ᒨᓯᓯ ᓯᕗᓪᓖᑦ 6
6
ᐃᓄᐃᑦ ᐊᔪᕐᑐᓕᓂᖏᑦ
1 #
ᔫᐱ 1:6; 2:1. ᐃᓄᐃᑦ ᐅᓄᕐᓯᕙᓪᓕᐊᓪᓗᑎᒃ ᓄᓇᒥ, ᐸᓂᒃᑖᕐᑐᓚᐅᕐᐳᑦ, 2ᒎᑎᐅᑉ ᐃᕐᓂᖏᑦ#6:2 ᒎᑎᐅᑉ ᐃᕐᓂᖏᑦ ᐅᕝᕙᓗ ᐂᖏᓖᑦ, ᐅᕝᕙᓗ ᕿᓚᖕᒥᐅᑍᑦ ᑕᑯᓐᓇᓕᕋᒥᒃ ᐊᕐᓇᑦᓯᐊᓂᒃ ᐃᓄᐃᑦ ᐸᓂᖏᓐᓂᒃ; ᑖᒃᑯᓇᓐᖓᑦ ᓄᓕᐊᕐᑖᓚᐅᕐᐳᑦ ᓂᕈᐊᕐᑕᒥᖕᓂᒃ. 3ᐊᑕᓂᕐᓗ ᐅᖃᕐᐳᖅ, “ᐊᓂᕐᓂᕋ ᐃᓚᕾᓐᓇᕐᓂᐊᓐᖏᓚᖅ ᐃᓄᖕᒥᒃ ᐃᓱᖃᖏᑦᑐᒧᑦ, ᑎᒥᐅᖕᒪᑦ; ᐅᓪᓗᖃᕐᓂᐊᓕᕐᐳᓪᓕ ᐊᕐᕌᒍᓂᒃ 120ᓂᒃ.” 4#ᒨᓯᓯ ᓯᑕᒪᖏᑦ 13:33.ᑍᑦᓱᒪᓂᐅᑎᓪᓗᒍ ᐃᓄᖃᓚᐅᕐᐳᖅ ᓄᓇᒥ ᐊᖏᔪᐊᓗᖕᓂᒃ ᑍᔭᐅᔪᓂᒃ ᓂᕕᓕᒻᓂᒃ, ᒎᑎᐅᑉ ᐃᕐᓂᖏᑦ#6:4 ᒎᑎᐅᑉ ᐃᕐᓂᖏᑦ ᐅᕝᕙᓗ ᐂᖏᓖᑦ, ᐅᕝᕙᓗ ᕿᓚᖕᒥᐅᑍᑦ ᐱᖃᑎᖃᖃᑦᑕᓕᕐᑎᓪᓗᒋᑦ ᐃᓄᐃᑦ ᐸᓂᖏᓐᓂᒃ, ᑖᒃᑯᓂᖓ ᕿᑐᕐᖓᕐᑖᓚᐅᕐᐳᑦ, ᑖᒃᑯᐊᓗ ᐱᔪᓐᓇᕐᓂᕐᐹᖑᓚᐅᕐᐳᑦ ᑍᑦᓱᒪᓂᐅᑎᓪᓗᒍ, ᖃᐅᔨᒪᔭᐅᑦᓯᐊᕐᓗᑎᒃ ᐊᔪᖏᑦᑐᑦ.
5 #
ᒫᑎᐅᓯ 24:37; ᓘᑲᓯ 17:26; 1 ᐲᑦᑐᕉᓯ 3:20. ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ; 6ᐊᑕᓂᕐᓗ ᐅᒡᒍᐊᓕᓚᐅᕐᐳᖅ ᐱᓐᖑᕐᑎᑦᓯᓂᕆᓚᐅᕐᑕᒥᓂᒃ ᐃᓄᖕᓂᒃ ᓄᓇᒥ, ᐆᒻᒪᑎᒥᒍᓪᓗ ᕿᒃᓵᒻᒪᕆᓕᕐᓗᓂ, 7ᑍᒤᒻᒪᑦ ᐊᑕᓂᖅ ᐅᖃᓕᕐᐳᖅ, “ᐱᓐᖑᕐᑎᓚᐅᕐᑕᒃᑲ ᐃᓄᐃᑦ ᓄᖑᑎᑦᓱᒪᕙᒃᑲ ᓄᓇᒥᑦ, ᐆᒪᔪᓪᓗ ᐹᕐᖑᕐᑐᓪᓗ ᑎᖕᒥᐊᓪᓗ ᖃᖓᑕᕙᒃᑐᑦ, ᐅᒡᒍᐊᓕᕋᒪ ᓴᓇᓚᐅᕋᒃᑭᑦ.” 8ᓄᐊᓕ ᐊᑕᓂᐅᑉ ᑕᑯᓪᓗᓂᐅᒃ ᖁᕕᐊᒋᓚᐅᕐᐹ.
ᓄᐊ
9 #
2 ᐲᑦᑐᕉᓯ 2:5. ᐅᑯᐊ ᑕᕝᕙ ᓄᐊᑉ ᑭᖑᕚᖏᑦ, ᓄᐊ ᐃᓱᐊᕐᑐᒥᒃ ᐃᓅᓯᖃᓚᐅᕐᐳᖅ, ᐃᓅᖃᑎᒋᔭᒥᓂ ᐸᓯᔭᒃᓴᐅᓂᖃᕋᓂ; ᒎᑎᒥᒡᓗ ᐃᓅᖃᑎᖃᑦᓯᐊᕐᓗᓂ. 10ᓄᐊ ᐃᕐᓂᖃᓚᐅᕐᐳᖅ ᐱᖓᓱᓂᒃ, ᓰᒻ, ᕼᐋᒻ, ᔮᐱᑎᓗ. 11ᓄᓇᕐᔪᐊᖅ ᑕᑕᓕᓚᐅᕐᒪᑦ ᓈᒻᒪᖏᑦᑐᒥᒃ ᒎᑎᐅᑉ ᓵᖓᓂ, ᓄᓇᕐᔪᐊᕐᒥᐅᓪᓗ ᑲᑉᐱᐊᓇᕋᓱᐊᕐᓃᓐᓇᕐᒥᒃ ᐃᓕᖅᑯᓯᖃᓕᓚᐅᕐᐳᑦ. 12ᒎᑎᐅᓪᓗ ᓄᓇᕐᔪᐊᖅ ᑕᑯᒐᒥᐅᒃ, ᑕᑯᒋᑦ ᐋᖅᑭᑦᓯᐊᕐᓯᒪᖏᑦᑐᐊᓘᓕᓚᐅᕐᐳᖅ; ᐃᓄᓕᒫᑦ ᐃᓅᓯᖃᓕᓚᐅᕐᒪᑕ ᓈᒻᒪᖏᑦᑐᐃᓐᓇᕐᒥᒃ ᐱᓇᓱᐊᓕᕐᓗᑎᒃ.
13ᒎᑎᓗ ᓄᐊᒧᑦ ᐅᖃᕐᐳᖅ, “ᓄᓇᕐᔪᐊᕐᒥᐅᑦ ᑎᒥᖃᕐᑐᑦ ᐃᓱᓕᑎᑦᓱᒪᓕᕋᒃᑭᑦ ᓄᖑᑦᓯᐊᕈᒪᓪᓗᒋᑦ; ᓄᓇᕐᔪᐊᓕᒫᖅ ᑲᑉᐱᐊᓱᒃᑎᑦᓯᓂᕐᒥᒃ ᐱᓗᐊᓕᕐᒪᑦ ᑖᒃᑯᑎᒎᓇᖅ; ᑕᑯᒋᑦ ᐊᓯᕈᕐᓂᐊᕐᐸᒃᑲ ᓄᓇᕐᔪᐊᖅ ᐱᖃᓯᐅᑎᓗᒍ. 14ᐅᒥᐊᕐᔪᐊᓕᐅᕆᑦ ᕿᔪᒥᒃ ᒎᕙᒥᒃ ᑍᔭᐅᔪᓂᒃ; ᐅᒥᐊᕐᔪᐊᖅ ᐃᒡᓗᕈᓯᓕᐅᕐᓗᒍ, ᖄᖓᒍᓪᓗ ᐃᓗᐊᒍᓪᓗ ᐅᑦᓯᒃᓴᐅᓯᕐᓗᒍ ᑖᓚᒥᒃ. 15ᐃᒫᒃ ᓴᓇᔭᕆᐊᖃᕐᐸᑦ; ᓴᓂᒧᑦ 300ᓂᒃ ᑭᐅᐱᑦᓯᓂᒃ ᐆᒃᑐᕋᐅᑎᓂᒃ ᑕᑭᓂᖃᕐᓗᒍ, 50ᓂᒃ ᑭᐅᐱᑦᓯᓂᒃ ᓯᓕᖕᓂᖃᕐᓗᒍ, 30ᓂᒡᓗ ᑭᐅᐱᑦᓯᓂᒃ ᐳᕐᑐᓂᖃᕐᓗᒍ. 16ᖁᓕᓗᒍ ᐅᒥᐊᕐᔪᐊᖅ, ᐆᒃᑑᑎᒥᒃ ᐊᑕᐅᓯᕐᒥᒃ ᑭᐅᐱᑦᓯᒥᒃ ᐳᕐᑐᓂᖃᕐᓗᒍ; ᐅᒥᐊᕐᔪᐊᕐᓗ ᓴᓂᕋᖓᒍᑦ ᐅᒃᑯᐊᓕᕐᓗᒍ; ᓇᑎᓕᐅᕐᓗᒍᓗ ᐱᖓᓱᓂᒃ ᖁᓕᕇᓂᒃ. 17ᑕᑯᒋᑦ, ᐅᓕᕕᒃᔪᐊᖃᕐᑎᑦᓱᒫᕐᐸᕋ ᓄᓇᕐᔪᐊᓕᒫᖅ, ᐆᒪᔪᓕᒫᑦ ᓄᓇᒥ ᓄᖑᑕᐅᖁᓪᓗᒋᑦ, ᑕᒪᕐᒥᒃ ᐊᓂᕐᓂᖃᕐᑐᑦ ᕿᓚᐅᑉ ᐊᑖᓂ; ᓱᓇᑐᐃᓐᓁᓪᓗ ᓄᓇᒦᑦᑐᓕᒫᑦ ᑐᖁᖁᓪᓗᒋᑦ. 18ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖓ ᐃᓚᒋᓗᑎᑦ; ᐅᒥᐊᕐᔪᐊᕐᒧᓪᓗ ᐃᑭᔪᒫᕐᐳᑎᑦ ᐃᕐᓂᑎᓪᓗ, ᓄᓕᐊᓪᓗ, ᐃᕐᓂᕕᓪᓗ ᓄᓕᐊᖏᑦ ᐃᓚᒋᓗᒋᑦ. 19ᐆᒪᔪᓂᒡᓗ ᖃᓄᐃᑦᑐᑐᐃᓐᓇᓕᒫᓂᒃ ᒪᕐᕉᓈᕐᑎᕐᑐᓂᒃ ᑕᒤᓐᓂᒃ ᐅᒥᐊᕐᔪᐊᕐᒧᐊᕐᓯᓗᑎᑦ, ᐃᓕᑦᓯᓐᓄᑦ ᐆᒪᖃᑕᐅᖁᓪᓗᒋᑦ; ᑖᒃᑯᐊ ᐂᑉᐹ ᐊᖑᑕᐅᓗᓂ ᐂᑉᐹ ᐊᕐᓇᐅᓗᓂ. 20ᑎᖕᒥᐊᑦ ᐊᑦᔨᒌᖑᓈᕐᑎᕐᓗᒋᑦ, ᐆᒪᔪᓗ ᐊᑦᔨᒌᖑᓈᕐᑎᕐᒥᓗᒋᑦ, ᓄᓇᒥᓗ ᐹᕐᖑᕐᑐᑦ ᐊᑦᔨᒌᖑᓈᕐᑎᕐᒥᓗᒋᑦ, ᐊᑐᓂᑦ ᒪᕐᕉᓈᕐᑎᕐᑐᓂᒃ ᑎᑭᑕᐅᔪᒫᕐᐳᑎᑦ, ᑖᒃᑯᐊ ᐆᒪᑎᒋᐊᖃᕈᒫᕐᐸᑎᑦ. 21ᖃᓄᐃᑦᑐᑐᐃᓐᓇᕐᓂᒡᓗ ᓂᕿᒃᓴᓂᒃ ᓂᕆᔭᐅᓲᓂᒃ, ᑐᖅᑯᐃᓗᑎᑦ; ᓂᕿᒃᓴᑦᓯᓐᓂᒃ ᐆᒪᔪᐃᓪᓗ ᓂᕿᒃᓴᖏᓐᓂᒃ.” 22#ᐄᑉᕈᐃᓄᑦ 11:7.ᓄᐊᓗ ᑕᒪᒃᑯᓂᖓ ᐱᓇᓱᐊᓚᐅᕐᐳᖅ; ᒎᑎᐅᑉ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.
Iliyochaguliwa sasa
ᒨᓯᓯ ᓯᕗᓪᓖᑦ 6: EAIB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᓯᕗᓪᓖᑦ 6
6
ᐃᓄᐃᑦ ᐊᔪᕐᑐᓕᓂᖏᑦ
1 #
ᔫᐱ 1:6; 2:1. ᐃᓄᐃᑦ ᐅᓄᕐᓯᕙᓪᓕᐊᓪᓗᑎᒃ ᓄᓇᒥ, ᐸᓂᒃᑖᕐᑐᓚᐅᕐᐳᑦ, 2ᒎᑎᐅᑉ ᐃᕐᓂᖏᑦ#6:2 ᒎᑎᐅᑉ ᐃᕐᓂᖏᑦ ᐅᕝᕙᓗ ᐂᖏᓖᑦ, ᐅᕝᕙᓗ ᕿᓚᖕᒥᐅᑍᑦ ᑕᑯᓐᓇᓕᕋᒥᒃ ᐊᕐᓇᑦᓯᐊᓂᒃ ᐃᓄᐃᑦ ᐸᓂᖏᓐᓂᒃ; ᑖᒃᑯᓇᓐᖓᑦ ᓄᓕᐊᕐᑖᓚᐅᕐᐳᑦ ᓂᕈᐊᕐᑕᒥᖕᓂᒃ. 3ᐊᑕᓂᕐᓗ ᐅᖃᕐᐳᖅ, “ᐊᓂᕐᓂᕋ ᐃᓚᕾᓐᓇᕐᓂᐊᓐᖏᓚᖅ ᐃᓄᖕᒥᒃ ᐃᓱᖃᖏᑦᑐᒧᑦ, ᑎᒥᐅᖕᒪᑦ; ᐅᓪᓗᖃᕐᓂᐊᓕᕐᐳᓪᓕ ᐊᕐᕌᒍᓂᒃ 120ᓂᒃ.” 4#ᒨᓯᓯ ᓯᑕᒪᖏᑦ 13:33.ᑍᑦᓱᒪᓂᐅᑎᓪᓗᒍ ᐃᓄᖃᓚᐅᕐᐳᖅ ᓄᓇᒥ ᐊᖏᔪᐊᓗᖕᓂᒃ ᑍᔭᐅᔪᓂᒃ ᓂᕕᓕᒻᓂᒃ, ᒎᑎᐅᑉ ᐃᕐᓂᖏᑦ#6:4 ᒎᑎᐅᑉ ᐃᕐᓂᖏᑦ ᐅᕝᕙᓗ ᐂᖏᓖᑦ, ᐅᕝᕙᓗ ᕿᓚᖕᒥᐅᑍᑦ ᐱᖃᑎᖃᖃᑦᑕᓕᕐᑎᓪᓗᒋᑦ ᐃᓄᐃᑦ ᐸᓂᖏᓐᓂᒃ, ᑖᒃᑯᓂᖓ ᕿᑐᕐᖓᕐᑖᓚᐅᕐᐳᑦ, ᑖᒃᑯᐊᓗ ᐱᔪᓐᓇᕐᓂᕐᐹᖑᓚᐅᕐᐳᑦ ᑍᑦᓱᒪᓂᐅᑎᓪᓗᒍ, ᖃᐅᔨᒪᔭᐅᑦᓯᐊᕐᓗᑎᒃ ᐊᔪᖏᑦᑐᑦ.
5 #
ᒫᑎᐅᓯ 24:37; ᓘᑲᓯ 17:26; 1 ᐲᑦᑐᕉᓯ 3:20. ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ; 6ᐊᑕᓂᕐᓗ ᐅᒡᒍᐊᓕᓚᐅᕐᐳᖅ ᐱᓐᖑᕐᑎᑦᓯᓂᕆᓚᐅᕐᑕᒥᓂᒃ ᐃᓄᖕᓂᒃ ᓄᓇᒥ, ᐆᒻᒪᑎᒥᒍᓪᓗ ᕿᒃᓵᒻᒪᕆᓕᕐᓗᓂ, 7ᑍᒤᒻᒪᑦ ᐊᑕᓂᖅ ᐅᖃᓕᕐᐳᖅ, “ᐱᓐᖑᕐᑎᓚᐅᕐᑕᒃᑲ ᐃᓄᐃᑦ ᓄᖑᑎᑦᓱᒪᕙᒃᑲ ᓄᓇᒥᑦ, ᐆᒪᔪᓪᓗ ᐹᕐᖑᕐᑐᓪᓗ ᑎᖕᒥᐊᓪᓗ ᖃᖓᑕᕙᒃᑐᑦ, ᐅᒡᒍᐊᓕᕋᒪ ᓴᓇᓚᐅᕋᒃᑭᑦ.” 8ᓄᐊᓕ ᐊᑕᓂᐅᑉ ᑕᑯᓪᓗᓂᐅᒃ ᖁᕕᐊᒋᓚᐅᕐᐹ.
ᓄᐊ
9 #
2 ᐲᑦᑐᕉᓯ 2:5. ᐅᑯᐊ ᑕᕝᕙ ᓄᐊᑉ ᑭᖑᕚᖏᑦ, ᓄᐊ ᐃᓱᐊᕐᑐᒥᒃ ᐃᓅᓯᖃᓚᐅᕐᐳᖅ, ᐃᓅᖃᑎᒋᔭᒥᓂ ᐸᓯᔭᒃᓴᐅᓂᖃᕋᓂ; ᒎᑎᒥᒡᓗ ᐃᓅᖃᑎᖃᑦᓯᐊᕐᓗᓂ. 10ᓄᐊ ᐃᕐᓂᖃᓚᐅᕐᐳᖅ ᐱᖓᓱᓂᒃ, ᓰᒻ, ᕼᐋᒻ, ᔮᐱᑎᓗ. 11ᓄᓇᕐᔪᐊᖅ ᑕᑕᓕᓚᐅᕐᒪᑦ ᓈᒻᒪᖏᑦᑐᒥᒃ ᒎᑎᐅᑉ ᓵᖓᓂ, ᓄᓇᕐᔪᐊᕐᒥᐅᓪᓗ ᑲᑉᐱᐊᓇᕋᓱᐊᕐᓃᓐᓇᕐᒥᒃ ᐃᓕᖅᑯᓯᖃᓕᓚᐅᕐᐳᑦ. 12ᒎᑎᐅᓪᓗ ᓄᓇᕐᔪᐊᖅ ᑕᑯᒐᒥᐅᒃ, ᑕᑯᒋᑦ ᐋᖅᑭᑦᓯᐊᕐᓯᒪᖏᑦᑐᐊᓘᓕᓚᐅᕐᐳᖅ; ᐃᓄᓕᒫᑦ ᐃᓅᓯᖃᓕᓚᐅᕐᒪᑕ ᓈᒻᒪᖏᑦᑐᐃᓐᓇᕐᒥᒃ ᐱᓇᓱᐊᓕᕐᓗᑎᒃ.
13ᒎᑎᓗ ᓄᐊᒧᑦ ᐅᖃᕐᐳᖅ, “ᓄᓇᕐᔪᐊᕐᒥᐅᑦ ᑎᒥᖃᕐᑐᑦ ᐃᓱᓕᑎᑦᓱᒪᓕᕋᒃᑭᑦ ᓄᖑᑦᓯᐊᕈᒪᓪᓗᒋᑦ; ᓄᓇᕐᔪᐊᓕᒫᖅ ᑲᑉᐱᐊᓱᒃᑎᑦᓯᓂᕐᒥᒃ ᐱᓗᐊᓕᕐᒪᑦ ᑖᒃᑯᑎᒎᓇᖅ; ᑕᑯᒋᑦ ᐊᓯᕈᕐᓂᐊᕐᐸᒃᑲ ᓄᓇᕐᔪᐊᖅ ᐱᖃᓯᐅᑎᓗᒍ. 14ᐅᒥᐊᕐᔪᐊᓕᐅᕆᑦ ᕿᔪᒥᒃ ᒎᕙᒥᒃ ᑍᔭᐅᔪᓂᒃ; ᐅᒥᐊᕐᔪᐊᖅ ᐃᒡᓗᕈᓯᓕᐅᕐᓗᒍ, ᖄᖓᒍᓪᓗ ᐃᓗᐊᒍᓪᓗ ᐅᑦᓯᒃᓴᐅᓯᕐᓗᒍ ᑖᓚᒥᒃ. 15ᐃᒫᒃ ᓴᓇᔭᕆᐊᖃᕐᐸᑦ; ᓴᓂᒧᑦ 300ᓂᒃ ᑭᐅᐱᑦᓯᓂᒃ ᐆᒃᑐᕋᐅᑎᓂᒃ ᑕᑭᓂᖃᕐᓗᒍ, 50ᓂᒃ ᑭᐅᐱᑦᓯᓂᒃ ᓯᓕᖕᓂᖃᕐᓗᒍ, 30ᓂᒡᓗ ᑭᐅᐱᑦᓯᓂᒃ ᐳᕐᑐᓂᖃᕐᓗᒍ. 16ᖁᓕᓗᒍ ᐅᒥᐊᕐᔪᐊᖅ, ᐆᒃᑑᑎᒥᒃ ᐊᑕᐅᓯᕐᒥᒃ ᑭᐅᐱᑦᓯᒥᒃ ᐳᕐᑐᓂᖃᕐᓗᒍ; ᐅᒥᐊᕐᔪᐊᕐᓗ ᓴᓂᕋᖓᒍᑦ ᐅᒃᑯᐊᓕᕐᓗᒍ; ᓇᑎᓕᐅᕐᓗᒍᓗ ᐱᖓᓱᓂᒃ ᖁᓕᕇᓂᒃ. 17ᑕᑯᒋᑦ, ᐅᓕᕕᒃᔪᐊᖃᕐᑎᑦᓱᒫᕐᐸᕋ ᓄᓇᕐᔪᐊᓕᒫᖅ, ᐆᒪᔪᓕᒫᑦ ᓄᓇᒥ ᓄᖑᑕᐅᖁᓪᓗᒋᑦ, ᑕᒪᕐᒥᒃ ᐊᓂᕐᓂᖃᕐᑐᑦ ᕿᓚᐅᑉ ᐊᑖᓂ; ᓱᓇᑐᐃᓐᓁᓪᓗ ᓄᓇᒦᑦᑐᓕᒫᑦ ᑐᖁᖁᓪᓗᒋᑦ. 18ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖓ ᐃᓚᒋᓗᑎᑦ; ᐅᒥᐊᕐᔪᐊᕐᒧᓪᓗ ᐃᑭᔪᒫᕐᐳᑎᑦ ᐃᕐᓂᑎᓪᓗ, ᓄᓕᐊᓪᓗ, ᐃᕐᓂᕕᓪᓗ ᓄᓕᐊᖏᑦ ᐃᓚᒋᓗᒋᑦ. 19ᐆᒪᔪᓂᒡᓗ ᖃᓄᐃᑦᑐᑐᐃᓐᓇᓕᒫᓂᒃ ᒪᕐᕉᓈᕐᑎᕐᑐᓂᒃ ᑕᒤᓐᓂᒃ ᐅᒥᐊᕐᔪᐊᕐᒧᐊᕐᓯᓗᑎᑦ, ᐃᓕᑦᓯᓐᓄᑦ ᐆᒪᖃᑕᐅᖁᓪᓗᒋᑦ; ᑖᒃᑯᐊ ᐂᑉᐹ ᐊᖑᑕᐅᓗᓂ ᐂᑉᐹ ᐊᕐᓇᐅᓗᓂ. 20ᑎᖕᒥᐊᑦ ᐊᑦᔨᒌᖑᓈᕐᑎᕐᓗᒋᑦ, ᐆᒪᔪᓗ ᐊᑦᔨᒌᖑᓈᕐᑎᕐᒥᓗᒋᑦ, ᓄᓇᒥᓗ ᐹᕐᖑᕐᑐᑦ ᐊᑦᔨᒌᖑᓈᕐᑎᕐᒥᓗᒋᑦ, ᐊᑐᓂᑦ ᒪᕐᕉᓈᕐᑎᕐᑐᓂᒃ ᑎᑭᑕᐅᔪᒫᕐᐳᑎᑦ, ᑖᒃᑯᐊ ᐆᒪᑎᒋᐊᖃᕈᒫᕐᐸᑎᑦ. 21ᖃᓄᐃᑦᑐᑐᐃᓐᓇᕐᓂᒡᓗ ᓂᕿᒃᓴᓂᒃ ᓂᕆᔭᐅᓲᓂᒃ, ᑐᖅᑯᐃᓗᑎᑦ; ᓂᕿᒃᓴᑦᓯᓐᓂᒃ ᐆᒪᔪᐃᓪᓗ ᓂᕿᒃᓴᖏᓐᓂᒃ.” 22#ᐄᑉᕈᐃᓄᑦ 11:7.ᓄᐊᓗ ᑕᒪᒃᑯᓂᖓ ᐱᓇᓱᐊᓚᐅᕐᐳᖅ; ᒎᑎᐅᑉ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Eastern Arctic Inuktitut Bible © Canadian Bible Society, 2012, 2021-2023.