Markus 3
3
Yesu lai wi basa Pakusɨ mukwa Sawakɨ
(Matiyu 12:9-14; Luka 6:6-11)
1Daga ɗame wuya Yesu dɨmɨna zusa Bali mana pagham,wi sim basa pakusɨ dɨ jeyi. 2Niwi aɗe tlɨn dɨ va ti Yesu dama kuyusa lyapɨ, j e tlɨne va ya giɗi ko dɨ laiya gam mukwa sawakɨ. 3Yesu dɨ ɗɨnga ba sɨsa pakusɨka ndu, “Tlakwe tsatsɨr vɨnatlɨn.” 4Je tsiya tlɨnaYesu du, “Madɨ kɨsa mukwa sawaka: ɗɨmakɨ saɗaɗawa ko ɗɨmaka mbirsɨ wa, bɨraka rayiwa ko takɨ viyyowa?” Ama dɨ maka ndɨ natlɨn.
5Yesu dɨ nayatlɨna a kɨmayakɨ ta canhɨ, tɨ data ɗaɗuwa ghama kwasa-kwasa canhɨ natlɨn, dɨ ɗɨnga sɨnka du, “Tsaɗe kɨnfu.” Je te tsaɗe kɨnwasɨka dɨ lai njaal. 6Nda bawahiya tlɨna farasiyawa dɨ zda kwa gwahiyaya ngwazar ɨna sɨbɨni Hiridus adama dɨ maa ghamusai.
Sɨbɨ cas ɗi Yesu wa ta vɨna Madzɨ gyarya ta Galili
7Aɗɨka Yesu dɨ tlusai fa sɨbana gyagiya tirusɨ dɨ batlɨna ta vɨna madzɨ gyarya, sɨbɨ cas dɨbawatlɨna a Galili dɨ ɗiyusɨ. 8Daga dɨkaya ndyam hamba tɨdata ɗɨmau, sɨbɨ cassɨ dɨbuwatlina tirusɨ a Yahudiya, Urushalima, Idumiya, ɨna pɨlaka pakɨ ta Urdum fa Taya ɨna Sidon. 9Adama wiha sɨbɨ dɨ ɗɨnga sɨba gyagiyakɨ niwasɨ dɨ donaya wuna kwatal dɨ araya, aha tabi ndiwusɨ da zakutusa sɨbu. 10Aha a alai su sɨbɨ cassɨ jika, sɨba tlɨnda vɨzhazhau cassɨ da zakutayau dama dɨ tɨkɨnusɨ. 11Nda nayahɨyusa mbasaka ryuwan dɨ dɨda bɨɗa Yesu da ɓaa kwararɨ, du, “Faji Laina Ghɨnsɨ.” 12Je gɨtla tlɨna ndu tabɨ bɨla wii ndɨrusu ko tɨ vare wena sɨmeki.
Yesu par sɨba gyagiyakɨ dirɓitin bahɨn tsɨr
(Matiyu 12:9-14; Luka 6:6-11)
13Yesu dɨ ghɨmusa ghama ɗai dɨ zara sɨba tɨda lu, dɨ buwa tlina tirusɨ. 14Dɨ para dɨrɓitim bahɨn tsɨr, damana make wute dɨfa ti, da kafatlɨne na bɨla ɗɨngɨ ta Ghɨnsɨ. 15Dɨ tsatlɨn kalpɨ nusu bana raka tɨmbɨzɨm. 16Nikin ji dirɓitin bahɨn tsɨreni sɨba dɨ paratlɨn: Saminu (ba tsaya gɨnusanu Bitrus), 17Yakubu laina Zabadi ɨna yasɨwasɨ Yuhanna (sɨbana zaratlɨna ndu Buwanarjis, wato ji “wɨtlɨ araduwa”) 18Andarawus,Filibus, Bartalamawas, ɨna Matiyu, Toma, a Yakubu laina Alfa, Tadiyus, Saminu ba can wasɨ ɗahɨ, 19fa Yahuda Iskariyoti ba dɨ tsusɨ.
Yesu ɨna Ba'alzabul
(Matiyu 12:22-32; Luka 11:14-23)
20Je busa kamai a Yesu, dɨ mɨna pa ghamatlina wiha sɨbɨ, ti dɨ ɨna sɨba gyagiyakɨ niwasɨ dɨ iyamanan taa hambatau. 21Daga dɨkaya wanka dawanwasɨ, dɨ batlɨne kuyusɨ, je tlɨne ɗɨnga ndu, “Tɨmanan ndera rau.”
22Sɨba sɨnakɨ ɗe ridlɨ ta Musa sɨba buwa tlɨna Urushalima dɨ ɗɨnga ndu “Ai Ba'alzabul ji ɗewasɨ Malvu na Tɨmbɨzɨm! Hambazai jika tɨ da kalpɨ bana bawai tɨmbɨzɨm.”
23Je zara tlɨna tirusa Yesu dɨ dzakwa bɨla hiya tlɨn vɨna do du: “Tɨmbɨzɨm ga bawai tɨmbɨzɨm wa? 24Gwalfu kwa dzaraza tsɨr ɗaheka to nji mana ta vɨna hu. 25Kwa dzarusɨ tsɨr ɗaha kan ka, to naka kan ka tɨma tsɨrusu. 26Kaɗɨnga du tɨmbɨzɨma ta kaye ghamusɨ aha adzarta su tsɨr ɗaheka tɨma tsɨrusu, mbahi tusu ɗansai. 27Agashɨ jika, wi moyi bada bɨ zusa kanha sɨm ba kalpɨ awanakwa ɗahɨnahiyusu. Dɨ iyaɗɨ kɨrma wihi ta naka ba kalpɨka a kan wasɨ.” 28Agashɨ mɨna ta bɨlana, ga iya zuwa lyapɨ na sɨbabau wai ɨna kɨmayaka ngɨna Ghɨnsɨ batlɨne ɗɨmau, 29Ama ndyam badɨ kɨmaya ngɨna Riwan Ghɨnsɨ ma Cartɨka dɨma zuwaya lyapɨ nusu. Adama aɗin lyapɨ ba mahiya ghamatlɨn.
30Ta taa ɗɨnga wankaka adama tlɨna ta ɗɨnga ndu, “Ta tɨmbɨzɨm.”
Gharahodzaku ta Yesu ɨna dawanwasɨ
(Matiyu 12:46-50; Luka 8:19-21)
31Je ɗama gharahodzaku ta Yesu ɨna dawanwasɨ.Tlɨnde tsatsɨra viyakam, dɨ kafa wi ɗahe zarusɨ. 32Sɨbɨ casɨ dɨ je tsɨga tirusɨ, Je Tlɨne bɨlaya ndu, “Gharahodzaku tafu ɨna dawan fa lu nayafa vikam.” 33Jete tsiyatlɨn du “Niwe ji dawanwan ɨna gharahodzaku tuna?” 34Jete naya sɨba dɨ ndiwuseyi dɨ ɗɨnga tlɨna ndu, “Nikɨn kɨn ji gharahodzaku tuwun fa dawanwan! 35Ndɨ ba tɨdata ɗima hamba Ghɨnsɨ da luka tiji yasɨwan avakiyuwun ɨna gharahodzaku tuwun.”
Iliyochaguliwa sasa
Markus 3: MKF
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2023 Seed Company in collaboration with Language Developers and Bible Translators Association
Markus 3
3
Yesu lai wi basa Pakusɨ mukwa Sawakɨ
(Matiyu 12:9-14; Luka 6:6-11)
1Daga ɗame wuya Yesu dɨmɨna zusa Bali mana pagham,wi sim basa pakusɨ dɨ jeyi. 2Niwi aɗe tlɨn dɨ va ti Yesu dama kuyusa lyapɨ, j e tlɨne va ya giɗi ko dɨ laiya gam mukwa sawakɨ. 3Yesu dɨ ɗɨnga ba sɨsa pakusɨka ndu, “Tlakwe tsatsɨr vɨnatlɨn.” 4Je tsiya tlɨnaYesu du, “Madɨ kɨsa mukwa sawaka: ɗɨmakɨ saɗaɗawa ko ɗɨmaka mbirsɨ wa, bɨraka rayiwa ko takɨ viyyowa?” Ama dɨ maka ndɨ natlɨn.
5Yesu dɨ nayatlɨna a kɨmayakɨ ta canhɨ, tɨ data ɗaɗuwa ghama kwasa-kwasa canhɨ natlɨn, dɨ ɗɨnga sɨnka du, “Tsaɗe kɨnfu.” Je te tsaɗe kɨnwasɨka dɨ lai njaal. 6Nda bawahiya tlɨna farasiyawa dɨ zda kwa gwahiyaya ngwazar ɨna sɨbɨni Hiridus adama dɨ maa ghamusai.
Sɨbɨ cas ɗi Yesu wa ta vɨna Madzɨ gyarya ta Galili
7Aɗɨka Yesu dɨ tlusai fa sɨbana gyagiya tirusɨ dɨ batlɨna ta vɨna madzɨ gyarya, sɨbɨ cas dɨbawatlɨna a Galili dɨ ɗiyusɨ. 8Daga dɨkaya ndyam hamba tɨdata ɗɨmau, sɨbɨ cassɨ dɨbuwatlina tirusɨ a Yahudiya, Urushalima, Idumiya, ɨna pɨlaka pakɨ ta Urdum fa Taya ɨna Sidon. 9Adama wiha sɨbɨ dɨ ɗɨnga sɨba gyagiyakɨ niwasɨ dɨ donaya wuna kwatal dɨ araya, aha tabi ndiwusɨ da zakutusa sɨbu. 10Aha a alai su sɨbɨ cassɨ jika, sɨba tlɨnda vɨzhazhau cassɨ da zakutayau dama dɨ tɨkɨnusɨ. 11Nda nayahɨyusa mbasaka ryuwan dɨ dɨda bɨɗa Yesu da ɓaa kwararɨ, du, “Faji Laina Ghɨnsɨ.” 12Je gɨtla tlɨna ndu tabɨ bɨla wii ndɨrusu ko tɨ vare wena sɨmeki.
Yesu par sɨba gyagiyakɨ dirɓitin bahɨn tsɨr
(Matiyu 12:9-14; Luka 6:6-11)
13Yesu dɨ ghɨmusa ghama ɗai dɨ zara sɨba tɨda lu, dɨ buwa tlina tirusɨ. 14Dɨ para dɨrɓitim bahɨn tsɨr, damana make wute dɨfa ti, da kafatlɨne na bɨla ɗɨngɨ ta Ghɨnsɨ. 15Dɨ tsatlɨn kalpɨ nusu bana raka tɨmbɨzɨm. 16Nikin ji dirɓitin bahɨn tsɨreni sɨba dɨ paratlɨn: Saminu (ba tsaya gɨnusanu Bitrus), 17Yakubu laina Zabadi ɨna yasɨwasɨ Yuhanna (sɨbana zaratlɨna ndu Buwanarjis, wato ji “wɨtlɨ araduwa”) 18Andarawus,Filibus, Bartalamawas, ɨna Matiyu, Toma, a Yakubu laina Alfa, Tadiyus, Saminu ba can wasɨ ɗahɨ, 19fa Yahuda Iskariyoti ba dɨ tsusɨ.
Yesu ɨna Ba'alzabul
(Matiyu 12:22-32; Luka 11:14-23)
20Je busa kamai a Yesu, dɨ mɨna pa ghamatlina wiha sɨbɨ, ti dɨ ɨna sɨba gyagiyakɨ niwasɨ dɨ iyamanan taa hambatau. 21Daga dɨkaya wanka dawanwasɨ, dɨ batlɨne kuyusɨ, je tlɨne ɗɨnga ndu, “Tɨmanan ndera rau.”
22Sɨba sɨnakɨ ɗe ridlɨ ta Musa sɨba buwa tlɨna Urushalima dɨ ɗɨnga ndu “Ai Ba'alzabul ji ɗewasɨ Malvu na Tɨmbɨzɨm! Hambazai jika tɨ da kalpɨ bana bawai tɨmbɨzɨm.”
23Je zara tlɨna tirusa Yesu dɨ dzakwa bɨla hiya tlɨn vɨna do du: “Tɨmbɨzɨm ga bawai tɨmbɨzɨm wa? 24Gwalfu kwa dzaraza tsɨr ɗaheka to nji mana ta vɨna hu. 25Kwa dzarusɨ tsɨr ɗaha kan ka, to naka kan ka tɨma tsɨrusu. 26Kaɗɨnga du tɨmbɨzɨma ta kaye ghamusɨ aha adzarta su tsɨr ɗaheka tɨma tsɨrusu, mbahi tusu ɗansai. 27Agashɨ jika, wi moyi bada bɨ zusa kanha sɨm ba kalpɨ awanakwa ɗahɨnahiyusu. Dɨ iyaɗɨ kɨrma wihi ta naka ba kalpɨka a kan wasɨ.” 28Agashɨ mɨna ta bɨlana, ga iya zuwa lyapɨ na sɨbabau wai ɨna kɨmayaka ngɨna Ghɨnsɨ batlɨne ɗɨmau, 29Ama ndyam badɨ kɨmaya ngɨna Riwan Ghɨnsɨ ma Cartɨka dɨma zuwaya lyapɨ nusu. Adama aɗin lyapɨ ba mahiya ghamatlɨn.
30Ta taa ɗɨnga wankaka adama tlɨna ta ɗɨnga ndu, “Ta tɨmbɨzɨm.”
Gharahodzaku ta Yesu ɨna dawanwasɨ
(Matiyu 12:46-50; Luka 8:19-21)
31Je ɗama gharahodzaku ta Yesu ɨna dawanwasɨ.Tlɨnde tsatsɨra viyakam, dɨ kafa wi ɗahe zarusɨ. 32Sɨbɨ casɨ dɨ je tsɨga tirusɨ, Je Tlɨne bɨlaya ndu, “Gharahodzaku tafu ɨna dawan fa lu nayafa vikam.” 33Jete tsiyatlɨn du “Niwe ji dawanwan ɨna gharahodzaku tuna?” 34Jete naya sɨba dɨ ndiwuseyi dɨ ɗɨnga tlɨna ndu, “Nikɨn kɨn ji gharahodzaku tuwun fa dawanwan! 35Ndɨ ba tɨdata ɗima hamba Ghɨnsɨ da luka tiji yasɨwan avakiyuwun ɨna gharahodzaku tuwun.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2023 Seed Company in collaboration with Language Developers and Bible Translators Association