Rut 3
3
Rut nasemany ma Boas nambabéy bok namjagak ma rik nak
1Bil néy is Nayomi, belok babok Rut nak, nachal ma rik nak, “Aléh, yék mestik imkèk tòw pay ma hãk, supaye mok sènꞌòy rik namjagak méj ma hãk. 2Pay doh hãk harès-ros samak bèꞌbok rik kerèꞌjak èn selay Boas. Dak Boas nak sakèy ah rik tilok. Jadik, keyòkh lah: layèg doh Boas akal nagèrsëj bok nagèm-gém menéh barli èn tempad gerènsëj eh. 3Ma-muh lah puꞌdoh bok sok binyak chèsngẽs èn esik hãh. Dak lòg lah nèglòg hãh rik paléng méj. Dak wèk lah ma tempad gerènsëj Boas nak. Tapik lèb lah julak-julak supaye Boas tok nanèh-néh ma hãk. Deh lah sampéy Boas hòj sòj nagéy bok naꞌòng. 4Dak pas nak, bil Boas naselòg, néh lah èn lok rik nak naselòg. Nòm kerek nak, wèk lah dak yèg abat nòm jukh eh, dak selòg lah èn chening jukh eh. Kalòw hateꞌèl gerèk nak, akal Boas nalèkh hãk hachèn rik nak namjagak ma hãk, bok akal naꞌoglèkh ma hãk ilok rik hãk haros hamteꞌèl.”
5Dak Rut nachal ma Nayomi, “Nak, yék akal iteꞌèl kenèmbek hal rik hãk hachal nak.”
6Jadik Rut nawèk ma tempad gerènsëj nak dak nateꞌèl kenèmbek ilok rik belok babok eh hòj naꞌor naꞌtèk. 7Nòm kerek Boas hòj sòj nagéy bok naꞌòng, Boas naꞌadés. Rik nak napihòy èn chening menéh rik jelèngbokh dak naselòg. Nòm kerek nak, Rut nalèb julak-julak ma Boas dak nayèg abat nòm jukh eh, dak naselòg èn anak.
8Bil gagid layèg Boas tok-tok nawòg. Rik nak nawãr, dak nakèdjed geb bil nanéh mok néy babok nasèglòg èn chening jukh eh! 9Boas natanyak, “Chok hãk nak?”
Rut nasaꞌod, “Yãng, yék doh Rut. Hãk nak sakèy yék rik tilok, bok hãk lah rik seteréd bejagak ma kewarge tòw yéh. Jadik, tulong lah jagak ma yék bok terime lah yék imjadik léh hãk.”#3:9 Tèks asli Kitab mok kiasan anuh: Rut nachal ma Boas, “sèrmuk che yék nòm sòy bajuk hãh nak.” Unak lah néy chare sènꞌòy Ibrani umchal tentang benabéy.
10Dak Boas nachal, “Aléh, yék ipèꞌtak ma TUHAN supaye namteꞌèl méj ma hãk. Hatòp nak hãk hapèrnéh senayèkh hãh rik setiye ma belok hãh, bok puꞌdoh hapèrnéh senayèkh hãh rik lebéh rayak wèl! Sebab pastik hãk boléh hakèk lenitòw, rik bekaye atòw pon rik hèl-hal, bok namjadik tòw hãh. Tapik hãk hapili ma yék. 11Jadik agok lah tukh. Yék akal iteꞌèl kenèmbek rik hãk hasemany nak ma yék. Kenèmbek sènꞌòy rik gèl-gel èn kote doh umlèkh hãk sènꞌòy rik méj bok kemën. 12Bok mémang kemën lah yék doh sakèy hãh rik seteréd bejagak ma kewarge tòw hãh nak. Tapik mok wèl néy sakèy mòy rik lebéh tilok nòm yék. #Rut 2:20. 13Kalòw lah rik nak nachèn namjagak ma hãk bok ma harte hãh, bok yék mestik iperak nanak namjagak ma hãk. Tapik kalòw rik nak najèk, yék ipèrhod ipantakh ma TUHAN rik gès-gos yék pastik ijagak ma hãk. Jadik selòg lah èn anuh layèg doh, dak yèhyah jakal yék akal iwèk imcharak ma sènꞌòy nak.”
14Jadik Rut naselòg èn jukh Boas layèg nak. Tapik Boas najèk sènꞌòy mòy mulèkh Rut mok èn tempad gerènsëj eh nak. Jadik Rut nawòg awal bil is tik rengah supaye sènꞌòy tok dapad mukenal ma rik nak.
15Dak Boas nachal ma Rut, “Èn lah ma yék abat selindang hãh bok kuwòp untok yék imchuwoh menéh.” Dak Boas nachuwoh kirak-kirak dua puloh kiloh menéh ma kelòj abat selindang Rut nak. Dak Boas nabeg abat rik tebikh menéh nak èn kerek Rut. Nòm kerek nak, Boas namak ma kote.
16Bil Rut namak ma belok babok eh, Nayomi natanyak ma rik nak, “Aléh, ilok nabelakuk?” Dak Rut naꞌoglèkh ma Nayomi tentang kenèmbek hal rik Boas nateꞌèl untok rik nak. 17Rut nachal wèl, “Boas nachal ma yék, ‘Agok lah hamak nòm tok beꞌilok-ilok hamꞌèn ma belok hãh.’ Dak rik nak naꞌog ma yék kenèmbek menéh barli doh!”
18Dak Nayomi nachal, “Nak aléh, puꞌdoh deh lah sampéy hãk hakeyòkh ilok akal nambelakuk. Boas nak pastik tok nagèl-gel kèd kalòw hal nak tik tok sèj-sòj; pastik rik nak akal naꞌuros is doh.”
Iliyochaguliwa sasa
Rut 3: KKT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Rut 3
3
Rut nasemany ma Boas nambabéy bok namjagak ma rik nak
1Bil néy is Nayomi, belok babok Rut nak, nachal ma rik nak, “Aléh, yék mestik imkèk tòw pay ma hãk, supaye mok sènꞌòy rik namjagak méj ma hãk. 2Pay doh hãk harès-ros samak bèꞌbok rik kerèꞌjak èn selay Boas. Dak Boas nak sakèy ah rik tilok. Jadik, keyòkh lah: layèg doh Boas akal nagèrsëj bok nagèm-gém menéh barli èn tempad gerènsëj eh. 3Ma-muh lah puꞌdoh bok sok binyak chèsngẽs èn esik hãh. Dak lòg lah nèglòg hãh rik paléng méj. Dak wèk lah ma tempad gerènsëj Boas nak. Tapik lèb lah julak-julak supaye Boas tok nanèh-néh ma hãk. Deh lah sampéy Boas hòj sòj nagéy bok naꞌòng. 4Dak pas nak, bil Boas naselòg, néh lah èn lok rik nak naselòg. Nòm kerek nak, wèk lah dak yèg abat nòm jukh eh, dak selòg lah èn chening jukh eh. Kalòw hateꞌèl gerèk nak, akal Boas nalèkh hãk hachèn rik nak namjagak ma hãk, bok akal naꞌoglèkh ma hãk ilok rik hãk haros hamteꞌèl.”
5Dak Rut nachal ma Nayomi, “Nak, yék akal iteꞌèl kenèmbek hal rik hãk hachal nak.”
6Jadik Rut nawèk ma tempad gerènsëj nak dak nateꞌèl kenèmbek ilok rik belok babok eh hòj naꞌor naꞌtèk. 7Nòm kerek Boas hòj sòj nagéy bok naꞌòng, Boas naꞌadés. Rik nak napihòy èn chening menéh rik jelèngbokh dak naselòg. Nòm kerek nak, Rut nalèb julak-julak ma Boas dak nayèg abat nòm jukh eh, dak naselòg èn anak.
8Bil gagid layèg Boas tok-tok nawòg. Rik nak nawãr, dak nakèdjed geb bil nanéh mok néy babok nasèglòg èn chening jukh eh! 9Boas natanyak, “Chok hãk nak?”
Rut nasaꞌod, “Yãng, yék doh Rut. Hãk nak sakèy yék rik tilok, bok hãk lah rik seteréd bejagak ma kewarge tòw yéh. Jadik, tulong lah jagak ma yék bok terime lah yék imjadik léh hãk.”#3:9 Tèks asli Kitab mok kiasan anuh: Rut nachal ma Boas, “sèrmuk che yék nòm sòy bajuk hãh nak.” Unak lah néy chare sènꞌòy Ibrani umchal tentang benabéy.
10Dak Boas nachal, “Aléh, yék ipèꞌtak ma TUHAN supaye namteꞌèl méj ma hãk. Hatòp nak hãk hapèrnéh senayèkh hãh rik setiye ma belok hãh, bok puꞌdoh hapèrnéh senayèkh hãh rik lebéh rayak wèl! Sebab pastik hãk boléh hakèk lenitòw, rik bekaye atòw pon rik hèl-hal, bok namjadik tòw hãh. Tapik hãk hapili ma yék. 11Jadik agok lah tukh. Yék akal iteꞌèl kenèmbek rik hãk hasemany nak ma yék. Kenèmbek sènꞌòy rik gèl-gel èn kote doh umlèkh hãk sènꞌòy rik méj bok kemën. 12Bok mémang kemën lah yék doh sakèy hãh rik seteréd bejagak ma kewarge tòw hãh nak. Tapik mok wèl néy sakèy mòy rik lebéh tilok nòm yék. #Rut 2:20. 13Kalòw lah rik nak nachèn namjagak ma hãk bok ma harte hãh, bok yék mestik iperak nanak namjagak ma hãk. Tapik kalòw rik nak najèk, yék ipèrhod ipantakh ma TUHAN rik gès-gos yék pastik ijagak ma hãk. Jadik selòg lah èn anuh layèg doh, dak yèhyah jakal yék akal iwèk imcharak ma sènꞌòy nak.”
14Jadik Rut naselòg èn jukh Boas layèg nak. Tapik Boas najèk sènꞌòy mòy mulèkh Rut mok èn tempad gerènsëj eh nak. Jadik Rut nawòg awal bil is tik rengah supaye sènꞌòy tok dapad mukenal ma rik nak.
15Dak Boas nachal ma Rut, “Èn lah ma yék abat selindang hãh bok kuwòp untok yék imchuwoh menéh.” Dak Boas nachuwoh kirak-kirak dua puloh kiloh menéh ma kelòj abat selindang Rut nak. Dak Boas nabeg abat rik tebikh menéh nak èn kerek Rut. Nòm kerek nak, Boas namak ma kote.
16Bil Rut namak ma belok babok eh, Nayomi natanyak ma rik nak, “Aléh, ilok nabelakuk?” Dak Rut naꞌoglèkh ma Nayomi tentang kenèmbek hal rik Boas nateꞌèl untok rik nak. 17Rut nachal wèl, “Boas nachal ma yék, ‘Agok lah hamak nòm tok beꞌilok-ilok hamꞌèn ma belok hãh.’ Dak rik nak naꞌog ma yék kenèmbek menéh barli doh!”
18Dak Nayomi nachal, “Nak aléh, puꞌdoh deh lah sampéy hãk hakeyòkh ilok akal nambelakuk. Boas nak pastik tok nagèl-gel kèd kalòw hal nak tik tok sèj-sòj; pastik rik nak akal naꞌuros is doh.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.