Éxodo 25
25
Majt'anil swenta spasel Nailpac' Templo
(Ex 35.4-9)
1Te Cajwaltic, jich la yalbey te Moisese:
2—Albeya te israeletic, ac'a stsobonic jmajt'an. Ya me stsobonic te jayeb ya sc'an yo'tanic spisil te mach'atic mero spasemal yo'tan ya yaq'uique. 3Te majt'anil ya yich' tsobele: ja' te oro; plata; cobre; 4naubil stsotsil chij bonbil ta morada, ta púrpura soc ta tsaj; t'ujbil lino; stsotsil tentsun; 5snujc'ulel chij te bonbil ta tsaj; t'ujbil nujc'uletic; acacia; 6yaceiteil sit olivo yu'un ch'in c'ajq'uetic; perfumeetic te ya yich' capel soc aceite te ya xtuun cu'un ta ch'ulteswanej soc te ya yich' capel soc pom te bujts'an yiq'ue; 7cornalina; soc yantic t'ujbil tonetic te ya xtuun ta swenta te efod soc ta swenta te bolsa ay ta stan te muc' sacerdote. 8Ya me apasbonic ch'ul awilal, yu'un tey me ya x'ainon ta awolilic. 9Jich me xapas ta spisil te bit'il ya cac'bat awile. Te bi yilel sp'isol te Nailpac' Templo soc spisil te bitic ya xtuun tey a, jich me xapas te bit'il seña ya cac'bat awile.
Scajonil trato
(Ex 37.1-9)
10“Pasa jun cajón ta acacia. Te sp'isole jun metro soc lajuneb centímetro te snajt'ile, jo'eb xchanwinic (65) centímetro te sjamalule, soc jo'eb xchanwinic (65) centímetro te stoylejale. 11Ya me apac'bey ta potsel ta jayal oro ta yutil soc ta spat ta swolol. Ya me abech'bey pimil oro ta xch'ujt' ta sjoyobal. 12Ya me apasbey xch'ocowil ta oro, cheb me xawac'bey ta jujun xujc' yacan. 13Ya me apasbey cheb ste'el ta acacia swenta sq'uechjibal te ya axij c'axele. Ya me apac'bey ta potsel ta jayal oro te ste'ele. 14Xija c'axel ta xch'ocowil te ayic ta jujun xujc' te scajonile, jich me ya aq'uechic bael a. 15Ma me xaloq'ues te ya axij c'axele, jich me ac'a jiluc ta xch'ocowil te cajone. 16Ac'a ochel ta yutil cajón te mandalil ya cac'bate.
17“Pasbeya smajq'uil sti' ta bay ya jtatic perdón ta lequil oro. Jun metro soc lajuneb centímetro te snajt'ile, soc jo'eb xchanwinic (65) centímetro te sjamalule. 18Cheb sloc'ombail querubinetic ya apasbeyic, ya me atenic ta martillo ta xcha'jejch'el te smajq'uil sti'e. 19Jun nax ya xloc' ta pasel soc te cheb querubinetique. Jujun me ya xc'ot ta juju-jejch' te yawil perdone. 20Ya me awac'bey yil sbaic soc ya me awac' stinan sbaic coel ta yilel te yawil perdone. Te xiq'uique ya me awac' slich' sba, ja' me ya yac'beyic yaxinal a te yawil perdone. 21Macbeya coel sti' a te cajone. Tey me ya awac' ochel a te mandalil te ya cac'bate. 22Tey me ya jta jbajtic ta c'op ta sba te smajq'uil sti' ta yolil te cheb querubinetic te ay ta sba scajonil te trato. Tey me ya cac'bat ana' spisil a te bila mandal ya calbat yu'un te israeletique.
Mesa yu'un ch'ul waj
(Ex 37.10-16)
23“Pasa jun mesa ta acacia. Lajuneb yo'winic (90) centímetro te snajt'ile, soc jo'eb yoxwinic (45) centímetro te sjamalule. Ja' me jo'eb xchanwinic (65) centímetro stuquel te stoylejale. 24Pac'beya me ta potsel ta oro. Bech'beya pimil oro ta sjoylejal te sti'ile. 25Pasbeya xch'ujte'al ta sjoylejal, juqueb centímetro me te stoylejale. Bech'a ta pimil oro ta sjoylejal. 26Ya me apasbey chaneb xch'ocowil. Jujun ya awac'bey xch'ocowil te jujun xujc' xchiquin ta stojol te yacane, jich me ta xchanebal. 27Jich me pajal ya xc'ot soc te xch'ujte'al, swenta yu'un tic' me ya xc'ax tey a te ste'el te sq'uechjibale. Jich ya xju' ya yich' q'uechel bael a te mesa. 28Te sq'uechjibal mesa, ja' me ya apas ta acacia, ya me apac'bey ta potsel ta oro. 29Ya me apasbey splatoil ta lequil oro, soc muc'ul cucharaetic, oxometic, tazaetic te ya xtuun yu'un te majt'anil, te ay ya'lel ya xtale. 30Tey me ya awac' ta mesa spisil ora te ch'ul waj cu'une.#Lv 24.5-8.
Scajtijib c'ajq'uetic ta oro
(Ex 37.17-24)
31“Ya me apas scajtijib c'ajq'uetic ta lequil oro, ya me apas ta puro martillo. Jun nax me ya xloc' ta pasel spisil soc te snactijib, te ste'el, te swolwolil soc te xyaxal spat snichimal ta yolil yilele. 32Ya me aloq'uesbey waqueb sc'ab, oxeb me ta juju-jejch'. 33Ta juju-jch'ix ta swaquebal te sc'abe, oxeb me ya apasbey swolwolil, te pajal yilel soc te snich almendro soc te xyaxal spat snichimal ta yolile. 34Yan ta ste'el ta yolil te scajtijib c'ajq'uetic, chaneb me ya apasbey swolwolil, te pajal yilel soc snich almendro ta yolile. 35Ay me jun xyaxal spat snich almendro yilel ta yet'al ta bay jajch'em juju-jchajp te yoxchajbal sc'abc'abe, jun nax me loq'uem ta pasel soc ste'el te scajtijib c'ajq'uetique. 36Ta spisil ya me apas ta lequil oro te ya aten ta martillo. 37Soc ya me apasbey juqueb ch'in c'ajq'uetic. Ya me acajan tey a swenta yu'un ya xojobaj tel ta elawal. 38Ya me apasbey stup'jibal te smechail c'ajq'ue, soc te ch'in splatoil yu'une, ta lequil oro me xapas. 39Ta swenta oxlajuneb xcha'winic (33) kilo te oro ya apas a te scajtijib c'ajq'uetic soc ta spisil te bitic ya xtuun yu'une. 40Ya me anop ta lec te señail, yu'un jich me ya apas te bit'il la cac'bat awil ta witse.#Hch 7.44; Heb 8.5.
Iliyochaguliwa sasa
Éxodo 25: TZOXCH
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.
Éxodo 25
25
Majt'anil swenta spasel Nailpac' Templo
(Ex 35.4-9)
1Te Cajwaltic, jich la yalbey te Moisese:
2—Albeya te israeletic, ac'a stsobonic jmajt'an. Ya me stsobonic te jayeb ya sc'an yo'tanic spisil te mach'atic mero spasemal yo'tan ya yaq'uique. 3Te majt'anil ya yich' tsobele: ja' te oro; plata; cobre; 4naubil stsotsil chij bonbil ta morada, ta púrpura soc ta tsaj; t'ujbil lino; stsotsil tentsun; 5snujc'ulel chij te bonbil ta tsaj; t'ujbil nujc'uletic; acacia; 6yaceiteil sit olivo yu'un ch'in c'ajq'uetic; perfumeetic te ya yich' capel soc aceite te ya xtuun cu'un ta ch'ulteswanej soc te ya yich' capel soc pom te bujts'an yiq'ue; 7cornalina; soc yantic t'ujbil tonetic te ya xtuun ta swenta te efod soc ta swenta te bolsa ay ta stan te muc' sacerdote. 8Ya me apasbonic ch'ul awilal, yu'un tey me ya x'ainon ta awolilic. 9Jich me xapas ta spisil te bit'il ya cac'bat awile. Te bi yilel sp'isol te Nailpac' Templo soc spisil te bitic ya xtuun tey a, jich me xapas te bit'il seña ya cac'bat awile.
Scajonil trato
(Ex 37.1-9)
10“Pasa jun cajón ta acacia. Te sp'isole jun metro soc lajuneb centímetro te snajt'ile, jo'eb xchanwinic (65) centímetro te sjamalule, soc jo'eb xchanwinic (65) centímetro te stoylejale. 11Ya me apac'bey ta potsel ta jayal oro ta yutil soc ta spat ta swolol. Ya me abech'bey pimil oro ta xch'ujt' ta sjoyobal. 12Ya me apasbey xch'ocowil ta oro, cheb me xawac'bey ta jujun xujc' yacan. 13Ya me apasbey cheb ste'el ta acacia swenta sq'uechjibal te ya axij c'axele. Ya me apac'bey ta potsel ta jayal oro te ste'ele. 14Xija c'axel ta xch'ocowil te ayic ta jujun xujc' te scajonile, jich me ya aq'uechic bael a. 15Ma me xaloq'ues te ya axij c'axele, jich me ac'a jiluc ta xch'ocowil te cajone. 16Ac'a ochel ta yutil cajón te mandalil ya cac'bate.
17“Pasbeya smajq'uil sti' ta bay ya jtatic perdón ta lequil oro. Jun metro soc lajuneb centímetro te snajt'ile, soc jo'eb xchanwinic (65) centímetro te sjamalule. 18Cheb sloc'ombail querubinetic ya apasbeyic, ya me atenic ta martillo ta xcha'jejch'el te smajq'uil sti'e. 19Jun nax ya xloc' ta pasel soc te cheb querubinetique. Jujun me ya xc'ot ta juju-jejch' te yawil perdone. 20Ya me awac'bey yil sbaic soc ya me awac' stinan sbaic coel ta yilel te yawil perdone. Te xiq'uique ya me awac' slich' sba, ja' me ya yac'beyic yaxinal a te yawil perdone. 21Macbeya coel sti' a te cajone. Tey me ya awac' ochel a te mandalil te ya cac'bate. 22Tey me ya jta jbajtic ta c'op ta sba te smajq'uil sti' ta yolil te cheb querubinetic te ay ta sba scajonil te trato. Tey me ya cac'bat ana' spisil a te bila mandal ya calbat yu'un te israeletique.
Mesa yu'un ch'ul waj
(Ex 37.10-16)
23“Pasa jun mesa ta acacia. Lajuneb yo'winic (90) centímetro te snajt'ile, soc jo'eb yoxwinic (45) centímetro te sjamalule. Ja' me jo'eb xchanwinic (65) centímetro stuquel te stoylejale. 24Pac'beya me ta potsel ta oro. Bech'beya pimil oro ta sjoylejal te sti'ile. 25Pasbeya xch'ujte'al ta sjoylejal, juqueb centímetro me te stoylejale. Bech'a ta pimil oro ta sjoylejal. 26Ya me apasbey chaneb xch'ocowil. Jujun ya awac'bey xch'ocowil te jujun xujc' xchiquin ta stojol te yacane, jich me ta xchanebal. 27Jich me pajal ya xc'ot soc te xch'ujte'al, swenta yu'un tic' me ya xc'ax tey a te ste'el te sq'uechjibale. Jich ya xju' ya yich' q'uechel bael a te mesa. 28Te sq'uechjibal mesa, ja' me ya apas ta acacia, ya me apac'bey ta potsel ta oro. 29Ya me apasbey splatoil ta lequil oro, soc muc'ul cucharaetic, oxometic, tazaetic te ya xtuun yu'un te majt'anil, te ay ya'lel ya xtale. 30Tey me ya awac' ta mesa spisil ora te ch'ul waj cu'une.#Lv 24.5-8.
Scajtijib c'ajq'uetic ta oro
(Ex 37.17-24)
31“Ya me apas scajtijib c'ajq'uetic ta lequil oro, ya me apas ta puro martillo. Jun nax me ya xloc' ta pasel spisil soc te snactijib, te ste'el, te swolwolil soc te xyaxal spat snichimal ta yolil yilele. 32Ya me aloq'uesbey waqueb sc'ab, oxeb me ta juju-jejch'. 33Ta juju-jch'ix ta swaquebal te sc'abe, oxeb me ya apasbey swolwolil, te pajal yilel soc te snich almendro soc te xyaxal spat snichimal ta yolile. 34Yan ta ste'el ta yolil te scajtijib c'ajq'uetic, chaneb me ya apasbey swolwolil, te pajal yilel soc snich almendro ta yolile. 35Ay me jun xyaxal spat snich almendro yilel ta yet'al ta bay jajch'em juju-jchajp te yoxchajbal sc'abc'abe, jun nax me loq'uem ta pasel soc ste'el te scajtijib c'ajq'uetique. 36Ta spisil ya me apas ta lequil oro te ya aten ta martillo. 37Soc ya me apasbey juqueb ch'in c'ajq'uetic. Ya me acajan tey a swenta yu'un ya xojobaj tel ta elawal. 38Ya me apasbey stup'jibal te smechail c'ajq'ue, soc te ch'in splatoil yu'une, ta lequil oro me xapas. 39Ta swenta oxlajuneb xcha'winic (33) kilo te oro ya apas a te scajtijib c'ajq'uetic soc ta spisil te bitic ya xtuun yu'une. 40Ya me anop ta lec te señail, yu'un jich me ya apas te bit'il la cac'bat awil ta witse.#Hch 7.44; Heb 8.5.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Biblia en Tzeltal de Oxchuc y Tenejapa © Sociedad Bíblica de México, A.C., 2001.