Maruku 16
16
Thlaˈ Yesu hur mǝmatecha
1Kǝ mbǝr kǝ fartǝ yiptǝ ha, Maryamu thlaˈtǝ Magdaliya, tǝ Maryamu man Yakubu tǝ Salomi, hikandǝ fiɗeta thla naa saˈtaˈan mbinchan, kǝthlǝm kǝ ɗǝndǝ paˈandǝ fati Yesu. 2Kǝrsǝ fartǝ yipta, walwurta tapi chi farta, ɗǝkandǝ kǝ mǝt kwiyan. 3Naka ndǝ wiˈtǝ mbanda, nakan ndǝ chihandǝ raˈan, ndat wa, “Wun nech patandǝ papalaɗan ˈyamǝn kaɗ ǝ mii kwiyan?”
4Paɗaa kǝ saˈ kandǝ nduk tǝ mii kwiyan, thlaˈan kandǝ inda, naka ndǝ tapi patan fee kapa papalaɗan kaɗi. 5Kǝ yim kandǝ kǝ hur kwiyan, nakandǝ kimsha ɗas tǝ harsǝm ˈyanda, tǝ kapat heɗǝɗa fiyan, chat lekǝkanda.
6Ndang kan tanda wa, “Mǝ lekǝwun wa, tǝ nowun ka Yesu i Nazarat thla kukwandǝ fee ha ɓǝra palangnda wa? Mǝthlan si mǝɗiya wa, ǝ thleˈi. Ɗǝpaman mǝɗi huna ndǝ fee ha. 7Nakanya nggǝraman in, kǝ mbuˈawun Biturus tǝ takǝɗ kǝmsichiyan, ndat wa ‘Nan lat mǝ kun kǝ Galili, ǝ minni nandǝ naa ndi kǝɗ ǝnɗi mbuˈandǝn tanda.’”
8Chekandǝ kesh hur kwiyan, rakaka nda, tandǝ saktat fa tǝ lekǝta. Mbuˈa wandǝ ǝn nefa wa, kǝthlǝm tandǝ lekǝta. [
Pǝnan Yesu fatˈyan Maryamu thlaˈtǝ Magdaliya
9Kǝ thlaˈkǝ Yesu hur mǝmatecha, walwurtǝ pung ǝ kǝr sǝ fartǝ yipti Yahudawecha, nggakchan pǝn indiyan kǝmɗi Maryamu thlaˈtǝ Magdaliya, thla kǝtandǝn hwaˈarchi kesh muɗ fiyan. 10Mǝthlan paɗ ɗǝkan mbuˈandǝ nafchiɗi nech tǝ Yesu tǝrkwathl kanan, tǝ fenech tǝta tǝ sǝɓtǝ hwira. 11Paɗaa kǝ sǝkkanda wa thlaˈ Yesu tǝ shishingndǝ fa, paɗ ni tǝ anchi, fǝr wandǝ kit su wa.
Pǝnan Yesu fatˈyan kǝmsichiyan chap
12Kǝrsǝ ndaˈan mbeɗak fati Yesu ha, pǝn kan indiyan kǝmɗi kǝmsichiyan chap, nech wiˈta kǝ wan mǝrɓa. 13Nggǝrang kandǝ in mbuˈankandǝ takichaˈan, karkandǝ fǝr kit kǝ tandǝ paɗ.
Pǝnan Yesu fat kǝmsichiɗan kum nggǝrsǝ artǝ yu
14Kǝrsaɗan, pǝng kǝ Yesu indiyan kǝmɗi fee kum nggǝrsǝ artǝ yu, fartǝ ɗi nat ndǝ sǝmɗǝsǝm nda. Yanan kan tanda kǝ ɗar kumi fǝr kit tǝ kwaˈkwa tǝ indiyanda, kǝthlǝm fǝr wandǝ kit kǝ ndikti fee nech anchi, kǝrsǝ thlaˈtiyan wa.
15Ndangkan tanda wa, “Ɗama kǝ hur heshi nat, kǝ ɓasawun kwastǝ ndiktǝɗiya pong nafchǝ nat. 16Nat thla fǝrchi kit, chan kǝ fee baptisma, nan mbǝs shishingnda kǝ kweˈkǝchi. Nat thla sǝkcha paɗ fǝr wa kit wa, naa fee chakan mee. 17Naa Farta fǝran alkǝt fee fǝrchi kit kǝ nggǝta, kǝ chindǝ icha thla nech ɗǝf nafchǝ kǝ saka ndech inda. Hur thlǝm na, nandǝ rekandǝ hwaˈarchi kesh, naa ndǝ ndiktǝ paɗ, tǝ michi samǝn samǝn. 18Nandǝ har wuruɓchǝ tǝ harchi yanda. Maa ǝ si ndǝ warkam ndi, nan chanda ǝna wa. Nandǝ ɗǝfan fee nech haˈchan harchi kǝ in, paɗ kǝ kǝndǝ kaɗi.”
Tǝr fee Yesu kǝ hulafǝrta
19Kǝrsǝ ndiktǝɗi mbuˈanda Chinda Yesu, tǝran kǝ fee kǝ hulafǝrta, chokkan tǝ harsǝm i Farta. 20Chek kǝmsichiyan kesh, nakandǝ ɓas kwastǝ ndikta chǝka tǝ yeni. Chinda paɗ mǝthlan tǝ tanda, nakan pǝnnan nafcha wa ɓasi kǝmsichiɗan yu kit si, tǝmɗi ǝna saka inɗi thlǝ nat ndǝ chǝta tǝ ndiktǝɗi thlǝ natndǝ ndikta.]
Iliyochaguliwa sasa
Maruku 16: GQA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Luke Initiative for Scripture Translation
Maruku 16
16
Thlaˈ Yesu hur mǝmatecha
1Kǝ mbǝr kǝ fartǝ yiptǝ ha, Maryamu thlaˈtǝ Magdaliya, tǝ Maryamu man Yakubu tǝ Salomi, hikandǝ fiɗeta thla naa saˈtaˈan mbinchan, kǝthlǝm kǝ ɗǝndǝ paˈandǝ fati Yesu. 2Kǝrsǝ fartǝ yipta, walwurta tapi chi farta, ɗǝkandǝ kǝ mǝt kwiyan. 3Naka ndǝ wiˈtǝ mbanda, nakan ndǝ chihandǝ raˈan, ndat wa, “Wun nech patandǝ papalaɗan ˈyamǝn kaɗ ǝ mii kwiyan?”
4Paɗaa kǝ saˈ kandǝ nduk tǝ mii kwiyan, thlaˈan kandǝ inda, naka ndǝ tapi patan fee kapa papalaɗan kaɗi. 5Kǝ yim kandǝ kǝ hur kwiyan, nakandǝ kimsha ɗas tǝ harsǝm ˈyanda, tǝ kapat heɗǝɗa fiyan, chat lekǝkanda.
6Ndang kan tanda wa, “Mǝ lekǝwun wa, tǝ nowun ka Yesu i Nazarat thla kukwandǝ fee ha ɓǝra palangnda wa? Mǝthlan si mǝɗiya wa, ǝ thleˈi. Ɗǝpaman mǝɗi huna ndǝ fee ha. 7Nakanya nggǝraman in, kǝ mbuˈawun Biturus tǝ takǝɗ kǝmsichiyan, ndat wa ‘Nan lat mǝ kun kǝ Galili, ǝ minni nandǝ naa ndi kǝɗ ǝnɗi mbuˈandǝn tanda.’”
8Chekandǝ kesh hur kwiyan, rakaka nda, tandǝ saktat fa tǝ lekǝta. Mbuˈa wandǝ ǝn nefa wa, kǝthlǝm tandǝ lekǝta. [
Pǝnan Yesu fatˈyan Maryamu thlaˈtǝ Magdaliya
9Kǝ thlaˈkǝ Yesu hur mǝmatecha, walwurtǝ pung ǝ kǝr sǝ fartǝ yipti Yahudawecha, nggakchan pǝn indiyan kǝmɗi Maryamu thlaˈtǝ Magdaliya, thla kǝtandǝn hwaˈarchi kesh muɗ fiyan. 10Mǝthlan paɗ ɗǝkan mbuˈandǝ nafchiɗi nech tǝ Yesu tǝrkwathl kanan, tǝ fenech tǝta tǝ sǝɓtǝ hwira. 11Paɗaa kǝ sǝkkanda wa thlaˈ Yesu tǝ shishingndǝ fa, paɗ ni tǝ anchi, fǝr wandǝ kit su wa.
Pǝnan Yesu fatˈyan kǝmsichiyan chap
12Kǝrsǝ ndaˈan mbeɗak fati Yesu ha, pǝn kan indiyan kǝmɗi kǝmsichiyan chap, nech wiˈta kǝ wan mǝrɓa. 13Nggǝrang kandǝ in mbuˈankandǝ takichaˈan, karkandǝ fǝr kit kǝ tandǝ paɗ.
Pǝnan Yesu fat kǝmsichiɗan kum nggǝrsǝ artǝ yu
14Kǝrsaɗan, pǝng kǝ Yesu indiyan kǝmɗi fee kum nggǝrsǝ artǝ yu, fartǝ ɗi nat ndǝ sǝmɗǝsǝm nda. Yanan kan tanda kǝ ɗar kumi fǝr kit tǝ kwaˈkwa tǝ indiyanda, kǝthlǝm fǝr wandǝ kit kǝ ndikti fee nech anchi, kǝrsǝ thlaˈtiyan wa.
15Ndangkan tanda wa, “Ɗama kǝ hur heshi nat, kǝ ɓasawun kwastǝ ndiktǝɗiya pong nafchǝ nat. 16Nat thla fǝrchi kit, chan kǝ fee baptisma, nan mbǝs shishingnda kǝ kweˈkǝchi. Nat thla sǝkcha paɗ fǝr wa kit wa, naa fee chakan mee. 17Naa Farta fǝran alkǝt fee fǝrchi kit kǝ nggǝta, kǝ chindǝ icha thla nech ɗǝf nafchǝ kǝ saka ndech inda. Hur thlǝm na, nandǝ rekandǝ hwaˈarchi kesh, naa ndǝ ndiktǝ paɗ, tǝ michi samǝn samǝn. 18Nandǝ har wuruɓchǝ tǝ harchi yanda. Maa ǝ si ndǝ warkam ndi, nan chanda ǝna wa. Nandǝ ɗǝfan fee nech haˈchan harchi kǝ in, paɗ kǝ kǝndǝ kaɗi.”
Tǝr fee Yesu kǝ hulafǝrta
19Kǝrsǝ ndiktǝɗi mbuˈanda Chinda Yesu, tǝran kǝ fee kǝ hulafǝrta, chokkan tǝ harsǝm i Farta. 20Chek kǝmsichiyan kesh, nakandǝ ɓas kwastǝ ndikta chǝka tǝ yeni. Chinda paɗ mǝthlan tǝ tanda, nakan pǝnnan nafcha wa ɓasi kǝmsichiɗan yu kit si, tǝmɗi ǝna saka inɗi thlǝ nat ndǝ chǝta tǝ ndiktǝɗi thlǝ natndǝ ndikta.]
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Luke Initiative for Scripture Translation