Malɛkɛ 8
8
Isa ka mɔɔ waa naani (4 000) balo teme
Matiyu 15.32-39
1Wo lonnu lɔ, jama ba ka na k'i ladɛn Isa ma kɔtunun, ado balo foi tɛɛ tɛ ai bolo. Wo le k'a kɛ, Isa k'a kɔbiladennu kili k'a fɔ ai yɛ, a vɛɛ: 2«Jama min hena yi ǹ na, kamasɔlɔn ai vɛ tele sawa kɛ ǹ fɛ jan, ado balo suu suu tɛ ai bolo. 3Ni ǹ k'ai kɔɔntɔ labila ten, ai kilontɔ siya la, kamasɔlɔn a dɔlu bɔnin dingila majaan ne lɔ.»
4A kɔbiladennu do vɛɛ a yɛ: «M'i se bulu sɔlɔnna di dingila lɔkolon min nɔ, fɔsa mɔɔ minu yi dɔnni kɛ k'ai fa?»
5Wo fɔ, Isa k'ai maɲininga, a vɛɛ: «Bulukala jein ne ài bolo?»
Ai do vɛɛ: «Bulukala wolowulan.»
6Isa k'a fɔ jama yɛ ko ai y'ai sii duu ma. Wo kɛ, a ka bulukala wolowulan wolu ta ka balika bɔ Ala yɛ, k'a lɔkalikali, k'a di a kɔbiladennu ma ko ai y'a lɔtala jama wotɛ. Ai do ka wo kɛ. 7Jɛɛni dana fana tɛɛ ai bolo. Isa ka balika bɔ Ala yɛ kɔtunun ka bɛn wolu ma, k'a fɔ a kɔbiladennu yɛ ko ai yi jɛɛ lɔtala jama wotɛ. 8Ai wɔlinin, Isa kɔbiladennu ka bulu ni jɛɛ kulunkulun tɔlu ladɛn, ka gbɔlɔ ɲa wolowulan lafa wolu le. 9Ado mɔɔ waa naani (4 000) jate tɛɛ je. Wo kɔ, Isa ka jama labila. 10Ale ni a kɔbiladennu ka don kulun kɔnɔ telemanin ka taa Damanuta koovi lɔ.
Falisilu k'a fɔ ko Isa yi kawananko dɔ kɛ
Matiyu 16.1-4
11 #
Matiyu 12.38; Luka 11.16. Falisi dɔlu ka na Isa ma, k'a sɔsɔ damina a lɔsumanko lɔ, ko a yi kawananko tɔɔmase dɔ kɛ ai ɲakɔlɔ min bɔnin Ala fɛ. 12#Matiyu 12.39; Luka 11.29.Wo lɔ, Isa k'a nunakili bakɛ k'a fɔ, a vɛɛ: «Mindɛ lɔ bi mɔɔlu yi kawananko tɔɔmase dɔ ɲininna? Ǹ'i tuɲa fɔ ài yɛ, tɔɔmase foi tɛ jiya bi mɔɔlu la.»
13Wo fɔ Isa bolo, a k'ai to je ka don kulun kɔnɔ kɔtunun ka taa kɔɔ kɔma a kɔbiladennu le.
Falisilu ni Helodi ya bululafununsɛɛ
Matiyu 16.5-12
14Isa kɔbiladennu do ka ɲina, ai ma bulu ta fɔ bulukala kelen dein, min tɛɛ ai bolo kulun kɔnɔ. 15#Luka 12.1.Ado Isa vɛ ai lalila, a vɛɛ: «Ài y'ài jando ài jɛlɛ lɔ ka bɛn Falisilu ni Masakɛ Helodi ya bululafununsɛɛ ma.»
16Wo fɔ Isa bolo, a kɔbiladennu v'a fɔla i ɲɔɔ yɛ, ai vɛɛ: «A yi wo fɔla kamasɔlɔn bulu tɛ mɔ bolo.»
17Isa k'ai miliya lɔn mingɛ, a vɛɛ ai yɛ: «Mindɛ y'a kɛla vɛ ài y'a fɔla ko bulu tɛ ài bolo? Ài m'a ɲaye ba bene? Ài josokun jayine? 18#Malɛkɛ 4.12.Ɲa y'ài ma, ài do tɛ yeni kɛla? Tolo y'ài ma, ài do tɛ ko mɛnna? Ài hangili ma to ko minu lɔ? 19Ǹ na bulukala loolu tala mingɛ ka kɛ́ mɔɔ waa loolu (5 000) balo, ài na gbɔlɔ ɲa jein lafala bulu kulunkulun tɔ la?»
Ai k'a javi, ai vɛɛ: «Gbɔlɔ ɲa tan ni fila (12).»
20Isa vɛɛ: «Ǹ na bulukala wolowulan tala ka kɛ́ waa naani (4 000) balo mingɛ, ài na gbɔlɔ ɲa jein lafala bulu kulunkulun tɔ la?»
Ai vɛɛ: «Gbɔlɔ ɲa wolowulan.»
21Wo fɔ, a do vɛɛ ai yɛ: «A yi di, ài tɛ wo ɲayena?»
Isa ka ɲagbɛ ɲa laka teme
22Wo kɔ, Isa nu ka se Betisaida so kɔnɔ. Mɔɔ dɔlu ka na ɲagbɛ kɛ́ dɔ le Isa fɛ, k'a madiya ko a a bolo la a kɔkan k'a lakɛnɛya. 23Wo lɔ, Isa ka ɲagbɛ mina a bolo ma ka taa a le so kɔma. A do k'a daji kɛ a ɲa ma, k'a bolo la a kɔkan mingɛ, a vɛɛ a yɛ: «I yi fen yena?»
24Kɛ́ k'a ɲa lawuli k'a fɔ, a vɛɛ: «Ǹ'i mɔɔlu yena, kɛɛ ai kɛyine iwo kɔlɔmanju minu yi taamana.» 25Isa k'a bolo bilin a ɲa kɔkan kɔtunun. Kɛ́ do ɲa la ka ka. A tɛɛ yeni kɛla kobɛn. 26Wo lɔ, Isa ka kɛ́ lataa aa bon na k'a lali, a vɛɛ: «I kà seikɔ so wo la.»
Jene gbu yi Isa le?
Matiyu 16.13-20; Luka 9.18-21
27Lon dɔ, Isa ni a kɔbiladennu ka siya mina ka taa Sezale Filipi laminin solu la. Ai ka to siya kɔkan, a k'ai maɲininga, a vɛɛ: «Mɔɔlu yi ǹ jatela jene le?»
28 #
Malɛkɛ 6.14, 15; Luka 9.7, 8. Ai k'a javi, ai vɛɛ: «A dɔlu y'a fɔla ko Makolikɛba Yaya le i le. A dɔlu fana y'a fɔla ko Nabi Iliya le i le. A dɔgbɛlɛlu y'a fɔla ko kela kɔlɔkɔlɔ dɔ le i le.»
29 #
Yohana 6.68, 69. Wo fɔ ai bolo, Isa k'ai maɲininga, a vɛɛ: «Àilu do? Ài yi ǹ jatela jene le?»
Piyɛli k'a javi, a vɛɛ: «Ile le Masa Tɔɔmasenin ne.»
30Isa do k'a fɔ ai yɛ k'a magbeleya ko ai kà wo fɔ mɔɔ suu suu yɛ.
Isa ka aa saya ni a wuliko fɔ
Matiyu 16.21-28; Luka 9.22-27
31Wo kɔ, Isa k'a kɔbiladennu kalan damina ko ale Mɔɔnivin Tanin ka kan ka tɔlɔya siyama masɔlɔn. Kɛmɔbalu ni salakalase kuntiibalu ni seliya kalanmɔɔlu kɛtɔ ai banna a lɔ, k'a mina, ani k'a faa. Kɛɛ tele fila a sawana, a wulitɔ ka bɔ saya lɔ.
32Isa ka wo fɔ k'a lagbɛ. Wo lɔ, Piyɛli k'i dɔni mataa Isa le, k'a makuma damina. 33Kɛɛ Isa k'i kɔdon mingɛ k'a kɔbiladennu ye, a ka Piyɛli makuma, a vɛɛ: «Ile Soitana, bɔ ǹ kɔ! Kamasɔlɔn i t'i milila Ala sawonankolu ma, mafɔ adamadennu sawonankolu.»
34 #
Matiyu 10.38; Luka 14.27. Wo kɛ, Isa ka jama ni a kɔbiladennu kili k'a fɔ ai yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, ka a gbaankɔlɔman ta ka bila ǹ kɔ. 35#Matiyu 10.39; Luka 17.33; Yohana 12.25.Kamasɔlɔn ni mɔɔ mɔɔ si y'a fɛ ka a nii lakisi, wo tii bɔnɔtɔ a la. Ni do mɔɔ min vɛ bɔnɔla a nii la ka bɛn ǹe ni Samakan Kein ma, wo tii kɛtɔ a nii lakisila. 36A yi di? Ni mɔɔ ka dunuɲa bɛ sɔlɔn ka bɔnɔ a nii la, nafa mindɛ le yi wo la? 37Mɔɔ yi se mindɛ dila k'i nii kunmaka? 38Wo le kɛtɔ a kɛla, ni mɔɔ min vɛ maloyala ǹe ni ǹ kumakannu le bi lanandeyabalilu ni Alalɔnbalilu ɲakɔlɔ, wo vɛ kɛla, Mɔɔnivin Tanin yi maloyale wo tii le, a vɛ nala lon min na a Fa aa magbiliyali lɔ, lɔhɔlɔma mɛlɛkalu v'a fɛ.»
Iliyochaguliwa sasa
Malɛkɛ 8: MBT2023
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Manya Bible Translation, © SIM International, 2023
Malɛkɛ 8
8
Isa ka mɔɔ waa naani (4 000) balo teme
Matiyu 15.32-39
1Wo lonnu lɔ, jama ba ka na k'i ladɛn Isa ma kɔtunun, ado balo foi tɛɛ tɛ ai bolo. Wo le k'a kɛ, Isa k'a kɔbiladennu kili k'a fɔ ai yɛ, a vɛɛ: 2«Jama min hena yi ǹ na, kamasɔlɔn ai vɛ tele sawa kɛ ǹ fɛ jan, ado balo suu suu tɛ ai bolo. 3Ni ǹ k'ai kɔɔntɔ labila ten, ai kilontɔ siya la, kamasɔlɔn a dɔlu bɔnin dingila majaan ne lɔ.»
4A kɔbiladennu do vɛɛ a yɛ: «M'i se bulu sɔlɔnna di dingila lɔkolon min nɔ, fɔsa mɔɔ minu yi dɔnni kɛ k'ai fa?»
5Wo fɔ, Isa k'ai maɲininga, a vɛɛ: «Bulukala jein ne ài bolo?»
Ai do vɛɛ: «Bulukala wolowulan.»
6Isa k'a fɔ jama yɛ ko ai y'ai sii duu ma. Wo kɛ, a ka bulukala wolowulan wolu ta ka balika bɔ Ala yɛ, k'a lɔkalikali, k'a di a kɔbiladennu ma ko ai y'a lɔtala jama wotɛ. Ai do ka wo kɛ. 7Jɛɛni dana fana tɛɛ ai bolo. Isa ka balika bɔ Ala yɛ kɔtunun ka bɛn wolu ma, k'a fɔ a kɔbiladennu yɛ ko ai yi jɛɛ lɔtala jama wotɛ. 8Ai wɔlinin, Isa kɔbiladennu ka bulu ni jɛɛ kulunkulun tɔlu ladɛn, ka gbɔlɔ ɲa wolowulan lafa wolu le. 9Ado mɔɔ waa naani (4 000) jate tɛɛ je. Wo kɔ, Isa ka jama labila. 10Ale ni a kɔbiladennu ka don kulun kɔnɔ telemanin ka taa Damanuta koovi lɔ.
Falisilu k'a fɔ ko Isa yi kawananko dɔ kɛ
Matiyu 16.1-4
11 #
Matiyu 12.38; Luka 11.16. Falisi dɔlu ka na Isa ma, k'a sɔsɔ damina a lɔsumanko lɔ, ko a yi kawananko tɔɔmase dɔ kɛ ai ɲakɔlɔ min bɔnin Ala fɛ. 12#Matiyu 12.39; Luka 11.29.Wo lɔ, Isa k'a nunakili bakɛ k'a fɔ, a vɛɛ: «Mindɛ lɔ bi mɔɔlu yi kawananko tɔɔmase dɔ ɲininna? Ǹ'i tuɲa fɔ ài yɛ, tɔɔmase foi tɛ jiya bi mɔɔlu la.»
13Wo fɔ Isa bolo, a k'ai to je ka don kulun kɔnɔ kɔtunun ka taa kɔɔ kɔma a kɔbiladennu le.
Falisilu ni Helodi ya bululafununsɛɛ
Matiyu 16.5-12
14Isa kɔbiladennu do ka ɲina, ai ma bulu ta fɔ bulukala kelen dein, min tɛɛ ai bolo kulun kɔnɔ. 15#Luka 12.1.Ado Isa vɛ ai lalila, a vɛɛ: «Ài y'ài jando ài jɛlɛ lɔ ka bɛn Falisilu ni Masakɛ Helodi ya bululafununsɛɛ ma.»
16Wo fɔ Isa bolo, a kɔbiladennu v'a fɔla i ɲɔɔ yɛ, ai vɛɛ: «A yi wo fɔla kamasɔlɔn bulu tɛ mɔ bolo.»
17Isa k'ai miliya lɔn mingɛ, a vɛɛ ai yɛ: «Mindɛ y'a kɛla vɛ ài y'a fɔla ko bulu tɛ ài bolo? Ài m'a ɲaye ba bene? Ài josokun jayine? 18#Malɛkɛ 4.12.Ɲa y'ài ma, ài do tɛ yeni kɛla? Tolo y'ài ma, ài do tɛ ko mɛnna? Ài hangili ma to ko minu lɔ? 19Ǹ na bulukala loolu tala mingɛ ka kɛ́ mɔɔ waa loolu (5 000) balo, ài na gbɔlɔ ɲa jein lafala bulu kulunkulun tɔ la?»
Ai k'a javi, ai vɛɛ: «Gbɔlɔ ɲa tan ni fila (12).»
20Isa vɛɛ: «Ǹ na bulukala wolowulan tala ka kɛ́ waa naani (4 000) balo mingɛ, ài na gbɔlɔ ɲa jein lafala bulu kulunkulun tɔ la?»
Ai vɛɛ: «Gbɔlɔ ɲa wolowulan.»
21Wo fɔ, a do vɛɛ ai yɛ: «A yi di, ài tɛ wo ɲayena?»
Isa ka ɲagbɛ ɲa laka teme
22Wo kɔ, Isa nu ka se Betisaida so kɔnɔ. Mɔɔ dɔlu ka na ɲagbɛ kɛ́ dɔ le Isa fɛ, k'a madiya ko a a bolo la a kɔkan k'a lakɛnɛya. 23Wo lɔ, Isa ka ɲagbɛ mina a bolo ma ka taa a le so kɔma. A do k'a daji kɛ a ɲa ma, k'a bolo la a kɔkan mingɛ, a vɛɛ a yɛ: «I yi fen yena?»
24Kɛ́ k'a ɲa lawuli k'a fɔ, a vɛɛ: «Ǹ'i mɔɔlu yena, kɛɛ ai kɛyine iwo kɔlɔmanju minu yi taamana.» 25Isa k'a bolo bilin a ɲa kɔkan kɔtunun. Kɛ́ do ɲa la ka ka. A tɛɛ yeni kɛla kobɛn. 26Wo lɔ, Isa ka kɛ́ lataa aa bon na k'a lali, a vɛɛ: «I kà seikɔ so wo la.»
Jene gbu yi Isa le?
Matiyu 16.13-20; Luka 9.18-21
27Lon dɔ, Isa ni a kɔbiladennu ka siya mina ka taa Sezale Filipi laminin solu la. Ai ka to siya kɔkan, a k'ai maɲininga, a vɛɛ: «Mɔɔlu yi ǹ jatela jene le?»
28 #
Malɛkɛ 6.14, 15; Luka 9.7, 8. Ai k'a javi, ai vɛɛ: «A dɔlu y'a fɔla ko Makolikɛba Yaya le i le. A dɔlu fana y'a fɔla ko Nabi Iliya le i le. A dɔgbɛlɛlu y'a fɔla ko kela kɔlɔkɔlɔ dɔ le i le.»
29 #
Yohana 6.68, 69. Wo fɔ ai bolo, Isa k'ai maɲininga, a vɛɛ: «Àilu do? Ài yi ǹ jatela jene le?»
Piyɛli k'a javi, a vɛɛ: «Ile le Masa Tɔɔmasenin ne.»
30Isa do k'a fɔ ai yɛ k'a magbeleya ko ai kà wo fɔ mɔɔ suu suu yɛ.
Isa ka aa saya ni a wuliko fɔ
Matiyu 16.21-28; Luka 9.22-27
31Wo kɔ, Isa k'a kɔbiladennu kalan damina ko ale Mɔɔnivin Tanin ka kan ka tɔlɔya siyama masɔlɔn. Kɛmɔbalu ni salakalase kuntiibalu ni seliya kalanmɔɔlu kɛtɔ ai banna a lɔ, k'a mina, ani k'a faa. Kɛɛ tele fila a sawana, a wulitɔ ka bɔ saya lɔ.
32Isa ka wo fɔ k'a lagbɛ. Wo lɔ, Piyɛli k'i dɔni mataa Isa le, k'a makuma damina. 33Kɛɛ Isa k'i kɔdon mingɛ k'a kɔbiladennu ye, a ka Piyɛli makuma, a vɛɛ: «Ile Soitana, bɔ ǹ kɔ! Kamasɔlɔn i t'i milila Ala sawonankolu ma, mafɔ adamadennu sawonankolu.»
34 #
Matiyu 10.38; Luka 14.27. Wo kɛ, Isa ka jama ni a kɔbiladennu kili k'a fɔ ai yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, ka a gbaankɔlɔman ta ka bila ǹ kɔ. 35#Matiyu 10.39; Luka 17.33; Yohana 12.25.Kamasɔlɔn ni mɔɔ mɔɔ si y'a fɛ ka a nii lakisi, wo tii bɔnɔtɔ a la. Ni do mɔɔ min vɛ bɔnɔla a nii la ka bɛn ǹe ni Samakan Kein ma, wo tii kɛtɔ a nii lakisila. 36A yi di? Ni mɔɔ ka dunuɲa bɛ sɔlɔn ka bɔnɔ a nii la, nafa mindɛ le yi wo la? 37Mɔɔ yi se mindɛ dila k'i nii kunmaka? 38Wo le kɛtɔ a kɛla, ni mɔɔ min vɛ maloyala ǹe ni ǹ kumakannu le bi lanandeyabalilu ni Alalɔnbalilu ɲakɔlɔ, wo vɛ kɛla, Mɔɔnivin Tanin yi maloyale wo tii le, a vɛ nala lon min na a Fa aa magbiliyali lɔ, lɔhɔlɔma mɛlɛkalu v'a fɛ.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Manya Bible Translation, © SIM International, 2023