Luka 7
7
Kulokyew ichi umsow vyedoye Jisu i vyelamoa
1I í ñu ná nüna na trumdzoalyeñe Kafarnam ge jiku. 2Sünda mükaw a ichi kulom djú i, í ñeŝümbo veduw vewma, usso nañe dzüjo veduw lyada. 3Jisu iñiñ hutraw-notraw dzühulyeñe Yahudi go nugow na ütrü ge í kulo í jikuñe dagyoiwe cheñe ki. 4Na Jisu ichi ge jikuñe ishitrü ge gaañe ana che, “Ba ibo he i daijo dawe 5Hado chemeje i ñí ĝübye na nülvo daw, sünda ñi ñegru ije i daihu.” 6Jisu i nadra nadra hutro jisa, sünda i ñe yo añe üĝa ñibisa sa a, mukaw i üdraw na yo ana cheñe ki, “He Tawgyewwa, ba ñikuñisüw djudajodawe, hado chemeje nochi ge übadzü ñime, ba no ñelütsü pudaw ge jimyojo. 7Sündada nudzo no bachi ge jikujo übadzü duñe mavemme, sé ba bá ñu i truñe no kulo usso dagyoiijodawe. 8Noje nüna na üla yo nünabame; sünda shipashi na nogzü geme, sünda nüna a í ‘Kab’ chewñe se nüna ye kaw, sünda ütro a í ‘age kab’ chewñe i kaku; sünda no kulo na ‘He i da’ chewñe na se chiĝa i daag.” 9He ñu í dzühulye Jisu i lumashüw vea, sünda i ufum ge nüna upu kalasalai nachi ge tcoltruĝiañe cheñ, “No djo he trungkoi heme, Israyal ge je no ana veksüw mapame.” 10Sünda nüna kidaw na ñe kaku hobanda, kulo usso nadaw i dagyovodabi.
Dzüdo í shüdügye
11Me ñegi fum sa a i Nayan cheñe ñetrü a ge ji, ichi shürhaw nañe seyo nüna upu üdra jisa. 12I se ñetrü gow füta ütrü iñisa jiku, hojodawe, nüna na ñimo a í ñepsü ge la kahuangkoi; se ye üyan üsaw akasa ba, sünda i müjem: sünda ñetrü gow ŝüpo nüna añe üdra dusa. 13Í hoñe Prabu üdrapra-ulupra na, sünda i cheñ, “Dju ksewe.” 14Sündawñe i iñisa ge jikuñe ñimo vedaw i ki; sünda gidaw na ĝogog jebi, sündawñe i cheñ, “O muhumya, No ba chengkoime, pakülyejodawe.” 15Sündawñe se dzüdaw ye pakülye ĝyo, sünda ütrü zekülye: sünda i í üyañ i djülye. 16He yo vyew na ĝeatsü, sünda na Tawgyew ibo gow troñe ana che, “Ñimko a ŝüpo dyew ñihow truw a kakülyadame, sünda Tawgyew i í nülvow í nüna na she.” 17Sünda ibo gow ñu ye vyew Yahudi seyo iñisa gow vyew ñetrü ge truzeĝiatsü.
Yohan Baptisma djüw í dzüw
18Sünda Yohan i í shüraw na he ñu na trutsü. 19Sündawñe Yohan i í shürhaw nangko yo ksü i balalyeñe Prabhu ichi ana dzüw ki, “Kakujo ye babamma, mo no utro na ĝyokrüjoma?” 20Na ichi ge jikuñe cheñ, “Yohan baptisma djüw i ñi bachi ge ana a dzüw kidame, se ye kakujo ye babamma, mo no utro ĝyokrüjoma?” 21Sa yo sa a i ŝüpo na usso naw yo seyo duhu yo lahuaida; sünda ŝüpo iñi ĝiw na iñi djü. 22Sünda i í che, “Djo ha ha hohuñe dzühudama, kañe Yohan i trujo dawe; iñi ĝyew hohungkoimme, üshi lyew kahingkoimme, tabüñ nadaw i dagüdrajemme, ufu vaw dzühungkoimme, sünda dzüdaw ye üshükülyejemme, sünda sapse na Tawgyew i shi-ñu trujeme. 23Tawgyew i nülvo djudra duma na ushi mahütrüjome.” 24Yohan i kidaw nüna na kawñe, Jisu i Yohan ubo gow nüna na ana tru, “Djo bye ge ha how jiña? Ha, ñedzülyiw yo age ngüa süge ngüa daw müsuĝ i? 25Nameje djo ha how jibaña? Ha, nüna gye howsa shedaw í? Howe, dju gye-ĝuvo uw sheima sünda ñe uw ge gyoima, na mahal ge ĝyowwa. 26Nameje ha how jimdobaña? Ha, djuma a ñihow í? Am, no djo trungkoime, ñihow truw ije dyewfo. 27He ye sebamme, djubo ĝidama: ‘Howe, no sorgomuko í bavro bavro kijome, dju bavro ge kañe ĝabo gudow davojome.’” 28“No djo trungkoime, mim naluhu yow sadaw na, namko ye Yohan i dyewfo djuje mome sé dju Tawgyew i ñe ge imisafo dama, i se ije dyewfo me.” 29Sünda vyew nüna na seyo bo lavow naje dzühuñe Yohan ichi gow baptisma lañe Tawgyew i umso ve. 30Sé Farisi seyo shotuko-kunu davow na ichi baptisma malañe Tawgyew i ĝabo shedaw i madzü. 31“Sündada: no he shültsongkoi gow nüna na ha üdra tsojowa? Na ha veduda? 32Na se angasa na veduw dju bajar ge ĝyoñe naĝütchü ĝuksuĝiñe ana cheĝiw, ‘Ñi babo bzüva viw, se ba ñuksu je mada, sünda ñi duhu dawgeje ba kseje makse.’ 33Hado chemeje Yahan baptisma djüw i odje je matsaw kakülyada seyo tsü je matuw kakülyada, sé ba cheiye, usso ge mütü du. 34Nüna na saw na tsa tuñe kakülyahume; se ba chewye, ‘Howe, tsaĝotüw sünda tsü tujetchüw nüna nawa, bo law seyo lalo gifuĝuw nadraw.’ 35Sé patsü-sholu ye nasaw nachi í umsoñe da veda.”
Simon Faresi ichi ñe ge lalobram í muchoahuw
36Sünda Farisi a ye í üdra ava tsasaweñe bakuda; sündawñe: i se Farisi i ñe ge jiñe ava tsajone ĝyoha. 37Süge se ñetrü yo lalobram a ye, i Farisi i ñe ge ava tsaw jikuñe ĝyoda che danghulye, kunulübzü yo daw shüve a ge ŝowsa ŝow uhu lajikuda. 38Sünda üshi ütrü ge, fum gow gudzüñe kseñe üshi i üñiŝü yo daĝüñe sünda nudzo ükye gow ükyetrü yo dügüdra sünda üshi ge umdzu yo tsa tsañe, ŝowsa ŝow uhu yo ŝüi. 39He í holyeñe, se Farisi dju í baladama, üdrü-ulu ve vemche, “I ñi how truw nünan meje i danghujobi, dju i kingkoima, se ye djuma seyo küna mimma cheñe? Hado chemeje ibo lalobrambabi.” 40He í dzühulye Jisu i hutrolañe cheñ, “Simoña, no ba hadamje a chejome.” 41“Bo djüw a ichi gudzuvaw ksü duw, a ye fo pom, seyo utro a ichi ge bosüñ pomĝü duw. 42Ichi ge domĝütchojo ñiahuñe, sündawñe i naksü maksü i ujobammeñe traaha. Sünda: naksümko a dju í nülvo fo vejowa?” 43Simon i cheñ, “no vew ge, i djú añe traafodama.” I í cheñ, “Ba uw vebadamme.” 44Sünda se mim ichi ge tcholtrüñe i Simon i che, “Ba he mim i homa? No ba ñe ge jikuwbi sé ba nó üshi chejo hu je madjü, se i noshi i iñiŝü yo dagzüida, seyo i nudzo ükyetrü yo dügüdraida.” 45Ba no umdzo yo matsa, se no jikuw yo i noshi i umdzo yo matsamdu. 46Ba no kye ge tel je maŝüi; se i noshi ge ŝowsa ŝow uhu ŝüida. 47“Sündada no ba chengkoime; i lalo ŝüpo duw ye, muchoihumme, hado chemeje i ŝüpo nülvo dada; sé djuchi mesame muchodama, i nülvow je mesame dawba.” 48Sünda i mim í che, “Ba lalo muchoajemme.” 49Sündawñe üdra a ava tsaw ĝyosadaw na, nadrü-nalu ve vetsü, “He lalo na muchoihu ye djubajema?” 50Se i mim i che, “Ba küĝüw ye ba ĝaksüi damme, lüshüw yo kajodabe.”
Iliyochaguliwa sasa
Luka 7: HBe
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Luka 7
7
Kulokyew ichi umsow vyedoye Jisu i vyelamoa
1I í ñu ná nüna na trumdzoalyeñe Kafarnam ge jiku. 2Sünda mükaw a ichi kulom djú i, í ñeŝümbo veduw vewma, usso nañe dzüjo veduw lyada. 3Jisu iñiñ hutraw-notraw dzühulyeñe Yahudi go nugow na ütrü ge í kulo í jikuñe dagyoiwe cheñe ki. 4Na Jisu ichi ge jikuñe ishitrü ge gaañe ana che, “Ba ibo he i daijo dawe 5Hado chemeje i ñí ĝübye na nülvo daw, sünda ñi ñegru ije i daihu.” 6Jisu i nadra nadra hutro jisa, sünda i ñe yo añe üĝa ñibisa sa a, mukaw i üdraw na yo ana cheñe ki, “He Tawgyewwa, ba ñikuñisüw djudajodawe, hado chemeje nochi ge übadzü ñime, ba no ñelütsü pudaw ge jimyojo. 7Sündada nudzo no bachi ge jikujo übadzü duñe mavemme, sé ba bá ñu i truñe no kulo usso dagyoiijodawe. 8Noje nüna na üla yo nünabame; sünda shipashi na nogzü geme, sünda nüna a í ‘Kab’ chewñe se nüna ye kaw, sünda ütro a í ‘age kab’ chewñe i kaku; sünda no kulo na ‘He i da’ chewñe na se chiĝa i daag.” 9He ñu í dzühulye Jisu i lumashüw vea, sünda i ufum ge nüna upu kalasalai nachi ge tcoltruĝiañe cheñ, “No djo he trungkoi heme, Israyal ge je no ana veksüw mapame.” 10Sünda nüna kidaw na ñe kaku hobanda, kulo usso nadaw i dagyovodabi.
Dzüdo í shüdügye
11Me ñegi fum sa a i Nayan cheñe ñetrü a ge ji, ichi shürhaw nañe seyo nüna upu üdra jisa. 12I se ñetrü gow füta ütrü iñisa jiku, hojodawe, nüna na ñimo a í ñepsü ge la kahuangkoi; se ye üyan üsaw akasa ba, sünda i müjem: sünda ñetrü gow ŝüpo nüna añe üdra dusa. 13Í hoñe Prabu üdrapra-ulupra na, sünda i cheñ, “Dju ksewe.” 14Sündawñe i iñisa ge jikuñe ñimo vedaw i ki; sünda gidaw na ĝogog jebi, sündawñe i cheñ, “O muhumya, No ba chengkoime, pakülyejodawe.” 15Sündawñe se dzüdaw ye pakülye ĝyo, sünda ütrü zekülye: sünda i í üyañ i djülye. 16He yo vyew na ĝeatsü, sünda na Tawgyew ibo gow troñe ana che, “Ñimko a ŝüpo dyew ñihow truw a kakülyadame, sünda Tawgyew i í nülvow í nüna na she.” 17Sünda ibo gow ñu ye vyew Yahudi seyo iñisa gow vyew ñetrü ge truzeĝiatsü.
Yohan Baptisma djüw í dzüw
18Sünda Yohan i í shüraw na he ñu na trutsü. 19Sündawñe Yohan i í shürhaw nangko yo ksü i balalyeñe Prabhu ichi ana dzüw ki, “Kakujo ye babamma, mo no utro na ĝyokrüjoma?” 20Na ichi ge jikuñe cheñ, “Yohan baptisma djüw i ñi bachi ge ana a dzüw kidame, se ye kakujo ye babamma, mo no utro ĝyokrüjoma?” 21Sa yo sa a i ŝüpo na usso naw yo seyo duhu yo lahuaida; sünda ŝüpo iñi ĝiw na iñi djü. 22Sünda i í che, “Djo ha ha hohuñe dzühudama, kañe Yohan i trujo dawe; iñi ĝyew hohungkoimme, üshi lyew kahingkoimme, tabüñ nadaw i dagüdrajemme, ufu vaw dzühungkoimme, sünda dzüdaw ye üshükülyejemme, sünda sapse na Tawgyew i shi-ñu trujeme. 23Tawgyew i nülvo djudra duma na ushi mahütrüjome.” 24Yohan i kidaw nüna na kawñe, Jisu i Yohan ubo gow nüna na ana tru, “Djo bye ge ha how jiña? Ha, ñedzülyiw yo age ngüa süge ngüa daw müsuĝ i? 25Nameje djo ha how jibaña? Ha, nüna gye howsa shedaw í? Howe, dju gye-ĝuvo uw sheima sünda ñe uw ge gyoima, na mahal ge ĝyowwa. 26Nameje ha how jimdobaña? Ha, djuma a ñihow í? Am, no djo trungkoime, ñihow truw ije dyewfo. 27He ye sebamme, djubo ĝidama: ‘Howe, no sorgomuko í bavro bavro kijome, dju bavro ge kañe ĝabo gudow davojome.’” 28“No djo trungkoime, mim naluhu yow sadaw na, namko ye Yohan i dyewfo djuje mome sé dju Tawgyew i ñe ge imisafo dama, i se ije dyewfo me.” 29Sünda vyew nüna na seyo bo lavow naje dzühuñe Yohan ichi gow baptisma lañe Tawgyew i umso ve. 30Sé Farisi seyo shotuko-kunu davow na ichi baptisma malañe Tawgyew i ĝabo shedaw i madzü. 31“Sündada: no he shültsongkoi gow nüna na ha üdra tsojowa? Na ha veduda? 32Na se angasa na veduw dju bajar ge ĝyoñe naĝütchü ĝuksuĝiñe ana cheĝiw, ‘Ñi babo bzüva viw, se ba ñuksu je mada, sünda ñi duhu dawgeje ba kseje makse.’ 33Hado chemeje Yahan baptisma djüw i odje je matsaw kakülyada seyo tsü je matuw kakülyada, sé ba cheiye, usso ge mütü du. 34Nüna na saw na tsa tuñe kakülyahume; se ba chewye, ‘Howe, tsaĝotüw sünda tsü tujetchüw nüna nawa, bo law seyo lalo gifuĝuw nadraw.’ 35Sé patsü-sholu ye nasaw nachi í umsoñe da veda.”
Simon Faresi ichi ñe ge lalobram í muchoahuw
36Sünda Farisi a ye í üdra ava tsasaweñe bakuda; sündawñe: i se Farisi i ñe ge jiñe ava tsajone ĝyoha. 37Süge se ñetrü yo lalobram a ye, i Farisi i ñe ge ava tsaw jikuñe ĝyoda che danghulye, kunulübzü yo daw shüve a ge ŝowsa ŝow uhu lajikuda. 38Sünda üshi ütrü ge, fum gow gudzüñe kseñe üshi i üñiŝü yo daĝüñe sünda nudzo ükye gow ükyetrü yo dügüdra sünda üshi ge umdzu yo tsa tsañe, ŝowsa ŝow uhu yo ŝüi. 39He í holyeñe, se Farisi dju í baladama, üdrü-ulu ve vemche, “I ñi how truw nünan meje i danghujobi, dju i kingkoima, se ye djuma seyo küna mimma cheñe? Hado chemeje ibo lalobrambabi.” 40He í dzühulye Jisu i hutrolañe cheñ, “Simoña, no ba hadamje a chejome.” 41“Bo djüw a ichi gudzuvaw ksü duw, a ye fo pom, seyo utro a ichi ge bosüñ pomĝü duw. 42Ichi ge domĝütchojo ñiahuñe, sündawñe i naksü maksü i ujobammeñe traaha. Sünda: naksümko a dju í nülvo fo vejowa?” 43Simon i cheñ, “no vew ge, i djú añe traafodama.” I í cheñ, “Ba uw vebadamme.” 44Sünda se mim ichi ge tcholtrüñe i Simon i che, “Ba he mim i homa? No ba ñe ge jikuwbi sé ba nó üshi chejo hu je madjü, se i noshi i iñiŝü yo dagzüida, seyo i nudzo ükyetrü yo dügüdraida.” 45Ba no umdzo yo matsa, se no jikuw yo i noshi i umdzo yo matsamdu. 46Ba no kye ge tel je maŝüi; se i noshi ge ŝowsa ŝow uhu ŝüida. 47“Sündada no ba chengkoime; i lalo ŝüpo duw ye, muchoihumme, hado chemeje i ŝüpo nülvo dada; sé djuchi mesame muchodama, i nülvow je mesame dawba.” 48Sünda i mim í che, “Ba lalo muchoajemme.” 49Sündawñe üdra a ava tsaw ĝyosadaw na, nadrü-nalu ve vetsü, “He lalo na muchoihu ye djubajema?” 50Se i mim i che, “Ba küĝüw ye ba ĝaksüi damme, lüshüw yo kajodabe.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia