Luka 13
13
Pʋwɛɛ kpem se ɖɩlɛɣzɩ ɖɛ-wɛtʋ
1Alɩwaatʋ ńdʋ́ʋ́ ɛyáa nabɛyɛ woba Yesu cɔlɔ nɛ peheyi-i se Room wiyaʋ Pilaatɩ kaha nɔɔ nɛ pakʋ Galilee ñɩma nabɛyɛ alɩwaatʋ ndʋ́ palaɣaɣ kɩlaŋ yɔ. 2Peeɖe Yesu pɩsɩnɩ-wɛ se: «Pʋtɔmaɣ yɔ, ɩmaɣzɩɣ se mbá pakʋ-wɛ nɛ pasɩ ḿbʋ́ yɔ, pa-kɩwɛɛkɩm kɩlɩnɩ ɖɔʋ Galilee ñɩma lɛlaa ñɩmbʋ. 3Meheyiɣ-mɩ se pɩtɛkɛ ḿbʋ́. Ɛlɛ́, yee ɩtɛlɛɣzɩ wɛtʋ yɔ, ɩsɩkɩ mɩtɩŋa ɛzɩ pasɩbʋ ɖɔɖɔ yɔ. 4Ɛyáa hiu nɛ lutozo mbá Siloowee kuduyuu sɔsɔʋ kpɛzaa kɩɖabɩ-wɛ nɛ pasɩ yɔ, ɩmaɣzɩɣ se ḿbá kɩlɩnɩ wɛɛkʋʋ Yeruusalɛm ñɩma lɛlaa tɩŋa payɩ yaa we? 5Meheyiɣ-mɩ se pɩtɛkɛ ḿbʋ́. Ɛlɛ́, yee ɩtɛlɛɣzɩ wɛtʋ yɔ, ɩkɔŋ sɩbʋ mɩtɩŋa payɩ ɛzɩ ḿbá yɔ.»
Tɩʋ ŋgʋ́ kɩɩlʋlʋʋ yɔ
6Pʋwayɩ lɛ, Yesu tuu-wɛ eduuye se: «Abalʋ nɔɔyʋ hayɩnɩ tɩŋ weyi popuu i-pee sʋlʋm yɔ nɛ ɛsɔ hiyuú ɩ-taa. Nakʋyʋ wiye lɛ, ewolo ki-pee koyuu. Ɛlɛ́, kɩtatɩɩlʋlɩ paa piye. 7Peeɖe eheyi hayɩm ḿbʋ́ pʋ-yɔɔ cɔnɩyʋ se: ‹Cɔnɩ ŋna, pɩlabɩ pɩnzɩ naadozo yɔ, mɔnkɔŋ se monkoyuu pee lɛ, maanaɣ pʋyʋ. Pʋ-yɔɔ lɛ, sɛtɩ-kʋ. Ɛbɛ yɔɔ kʋwɛɛkɩɣ tɛtʋ yem.› 8Ɛlɛ́, ɛ́lɛ́ cosi-i se: ‹Wɩlɩyʋ! Tasɩ-kʋ yebu pɩnaɣ kanɛ nɛ mohuyi kɩ-tɛɛ nɛ manɖʋ huɖe nɛ mana. 9Pʋtɔmaɣ yɔ, cee wayɩ kʋlʋlʋʋ. Yee kɩtalʋlɩ lɛ, ŋsɛtɩ-kʋ.› »
Yesu laba nɛ halʋ nɔɔyʋ yɔɔ cɛ kɩyakʋ kɩhɛzʋʋ wiye
10Kɩyakʋ kɩhɛzʋʋ nakʋyʋ wiye Yesu wɩlaɣ Ɛsɔ ɖɩsɛyɛ naɖɩyɛ taa. 11Halʋ kʋdɔndʋ nɔɔyʋ kɛwɛ peeɖe. Eleeu nɔɔyʋ kɛwɛ ɛ-wayɩ pɩnzɩ hiu nɛ lutozo yɔ nɛ ɛpɩsɩ-ɩ siɣ́ye tʋ. Ɛtaapɩzɩɣ kpem se ɛsɩŋ yiɣ yiɣ. 12Yesu na halʋ ɛnʋ ḿbʋ́ lɛ, ɛ́yáa-ɩ nɛ eheyi-i se: «Halʋ ña! Ña-kʋdɔŋ cɛba.» 13Peeɖe ɛtɩnɩ halʋ ɛnʋ ɛ-yɔɔ nesi nɛ ɛ́lɛ́ tɩsɩŋ yiɣ yiɣ nɛ ɛpazɩ Ɛsɔ sam. 14Ɛzɩ Yesu tɩɩlabʋ nɛ halʋ ɛnʋ ɛ-yɔɔ cɛ kɩyakʋ kɩhɛzʋʋ wiye ḿbʋ́ yɔ lɛ, Ɛsɔ ɖɩsɛyɛ taa wiyaʋ hɔyɛ pɩsɩ nɛ eheyi ɛyáa samaɣ se: «Kɩyakɩŋ loɖo palakɩ tʋmɩyɛ kɩyakʋ kɩsɩŋʋʋ taa. Yee weyi ɛcaɣ se ɛ-kʋdɔndʋ yɔɔ ɛcɛ yɔ, ɛtʋʋzɩnɩ kɩyakɩŋ ɩnʋ ɩ-taa nakʋyʋ nɛ ɛkɔɔ. Ɛtaakɔɔ kɩyakʋ kɩhɛzʋʋ wiye.» 15Peeɖe Kɩpaɣlʋ cosi-i se: «Tɛɛ nɛ pʋ-yɔɔ ñɩma mɩ! Ɩɩtʋlʋʋ mɩ-naŋ yaa mɩ-kpaŋasɩ kɩyakʋ kɩhɛzʋʋ wiye nɛ iwona se pɔñɔɔ lɩm naa we? 16Halʋ ɛnɛ, ɛkɛ Abraham sayɩ weyi Satanɩ ɖʋ-ɩ kʋñɔŋ pɩnzɩ hiu nɛ lutozo yɔ. Pɩtaamʋnɩ se malɩzɩ-ɩ kʋñɔŋ ŋ́gʋ́ kɩ-taa kɩyakʋ kɩhɛzʋʋ wiye yaa we?» 17Yesu yɔɔdɩ ḿbʋ́ lɛ, fɛyɛ kpa e-koyindinaa tɩŋa payɩ. Ɛlɛ́, ɛyáa samaɣ tɩŋa laŋɩyɛ hɛɛnɩ tʋma wena ɛlakaɣ yɔ atɩŋa payɩ.
Ɛbɛ ɖɩpɩzɩɣ ɖɩmaɣzɩnɩ Ɛsɔ kewiyaɣ lee?
(Mat 13.31-32; Mrk 4.30-32)
18Yesu tasɩ yɔɔdʋʋ se: «Ɛsɔ Kewiyaɣ wɛ ɛzɩ ɛbɛ lee? Yaa ɛbɛ mɛnkɛdɩɣnɩ-kɛ? 19Kɛwɛ ɛzɩ ɛyʋ kpakʋʋ piye nɖɩ́ ɖɩkɩlɩ kɔzʋʋ pee tɩŋa taa yɔ nɛ eɖuu ɛ-hayɩm taa nɛ ɖɩñɔ nɛ pɩpɩɩ tɩʋ nɛ sumasɩ ɖʋʋ ɖandʋ ki-pilinzi yɔɔ yɔ.»
20Yesu tasɩ yɔɔdʋʋ ɖɔɖɔ se: «Ɛbɛ mɛnkɛdɩɣnɩ Ɛsɔ Kewiyaɣ lee? 21Kɛwɛ ɛzɩ sɔsɔɔna wena halʋ cozuu nɛ ɛɖʋ sona mʋlʋm kiiloonaa nɩɩlɛ nɛ kagbaanzɩ taa nɛ ehuudi nɛ pʋkɔɔ puhuu yɔ.»
Akɔŋ sʋʋ Ɛsɔ kewiyaɣ taa?
(Mat 7.13-14, 21-23)
22Pʋwayɩ lɛ, Yesu woki Yeruusalɛm. Ewokaɣ lɛ, ɛɖɔŋnɩ Ɛsɔtɔm susuu tɛtʋ sɔsɔtʋ nɛ cikpetu ndʋ́ ndʋ́ ɛtɩŋaɣnɩ tɩ-taa yɔ. 23Pɩkɛdaa lɛ, nɔɔyʋ pɔzɩ-ɩ se: «Kɩpaɣlʋ! Pɩkɛ toovenim se ɛyáa pazɩ ɖeke hikiɣni ñʋʋ yabʋ naa we?» Yesu cosi-wɛ nɛ eduuye taa se: 24«Meheyiɣ-mɩ se: ɩñaɣ pana nɛ ɩtɩŋnɩ ɖɛɛmɛnɖɛɛ taa nɛ ɩsʋʋ nɛ ihiɣ wezuu. Mbʋ́ pʋyɔɔ yɔ, ɛyáa sakɩyɛ kɔŋ ñɩnʋʋ se pasʋʋ, ɛlɛ́, paapɩzɩɣ.
25Alɩwaatʋ natʋyʋ kɔŋ nɛ ɖɩɣa tʋ kʋyɩ ɛkaɖɩ nɔnɔɔ. Peeɖe ɩcakɩnɩ awayɩ nɛ ɩmakɩ nɔnɔɔ nɛ ɩtɔŋ se: ‹Kɩpaɣlʋ! Tʋlɩ-ɖʋ!› Ɛlɛ́, ecosuu-mɩ se: ‹Mantasɩ ɖenɖe ɩlɩnaa yɔ.› 26Ɛlɛ́, miheyi-i se: ‹Đa nɛ ŋ ɖɩtɔkaɣna nɛ ɖɩñɔʋ nɛ ŋcɔʋ ɖɛ-tɛtʋ taa nɛ ŋwɩlɩɣ Ɛsɔtɔm.› 27Ɛtasɩɣ-mɩ cosuu se: ‹Kɩdɛkɛdɩŋ mɩ! Ɩɖɛɛ mɔ-yɔɔ mɩtɩŋa. Mantasɩ ɖenɖe ɩlɩnaa yɔ.› 28Peeɖe pɔlɔʋ-mɩ nɛ awayɩ nɛ ɩma kubusi nɛ ɩsalɩ mi-kela. Alɩwaatʋ ńdʋ́ʋ́ ɩnaɣ Abraham nɛ Izaakɩ nɛ Yakɔɔbʋ nɛ náyaa tɩŋa payɩ pɛwɛ Ɛsɔ Kewiyaɣ taa fɛɛɛ. 29Ɛyáa kɔŋ lɩnaʋ wɩsɩ ɖɩlɩyɛ nɛ sɩ-ɖɩɖʋyɛ nɛ hadɛ nɛ hayo kiŋ nɛ powolo pacaɣ Ɛsɔ Kewiyaɣ taa nɛ pɔtɔkɩ. 30Pʋ-yɔɔ lɛ, mbá pɛkɛ wayɩ ñɩma lɛɛlɛɛyɔ yɔ, pa-taa nabɛyɛ pɩsɩɣ kajalaɣ ñɩma nɛ mbá paba kɛ kajalaɣ ñɩma lɛɛlɛɛyɔ yɔ, pa-taa lɛlaa ñapɩsɩ wayɩ ñɩma.»
Pʋwɛɛ se Yesu ɛsɩ Yeruusalɛm
(Mat 23.37-39)
31Yesu yɔɔdaɣ ḿbʋ́ lɛ, Farɩsɩ ñɩma nabɛyɛ wolo ɛ-cɔlɔ nɛ peheyi-i se: «Kʋyɩ cɩnɛ nɛ ŋɖɛɛ ɖoli. Wiyaʋ Eroodi caɣ se ɛkʋ-ŋ.» 32Peeɖe Yesu cosi-wɛ se: «Iwolo iheyi lɔŋ tʋ weyi ɛcɛtɩɣ ɛyáa ɛzɩ kpayʋ yɔ se, mɔntɔm se mɔnɖɔɔnʋʋ aleewaa nɛ mala nɛ kʋdɔndɩnaa yɔɔ cɛ sɔnɔ nɛ cee. Tozo wiye lɛ, mɛntɛzɩ man-tʋmɩyɛ. 33Ɛlɛ́, ɛzɩma mbʋ́ pʋwɛɛ se mɔnɖɔ ma-nʋmɔʋ sɔnɔ nɛ cee nɛ ki-kifemuu yɔ, mɛntɛzɩɣ ɖɛʋ. Mbʋ́ pʋyɔɔ yɔ, pɩtamʋna se pakʋ náyʋ ɖoli yem nɛ pɩtɛkɛnɩ Yeruusalɛm.
34Hei! Yeruusalɛm ñɩma mɩ, ɩkʋʋ náyaa nɛ ɩyakɩ ɛyáa mbá Ɛsɔ tiyini-mɩ yɔ pɛɛ nɛ pasɩkɩ. Tam ɛzɩma mɔntɔsɔɔlɩ se menkpeɣli-mɩ mɔn-cɔlɔ nɛ mohuuzi mɩ-yɔɔ nɛ pʋyʋ ɛtaalabɩ-mɩ ɛzɩ ɖoyuu pabʋʋ kɩ-kalɩmasɩ yɔɔ yɔ nɛ ikizi? 35Pʋ-yɔɔ lɛ, meyeki-mɩ nɛ mɩ-tɛtʋ. Meheyiɣ-mɩ se: ɩɩtasɩɣ-m naʋ nɛ pʋkɔɔ pɩsɩɩnɩ alɩwaatʋ ndʋ́ ɩyɔɔdaa se: ‹Kɩpaɣlʋ Ɛsɔ ɛ́wazɩ weyi ɛkɔŋ e-lone taa yɔ ɛ-yɔɔ› yɔ. »
Iliyochaguliwa sasa
Luka 13: KABI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Luka 13
13
Pʋwɛɛ kpem se ɖɩlɛɣzɩ ɖɛ-wɛtʋ
1Alɩwaatʋ ńdʋ́ʋ́ ɛyáa nabɛyɛ woba Yesu cɔlɔ nɛ peheyi-i se Room wiyaʋ Pilaatɩ kaha nɔɔ nɛ pakʋ Galilee ñɩma nabɛyɛ alɩwaatʋ ndʋ́ palaɣaɣ kɩlaŋ yɔ. 2Peeɖe Yesu pɩsɩnɩ-wɛ se: «Pʋtɔmaɣ yɔ, ɩmaɣzɩɣ se mbá pakʋ-wɛ nɛ pasɩ ḿbʋ́ yɔ, pa-kɩwɛɛkɩm kɩlɩnɩ ɖɔʋ Galilee ñɩma lɛlaa ñɩmbʋ. 3Meheyiɣ-mɩ se pɩtɛkɛ ḿbʋ́. Ɛlɛ́, yee ɩtɛlɛɣzɩ wɛtʋ yɔ, ɩsɩkɩ mɩtɩŋa ɛzɩ pasɩbʋ ɖɔɖɔ yɔ. 4Ɛyáa hiu nɛ lutozo mbá Siloowee kuduyuu sɔsɔʋ kpɛzaa kɩɖabɩ-wɛ nɛ pasɩ yɔ, ɩmaɣzɩɣ se ḿbá kɩlɩnɩ wɛɛkʋʋ Yeruusalɛm ñɩma lɛlaa tɩŋa payɩ yaa we? 5Meheyiɣ-mɩ se pɩtɛkɛ ḿbʋ́. Ɛlɛ́, yee ɩtɛlɛɣzɩ wɛtʋ yɔ, ɩkɔŋ sɩbʋ mɩtɩŋa payɩ ɛzɩ ḿbá yɔ.»
Tɩʋ ŋgʋ́ kɩɩlʋlʋʋ yɔ
6Pʋwayɩ lɛ, Yesu tuu-wɛ eduuye se: «Abalʋ nɔɔyʋ hayɩnɩ tɩŋ weyi popuu i-pee sʋlʋm yɔ nɛ ɛsɔ hiyuú ɩ-taa. Nakʋyʋ wiye lɛ, ewolo ki-pee koyuu. Ɛlɛ́, kɩtatɩɩlʋlɩ paa piye. 7Peeɖe eheyi hayɩm ḿbʋ́ pʋ-yɔɔ cɔnɩyʋ se: ‹Cɔnɩ ŋna, pɩlabɩ pɩnzɩ naadozo yɔ, mɔnkɔŋ se monkoyuu pee lɛ, maanaɣ pʋyʋ. Pʋ-yɔɔ lɛ, sɛtɩ-kʋ. Ɛbɛ yɔɔ kʋwɛɛkɩɣ tɛtʋ yem.› 8Ɛlɛ́, ɛ́lɛ́ cosi-i se: ‹Wɩlɩyʋ! Tasɩ-kʋ yebu pɩnaɣ kanɛ nɛ mohuyi kɩ-tɛɛ nɛ manɖʋ huɖe nɛ mana. 9Pʋtɔmaɣ yɔ, cee wayɩ kʋlʋlʋʋ. Yee kɩtalʋlɩ lɛ, ŋsɛtɩ-kʋ.› »
Yesu laba nɛ halʋ nɔɔyʋ yɔɔ cɛ kɩyakʋ kɩhɛzʋʋ wiye
10Kɩyakʋ kɩhɛzʋʋ nakʋyʋ wiye Yesu wɩlaɣ Ɛsɔ ɖɩsɛyɛ naɖɩyɛ taa. 11Halʋ kʋdɔndʋ nɔɔyʋ kɛwɛ peeɖe. Eleeu nɔɔyʋ kɛwɛ ɛ-wayɩ pɩnzɩ hiu nɛ lutozo yɔ nɛ ɛpɩsɩ-ɩ siɣ́ye tʋ. Ɛtaapɩzɩɣ kpem se ɛsɩŋ yiɣ yiɣ. 12Yesu na halʋ ɛnʋ ḿbʋ́ lɛ, ɛ́yáa-ɩ nɛ eheyi-i se: «Halʋ ña! Ña-kʋdɔŋ cɛba.» 13Peeɖe ɛtɩnɩ halʋ ɛnʋ ɛ-yɔɔ nesi nɛ ɛ́lɛ́ tɩsɩŋ yiɣ yiɣ nɛ ɛpazɩ Ɛsɔ sam. 14Ɛzɩ Yesu tɩɩlabʋ nɛ halʋ ɛnʋ ɛ-yɔɔ cɛ kɩyakʋ kɩhɛzʋʋ wiye ḿbʋ́ yɔ lɛ, Ɛsɔ ɖɩsɛyɛ taa wiyaʋ hɔyɛ pɩsɩ nɛ eheyi ɛyáa samaɣ se: «Kɩyakɩŋ loɖo palakɩ tʋmɩyɛ kɩyakʋ kɩsɩŋʋʋ taa. Yee weyi ɛcaɣ se ɛ-kʋdɔndʋ yɔɔ ɛcɛ yɔ, ɛtʋʋzɩnɩ kɩyakɩŋ ɩnʋ ɩ-taa nakʋyʋ nɛ ɛkɔɔ. Ɛtaakɔɔ kɩyakʋ kɩhɛzʋʋ wiye.» 15Peeɖe Kɩpaɣlʋ cosi-i se: «Tɛɛ nɛ pʋ-yɔɔ ñɩma mɩ! Ɩɩtʋlʋʋ mɩ-naŋ yaa mɩ-kpaŋasɩ kɩyakʋ kɩhɛzʋʋ wiye nɛ iwona se pɔñɔɔ lɩm naa we? 16Halʋ ɛnɛ, ɛkɛ Abraham sayɩ weyi Satanɩ ɖʋ-ɩ kʋñɔŋ pɩnzɩ hiu nɛ lutozo yɔ. Pɩtaamʋnɩ se malɩzɩ-ɩ kʋñɔŋ ŋ́gʋ́ kɩ-taa kɩyakʋ kɩhɛzʋʋ wiye yaa we?» 17Yesu yɔɔdɩ ḿbʋ́ lɛ, fɛyɛ kpa e-koyindinaa tɩŋa payɩ. Ɛlɛ́, ɛyáa samaɣ tɩŋa laŋɩyɛ hɛɛnɩ tʋma wena ɛlakaɣ yɔ atɩŋa payɩ.
Ɛbɛ ɖɩpɩzɩɣ ɖɩmaɣzɩnɩ Ɛsɔ kewiyaɣ lee?
(Mat 13.31-32; Mrk 4.30-32)
18Yesu tasɩ yɔɔdʋʋ se: «Ɛsɔ Kewiyaɣ wɛ ɛzɩ ɛbɛ lee? Yaa ɛbɛ mɛnkɛdɩɣnɩ-kɛ? 19Kɛwɛ ɛzɩ ɛyʋ kpakʋʋ piye nɖɩ́ ɖɩkɩlɩ kɔzʋʋ pee tɩŋa taa yɔ nɛ eɖuu ɛ-hayɩm taa nɛ ɖɩñɔ nɛ pɩpɩɩ tɩʋ nɛ sumasɩ ɖʋʋ ɖandʋ ki-pilinzi yɔɔ yɔ.»
20Yesu tasɩ yɔɔdʋʋ ɖɔɖɔ se: «Ɛbɛ mɛnkɛdɩɣnɩ Ɛsɔ Kewiyaɣ lee? 21Kɛwɛ ɛzɩ sɔsɔɔna wena halʋ cozuu nɛ ɛɖʋ sona mʋlʋm kiiloonaa nɩɩlɛ nɛ kagbaanzɩ taa nɛ ehuudi nɛ pʋkɔɔ puhuu yɔ.»
Akɔŋ sʋʋ Ɛsɔ kewiyaɣ taa?
(Mat 7.13-14, 21-23)
22Pʋwayɩ lɛ, Yesu woki Yeruusalɛm. Ewokaɣ lɛ, ɛɖɔŋnɩ Ɛsɔtɔm susuu tɛtʋ sɔsɔtʋ nɛ cikpetu ndʋ́ ndʋ́ ɛtɩŋaɣnɩ tɩ-taa yɔ. 23Pɩkɛdaa lɛ, nɔɔyʋ pɔzɩ-ɩ se: «Kɩpaɣlʋ! Pɩkɛ toovenim se ɛyáa pazɩ ɖeke hikiɣni ñʋʋ yabʋ naa we?» Yesu cosi-wɛ nɛ eduuye taa se: 24«Meheyiɣ-mɩ se: ɩñaɣ pana nɛ ɩtɩŋnɩ ɖɛɛmɛnɖɛɛ taa nɛ ɩsʋʋ nɛ ihiɣ wezuu. Mbʋ́ pʋyɔɔ yɔ, ɛyáa sakɩyɛ kɔŋ ñɩnʋʋ se pasʋʋ, ɛlɛ́, paapɩzɩɣ.
25Alɩwaatʋ natʋyʋ kɔŋ nɛ ɖɩɣa tʋ kʋyɩ ɛkaɖɩ nɔnɔɔ. Peeɖe ɩcakɩnɩ awayɩ nɛ ɩmakɩ nɔnɔɔ nɛ ɩtɔŋ se: ‹Kɩpaɣlʋ! Tʋlɩ-ɖʋ!› Ɛlɛ́, ecosuu-mɩ se: ‹Mantasɩ ɖenɖe ɩlɩnaa yɔ.› 26Ɛlɛ́, miheyi-i se: ‹Đa nɛ ŋ ɖɩtɔkaɣna nɛ ɖɩñɔʋ nɛ ŋcɔʋ ɖɛ-tɛtʋ taa nɛ ŋwɩlɩɣ Ɛsɔtɔm.› 27Ɛtasɩɣ-mɩ cosuu se: ‹Kɩdɛkɛdɩŋ mɩ! Ɩɖɛɛ mɔ-yɔɔ mɩtɩŋa. Mantasɩ ɖenɖe ɩlɩnaa yɔ.› 28Peeɖe pɔlɔʋ-mɩ nɛ awayɩ nɛ ɩma kubusi nɛ ɩsalɩ mi-kela. Alɩwaatʋ ńdʋ́ʋ́ ɩnaɣ Abraham nɛ Izaakɩ nɛ Yakɔɔbʋ nɛ náyaa tɩŋa payɩ pɛwɛ Ɛsɔ Kewiyaɣ taa fɛɛɛ. 29Ɛyáa kɔŋ lɩnaʋ wɩsɩ ɖɩlɩyɛ nɛ sɩ-ɖɩɖʋyɛ nɛ hadɛ nɛ hayo kiŋ nɛ powolo pacaɣ Ɛsɔ Kewiyaɣ taa nɛ pɔtɔkɩ. 30Pʋ-yɔɔ lɛ, mbá pɛkɛ wayɩ ñɩma lɛɛlɛɛyɔ yɔ, pa-taa nabɛyɛ pɩsɩɣ kajalaɣ ñɩma nɛ mbá paba kɛ kajalaɣ ñɩma lɛɛlɛɛyɔ yɔ, pa-taa lɛlaa ñapɩsɩ wayɩ ñɩma.»
Pʋwɛɛ se Yesu ɛsɩ Yeruusalɛm
(Mat 23.37-39)
31Yesu yɔɔdaɣ ḿbʋ́ lɛ, Farɩsɩ ñɩma nabɛyɛ wolo ɛ-cɔlɔ nɛ peheyi-i se: «Kʋyɩ cɩnɛ nɛ ŋɖɛɛ ɖoli. Wiyaʋ Eroodi caɣ se ɛkʋ-ŋ.» 32Peeɖe Yesu cosi-wɛ se: «Iwolo iheyi lɔŋ tʋ weyi ɛcɛtɩɣ ɛyáa ɛzɩ kpayʋ yɔ se, mɔntɔm se mɔnɖɔɔnʋʋ aleewaa nɛ mala nɛ kʋdɔndɩnaa yɔɔ cɛ sɔnɔ nɛ cee. Tozo wiye lɛ, mɛntɛzɩ man-tʋmɩyɛ. 33Ɛlɛ́, ɛzɩma mbʋ́ pʋwɛɛ se mɔnɖɔ ma-nʋmɔʋ sɔnɔ nɛ cee nɛ ki-kifemuu yɔ, mɛntɛzɩɣ ɖɛʋ. Mbʋ́ pʋyɔɔ yɔ, pɩtamʋna se pakʋ náyʋ ɖoli yem nɛ pɩtɛkɛnɩ Yeruusalɛm.
34Hei! Yeruusalɛm ñɩma mɩ, ɩkʋʋ náyaa nɛ ɩyakɩ ɛyáa mbá Ɛsɔ tiyini-mɩ yɔ pɛɛ nɛ pasɩkɩ. Tam ɛzɩma mɔntɔsɔɔlɩ se menkpeɣli-mɩ mɔn-cɔlɔ nɛ mohuuzi mɩ-yɔɔ nɛ pʋyʋ ɛtaalabɩ-mɩ ɛzɩ ɖoyuu pabʋʋ kɩ-kalɩmasɩ yɔɔ yɔ nɛ ikizi? 35Pʋ-yɔɔ lɛ, meyeki-mɩ nɛ mɩ-tɛtʋ. Meheyiɣ-mɩ se: ɩɩtasɩɣ-m naʋ nɛ pʋkɔɔ pɩsɩɩnɩ alɩwaatʋ ndʋ́ ɩyɔɔdaa se: ‹Kɩpaɣlʋ Ɛsɔ ɛ́wazɩ weyi ɛkɔŋ e-lone taa yɔ ɛ-yɔɔ› yɔ. »
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia