu ka tulu sumadiyaninnu san ko ai taatɔ wo kɛla Isa fuleni kan. 2Lailon sɔɔmadanina tele bɔ waate, ai vɛ taala kabulu dala. 3Ai tɛɛ i ɲɔɔ maɲiningala siya la, ai vɛɛ: «Jene kɛtɔ kawa makulukulula k'a bɔ kabulu da la mɔ yɛ?»
4Kɛɛ ai ka kabulu lasaa mingɛ, ai k'a ye ko kawa ba dɛgbɛ wo ma tɛɛ vɛ kulukulu ka bɔ a nɔ lɔ. 5Ai ka don mingɛ kawawoo kabulu lɔ, ai ka kavelen dɔ siinin ye ai bolokini fannɔ, pipɔ gbɛ v'a kanna. Ai do ka siyan bubale.
6Kɛɛ kavelen do vɛɛ ai yɛ: «Ài kà siyan. Ǹ k'a lɔn ài yi Isa Nazalɛtika le ɲininna, min gbaannin tɛɛ kɔlɔman ma. A v'i wuli! A tɛ jan. Ai na a fuleni lala tɛɛminja, ài ɲa kaa vɛ je. 7#Matiyu 26.32; Malɛkɛ 14.28.Kɛɛ ài yi taa a fɔ vɛ Piyɛli ni a kɔbiladen tɔlu yɛ ko a taatɔ Galile ài ɲa. Ài kɛtɔ a yena je, iwo a k'a fɔ ài yɛ teme.»
8Wo kɛ, mosolu vɛ bɔlila ka bɔ kawawoo kabulu lɔ, ai lɔ vɛ jaajaala siyan boloma. Ai do ma ko fɔ mɔɔ suu suu yɛ, kamasɔlɔn ai tɛɛ siyanna.
Isa k'a jɛlɛ jiya Magidalaka Mɔyamu la teme
Matiyu 28.9-10; Yohana 20.11-18
9Isa k'i wuli ka bɔ saya lɔ Lailon sɔɔmadanina. A wuli kɔ, a k'a jɛlɛ jiya Magidalaka Mɔyamu la kunfɔlɔ le, a tɛɛ vɛ jina wolowulan gbɛn ka bɔ min nɔ. 10Mɔyamu ka taa ko wo fɔ Isa kɔbiladennu yɛ, k'ai talan kasila josomakasa boloma. 11Ai k'a mɛn mingɛ ko Isa y'a nii la, ani Mɔyamu na a yena, ai ma la wo la.
Isa k'a jɛlɛ jiya a kɔbiladen fila la teme
Luka 24.13-35
12Wo kɔ, Isa k'a jɛlɛ jiya a kɔbiladen fila la boloɲa gbɛlɛ ma, ai tɛɛ taala waate min nɔ soni dɔ la. 13Mɔɔ fila wolu k'ai kɔsei Jelusalɛmu ka taa wo ɲafɔ ai kɔbiladenɲɔɔlu yɛ, kɛɛ wolu ma la ai la.
Isa k'a jɛlɛ jiya aa keladen mɔɔ tan ni kelen (11) na teme
Matiyu 28.16-20; Luka 24.36-49; Yohana 20.19-23
14A laban nɔ, Isa k'a jɛlɛ jiya aa keladen mɔɔ tan ni kelen (11) na, ai tɛɛ dɔnnila waate min nɔ. A do k'ai makuma ka bɛn aiya limaniyabaliya ma ani aiya kunnɔgbeleya. Kamasɔlɔn ai ma la mɔɔ wolu la minu na a ɲɛnɛma yena a wuli kɔ ka bɔ saya lɔ. 15#Kɛkolu 1.8.A do vɛɛ ai yɛ: «Ài yi taa dunuɲa fan bɛ lɔ ka Samakan Kein lase mɔɔ bɛ ma. 16Ni mɔɔ min ka limaniya k'a mako ji kɔlɔ, wo tii yi kisile. Kɛɛ do, ni mɔɔ min ma limaniya, wo tii jobaliyatɔle feu. 17Limaniyamɔɔlu kɛtɔ tɔɔmase minu jiyala, wolu le ne: Ai kɛtɔ jinalu gbɛnna mɔɔlu lɔ ǹ tɔɔ lɔ, ani ka kuma kan gbɛlɛlu lɔ, ai tɛɛ ma minu lɔn kɔlɔkɔlɔ le. 18Ai kɛtɔ sa ɲɛnɛmalu minala ai bolo la. Ni ai do ka jeemun suu suu min, foi tɛnala kɛla ai la. Ni ai k'ai bolo la jangalobatɔ min kɔkan, wo tii yi kɛnɛyale.»
19 #
Kɛkolu 1.9-11. Mɔ Kuntii Isa ka ban wo fɔla ai yɛ mingɛ, a kɔlɔ ka ta ka taa haijɛnɛ k'i sii Ala bolokini fannɔ.
20Keladennu ka bɔ je ka taa Samakan Kein lase fan bɛ lɔ. Mɔ Kuntii k'ai madɛmɛn baale wo la, ka kawananko see di ai ma, k'a jiya ko kuma wo yi tuɲa le le.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Manya Bible Translation, © SIM International, 2023