Éxodo 21
21
Mandaliletic yu'un manbil abatetic
(Dt 15.12-18)
1Soc jich la yal xan te Cajwaltique:
—Ja' me mandaliletic ya awac'bey ta stojolic in to:
2“Teme ya aman jtul hebreo ya awabatin, waqueb nax me ja'wil ya x'at'ej awu'un. Ta sjuquebal ja'wil ya me xjil ta libre. 3Teme stuquel tale, stuquel me ya xbajt'. O ay yinam ya xtal, soc me yinam ya xjil ta libre. 4Yan teme ac'bot yinam yu'un te yajwale, te alaletic ya x'ayin yu'unique, ya me xjil soc sme' ta sna te yajwale, te abate stuquel me ya xbajt'. 5Yan teme ya yal te abat: “C'ux ta co'tan te cajwal, te quiname, soc te jnich'nab, ma jc'an xjilon ta libre”, teme xie, 6jich yu'un te yajwal ya me yic' bael ta stojol Dios, ya me xba stejc'an ta ti'nail, o teme ja' ta bay smarcoile, te yajwal ya me sjutbey xchiquin ta muc'ul aguja, jich me ya xjil ta abatil ta jc'axel.#Lv 25.39-46.
7“Teme ay mach'a ya xchon bael yantsil-nich'an ta criadail, ma me jichuc ya xjil ta libre stuquel te bit'il winiquetic te ayic ta abatile. 8Teme ma la smulan te yajwal te ya yic' yinamine, ya me xju' ya yich' manel loq'uel ta taq'uin yu'un stat o yermanotac. Manchuc me chebajemix yo'tan ta stojol, ma me xju' ya xchonbey jyanlum winic. 9Teme ja' ya yac'bey yinamin te snich'ane, jich me ya xc'ot ta yo'tan te bit'il mero yantsil-nich'ane. 10Teme ya yic' yan ants yinamine, ma me sts'ujtesbey swe'el soc sc'u'-spac', soc pajal me ya yinamin soc te yane. 11Teme ma c'ot ta pasel in oxeb aiyejetic to, jich nax ac'a jiluc ta libre te antse. Ma yejt'aluc ya yich' manel loq'uel ta taq'uin —xi' te Cajwaltique.
Mandaliletic yu'un te mach'atic ya yuts'in sbaique
12Soc jich la yal xan te Cajwaltique:
—Teme ay mach'a ya yejch'entes jtuluc, teme laj bael yu'une, ac'a lajuc uuc.#Lv 24.17. 13Yan teme ma jichuc snopoj ta yo'tan te mach'a ejch'enteswane, teme ja' nix jich la sc'an yo'tan te Diose, jich yu'un jo'on me ya calbat awaiy te bay ya x'an baele.#Nm 35.10-34; Dt 19.1-13; Jos 20.1-9. 14Yan te mach'a ya yilintay te spat-xujq'ue, soc teme ya smil ta spasemal yo'tan, ya me ale ta jyalel, manchuc me ya xbajt' ta xchic'jibal te jmajt'ane, ya me xchajbanbot sc'oplal ta lajel.
15“Teme ay mach'a ya yejch'entes stat, o ja' te sme'e, ya me xchajbanbot sc'oplal ta lajel.
16“Ja' nix jich teme ay mach'a ya yelc'an loq'uel jtuluc te ya xchone, o teme sjoinej ya xtaote, ya me xchajbanbot sc'oplal ta lajel.#Dt 24.7.
17“Teme ay mach'a ya sbolc'optay stat, o ja' te sme', ya me xchajbanbot sc'oplal ta lajel.#Lv 20.9; Mt 15.4; Mr 7.10.
18“Teme ay jtul winic ya stsac sba soc yan te ya yejch'entes ta ton o ta sc'ab, te ya yac' chawajuc ta swayib manchuc me ma la smil ta jyalele, 19te mach'a ejch'enteswan ya xcol ta libre teme jajch' te mach'a ejch'entesbile, soc teme loc' ta beel ta calle, manchuc me soc te snabate'e; ja'uc me to, ya me yac'bey stojol ta poxtayel soc te jayeb c'aal ya xch'ay yu'une.
20“Teme ay mach'a la smaj ta te' te yabat, te manbil abat manchuc teme ants o winic, teme laj ta sc'abe, ya me x'ac'bot stoj ta lajel. 21Teme cuxin xan jun cheb c'aale, ma ba ya x'ac'bot stoj melel yu'uninej te abate.
22“Teme ay cheb winiquetic ya stsac sbaic te ya staic ta ejch'entesel ants te yic'oj alale, teme c'ax yu'un te yale, teme ma ba ya xlaj stuquel te antse, te mach'a la sta smul, ya me yac' multa chican bit'il ya sc'an te smamlal te antse, soc ja' chican bit'il ya snop te jchajbanwanejetique. 23Teme ay bit'il laj te antse, ya me xlaj uuc te mach'a la smile. 24Teme la st'usbey te sit, teme la swuybey te sbaquel ye,#Lv 24.19-20; Dt 19.21; Mt 5.38. teme la sc'asbey te sc'ab, o teme la sc'asbey te yacane, 25teme la xchiq'ue, teme la yejch'entese, o teme la yac'bey majel, ja' nix me jich ac'a yich' uuc.
26“Teme ay mach'a la yejch'entesbey sit te manbil abat manchuc teme ants o winic, teme bolob yu'une, jich nax me ac'a yac' loq'uel ta libre, ja' sjelol ya xc'ot te site. 27Teme ja' la sloq'uesbey te sbaquel yee, jich nax me ac'a yac' loq'uel ta libre, ja' me sjelol ya xc'ot te sbaquel yee.
Mandaliletic yu'un bitic tulan ya xc'ot ta pasel
28“Teme ay wacax ya sluch jtul winic o ants, teme laj yu'une, ya me yich' milel ta ch'ojel ta ton te wacaxe. Ma me xju' ya yich' ti'el te sbaq'uetale. Ja'uc me to, ma me xju' ya yich' castigo te yajwal wacaxe. 29Te wacax te c'aem ta luchwaneje, teme ay mach'a la smile, ac'a me yich' milel ta ch'ojel ta ton te wacax soc te yajwale, teme yu'un nix sna'oj te bit'il ya xluchwan te swacaxe teme ma'yuc sc'oplal ta yo'tane. 30O teme ja' nax ya xc'anbot multa, puersa me ya stoj. Ja' me sjelol ya xc'ot te lajele. 31Teme querem o ach'ix te luchot yu'un te wacaxe, ja' ni me jich ya xc'ot ta pasel ta swenta, jich bit'il te yane. 32Teme ay ya xluchot ta wacax te manbil abat, manchuc teme ants o winic, ya me yich' milel ta ch'ojel ta ton te wacaxe. Te yajwale ya me x'ac'bot lajuneb xcha'winic (30) ta jsejp taq'uin swenta stojol te yabate.
33“Te mach'a jamal ya yijq'uitay spozo, o ay ya spasic pozo te ma ba ya smacbey sti'e; ja'uc me to, teme ay ya xch'ay coel wacax o burro tey a, 34te yajwal pozo, ya me stoj ta taq'uin te chambalame; ja'uc me to, ja' me ya yich' jilel te chambalam lajeme.
35“Te mach'a ay swacax te ya sluch sba soc swacax te yane, teme laj yu'une, ya me yich' chonel te wacax cuxul ya xjile, olil me ya yac'bey sbaic te taq'uine. Ja' ni me jich olil ya yac'bey sbaic sbaq'uetal te wacaxe. 36Teme ya sna' te yajwal te c'aem ta luchaw te swacaxe, teme ja' nax yu'un te ma la yale, ya me sjeltay te chambalam te laje. Ja' me ya yich' jilel te laj ta milele.
Iliyochaguliwa sasa
Éxodo 21: TZOXCH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.
Éxodo 21
21
Mandaliletic yu'un manbil abatetic
(Dt 15.12-18)
1Soc jich la yal xan te Cajwaltique:
—Ja' me mandaliletic ya awac'bey ta stojolic in to:
2“Teme ya aman jtul hebreo ya awabatin, waqueb nax me ja'wil ya x'at'ej awu'un. Ta sjuquebal ja'wil ya me xjil ta libre. 3Teme stuquel tale, stuquel me ya xbajt'. O ay yinam ya xtal, soc me yinam ya xjil ta libre. 4Yan teme ac'bot yinam yu'un te yajwale, te alaletic ya x'ayin yu'unique, ya me xjil soc sme' ta sna te yajwale, te abate stuquel me ya xbajt'. 5Yan teme ya yal te abat: “C'ux ta co'tan te cajwal, te quiname, soc te jnich'nab, ma jc'an xjilon ta libre”, teme xie, 6jich yu'un te yajwal ya me yic' bael ta stojol Dios, ya me xba stejc'an ta ti'nail, o teme ja' ta bay smarcoile, te yajwal ya me sjutbey xchiquin ta muc'ul aguja, jich me ya xjil ta abatil ta jc'axel.#Lv 25.39-46.
7“Teme ay mach'a ya xchon bael yantsil-nich'an ta criadail, ma me jichuc ya xjil ta libre stuquel te bit'il winiquetic te ayic ta abatile. 8Teme ma la smulan te yajwal te ya yic' yinamine, ya me xju' ya yich' manel loq'uel ta taq'uin yu'un stat o yermanotac. Manchuc me chebajemix yo'tan ta stojol, ma me xju' ya xchonbey jyanlum winic. 9Teme ja' ya yac'bey yinamin te snich'ane, jich me ya xc'ot ta yo'tan te bit'il mero yantsil-nich'ane. 10Teme ya yic' yan ants yinamine, ma me sts'ujtesbey swe'el soc sc'u'-spac', soc pajal me ya yinamin soc te yane. 11Teme ma c'ot ta pasel in oxeb aiyejetic to, jich nax ac'a jiluc ta libre te antse. Ma yejt'aluc ya yich' manel loq'uel ta taq'uin —xi' te Cajwaltique.
Mandaliletic yu'un te mach'atic ya yuts'in sbaique
12Soc jich la yal xan te Cajwaltique:
—Teme ay mach'a ya yejch'entes jtuluc, teme laj bael yu'une, ac'a lajuc uuc.#Lv 24.17. 13Yan teme ma jichuc snopoj ta yo'tan te mach'a ejch'enteswane, teme ja' nix jich la sc'an yo'tan te Diose, jich yu'un jo'on me ya calbat awaiy te bay ya x'an baele.#Nm 35.10-34; Dt 19.1-13; Jos 20.1-9. 14Yan te mach'a ya yilintay te spat-xujq'ue, soc teme ya smil ta spasemal yo'tan, ya me ale ta jyalel, manchuc me ya xbajt' ta xchic'jibal te jmajt'ane, ya me xchajbanbot sc'oplal ta lajel.
15“Teme ay mach'a ya yejch'entes stat, o ja' te sme'e, ya me xchajbanbot sc'oplal ta lajel.
16“Ja' nix jich teme ay mach'a ya yelc'an loq'uel jtuluc te ya xchone, o teme sjoinej ya xtaote, ya me xchajbanbot sc'oplal ta lajel.#Dt 24.7.
17“Teme ay mach'a ya sbolc'optay stat, o ja' te sme', ya me xchajbanbot sc'oplal ta lajel.#Lv 20.9; Mt 15.4; Mr 7.10.
18“Teme ay jtul winic ya stsac sba soc yan te ya yejch'entes ta ton o ta sc'ab, te ya yac' chawajuc ta swayib manchuc me ma la smil ta jyalele, 19te mach'a ejch'enteswan ya xcol ta libre teme jajch' te mach'a ejch'entesbile, soc teme loc' ta beel ta calle, manchuc me soc te snabate'e; ja'uc me to, ya me yac'bey stojol ta poxtayel soc te jayeb c'aal ya xch'ay yu'une.
20“Teme ay mach'a la smaj ta te' te yabat, te manbil abat manchuc teme ants o winic, teme laj ta sc'abe, ya me x'ac'bot stoj ta lajel. 21Teme cuxin xan jun cheb c'aale, ma ba ya x'ac'bot stoj melel yu'uninej te abate.
22“Teme ay cheb winiquetic ya stsac sbaic te ya staic ta ejch'entesel ants te yic'oj alale, teme c'ax yu'un te yale, teme ma ba ya xlaj stuquel te antse, te mach'a la sta smul, ya me yac' multa chican bit'il ya sc'an te smamlal te antse, soc ja' chican bit'il ya snop te jchajbanwanejetique. 23Teme ay bit'il laj te antse, ya me xlaj uuc te mach'a la smile. 24Teme la st'usbey te sit, teme la swuybey te sbaquel ye,#Lv 24.19-20; Dt 19.21; Mt 5.38. teme la sc'asbey te sc'ab, o teme la sc'asbey te yacane, 25teme la xchiq'ue, teme la yejch'entese, o teme la yac'bey majel, ja' nix me jich ac'a yich' uuc.
26“Teme ay mach'a la yejch'entesbey sit te manbil abat manchuc teme ants o winic, teme bolob yu'une, jich nax me ac'a yac' loq'uel ta libre, ja' sjelol ya xc'ot te site. 27Teme ja' la sloq'uesbey te sbaquel yee, jich nax me ac'a yac' loq'uel ta libre, ja' me sjelol ya xc'ot te sbaquel yee.
Mandaliletic yu'un bitic tulan ya xc'ot ta pasel
28“Teme ay wacax ya sluch jtul winic o ants, teme laj yu'une, ya me yich' milel ta ch'ojel ta ton te wacaxe. Ma me xju' ya yich' ti'el te sbaq'uetale. Ja'uc me to, ma me xju' ya yich' castigo te yajwal wacaxe. 29Te wacax te c'aem ta luchwaneje, teme ay mach'a la smile, ac'a me yich' milel ta ch'ojel ta ton te wacax soc te yajwale, teme yu'un nix sna'oj te bit'il ya xluchwan te swacaxe teme ma'yuc sc'oplal ta yo'tane. 30O teme ja' nax ya xc'anbot multa, puersa me ya stoj. Ja' me sjelol ya xc'ot te lajele. 31Teme querem o ach'ix te luchot yu'un te wacaxe, ja' ni me jich ya xc'ot ta pasel ta swenta, jich bit'il te yane. 32Teme ay ya xluchot ta wacax te manbil abat, manchuc teme ants o winic, ya me yich' milel ta ch'ojel ta ton te wacaxe. Te yajwale ya me x'ac'bot lajuneb xcha'winic (30) ta jsejp taq'uin swenta stojol te yabate.
33“Te mach'a jamal ya yijq'uitay spozo, o ay ya spasic pozo te ma ba ya smacbey sti'e; ja'uc me to, teme ay ya xch'ay coel wacax o burro tey a, 34te yajwal pozo, ya me stoj ta taq'uin te chambalame; ja'uc me to, ja' me ya yich' jilel te chambalam lajeme.
35“Te mach'a ay swacax te ya sluch sba soc swacax te yane, teme laj yu'une, ya me yich' chonel te wacax cuxul ya xjile, olil me ya yac'bey sbaic te taq'uine. Ja' ni me jich olil ya yac'bey sbaic sbaq'uetal te wacaxe. 36Teme ya sna' te yajwal te c'aem ta luchaw te swacaxe, teme ja' nax yu'un te ma la yale, ya me sjeltay te chambalam te laje. Ja' me ya yich' jilel te laj ta milele.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.