Rut 2
2
Rut sudi loor o Boas
1Vere rae Belem dia atu ha'e iso i u riku teba'a, gala Boas. U veki familia o Elimeleke, Noemi nii laki iso ke mate bali see no. Dara atu Belem nor si lisa, Boas o Noemi familia iso.
2Lee aer iso, Rut, vine pio Moab, laa lee Noemi odi negi, "Amaa! A lebo laa ruku odi loi trigu kai raki ke modou vere atu servisu noor sii kavovo, lebo ka tai? [Pita Maromak nii lei kero dale, posi atu kiak noor punu ple'u.]#Levitiku 19:9-10; Deuteronomio 24:19; Deuteronomio 25:5-6 Be punu ke, atu seri matani sii lara bloi mai a."
Noemi matar dale, "Lebo, Rut lebo la."
3I Rut laa lee ruku iso odi loi trigu kai raki ke atu servisu noor posi bali. I ruku u'u Boas ni'i. Boas veki familia o Elimeleke, Rut nii ama ba'i iso ke mate bali see no.
4Aipil iso Rut loi tili trigu kai raki, ruku ubu, Boas, mai pio aldeia Belem, i toku laa atu servisu dale, "Salom! NAI Maromak posi mat navati lee kimi!"
Roo matar dale, "Salom, Ama nai! NAI Maromak matani nii lara bloi lee kiti!"
5Aipil iso Boas eto Rut loi trigu kai, Boas tugu laa nii mandor dale, "Vine veki nan sae iso ka no'o, nii familia ta seni?"
6Mandor dale, "Vine u'u, atu Moab iso ke veki nan g'legu putu o senhora Noemi pio Moab. 7Buso vine u'u mai negi lee a dale, 'Sefi! A lebo dara laa loi trigu kai raki ke atu servisu noor posi bali vere kno'o ka?' I a matar dale, 'Lebo!' I vine u'u servisu uru pes buso, lelo te sa'e veki rata agora kde'e. I vine u'u deskansa ta sni'it lee palboo kno'o."
8I Boas laa soru o Rut dale, "Mana! Ko atu mat veu, i seii pun bloi mai a batu. Ko loi triku kai raki na le kde'e, te dia muda laa atu selo nii ruku lara. Bloi desi te lebo k'roo pio ana vine seri kee servisu mai a noo. 9Lise punu bloi atu servisu noor klobu trigu kai vere mane, i ko lebo dara laa loi trigu kai raki vere sii kovovo. A nee p'na bali laa mane noor, ke te lebo book ko. I se ko broo, laa enu ee vere sii kantil seri ke roo posi benu bali."
10Pli'i ple'u, Rut sibtu'ur rata rae. I u dale, "Obrigadu, Ama nai! Mas a let dale lapa iso. See Ama nai pna bali see, a te loos atu pio kde'e. Pita seta Ama nai posi mat mai a, i matani lara bloi mai a?"
11Boas mataar, "Loba. A p'na see pita atu mao mege vere kde'e dale mai a ko matani ko lara bloi laa Noemi aipil iso ko laki mate noo. I roo mos dale ko posi bali ko ina-ama o ko rae mori vati, odi mai lee atu selo nii t'la, mas ke ko te p'na roo.
12See ple'u a negi laa NAI,
kami atu Israel nii NAI Maromak,
selo ko lara bloi ma'o!
A negi laa NAI nee bensa dotu laa ko,
pita ko matani ko lara bloi laa ko ina ba'i Noemi.
NAI ta kuidadu ko lee kde'e,
pita ko leti sebreke laa NAI,
meges manu ana ke buni vere manu ina sii lilar."
13I Rut matar dale, "Ama nai! Mas ke a telos kiti atu ke servisu, pita ama nai punu d'nia kau lara, i matani mos kiti lara bloi mai a."
14Aipil iso roo diskansa leti ha'a, Boas dale laa Rut, "Mai ha'a putu o kami le kde'e! Bua paun kde'e, i se manara demi la nau mos lebo. I Rut la maderi g'rai atu servisu noor. Dara mai Boas nee trigu uu sega la Rut. Rut ha'a rata beso, i veki dia raki.
15-16Aipil iso Rut g'lelu vali la ruku lara odi loi trigu kai raki seri ke atu servisu noor posi bali, Boas dale laa nii atu servisu noor dale, "Se'i punu bloi! Te lebo book Rut. Posi Rut loi trigu kai raki vere man-mane. Se Rut loi gini trigu butu seri kde'e mos, te dia lapa iso. A te k'siit, se kimi sai trigu kai iso-ruu kee kimi butu bali see, posi bali laa kee Rut loi. Te lebo toe u, i te lebo punu makae u."
17Rut servisu lee ruku lara aer k'temo. Aipil iso lelo mat duu see, u bonu trigu kai, odi sai trigu uu pio nii kai, i posi trigu uu lee sabai iso benu.#2:17:Dia dale Ebreu kero dale, sabai iso, eyfah iso. Eyfah iso, m'gees kilu 12. 18I Rut odi trigu uu lee sabai noo g'lelu la aldeia Belem, i Rut matani nii onu ee pio nii servisu la ni ina ba'i Noemi. I u mos sai ha'a raki meu-dia nii ke nee la Noemi.
19I Noemi tugu la Rut, "P'nai ko loi trigu uu iso kde'e lee mane? Ko servisu le sen ta nii ruku lara? Odi NAI Maromak nee bensa lee atu iso ke matani u ni lara bloi la ko lee aer iso kde'e."
Rut matar, "Amaa, ruku ubu u'u gala Boas."
20Noemi dale laa nii vine veu, "NAI Maromak nee bensa laa Boas. Pita NAI Maromak te b'ligu matani Nii lara bloi laa kiti seri ke mori, o mos lee kiti laki seri ke mate bali see. A dale lee ko, Boas u'u kiti familia g'rai. U ta dia direitu odi selo t'gotu. [U'u dale tok de, Boas batuu dia direitu odi kaben o ko, odi nee ana o ubu ana lee ko laki iso ke mate see.]"#Levitiku 25:25
21Rut matar, "Amaa, p'nai Boas mos dale mai a, 'Aer mai vali. Ko lebo loi trigu kai gini kau atu servisu noor rata klobu trigu kai ma'o.' "
22Noemi matar vali, "Lebo bali! Hu'u sinal bloi. I ko lebo laa servisu putu o nii atu vine noor lee tempu klobu trigu kai ma'o. Lee atu selo nii ruku lara, atu lebo book ko. Mas lee Boas nii ruku atu te lebo book ko."
23Pita ple'u, Rut loi trigu kai raki lee Boas nii ruku lara gini vine servisu noor rata tempu klobu trigu kai o klobu tora kai ma'o. Pes tempu kde'e, Rut peni navati o ni ina ba'i Noemi.
Iliyochaguliwa sasa
Rut 2: BTKD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Wycliffe Timor-Leste © 2025 Wycliffe Bible Translators Inc
Rut 2
2
Rut sudi loor o Boas
1Vere rae Belem dia atu ha'e iso i u riku teba'a, gala Boas. U veki familia o Elimeleke, Noemi nii laki iso ke mate bali see no. Dara atu Belem nor si lisa, Boas o Noemi familia iso.
2Lee aer iso, Rut, vine pio Moab, laa lee Noemi odi negi, "Amaa! A lebo laa ruku odi loi trigu kai raki ke modou vere atu servisu noor sii kavovo, lebo ka tai? [Pita Maromak nii lei kero dale, posi atu kiak noor punu ple'u.]#Levitiku 19:9-10; Deuteronomio 24:19; Deuteronomio 25:5-6 Be punu ke, atu seri matani sii lara bloi mai a."
Noemi matar dale, "Lebo, Rut lebo la."
3I Rut laa lee ruku iso odi loi trigu kai raki ke atu servisu noor posi bali. I ruku u'u Boas ni'i. Boas veki familia o Elimeleke, Rut nii ama ba'i iso ke mate bali see no.
4Aipil iso Rut loi tili trigu kai raki, ruku ubu, Boas, mai pio aldeia Belem, i toku laa atu servisu dale, "Salom! NAI Maromak posi mat navati lee kimi!"
Roo matar dale, "Salom, Ama nai! NAI Maromak matani nii lara bloi lee kiti!"
5Aipil iso Boas eto Rut loi trigu kai, Boas tugu laa nii mandor dale, "Vine veki nan sae iso ka no'o, nii familia ta seni?"
6Mandor dale, "Vine u'u, atu Moab iso ke veki nan g'legu putu o senhora Noemi pio Moab. 7Buso vine u'u mai negi lee a dale, 'Sefi! A lebo dara laa loi trigu kai raki ke atu servisu noor posi bali vere kno'o ka?' I a matar dale, 'Lebo!' I vine u'u servisu uru pes buso, lelo te sa'e veki rata agora kde'e. I vine u'u deskansa ta sni'it lee palboo kno'o."
8I Boas laa soru o Rut dale, "Mana! Ko atu mat veu, i seii pun bloi mai a batu. Ko loi triku kai raki na le kde'e, te dia muda laa atu selo nii ruku lara. Bloi desi te lebo k'roo pio ana vine seri kee servisu mai a noo. 9Lise punu bloi atu servisu noor klobu trigu kai vere mane, i ko lebo dara laa loi trigu kai raki vere sii kovovo. A nee p'na bali laa mane noor, ke te lebo book ko. I se ko broo, laa enu ee vere sii kantil seri ke roo posi benu bali."
10Pli'i ple'u, Rut sibtu'ur rata rae. I u dale, "Obrigadu, Ama nai! Mas a let dale lapa iso. See Ama nai pna bali see, a te loos atu pio kde'e. Pita seta Ama nai posi mat mai a, i matani lara bloi mai a?"
11Boas mataar, "Loba. A p'na see pita atu mao mege vere kde'e dale mai a ko matani ko lara bloi laa Noemi aipil iso ko laki mate noo. I roo mos dale ko posi bali ko ina-ama o ko rae mori vati, odi mai lee atu selo nii t'la, mas ke ko te p'na roo.
12See ple'u a negi laa NAI,
kami atu Israel nii NAI Maromak,
selo ko lara bloi ma'o!
A negi laa NAI nee bensa dotu laa ko,
pita ko matani ko lara bloi laa ko ina ba'i Noemi.
NAI ta kuidadu ko lee kde'e,
pita ko leti sebreke laa NAI,
meges manu ana ke buni vere manu ina sii lilar."
13I Rut matar dale, "Ama nai! Mas ke a telos kiti atu ke servisu, pita ama nai punu d'nia kau lara, i matani mos kiti lara bloi mai a."
14Aipil iso roo diskansa leti ha'a, Boas dale laa Rut, "Mai ha'a putu o kami le kde'e! Bua paun kde'e, i se manara demi la nau mos lebo. I Rut la maderi g'rai atu servisu noor. Dara mai Boas nee trigu uu sega la Rut. Rut ha'a rata beso, i veki dia raki.
15-16Aipil iso Rut g'lelu vali la ruku lara odi loi trigu kai raki seri ke atu servisu noor posi bali, Boas dale laa nii atu servisu noor dale, "Se'i punu bloi! Te lebo book Rut. Posi Rut loi trigu kai raki vere man-mane. Se Rut loi gini trigu butu seri kde'e mos, te dia lapa iso. A te k'siit, se kimi sai trigu kai iso-ruu kee kimi butu bali see, posi bali laa kee Rut loi. Te lebo toe u, i te lebo punu makae u."
17Rut servisu lee ruku lara aer k'temo. Aipil iso lelo mat duu see, u bonu trigu kai, odi sai trigu uu pio nii kai, i posi trigu uu lee sabai iso benu.#2:17:Dia dale Ebreu kero dale, sabai iso, eyfah iso. Eyfah iso, m'gees kilu 12. 18I Rut odi trigu uu lee sabai noo g'lelu la aldeia Belem, i Rut matani nii onu ee pio nii servisu la ni ina ba'i Noemi. I u mos sai ha'a raki meu-dia nii ke nee la Noemi.
19I Noemi tugu la Rut, "P'nai ko loi trigu uu iso kde'e lee mane? Ko servisu le sen ta nii ruku lara? Odi NAI Maromak nee bensa lee atu iso ke matani u ni lara bloi la ko lee aer iso kde'e."
Rut matar, "Amaa, ruku ubu u'u gala Boas."
20Noemi dale laa nii vine veu, "NAI Maromak nee bensa laa Boas. Pita NAI Maromak te b'ligu matani Nii lara bloi laa kiti seri ke mori, o mos lee kiti laki seri ke mate bali see. A dale lee ko, Boas u'u kiti familia g'rai. U ta dia direitu odi selo t'gotu. [U'u dale tok de, Boas batuu dia direitu odi kaben o ko, odi nee ana o ubu ana lee ko laki iso ke mate see.]"#Levitiku 25:25
21Rut matar, "Amaa, p'nai Boas mos dale mai a, 'Aer mai vali. Ko lebo loi trigu kai gini kau atu servisu noor rata klobu trigu kai ma'o.' "
22Noemi matar vali, "Lebo bali! Hu'u sinal bloi. I ko lebo laa servisu putu o nii atu vine noor lee tempu klobu trigu kai ma'o. Lee atu selo nii ruku lara, atu lebo book ko. Mas lee Boas nii ruku atu te lebo book ko."
23Pita ple'u, Rut loi trigu kai raki lee Boas nii ruku lara gini vine servisu noor rata tempu klobu trigu kai o klobu tora kai ma'o. Pes tempu kde'e, Rut peni navati o ni ina ba'i Noemi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Wycliffe Timor-Leste © 2025 Wycliffe Bible Translators Inc