Mateus 3
3
Yaari Yohanes ra Lei Hatütü Kaü
(Markus 1.1-8; Lukas 3.1-18; Yohanes 1.19-28)
1Niyatora nga Yohanes ra Lei Hatütü e bwitoho niwoni Yudea eda hapurotahe yaar kaü eda dölü bwa, 2“Hau wehitengi tammaümi bwa eda mori halep Farüyeri Weirengi.” 3Iiye Yohanes-mo profeta Isaias e tapa ifiri-mo e dölü bwa, “Demarü yalematara e kabwat ma niworu eda dölü bwa, ‘Hau hawerewereya yarari Tamoru; hau hawere yarara ebwe taühü!’ ”
4Üfferi Yohanes ra la tolungu ma ifiri ureri marura camel, nga talari puwar ra hini harabau, nga han ra määnifetiri ma riso määni niwonap. 5Yalemat la ppari bwito ma Yerusalem nga la bwito ma räni uruteri farüyeri Yudea ma uruteri farüya hara e mire idelaye sarü hilidiri Jordan lada bwitoho iyolor. 6Lada tapani tammaüül, Yohanes eda hatütüül ma räni sarü hilidiri Jordan.
7Ifiri na Yohanes eda käkäne bwa e pipiya Farisi ma Sadiusi ra la raho iyolor bwa labwe hatütü, eda haüül bwa, “Hami rabuto! Itöü e hauhemi bwa ebwe süya bwa haubwe mwarotangi na yaari Dios hahaliheli ra erau fangato? 8Hau faülüüni faülümire ra ebwe hannaha bwa hauda mori wehitengini tammaümi. 9Hau tawai mangiya bwa e süya bwa haubwe mwarotangi hahalihelira ifiri na haubwe dölü bwa hau sapitohori Abraham. Ibwe hauhemi bwa Dios e süya bwa ebwe hädini faduhar eda faülüül bwa wonouri Abraham! 10Yahis ra e mori mire bwa ebwe farani siriheti ma ifiri walahari; uruteri siriheti hara e tai maho uwaar, ra ebwe farayahi nga la pietiyehitahe uwawori yafi.” 11Ngaangu i hatütü ngerihami saarü bwa ebwe hannaha bwa hauda mori wehitengi tammaümi, nga dari na yalematara ebwe tabweyatoho mwili ra e hamatahütöhü taiteir ma imowai. Ngaangu e tei hapaüpöüri me ibwe hamasü yaar susu. Iiye ebwe hatütüngeri hami yafi ma Ngörü Liya. 12E hädi na yaar sofor ra e hori hasüyesüyeri hini uwari siriheti ra wheat, eda hädini iyahara uwaar eda iteri nirango räni räniyar. Nga iyahara pöür eda hahüni wori yefira e tawol haühühüri puror.
Yaari Hesus Hatütü
(Markus 1.9-11; Lukas 3.21-22)
13Niyatora nga Hesus eda bwitoho ma Kalilea eda raho iyolori Yohanes ma Jordan bwa ebwe hatütüya. 14Yohanes e pangi bwa ebwe haduweri yaari Hesus mangimengi eda haüya bwa, “Hapaüpöüri na heer hobwe hatütüyei, nga heer hoda bwitoho iyoloi.”
15Hesus eda parüyeri na ramar eda haüya bwa, “Rihiti bwa ebwe haitina meihira. Iyer na sapir nga dida faaülü uruteri na Dios e masari bwa dibwe faaülü.” Yohanes eda ngütahe.
16Ifiri na e bwängi söhü yaari Hesus hatütü eda taütahe ma räni sarüra, nga eda woutehi hatamanengi nihataingehir eda käkäne Ngöni Dios ra e bwitiwo, nga e weya hiyoope eda bwitiwo uwawor. 17Nga raam ra e bwitiwo ma weirengi ra e dölü bwa, “Iyer na Rai ra i wahawahahiri, nga e maho faringörüngöri iyolor.”
Iliyochaguliwa sasa
Mateus 3: SOV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(Active) © Wycliffe Bible Translators, Inc. All rights reserved.
Mateus 3
3
Yaari Yohanes ra Lei Hatütü Kaü
(Markus 1.1-8; Lukas 3.1-18; Yohanes 1.19-28)
1Niyatora nga Yohanes ra Lei Hatütü e bwitoho niwoni Yudea eda hapurotahe yaar kaü eda dölü bwa, 2“Hau wehitengi tammaümi bwa eda mori halep Farüyeri Weirengi.” 3Iiye Yohanes-mo profeta Isaias e tapa ifiri-mo e dölü bwa, “Demarü yalematara e kabwat ma niworu eda dölü bwa, ‘Hau hawerewereya yarari Tamoru; hau hawere yarara ebwe taühü!’ ”
4Üfferi Yohanes ra la tolungu ma ifiri ureri marura camel, nga talari puwar ra hini harabau, nga han ra määnifetiri ma riso määni niwonap. 5Yalemat la ppari bwito ma Yerusalem nga la bwito ma räni uruteri farüyeri Yudea ma uruteri farüya hara e mire idelaye sarü hilidiri Jordan lada bwitoho iyolor. 6Lada tapani tammaüül, Yohanes eda hatütüül ma räni sarü hilidiri Jordan.
7Ifiri na Yohanes eda käkäne bwa e pipiya Farisi ma Sadiusi ra la raho iyolor bwa labwe hatütü, eda haüül bwa, “Hami rabuto! Itöü e hauhemi bwa ebwe süya bwa haubwe mwarotangi na yaari Dios hahaliheli ra erau fangato? 8Hau faülüüni faülümire ra ebwe hannaha bwa hauda mori wehitengini tammaümi. 9Hau tawai mangiya bwa e süya bwa haubwe mwarotangi hahalihelira ifiri na haubwe dölü bwa hau sapitohori Abraham. Ibwe hauhemi bwa Dios e süya bwa ebwe hädini faduhar eda faülüül bwa wonouri Abraham! 10Yahis ra e mori mire bwa ebwe farani siriheti ma ifiri walahari; uruteri siriheti hara e tai maho uwaar, ra ebwe farayahi nga la pietiyehitahe uwawori yafi.” 11Ngaangu i hatütü ngerihami saarü bwa ebwe hannaha bwa hauda mori wehitengi tammaümi, nga dari na yalematara ebwe tabweyatoho mwili ra e hamatahütöhü taiteir ma imowai. Ngaangu e tei hapaüpöüri me ibwe hamasü yaar susu. Iiye ebwe hatütüngeri hami yafi ma Ngörü Liya. 12E hädi na yaar sofor ra e hori hasüyesüyeri hini uwari siriheti ra wheat, eda hädini iyahara uwaar eda iteri nirango räni räniyar. Nga iyahara pöür eda hahüni wori yefira e tawol haühühüri puror.
Yaari Hesus Hatütü
(Markus 1.9-11; Lukas 3.21-22)
13Niyatora nga Hesus eda bwitoho ma Kalilea eda raho iyolori Yohanes ma Jordan bwa ebwe hatütüya. 14Yohanes e pangi bwa ebwe haduweri yaari Hesus mangimengi eda haüya bwa, “Hapaüpöüri na heer hobwe hatütüyei, nga heer hoda bwitoho iyoloi.”
15Hesus eda parüyeri na ramar eda haüya bwa, “Rihiti bwa ebwe haitina meihira. Iyer na sapir nga dida faaülü uruteri na Dios e masari bwa dibwe faaülü.” Yohanes eda ngütahe.
16Ifiri na e bwängi söhü yaari Hesus hatütü eda taütahe ma räni sarüra, nga eda woutehi hatamanengi nihataingehir eda käkäne Ngöni Dios ra e bwitiwo, nga e weya hiyoope eda bwitiwo uwawor. 17Nga raam ra e bwitiwo ma weirengi ra e dölü bwa, “Iyer na Rai ra i wahawahahiri, nga e maho faringörüngöri iyolor.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(Active) © Wycliffe Bible Translators, Inc. All rights reserved.