ລູກາ 2
2
ການເກີດຂອງພຣະເຢຊູເຈົ້າ
(ມທ 1:18-25)
1ປະມານຫົກເດືອນຢຼ້າຍເກີດການເກີດຂອງໂຢຮັນ, ກະສັດອົງເຄິ້ຣຍສຸດພະນຶ້ຣ້ວຍໂອຄຸໂຕບອນລໍ້ຄຳສັ່ງຣ້ວຍໂຢນຄູນະທີອາໄສ່ອັດນຸງອານາຈັກໂຣມັນຄວນຈະຄຣາຍນັບແລະຈົດທະບຽນພະນຶ້. 2ນໍເກີດການຈົດທະບຽນພະນຶ້ຄັ້ງທຳອິດສຳລັບການເສຍພາສີທີ່ບອນເກີດຊໍ້ເຕິອານາຈັກໂຣມັນ. ຈຸມປີດໍບອນຕະອີນໍ ເຢີກີຣີນີໂອເກີດຜູ້ປົກຄອງແຂວງຊີເຣຍຂອງໂລມັນ. 3ເພາະເກີດຄຳສັ່ງຂອງຈັກກະໂຣມັນ ຄູນະບອນປໍ້້ເວລເກີດເມືອງນອນຂອງໃຜ່ມັນ. 4ໂຢເຊັບເກີດເຊື້ອສາຍຂອງກະສັດດາວິດແລະອີກຼີດໍແລະມາຣີບອນຫະດາ້ວຄະນ້າເກີດເມືອງນາຊາເຣັດນັງເມືອງເບັດເລເຮັມນຸງແຂວງຄາລີເລ ປໍ້້ທີ່ເມື່ອງເບັດເລເຮັມນຸງແຂວງຢູດາຍ ໂຢເຊັບບອນປໍ້ບ້ອນກຼີເພາະວ່າຈຸມເຈືອຂອງດາວິດ. 5ໂຢເຊັບແລະມາຣີບອນໝັ້ນມາຍເພື່ອແຕ່ງດອງແລະມາຣີບອນຈະຕຼັງ. 6ແລະ ຂະນະທີ່ຈຸມປີດໍອັດເຕິເມືອງເບັດເລເຮັມກຼີ ກໍພໍດີຄົບກຳນົດທີ່ນາງມາຣີຈະເກີດໄກ້. 7ນາງມາຣີບອນເກີດໄກ້ໂກນຕະໂກ, ເຣິແພຣອ້ອມປ໋ຽລ ແລະປະຕ້າດໍ້ເຕິໄຫ້ວເສິກ ເພາະຣ້ວຍເຕິດຸງພັກກຼີ ເລິ້ຍບອນຫ້ອງແຂກວາງສຳລັບໂຢເຊັບແລະມາຣີເລີຍ.
ເທວະດາຫະຟຼ້າເຢີຈຸມນູ້ບັ້ນແກະ
8ນຸງຂົງເຂດນໍ ບອນເວິຍກຸ້ຍບັ້ນແກະທີ່ອັດຕາມກະລ້າງຫະແຣ້ ບິດຈຳ້ຝູງແກະຂອງປີດໍເຕິເວລາຟ້ຣາຫະດາວ. 9ເວິຍເທວະດາມູອົງຂອງອົງພຣະຜູ້ເກີດອົງເຈົ້າ ບອນເຕິປາກົດເຢີຈຸມປີດໍ ແລະສະຫ່ງາຣາສີຂອງອົງພຣະຜູ້ເກີດເຈົ້າ ກໍສອງແຈ້ງອ້ອມໂຈ້ມຈຸມປີດໍໍ. ອີກຼີ ຈຸມປີດໍຈຶ່ງຫະໂຕ້ພະໄຫ້ງກຼໍ້ຼປູດ. 10ແຕ່ເທວະດາອົງກຼີບອນກາ່ວເຢີຈຸມປີດໍຣ້ວຍ. “ຊິນກຼໍ້ຼເລີຍ ກືອິດຂ່າວປະເສີດເຕິອ້າປະກາດໂຢນຈຸມແປຼຮອຍ ເກີດຂ່າວທີ່ນຳຄວາມເຫິ້ນລາ້ງ (ຊົມຊື່ນຍິນດີ) ອັນເຄຣິ້ຍເຕິສູ່ປະຊາຊົນເອີິ້ຍມະກຼີ. 11ເພາະຣ້ວຍເຕິຕະງຍດໍ່ ອົງພຣະຜູ້ຊ່ວຍໂຢນພົ້ນຜູ້ທີ່ພຣະເຈົ້າບອນຊົງສັນຍາຣ້ວຍ ມູອົງຄືພຣະຄຣິດບອນເຕິບັງເກີດອັດເຕິເມືອງຂອງດາວິດ ສຳລັບມາຍທັງກະເລິ່ງນະ 12ນໍເຫິ້ຍ ຈະເກີດໝາຍສຳຄັນເຢີຈຸມແປຼ ຄືຈຸມແປຼ ຈະບອນທຣຸ້ມກຸ້ຍແກັດມະນະ ປ໋ຽລແພຼອ້ອມບິດອັດເຕິເສິກ.” 13ເຕິທັນມໍ້ກຼີ ກໍເວິຍກອງທັບເທວະດາແຫ່ງສະຫວັນກຸ່ມເຄິ້ຣຍ ຫະຟຣ້ານັງເທວະດາອົງກຼີ ລວມມະຕຼຸສັນລະເສີນພຣະເຈົ້າກ່າວຣ້ວຍ. 14“ພຣະຣັດສະໝີຈົ່ງເວິຍແດ່ພຣະເຈົ້າ ເຕິສະຫວັນທີ່ຫະຢົ້ງສຸດ ແລະ ທີ່ແຜ່ນບິໂລກຈົ່ງເວິຍຄວາມສຸກ ແກ່ກຸ້ຍທັງປວງ ຜູ້ທີ່ພຣະອົງຊົງພໍພຣະໄທ (ພໍໃຈ)ກຼີ.” 15ເຢີຝູງເທວະດາອັນກຼີບອນລໍ້ປໍ້້ເກີດຈຸມປີດໍຊໍ້ສູ່ສະຫວັນ ເຢີຈຸມນູ້ບັ້ນແກະບອນໂຊລມະຕຸຼ, ໂຊລຢຼ້າຍ ໂຊລແອັ້ນຣ້ວຍເພືອເລິ້ຍໂຢນຊັກຊ້າ. “ໂຢນຈຸມແຮພາປໍ້້ເມືອງເບັດເລເຮັມໂຢຼ ປໍ້້ແນເຫດການທີ່ບອນເກີດຊໍ້ ຕາມທີ່ອົງພຣະຜູ້ເກີດເຈົ້າບອນອ້າປະກາດໂຢນຈຸມແຮຮອຍກຼີ.” 16ຈຸມປີດໍຈຶ່ງຊັ້ລປໍ້້ ແລະຫອມມາຣີນັງໂຢເຊັບ ແລະຫອມກຸ້ຍແກັດບິດເຕິໄຫ້ວເສິກ. 17ເຢີຈຸມນູ້ບັ້ນເເກະທຣຸ້ມກຸ້ຍແກັດ ຈຸມປີດໍກໍເລົ່າເລື່ອງຕາມທີ່ຈຸມປີດໍ ບອນຊັງກະເລິ້ຍກຸ້ຍແກັດກຼີ. 18ຄູນະທິ່ບອນຫະແງ້ຈຸມນູ້ບັ້ນແກະເລົ່າ ຕ່າງກໍກະລັກພະໄຫ້ງຕໍ່ສິ່ງທີ່ຈຸມນູ້ບັ້ນແກະບອນເລົ່າກຼີ. 19ຫາຣ້າມາຣີກໍຈົດຈຳເລື່ອງອັນນໍເອີ້ຍມະນໍດໍ້ ແລະຄຶດເຕິກະລຸງພະໄຫ້ງ. 20ເຢີຈຸມບັ້ນແກະກໍລາ້ປໍ້້ແອັ້ນ ລອງເພງສັນລະເສີນພຣະເຈົ້າ ເຕິຄູສິ່ງທີ່ບອມຢຼະບອນຊັງ ແລະບອນຫອມ, ບອນເກີດຊໍ້ແທ້ຕາມທີ່ເທວະດາອ້າຈຸມປີດໍ.
ໃບ້ໄກ້ (ກຸມມານ) ເວິຍພະນື້ຣ້ວຍເຢຊູ
21ເຢີກຸມມານອັດບອນແປດຕະງາຍເຢີ ກະເລິ້ຍກຳນົດຕ້ອງຣຳ້ພິທີ່ກັ໋ນຈຸມປີດໍຈຶ່ງຫະຍະພະນຶ້ກຸ້ຍແກັດກຼີຣ້ວຍ ເຢຊູ ຕາມທີ່ເທວະດາບອນອ້າດໍ້ ຍຸງທີ່ນາງມາຣີຈະຕັຼງເທື່ອກຼີ.
ການ ຖວາຍພຣະກຸມມານນຸງພຣະວິຫານ
22ເຢີເວລາກຳນົດກໍເຕິກະເລິ້ຍ ສຳລັບໂຢເຊັບແລະມາຣີ ທີ່ຈະຕະພິທີຊຳລະຣ້າວຈະໂຢນສະອາດ ຕາມທີ່ກົດບັນຍັດຂອງໂມເຊບອນກ່າວດໍ້. ຈຸມປີດໍຈິ່ງບອນອິດເຣິກຸ້ຍແກັດ ເຢຊູ ປໍ້້ທີ່ນະຄອນເຢຣູຊາເລັມ ເພື່ອຖວາຍພຣະອົງໂຢນເກີດບໍຣິສຸດເຢີພຣະເຈົ້າ,ເພື່ອຣຳ້ໃຊ້ພຣະເຈົ້າ, 23ຕາມທີ່ເວິຍພຣະຄໍາພີຂຽນດໍ້ກະລຸງກົດບັນຍັດຂອງອົງພຣະຜູ້ເກີດເຈົົ້າຣ້ວຍ. “ໄກ້ໂກນຕະໂກຄູນະຈະຕ້ອງປໍ້້ດອງທະຖວາຍເຢີອົງພຣະຜູ້ເກີດເຈົ້າ.” 24ໂຢເຊັບນັງມາຣີບອນຖວາຍຟຼອງບູຊາຕາມທີ່ກົດບັນຍັດຂອງອົງພຣະຜູ້ເກີດເຈົ້າບອນກ່າວດໍ້ທຣະເລິຍ ຄືໄກ້ເຫລ້ມກະລ້າງຕະເປີຍມູຄູ່ ຫລືໄກ້ເຫ້ລມກາງແກ່ຫອັງບາລໂຕໂຢນເຢີປະໂຣຫິດຜູ້ທີ່ຖວາຍສິ່ງນໍເຕິຫະຢົ໋ງແທ່ນບູຊາເພື່ອມາຣີສຳລະບອມຢຼະໂຢນສະອາດ. 25ຂະນະກຼີ ເຕິກະລຸງນະຄອນເຢຣູຊາເລັມ ບອນເວິຍກຸ້ຍໂກນມະນະພະນຶ້ຣ້ວຍ ຊີເມໂອນ ດໍເກີດກຸ້ຍອໍ ແລະສັດຊື່ເຢີພຣະເຈົ້າ ແລະດໍກຳລັງເປິ້ນພຣະຜູ້ຊ່ວຍໂຢນພົ້ນຜູ້ທີ່ພຣະເຈົ້າສັນຍາຣ້ວຍຈະຢຼວນເຕິຊ່ວຍຊາດອິດສະຣາເອນໂຢນພົ້ນ ເກີດສັດຕູຂອງຈຸມປີດໍ, ພຣະວິນຍານບໍຣິສຸດເຈົ້າຊົງສະຖິດອັດນັງດໍ 26ພຣະວິນຍານບໍຣິສຸດເຈົ້າ ບອນເປີດເຜີຍໂຢນດໍຮອຍຣ້ວຍ ຊີເມໂອນຈະເລິ້ຍກະເຈດຈົນກ່ວາທີ່ດໍບອນຫອມພຣະເມຊີອາ (ພຣະເຢຊູ) ຜູ້ເຕິເກີດອົງພຣະຄຣິດເຈົ້າ. 27ເຕິຕະງາຍກຼີ ພຣະວິນຍານບໍຣິສຸດເຈົ້າ ບອນນຳພາຊີເມໂອນປໍ້້ບ້ອນເດີນພຣະວິຫານ, ເຕິບ້ອນກີຼີໂຢເຊັບແລະມາຣີບອນອິດເຣິກຸ້ຍແກັດເຢຊູໂມດປໍ້້ບອນກະລຸງພຣະວິຫານ ເພື່ອປະຕິບັດຕາມກົດບັນຍັດບອນກ່າວດໍ້ກຽ່ວນັງໃກ້ໂກນຕະໂກຄູນະ 28ເຢີຊີເມໂອນກໍບອນກະອືເຣິກຸ້ຍແກັດເຢຊູດໍ້ເຕິກຼັອງຂອງບອມຢຼະ ແລະສັນລະເສີນຂອບໄຈພຣະເຈົ້າຣ້ວຍ, 29“ຂ້າແດ່ພຣະອົງເຈົ້າ ບັດນໍພຣະອົງເຈົ້າຊົງຊ່ວຍໂຢນກຸ້ຍໃຊ້ ຂອງພຣະອົງ ປໍ້້ເກີດສຸກຕາມພຣະທຳຂອງພຣະເຈົ້າ 30ເພາະວາ່ກະລ້ອງໝັ້ນຂອງກືຢຼະບອນທຣຸ້ມພຣະຜູ້ຈອຍໂຢນພົ້ນ ທີ່ເຕິເກີດພຣະອົງເຢີ 31ພຣະອົງເວິຍແຜ່ນການທີ່ຈະຊ່ວຍກຸ້ຍເອີ້ຍໂລກໂຢນພົ້ນນຸງວິທີຄູຊົນຊາດສາມາດບອນຫອມ 32ຄືແສງສະຫວ່າງສອງແຈ້ງ ເປີດເຜີຍພຣະປະສົງ ເຢີບັນດາປະຊາຊາດ ແລະເຣິອິດສະຫງ່າຣາສີເຕິເຢີ ອິດສະຣາເອນພົນລະເມືອງ ຂອງພຣະເຈົ້າ.” 33ຫະຣ້າໂຢເຊັບແລະມາຣີຂອງກຸ້ຍແກັດ (ກຸມມານເຢຊູ) ກໍກະລັກພະໄຫ້ງເຕິສິ່ງທີ່ຊີເມໂອນບອນກາ່ວກະເລິ້ຍກຸ້ຍແກັດເຢຊູກຼີ. 34ຊີເມໂອນບອນອວຍພອນອຳນັງອຸຍ ແລະກ່າວນັງມາຣີອຸຍຂອງກຸຸ້ຍແກັດເຢຊູອັນກຼີຣ້ວຍ, “ເພາະກຸມມານນໍທີ່ພຣະເຈົ້າບອນແຕງຕັ້ງດໍ້ພຣະເຈົ້າຈະທຳລາຍກະເລິ່ງນະກະລຸງຊາດອິດສະຣາເອນ ແລະພຣະອົງຈະຊ່ວຍກຸ້ຍກະນໍ້ ກະນໍ້ແອັ້ນກະລຸງຊາດອິດສະຣາເອນໂຢນພົ້ນ. 35ເພາະຄວາມຄິດກະລຸງພະໄຫ້ງຂອງກຸ້ຍກະເລິ່ງນະ ຈະບອນຫະຟຼ້າແຈ້ງ ສ່ວນມາຍຈະໄອຈະຄືຄຣາຍດາບແຈັນປະຊຸ໋ພະໄຫ້ງ ໂດຍການຕໍ່ຕ້ານດໍ ຈຸມປີດໍຈະສະແດງໂຢນຫອມຄວາມຄິດນຸງກະລຸງທີ່ແທ້ຈິ່ງຂອງຈຸມປີດໍ.” 36ນຸງມູຕະງາຍຕະກຼີນັງເວິຍໝໍທໍານວາຍກຸ້ຍກັນມະນະ ພະນຶ້ນາງອານາກໍອັດບ້ອນກຼີນຸງບໍຣິເວນເດີນພຣະວິຫານ ນາງເກີດໄກ້ກັນຂອງໂກນມະນະພະນຶ້ຟານູເອນ ກະລຸງຕະກຸນອາເຊ ນາງເກີດກຸ້ຍເຄ້ຣງອາຍຸປູດເຢີ ເວິຍກະເຢຼິຕັ້ງແຕ່ເກີດກະໂມລຫັອງ ແລະອັດນັງກະເຢິຼບອນເຈັດກະມໍ້ທຣິນເກີດກຼີກະເຢິຂອງດໍຈະກະເຈດ, 37ເຢີນາງກໍເກີດກະມ້າຍເຕິລະຫວ່າງແປດສິບສີ່ປີ ນາງບ້ອນໃຊ້ເວລານຸງບໍລິເວນເດີນພຣະວິຫານນາງບອນນະມັດສະການພຣະເຈົ້າເຕິບ້ອນກຼີ ທັງຟ້ຣາຕະງາຍທັງຟ້ຣາກະໂດະໂດ້ຍເລິ້ຍບອນຈ້າ ອະໄມ້ ສຳລັບຊວງເວລາກຼີ ແລະໂດຍພາວັນນາອອະທິຖານເຢີພຣະເຈົ້າ. 38ເຢີຊີເມໂອນໂຊລຢຼ້າຍເຢີ ເຕິເວລາກຼີ ນາງອານາບອນຊໍ້ເຢີໂຢເຊັບແລະມາຣີຂະນະທີ່ຈຸມປີດໍນັງອັດບ້ອນກຼີນຸງບໍຣິເວນພຣະວິຫານນຸງນະຄອນເຢຣູຊາເລັມ ນາງອານາກໍບອນຊໍ້ເຕິໂມທະນາຂອບພຣະຄຸນ ພຣະເຈົ້າ ນາງບອນເລີ່ມກ່າວນັງກຸ້ຍແກັດ (ພຣະກຸມມານ) ເຢີກຸ້ຍຄູນະ ນູ້ທີ່ຕ້ອງການໂຢນພຣະຜູ້ຊ່ວຍ ໂຢນພົ້ນ ເຕິຊ່ວຍປີດໍໂຢນພົ້ນເກີດສັດຕູຂອງປີດໍ.
ການລ້າແອັ້ນສູ່ນາຊາເຣັດ
39ເຢີໂຢເຊັບແລະມາຣີບອນຕະຄູສິ່ງຢຼ້າຍ ຕາມທີ່ກົດບັນຍັດຂອງໂມເຊບອນສັ່ງໂຢນຈຸມປີດໍຕະ,ຈຸມປີດໍບອນລ້າເຕິຄືນໂຈເວລເມືອງຂອງປີດໍຢຼະ ທີ່ນາຊາເຣັດເຕິແຂວງຄາລີເລ. 40ນຸງກະເລິ່ງກະມໍ້ເຢີບຣານ ກຸ້ຍແກັດເຢຊູກຼີ ກໍເຄິ້ລຍຊໍ້ແລະສະຫລາດຝາຍວິນຍານໂດຍຄະນ້າຣິດອຳນາດຂອງພຣະວິນຍານບໍຣິສຸດເຈົ້າ ແລະພຣະເຈົ້າກໍສະຖິດອັດນັງດໍ.
ພຣະກຸມມານເຢຊູນຸງພຣະວິຫານ
41ຄູກະມໍ້ ອຳອຸຍຂອງພຣະກຸມມານເຢຊູ ເຄີຍຊໍ້ປໍ້້ນະຄອນເຢຣູຊາເລັມເພື່ອສະຫລອງເທດສະການປັດສະຄາ. 42ເຢີພຣະກຸມມານພຣະເຢຊູອາຍຸບອນສິບສອງປີ ຈຸມປີດໍກໍບອນຊໍ້ປໍ້້ສະຫລອງເທດສະການນໍ ຕາມທຳນຽມທີ່ເຄີຍປະຕິບັດເຕິ. 43ເຢີເທດສະການຢຼ້າຍສຸດແຊ້ງເຢີ ອຳອຸຍກໍລ້າແອັ້ນໂຈ້ດຸງ ສວນພຣະກຸມມານເຢຊູກຼີນັງຄ້າງອັດນຸງນະຄອນເຢຣູຊາເລັມ ຫະຣ້າອຳອຸຍກໍເລິ້ຍຮອຍອາໄມ້. 44ດໍທັງບາລນະຄຶດຣ້ວຍ ພຣະກຸມມານເຢຊູກຼີ ອັດນັງກຸ່ມກຸ້ຍທີ່ຫະດ້າວຄະນ້າເຕິດ້ວຍມະຕຸຼ.ເຢີກຼີ ຈຸມປີດໍຈຶຶ່ງຫະດ້າວຄະນ້າປໍ້້ແອັ້ນບອນມູຕະງ້າຍ ເຢີເລີມຕົ້ນຫັ້ລງຊູເຕິເຄິ່ງທຣະດີຍາດພີ່ຕິນ້ອງແລະມູນູ້. 45ເຢີເລິ້ຍບອນທຣຸ້ມ ຈຸມປີດໍຈຶ່ງລ້າແອັ້ນປໍ້້ຫັ້ລງຊູ້ເຕິນະຄອນເຢຣູຊາເລັມ. 46ເຢີຫັ້ລງຊູ້ບອນແປ້ຕະງາ້ຍເຢີ ຈຸມປີດໍກໍທຣຸ້ມພຣະກຸມມານຕະກູອັດເຕິພຣະວິຫານ ເຄິ່ງທຣະດີກຸ່ມອາຈານຊາວຢິວ ກຳລັງຫະແງ້ແລະຕະມໍ໋ຈຸມອາຈານອັນກຼີແອັນ. 47ຄູນະທີ່ບອນຊັງພຣະອົງກ່າວ ຕ່າງກໍກະລັກພະໄຫ້ງເຕິສະຕິປັນຍາ ແລະຄຳຕອບຂອງພຣະກຸມມານກຼີ. 48ຫະຣ້າອຳອຸຍກໍກະລັກພະໄຫ້ງເຢີບອນທຣຸ້ມ ແລະອຸຍຈຶ່ງຕະມໍ໋ຣ້ວຍ. “ໄກ້ເອີຍ, ເກີດອະໄມ້ຈຶ່ງຕະອີນໍນັງຈຸມແຮ? ອຳນັງອຸຍຫລັ້ງມາຍດ້ວຍຄວາມກັງວົນພະໄຫ້ງທີ່ສຸດ.” 49ພຣະກຸມມານທຣະອອຍຣ້ວຍ. “ເກີດອະໄມຫລັ້ງຊູກື? ຈຸມມາຍເລິ້ຍຮອຍ ກືຕ້ອງອັດເຕິກະລຸງບອນສະຖິດແຫ່ງພຣະບິດາເຈົ້າ” 50ແຕ່ຈຸມປີດໍເລິ້ຍເຂົ້າໃຈຄຳຕອບຂອງພຣະກຸມມານກຼີ. 51ເຢີພຣະກຸມມານເຢຊູ ຈຶ່ງແຊ້ງໂຈ້ນັງຈຸມປີດໍສູ່ເມືອງນາຊາເຣັດ ແລະອ່ອນນ້ອມຍອມຫາແງ້ຈຸມປີດໍ ຫະຣ້າອຸຍກໍເກັບກຳເລື່ອງເອິ້ຍມະກຼີດໍ້ກະລຸງພະໄຫ້ງ. 52ພຣະເຢຊູບອນຈະເລີນເຕີບໂຕເຄຣິ້ຍເຕິດ້ານຈະເຈນແລະສະຫລາດປູດ ເຕິດ້ານສະຕິປັນຍາຂອງພຣະເຈົ້າ ທັງພຣະເຈົ້າແລະກຸ້ຍຮັບຮ້ອງພຣະອົງຣ້ວຍ ພຣະອົງເກີດຜູ້ທີ່ເວິຍກຽດ.
Iliyochaguliwa sasa
ລູກາ 2: IRR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Inh/In Bible by Beyond Translation is licensed under Creative Commons Attribution-ShareAlike 4.0 License.
ລູກາ 2
2
ການເກີດຂອງພຣະເຢຊູເຈົ້າ
(ມທ 1:18-25)
1ປະມານຫົກເດືອນຢຼ້າຍເກີດການເກີດຂອງໂຢຮັນ, ກະສັດອົງເຄິ້ຣຍສຸດພະນຶ້ຣ້ວຍໂອຄຸໂຕບອນລໍ້ຄຳສັ່ງຣ້ວຍໂຢນຄູນະທີອາໄສ່ອັດນຸງອານາຈັກໂຣມັນຄວນຈະຄຣາຍນັບແລະຈົດທະບຽນພະນຶ້. 2ນໍເກີດການຈົດທະບຽນພະນຶ້ຄັ້ງທຳອິດສຳລັບການເສຍພາສີທີ່ບອນເກີດຊໍ້ເຕິອານາຈັກໂຣມັນ. ຈຸມປີດໍບອນຕະອີນໍ ເຢີກີຣີນີໂອເກີດຜູ້ປົກຄອງແຂວງຊີເຣຍຂອງໂລມັນ. 3ເພາະເກີດຄຳສັ່ງຂອງຈັກກະໂຣມັນ ຄູນະບອນປໍ້້ເວລເກີດເມືອງນອນຂອງໃຜ່ມັນ. 4ໂຢເຊັບເກີດເຊື້ອສາຍຂອງກະສັດດາວິດແລະອີກຼີດໍແລະມາຣີບອນຫະດາ້ວຄະນ້າເກີດເມືອງນາຊາເຣັດນັງເມືອງເບັດເລເຮັມນຸງແຂວງຄາລີເລ ປໍ້້ທີ່ເມື່ອງເບັດເລເຮັມນຸງແຂວງຢູດາຍ ໂຢເຊັບບອນປໍ້ບ້ອນກຼີເພາະວ່າຈຸມເຈືອຂອງດາວິດ. 5ໂຢເຊັບແລະມາຣີບອນໝັ້ນມາຍເພື່ອແຕ່ງດອງແລະມາຣີບອນຈະຕຼັງ. 6ແລະ ຂະນະທີ່ຈຸມປີດໍອັດເຕິເມືອງເບັດເລເຮັມກຼີ ກໍພໍດີຄົບກຳນົດທີ່ນາງມາຣີຈະເກີດໄກ້. 7ນາງມາຣີບອນເກີດໄກ້ໂກນຕະໂກ, ເຣິແພຣອ້ອມປ໋ຽລ ແລະປະຕ້າດໍ້ເຕິໄຫ້ວເສິກ ເພາະຣ້ວຍເຕິດຸງພັກກຼີ ເລິ້ຍບອນຫ້ອງແຂກວາງສຳລັບໂຢເຊັບແລະມາຣີເລີຍ.
ເທວະດາຫະຟຼ້າເຢີຈຸມນູ້ບັ້ນແກະ
8ນຸງຂົງເຂດນໍ ບອນເວິຍກຸ້ຍບັ້ນແກະທີ່ອັດຕາມກະລ້າງຫະແຣ້ ບິດຈຳ້ຝູງແກະຂອງປີດໍເຕິເວລາຟ້ຣາຫະດາວ. 9ເວິຍເທວະດາມູອົງຂອງອົງພຣະຜູ້ເກີດອົງເຈົ້າ ບອນເຕິປາກົດເຢີຈຸມປີດໍ ແລະສະຫ່ງາຣາສີຂອງອົງພຣະຜູ້ເກີດເຈົ້າ ກໍສອງແຈ້ງອ້ອມໂຈ້ມຈຸມປີດໍໍ. ອີກຼີ ຈຸມປີດໍຈຶ່ງຫະໂຕ້ພະໄຫ້ງກຼໍ້ຼປູດ. 10ແຕ່ເທວະດາອົງກຼີບອນກາ່ວເຢີຈຸມປີດໍຣ້ວຍ. “ຊິນກຼໍ້ຼເລີຍ ກືອິດຂ່າວປະເສີດເຕິອ້າປະກາດໂຢນຈຸມແປຼຮອຍ ເກີດຂ່າວທີ່ນຳຄວາມເຫິ້ນລາ້ງ (ຊົມຊື່ນຍິນດີ) ອັນເຄຣິ້ຍເຕິສູ່ປະຊາຊົນເອີິ້ຍມະກຼີ. 11ເພາະຣ້ວຍເຕິຕະງຍດໍ່ ອົງພຣະຜູ້ຊ່ວຍໂຢນພົ້ນຜູ້ທີ່ພຣະເຈົ້າບອນຊົງສັນຍາຣ້ວຍ ມູອົງຄືພຣະຄຣິດບອນເຕິບັງເກີດອັດເຕິເມືອງຂອງດາວິດ ສຳລັບມາຍທັງກະເລິ່ງນະ 12ນໍເຫິ້ຍ ຈະເກີດໝາຍສຳຄັນເຢີຈຸມແປຼ ຄືຈຸມແປຼ ຈະບອນທຣຸ້ມກຸ້ຍແກັດມະນະ ປ໋ຽລແພຼອ້ອມບິດອັດເຕິເສິກ.” 13ເຕິທັນມໍ້ກຼີ ກໍເວິຍກອງທັບເທວະດາແຫ່ງສະຫວັນກຸ່ມເຄິ້ຣຍ ຫະຟຣ້ານັງເທວະດາອົງກຼີ ລວມມະຕຼຸສັນລະເສີນພຣະເຈົ້າກ່າວຣ້ວຍ. 14“ພຣະຣັດສະໝີຈົ່ງເວິຍແດ່ພຣະເຈົ້າ ເຕິສະຫວັນທີ່ຫະຢົ້ງສຸດ ແລະ ທີ່ແຜ່ນບິໂລກຈົ່ງເວິຍຄວາມສຸກ ແກ່ກຸ້ຍທັງປວງ ຜູ້ທີ່ພຣະອົງຊົງພໍພຣະໄທ (ພໍໃຈ)ກຼີ.” 15ເຢີຝູງເທວະດາອັນກຼີບອນລໍ້ປໍ້້ເກີດຈຸມປີດໍຊໍ້ສູ່ສະຫວັນ ເຢີຈຸມນູ້ບັ້ນແກະບອນໂຊລມະຕຸຼ, ໂຊລຢຼ້າຍ ໂຊລແອັ້ນຣ້ວຍເພືອເລິ້ຍໂຢນຊັກຊ້າ. “ໂຢນຈຸມແຮພາປໍ້້ເມືອງເບັດເລເຮັມໂຢຼ ປໍ້້ແນເຫດການທີ່ບອນເກີດຊໍ້ ຕາມທີ່ອົງພຣະຜູ້ເກີດເຈົ້າບອນອ້າປະກາດໂຢນຈຸມແຮຮອຍກຼີ.” 16ຈຸມປີດໍຈຶ່ງຊັ້ລປໍ້້ ແລະຫອມມາຣີນັງໂຢເຊັບ ແລະຫອມກຸ້ຍແກັດບິດເຕິໄຫ້ວເສິກ. 17ເຢີຈຸມນູ້ບັ້ນເເກະທຣຸ້ມກຸ້ຍແກັດ ຈຸມປີດໍກໍເລົ່າເລື່ອງຕາມທີ່ຈຸມປີດໍ ບອນຊັງກະເລິ້ຍກຸ້ຍແກັດກຼີ. 18ຄູນະທິ່ບອນຫະແງ້ຈຸມນູ້ບັ້ນແກະເລົ່າ ຕ່າງກໍກະລັກພະໄຫ້ງຕໍ່ສິ່ງທີ່ຈຸມນູ້ບັ້ນແກະບອນເລົ່າກຼີ. 19ຫາຣ້າມາຣີກໍຈົດຈຳເລື່ອງອັນນໍເອີ້ຍມະນໍດໍ້ ແລະຄຶດເຕິກະລຸງພະໄຫ້ງ. 20ເຢີຈຸມບັ້ນແກະກໍລາ້ປໍ້້ແອັ້ນ ລອງເພງສັນລະເສີນພຣະເຈົ້າ ເຕິຄູສິ່ງທີ່ບອມຢຼະບອນຊັງ ແລະບອນຫອມ, ບອນເກີດຊໍ້ແທ້ຕາມທີ່ເທວະດາອ້າຈຸມປີດໍ.
ໃບ້ໄກ້ (ກຸມມານ) ເວິຍພະນື້ຣ້ວຍເຢຊູ
21ເຢີກຸມມານອັດບອນແປດຕະງາຍເຢີ ກະເລິ້ຍກຳນົດຕ້ອງຣຳ້ພິທີ່ກັ໋ນຈຸມປີດໍຈຶ່ງຫະຍະພະນຶ້ກຸ້ຍແກັດກຼີຣ້ວຍ ເຢຊູ ຕາມທີ່ເທວະດາບອນອ້າດໍ້ ຍຸງທີ່ນາງມາຣີຈະຕັຼງເທື່ອກຼີ.
ການ ຖວາຍພຣະກຸມມານນຸງພຣະວິຫານ
22ເຢີເວລາກຳນົດກໍເຕິກະເລິ້ຍ ສຳລັບໂຢເຊັບແລະມາຣີ ທີ່ຈະຕະພິທີຊຳລະຣ້າວຈະໂຢນສະອາດ ຕາມທີ່ກົດບັນຍັດຂອງໂມເຊບອນກ່າວດໍ້. ຈຸມປີດໍຈິ່ງບອນອິດເຣິກຸ້ຍແກັດ ເຢຊູ ປໍ້້ທີ່ນະຄອນເຢຣູຊາເລັມ ເພື່ອຖວາຍພຣະອົງໂຢນເກີດບໍຣິສຸດເຢີພຣະເຈົ້າ,ເພື່ອຣຳ້ໃຊ້ພຣະເຈົ້າ, 23ຕາມທີ່ເວິຍພຣະຄໍາພີຂຽນດໍ້ກະລຸງກົດບັນຍັດຂອງອົງພຣະຜູ້ເກີດເຈົົ້າຣ້ວຍ. “ໄກ້ໂກນຕະໂກຄູນະຈະຕ້ອງປໍ້້ດອງທະຖວາຍເຢີອົງພຣະຜູ້ເກີດເຈົ້າ.” 24ໂຢເຊັບນັງມາຣີບອນຖວາຍຟຼອງບູຊາຕາມທີ່ກົດບັນຍັດຂອງອົງພຣະຜູ້ເກີດເຈົ້າບອນກ່າວດໍ້ທຣະເລິຍ ຄືໄກ້ເຫລ້ມກະລ້າງຕະເປີຍມູຄູ່ ຫລືໄກ້ເຫ້ລມກາງແກ່ຫອັງບາລໂຕໂຢນເຢີປະໂຣຫິດຜູ້ທີ່ຖວາຍສິ່ງນໍເຕິຫະຢົ໋ງແທ່ນບູຊາເພື່ອມາຣີສຳລະບອມຢຼະໂຢນສະອາດ. 25ຂະນະກຼີ ເຕິກະລຸງນະຄອນເຢຣູຊາເລັມ ບອນເວິຍກຸ້ຍໂກນມະນະພະນຶ້ຣ້ວຍ ຊີເມໂອນ ດໍເກີດກຸ້ຍອໍ ແລະສັດຊື່ເຢີພຣະເຈົ້າ ແລະດໍກຳລັງເປິ້ນພຣະຜູ້ຊ່ວຍໂຢນພົ້ນຜູ້ທີ່ພຣະເຈົ້າສັນຍາຣ້ວຍຈະຢຼວນເຕິຊ່ວຍຊາດອິດສະຣາເອນໂຢນພົ້ນ ເກີດສັດຕູຂອງຈຸມປີດໍ, ພຣະວິນຍານບໍຣິສຸດເຈົ້າຊົງສະຖິດອັດນັງດໍ 26ພຣະວິນຍານບໍຣິສຸດເຈົ້າ ບອນເປີດເຜີຍໂຢນດໍຮອຍຣ້ວຍ ຊີເມໂອນຈະເລິ້ຍກະເຈດຈົນກ່ວາທີ່ດໍບອນຫອມພຣະເມຊີອາ (ພຣະເຢຊູ) ຜູ້ເຕິເກີດອົງພຣະຄຣິດເຈົ້າ. 27ເຕິຕະງາຍກຼີ ພຣະວິນຍານບໍຣິສຸດເຈົ້າ ບອນນຳພາຊີເມໂອນປໍ້້ບ້ອນເດີນພຣະວິຫານ, ເຕິບ້ອນກີຼີໂຢເຊັບແລະມາຣີບອນອິດເຣິກຸ້ຍແກັດເຢຊູໂມດປໍ້້ບອນກະລຸງພຣະວິຫານ ເພື່ອປະຕິບັດຕາມກົດບັນຍັດບອນກ່າວດໍ້ກຽ່ວນັງໃກ້ໂກນຕະໂກຄູນະ 28ເຢີຊີເມໂອນກໍບອນກະອືເຣິກຸ້ຍແກັດເຢຊູດໍ້ເຕິກຼັອງຂອງບອມຢຼະ ແລະສັນລະເສີນຂອບໄຈພຣະເຈົ້າຣ້ວຍ, 29“ຂ້າແດ່ພຣະອົງເຈົ້າ ບັດນໍພຣະອົງເຈົ້າຊົງຊ່ວຍໂຢນກຸ້ຍໃຊ້ ຂອງພຣະອົງ ປໍ້້ເກີດສຸກຕາມພຣະທຳຂອງພຣະເຈົ້າ 30ເພາະວາ່ກະລ້ອງໝັ້ນຂອງກືຢຼະບອນທຣຸ້ມພຣະຜູ້ຈອຍໂຢນພົ້ນ ທີ່ເຕິເກີດພຣະອົງເຢີ 31ພຣະອົງເວິຍແຜ່ນການທີ່ຈະຊ່ວຍກຸ້ຍເອີ້ຍໂລກໂຢນພົ້ນນຸງວິທີຄູຊົນຊາດສາມາດບອນຫອມ 32ຄືແສງສະຫວ່າງສອງແຈ້ງ ເປີດເຜີຍພຣະປະສົງ ເຢີບັນດາປະຊາຊາດ ແລະເຣິອິດສະຫງ່າຣາສີເຕິເຢີ ອິດສະຣາເອນພົນລະເມືອງ ຂອງພຣະເຈົ້າ.” 33ຫະຣ້າໂຢເຊັບແລະມາຣີຂອງກຸ້ຍແກັດ (ກຸມມານເຢຊູ) ກໍກະລັກພະໄຫ້ງເຕິສິ່ງທີ່ຊີເມໂອນບອນກາ່ວກະເລິ້ຍກຸ້ຍແກັດເຢຊູກຼີ. 34ຊີເມໂອນບອນອວຍພອນອຳນັງອຸຍ ແລະກ່າວນັງມາຣີອຸຍຂອງກຸຸ້ຍແກັດເຢຊູອັນກຼີຣ້ວຍ, “ເພາະກຸມມານນໍທີ່ພຣະເຈົ້າບອນແຕງຕັ້ງດໍ້ພຣະເຈົ້າຈະທຳລາຍກະເລິ່ງນະກະລຸງຊາດອິດສະຣາເອນ ແລະພຣະອົງຈະຊ່ວຍກຸ້ຍກະນໍ້ ກະນໍ້ແອັ້ນກະລຸງຊາດອິດສະຣາເອນໂຢນພົ້ນ. 35ເພາະຄວາມຄິດກະລຸງພະໄຫ້ງຂອງກຸ້ຍກະເລິ່ງນະ ຈະບອນຫະຟຼ້າແຈ້ງ ສ່ວນມາຍຈະໄອຈະຄືຄຣາຍດາບແຈັນປະຊຸ໋ພະໄຫ້ງ ໂດຍການຕໍ່ຕ້ານດໍ ຈຸມປີດໍຈະສະແດງໂຢນຫອມຄວາມຄິດນຸງກະລຸງທີ່ແທ້ຈິ່ງຂອງຈຸມປີດໍ.” 36ນຸງມູຕະງາຍຕະກຼີນັງເວິຍໝໍທໍານວາຍກຸ້ຍກັນມະນະ ພະນຶ້ນາງອານາກໍອັດບ້ອນກຼີນຸງບໍຣິເວນເດີນພຣະວິຫານ ນາງເກີດໄກ້ກັນຂອງໂກນມະນະພະນຶ້ຟານູເອນ ກະລຸງຕະກຸນອາເຊ ນາງເກີດກຸ້ຍເຄ້ຣງອາຍຸປູດເຢີ ເວິຍກະເຢຼິຕັ້ງແຕ່ເກີດກະໂມລຫັອງ ແລະອັດນັງກະເຢິຼບອນເຈັດກະມໍ້ທຣິນເກີດກຼີກະເຢິຂອງດໍຈະກະເຈດ, 37ເຢີນາງກໍເກີດກະມ້າຍເຕິລະຫວ່າງແປດສິບສີ່ປີ ນາງບ້ອນໃຊ້ເວລານຸງບໍລິເວນເດີນພຣະວິຫານນາງບອນນະມັດສະການພຣະເຈົ້າເຕິບ້ອນກຼີ ທັງຟ້ຣາຕະງາຍທັງຟ້ຣາກະໂດະໂດ້ຍເລິ້ຍບອນຈ້າ ອະໄມ້ ສຳລັບຊວງເວລາກຼີ ແລະໂດຍພາວັນນາອອະທິຖານເຢີພຣະເຈົ້າ. 38ເຢີຊີເມໂອນໂຊລຢຼ້າຍເຢີ ເຕິເວລາກຼີ ນາງອານາບອນຊໍ້ເຢີໂຢເຊັບແລະມາຣີຂະນະທີ່ຈຸມປີດໍນັງອັດບ້ອນກຼີນຸງບໍຣິເວນພຣະວິຫານນຸງນະຄອນເຢຣູຊາເລັມ ນາງອານາກໍບອນຊໍ້ເຕິໂມທະນາຂອບພຣະຄຸນ ພຣະເຈົ້າ ນາງບອນເລີ່ມກ່າວນັງກຸ້ຍແກັດ (ພຣະກຸມມານ) ເຢີກຸ້ຍຄູນະ ນູ້ທີ່ຕ້ອງການໂຢນພຣະຜູ້ຊ່ວຍ ໂຢນພົ້ນ ເຕິຊ່ວຍປີດໍໂຢນພົ້ນເກີດສັດຕູຂອງປີດໍ.
ການລ້າແອັ້ນສູ່ນາຊາເຣັດ
39ເຢີໂຢເຊັບແລະມາຣີບອນຕະຄູສິ່ງຢຼ້າຍ ຕາມທີ່ກົດບັນຍັດຂອງໂມເຊບອນສັ່ງໂຢນຈຸມປີດໍຕະ,ຈຸມປີດໍບອນລ້າເຕິຄືນໂຈເວລເມືອງຂອງປີດໍຢຼະ ທີ່ນາຊາເຣັດເຕິແຂວງຄາລີເລ. 40ນຸງກະເລິ່ງກະມໍ້ເຢີບຣານ ກຸ້ຍແກັດເຢຊູກຼີ ກໍເຄິ້ລຍຊໍ້ແລະສະຫລາດຝາຍວິນຍານໂດຍຄະນ້າຣິດອຳນາດຂອງພຣະວິນຍານບໍຣິສຸດເຈົ້າ ແລະພຣະເຈົ້າກໍສະຖິດອັດນັງດໍ.
ພຣະກຸມມານເຢຊູນຸງພຣະວິຫານ
41ຄູກະມໍ້ ອຳອຸຍຂອງພຣະກຸມມານເຢຊູ ເຄີຍຊໍ້ປໍ້້ນະຄອນເຢຣູຊາເລັມເພື່ອສະຫລອງເທດສະການປັດສະຄາ. 42ເຢີພຣະກຸມມານພຣະເຢຊູອາຍຸບອນສິບສອງປີ ຈຸມປີດໍກໍບອນຊໍ້ປໍ້້ສະຫລອງເທດສະການນໍ ຕາມທຳນຽມທີ່ເຄີຍປະຕິບັດເຕິ. 43ເຢີເທດສະການຢຼ້າຍສຸດແຊ້ງເຢີ ອຳອຸຍກໍລ້າແອັ້ນໂຈ້ດຸງ ສວນພຣະກຸມມານເຢຊູກຼີນັງຄ້າງອັດນຸງນະຄອນເຢຣູຊາເລັມ ຫະຣ້າອຳອຸຍກໍເລິ້ຍຮອຍອາໄມ້. 44ດໍທັງບາລນະຄຶດຣ້ວຍ ພຣະກຸມມານເຢຊູກຼີ ອັດນັງກຸ່ມກຸ້ຍທີ່ຫະດ້າວຄະນ້າເຕິດ້ວຍມະຕຸຼ.ເຢີກຼີ ຈຸມປີດໍຈຶຶ່ງຫະດ້າວຄະນ້າປໍ້້ແອັ້ນບອນມູຕະງ້າຍ ເຢີເລີມຕົ້ນຫັ້ລງຊູເຕິເຄິ່ງທຣະດີຍາດພີ່ຕິນ້ອງແລະມູນູ້. 45ເຢີເລິ້ຍບອນທຣຸ້ມ ຈຸມປີດໍຈຶ່ງລ້າແອັ້ນປໍ້້ຫັ້ລງຊູ້ເຕິນະຄອນເຢຣູຊາເລັມ. 46ເຢີຫັ້ລງຊູ້ບອນແປ້ຕະງາ້ຍເຢີ ຈຸມປີດໍກໍທຣຸ້ມພຣະກຸມມານຕະກູອັດເຕິພຣະວິຫານ ເຄິ່ງທຣະດີກຸ່ມອາຈານຊາວຢິວ ກຳລັງຫະແງ້ແລະຕະມໍ໋ຈຸມອາຈານອັນກຼີແອັນ. 47ຄູນະທີ່ບອນຊັງພຣະອົງກ່າວ ຕ່າງກໍກະລັກພະໄຫ້ງເຕິສະຕິປັນຍາ ແລະຄຳຕອບຂອງພຣະກຸມມານກຼີ. 48ຫະຣ້າອຳອຸຍກໍກະລັກພະໄຫ້ງເຢີບອນທຣຸ້ມ ແລະອຸຍຈຶ່ງຕະມໍ໋ຣ້ວຍ. “ໄກ້ເອີຍ, ເກີດອະໄມ້ຈຶ່ງຕະອີນໍນັງຈຸມແຮ? ອຳນັງອຸຍຫລັ້ງມາຍດ້ວຍຄວາມກັງວົນພະໄຫ້ງທີ່ສຸດ.” 49ພຣະກຸມມານທຣະອອຍຣ້ວຍ. “ເກີດອະໄມຫລັ້ງຊູກື? ຈຸມມາຍເລິ້ຍຮອຍ ກືຕ້ອງອັດເຕິກະລຸງບອນສະຖິດແຫ່ງພຣະບິດາເຈົ້າ” 50ແຕ່ຈຸມປີດໍເລິ້ຍເຂົ້າໃຈຄຳຕອບຂອງພຣະກຸມມານກຼີ. 51ເຢີພຣະກຸມມານເຢຊູ ຈຶ່ງແຊ້ງໂຈ້ນັງຈຸມປີດໍສູ່ເມືອງນາຊາເຣັດ ແລະອ່ອນນ້ອມຍອມຫາແງ້ຈຸມປີດໍ ຫະຣ້າອຸຍກໍເກັບກຳເລື່ອງເອິ້ຍມະກຼີດໍ້ກະລຸງພະໄຫ້ງ. 52ພຣະເຢຊູບອນຈະເລີນເຕີບໂຕເຄຣິ້ຍເຕິດ້ານຈະເຈນແລະສະຫລາດປູດ ເຕິດ້ານສະຕິປັນຍາຂອງພຣະເຈົ້າ ທັງພຣະເຈົ້າແລະກຸ້ຍຮັບຮ້ອງພຣະອົງຣ້ວຍ ພຣະອົງເກີດຜູ້ທີ່ເວິຍກຽດ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Inh/In Bible by Beyond Translation is licensed under Creative Commons Attribution-ShareAlike 4.0 License.