Maatiyee 9
9
Yesu wazɩ kalɩkalaɣ nakɛyɛ ka-kʋdɔŋ nɛ kakʋyɩ kɔɖɔ
(Mrk 2.1-12; Luk 5.17-26)
1Pʋwayɩ lɛ, Yesu kpa kpɩyʋʋ taa nɛ ɛtɛzɩɣ teŋgu se ɛpɩsɩ ɛ-tɛ. 2Ɛtalaa lɛ, ɛnaɣ ɛyáa nabɛyɛ, powokaɣnɩ kalɩkalaɣ nakɛyɛ ɛ-cɔlɔ, kɛhɛnɩ ka-ñalʋʋ yɔɔ. Powokaɣnɩ-kɛ se ɛla nɛ kɔ-yɔɔ cɛ. Ɛnawa se ɛyáa ḿbá pɛwɛnɩ lidaʋ ɛ-yɔɔ lɛ, eheyi kalɩkalaɣ ŋ́gá se: «Man-taabalʋ! Đɔkɩ ña-tɩ, mbʋ́ pʋyɔɔ yɔ, menkpeɣ-ŋ ña-kɩwɛɛkɩm.» 3Peeɖe paɣtʋ wɩlɩyaa nabɛyɛ yɔɔdaɣnɩ ɖama se: «Abalʋ ɛnɛ ɛwɛɛkɩɣ Ɛsɔ hɩɖɛ!» 4Yesu na pa-lɩmaɣza ḿbʋ́ lɛ, ɛpɔzɩ-wɛ se: «Pɩlabɩ ɛzɩma nɛ ɩwɛnɩ lɩmaɣza kɩdɛkɛdɛɛ ḿbʋ́? 5Yee meheyi kalɩkalaɣ ŋ́gá se menkpeɣ-kɛ ka-kɩwɛɛkɩm yaa kakʋyɩ kɔɖɔ, tɩ-naalɛ tɩ-taa lɛ, ndʋ́ tɩfɛyɩ kaɖɛ? 6Mancaɣ mawɩlɩ-mɩ se Ɛyʋ Pɩyalʋ wɛnɩ ɖoŋ se ekpeɣ ɛyáa pa-kɩwɛɛkɩm kedeŋa yɔɔ cɩnɛ.»
Peeɖe eheyi kalɩkalaɣ ŋ́gá se: «Ña! Kʋyɩ ŋkpaɣ ña-ñalʋʋ nɛ ŋkpe.» 7Abalʋ ɛnʋ ɛkʋyɩ nɛ ekpe ɛ-tɛ. 8Ɛyáa sakɩyɛ mbá paawɛɛ yɔ pana ḿbʋ́ lɛ, sɔɔndʋ kpa-wɛ nɛ pasa Ɛsɔ ɛzɩma mbʋ́ ɛha ɛyáa ɖoŋ ɛnʋ yɔ pʋ-yɔɔ.
Yesu ya Maatiyee se ɛtɩŋ ɛ-wayɩ
(Mrk 2.13-17; Luk 5.27-32)
9Pʋwayɩ lɛ, Yesu tasɩ wobu nɛ ɛsɩndaa nɛ ɛna abalʋ weyi payaɣ se Maatiyee yɔ, ɛcaɣ tikee ɖɩmʋyɛ. Peeɖe Yesu heyi-i se: «Kʋyɩ ŋtɩŋ-m!» Ɛ́lɛ́ kʋyɩ ɖɔɖɔ nɛ ɛtɩŋ-ɩ.
10Pɩkɛdaa lɛ, Yesu wolo ɖɩɣa nɛ ɛcaɣ tɔɔnaɣ ɖɩtɔɔyɛ. Tikee mʋyaa sakɩyɛ nɛ kɩwɛɛkɩm laɖaa lɛlaa paawɛ peeɖe nɛ pa nɛ ɩ nɛ ɛ-tɔmkpɛlɩkɩyaa pɔtɔkɩ tɔɔnaɣ. 11Ŋgʋ́, Farɩsɩ ñɩma nabɛyɛ kana-wɛ ḿbʋ́. Peeɖe pɔpɔzɩ Yesu tɔmkpɛlɩkɩyaa se: «Pɩlabɩ ɛzɩma nɛ mɩ-caa nɛ tikee mʋyaa nɛ kɩwɛɛkɩm laɖaa lɛlaa pɛkpɛndɩ nɛ pɔtɔkɩ?» 12Yesu nɩ ḿbʋ́ lɛ, ecosi-wɛ se: «Pɩtɛkɛ alaafɩya tɩnaa pʋpɔzʋʋ se powolo fɛɖaa tɛ, kʋdɔndɩnaa pʋpɔzʋʋ se powolo. 13Iwolo ɩñɩnɩ Ɛsɔtɔm Takayaɣ taa tɔm ndʋ́ pamawa yɔ tɩ-tɔbʋʋ. Ńdʋ́ lɛ se:
‹Ma Ɛsɔ mɔntɔsɔɔlɩ mɩ-kɩlaŋ,
ɛlɛ́, me-liu wɛɛ se ɩna ɖama pʋtɔdɩyɛ.› »
Yesu tasɩ yɔɔdʋʋ se: «Pɩtɛkɛ mbá pamaɣzɩɣ se pɛkɛ kʋtʋʋzaa yɔ pa-wayɩ mɔnkɔma. Ɛlɛ́, mbá pasɩm pa-tɩ se pɛkɛ kɩwɛɛkɩm laɖaa yɔ pa-wayɩ mɔnkɔm se pɛlɛɣzɩ wɛtʋ.»
Yesu yɔɔdʋʋ nɔɔ hɔkʋʋ tɔm
(Mrk 2.18-22; Luk 5.33-39)
14Yesu tɛm yɔɔdʋʋ ḿbʋ́ lɛ, Lɩm Sɔʋ Sɔnzɩ Laɖʋ Yohanɛɛsɩ tɔmkpɛlɩkɩyaa wolo ɛ-cɔlɔ nɛ pɔpɔzʋʋ-ɩ se: «Pɩlabɩ ɛzɩma ɖa nɛ Farɩsɩ ñɩma ɖɩhɔkʋʋ nɔɔ tam nɛ ñɔ-tɔmkpɛlɩkɩyaa ñaahɔkʋʋ?»
15Peeɖe Yesu cosi-wɛ se: «Ɩmaɣzɩɣ se mbá paya-wɛ halɩkpaɣyɛ kazandʋ ɖeɖe yɔ, powoki pacaɣnɩ ɛsɛ ñɩŋɩyɛ nɛ pɔhɔkɩ nɔɔ halʋ kɩfalʋ walʋ ɛsɩndaa yaa we? Pɩɩlakɩ ḿbʋ́! Ɛlɛ́, pɔkɔŋ lɩzʋʋ walʋ ɛnʋ pɛ-hɛkʋ taa alɩwaatʋ natʋyʋ. Tɩ-taa pɔkɔŋ nɔɔ hɔkʋʋ.»
16Yesu tasɩ-wɛ heyuu se: «Paakpakɩɣ pɩsaʋ kɩfalʋʋ hɔɔlaɣ nɛ pɔtɔnɩ wonuu kɩbɩnʋʋ. Pɩtɛkɛ ḿbʋ́, pɔcɔtʋʋ lɛ, hɔɔlaɣ ŋgá kasʋʋ nɛ kɔhɔ kɩbɩnʋʋ nɛ kɩtɛzɩ cɩyʋʋ.»
17Ɛtasɩ yɔɔdʋʋ ɖɔɖɔ se: «Paasuu sʋlʋm pɛŋ weyi ɩtɔwaa yɔ ɩ-taa. Pɩtɛkɛ ḿbʋ́, pʋkɔŋ se pɩpɩɣ yɔ, pɩyasɩɣ-ɩ nɛ sʋlʋm wɛɛkɩ pikpe tataa yem. Ɛlɛ́, pɛŋ weyi ɩtɔtɔɔ yɔ, ɩ-taa posuu nɛ pɩtɩŋa payɩ pʋwɛɛ pi-ɖeɖe camɩyɛ.»
Yesu wazɩ halʋ nɔɔyʋ ɛ-kʋdɔŋ nɛ efezi halɩbɩɣa nakɛyɛ nɛ sɩm taa
(Mrk 5.21-43; Luk 8.40-56)
18Yesu yɔɔdaɣnɩ Lɩm Sɔʋ Sɔnzɩ Laɖʋ Yohanɛɛsɩ tɔmkpɛlɩkɩyaa ḿbʋ́ lɛ, Yuda ñɩma sɔsɔ nɔɔyʋ wolo eluŋ ɛ-tɛɛ nɛ ɛtɔ se: «Mɛn-pɛlɛ sɩba lɛɛlɛɛyɔ. Ɛlɛ́, kɔɔ ɖiwolo nɛ ŋtɩnɩ ñe-nesi ɛ-yɔɔ nɛ efe.» 19Peeɖe Yesu nɛ ɛ-tɔmkpɛlɩkɩyaa pakʋyaa patɩŋ-ɩ. 20Pɛɖɛɣaɣ ḿbʋ́ lɛ, halʋ nɔɔyʋ wobini Yesu wayɩ nɛ etukuni e-toko ndomiye. Halʋ ɛnʋ, calɩm kɛwɛɛ pikpeŋni-i nɛ pɩcɛyɩɣ-ɩ pɩŋŋ pɩnzɩ hiu nɛ naalɛ yɔ. 21Etukuni-i ḿbʋ́, mbʋ́ pʋyɔɔ yɔ, ɛɖʋ ɛ-taa se: «Yee manpɩzaa mehiɣ e-toko nɛ montukuna yɔ, mɔ-yɔɔ cɛkɩ.» 22Ɛlabɩ ḿbʋ́ lɛ, Yesu kisi nɛ ɛna-ɩ nɛ eheyi-i se: «Mɛn-pɛlɛ! Đɔkɩ ña-tɩ! Lidaʋ ŋgʋ́ ŋwɛnɩ mɔ-yɔɔ yɔ, kɩlɩzɩ-ŋ pɩ-taa.» Kpaagbaa ḿbʋ́ lɛ, halʋ yɔɔ cɛ.
23Yesu ɖɛwa nɛ ɛtalɩ Yuda ñɩma sɔsɔ ɛnʋ ɛ-tɛ lɛ, ɛmaɣnɩ hɩsɩ hʋlɩyaa nɛ ɛyáa samaɣ posuni ɖɩɣa nɛ pamakɩ kubusi. 24Peeɖe eheyi-wɛ se: «Ɩlɩɩ cɩnɛ, pɛlɛ ɛnʋ eɖou kuɖou, ɛtasɩ kɩsɩbʋ.» Ɛyɔɔdɩ ḿbʋ́ lɛ, powoŋ-i.
25Palɩzɩ ɛyáa awayɩ lɛ, Yesu sʋʋ kuduyuu tɛɛ nɛ ɛ́ɖɔ́kɩ pɛlɛ ɛnʋ e-nesi taa nɛ ɛ́lɛ́ kʋyɩ.
26Pɩlabɩ ḿbʋ́ lɛ, tɔm ńdʋ́ tɩcɔɔ egeetiye ńɖɩ́ ɖɩ-taa payɩ.
Yesu kuli yʋlʋmaa naalɛ nabɛyɛ ɛsɛ
27Pʋwayɩ lɛ, Yesu kʋyɩ Yuda ñɩma sɔsɔ ɛnʋ ɛ-tɛ se ekpeŋ. Ekpeŋaɣ lɛ, yʋlʋmaa naalɛ nabɛyɛ tɩŋɩɣ ɛ-wayɩ nɛ pamakɩ kubusi se: «Wiyaʋ Daaviidi Sayɩ! Na ɖa-pʋtɔdɩyɛ.»
28Ɛtalɩ ɖɩɣa lɛ, yʋlʋmaa ḿbá powolo ɛ-cɔlɔ. Peeɖe ɛpɔzɩ-wɛ se: «Ɩwɛnɩ lidaʋ mɔ-yɔɔ se manpɩzɩɣ malabɩ-mɩ mbʋ́ mi-liu wɛɛ yɔ yaa we?» Paba cosi-i se: «Ɛɛɛ, Kɩpaɣlʋ ŋpɩzɩɣ.» 29Peeɖe etukuni pɛ-ɛsɛ nɛ eheyi-wɛ se: «Pɩla ɛzɩ ɩwɛnaʋ lidaʋ yɔ.»
30Ɛyɔɔdɩ ḿbʋ́ lɛ, pɛ-ɛsɛ kuli. Ɛlɛ́ ɛka pa-ñʋŋ taa se: «Ɩkpa mɩ-tɩ ɖeu, ɩtaaheyi-tʋ nɔɔyʋ.» 31Patɩlɩ peeɖe lɛ, pamaanɩ Yesu tɔm yɔɔ nɛ pɔcɔɔ pe-egeetiye tɩŋa taa payɩ nɛ pasaŋ-ɩ.
Yesu laba nɛ kaayɔɔdaɣ nakɛyɛ yɔɔ cɛ
32Yʋlʋmaa ḿbá pɛɖɛɣaɣ lɛ, nɔɔyʋ woni abalʋ nɔɔyʋ Yesu cɔlɔ. Eleeu nɔɔyʋ wɛ ɛ-wayɩ nɛ ɛpɩsɩ-ɩ kaayɔɔdaɣ. 33Yesu ɖɔɔnɩ eleeu ɛnʋ nɛ abalʋ ɛnʋ ɛpazɩ yɔɔdʋʋ nɛ ɛyáa samaɣ yɩɣyɩɣ-ɩ nɛ kɔtɔŋ se: «Đooo yɔ, nabʋyʋ talabɩdɩ Izrɛɛlɩ ɛjaɖɛ taa ɛzʋnɔ!» 34Peeɖe Farɩsɩ ñɩma tɔm se: «Aleewaa caa hanɩ-ɩ ɖoŋ nɛ ɛɖɔɔnʋʋnɩ aleewaa.»
Yesu na ɛyáa samaɣ pʋtɔdɩyɛ
35Yesu cɔwaɣ tɛtʋ sɔsɔtʋ nɛ cikpetu patɩŋa pa-taa nɛ eheyiɣ ɛyáa Ɛsɔ Kewiyaɣ Laŋhɛzɩyɛ Tɔm Ɛsɔ ɖɩsɛyɛ taa nɛ ɛlakɩ nɛ kʋdɔndɩnaa ndɩ ndɩ nɛ ajamaa ndɩ ndɩ patɩŋa pɔ-yɔɔ cɛkɩ. 36Ɛna ɛyáa samaɣ lɛ, pɩlabɩ-ɩ pʋtɔdɩyɛ nɛ kɛ. Mbʋ́ pʋyɔɔ yɔ, pɩɩkɩlɩ-wɛ nɛ pekiitiɣ yem ɛzɩ heŋ weyi ɩfɛyɩnɩ ninɖiɣyu yɔ. 37Peeɖe eheyi ɛ-tɔmkpɛlɩkɩyaa se: «Kʋmtʋ ɖɔwa, ɛlɛ́, kʋnɖaa tɔɖɔɔ. 38Pʋ-yɔɔ lɛ, itendi tɩ-tʋ nɛ ɛsɔzɩ kʋnɖaa sakɩyɛ nɛ pasɩnɩ-mɩ kʋm.»
Iliyochaguliwa sasa
Maatiyee 9: KABI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Maatiyee 9
9
Yesu wazɩ kalɩkalaɣ nakɛyɛ ka-kʋdɔŋ nɛ kakʋyɩ kɔɖɔ
(Mrk 2.1-12; Luk 5.17-26)
1Pʋwayɩ lɛ, Yesu kpa kpɩyʋʋ taa nɛ ɛtɛzɩɣ teŋgu se ɛpɩsɩ ɛ-tɛ. 2Ɛtalaa lɛ, ɛnaɣ ɛyáa nabɛyɛ, powokaɣnɩ kalɩkalaɣ nakɛyɛ ɛ-cɔlɔ, kɛhɛnɩ ka-ñalʋʋ yɔɔ. Powokaɣnɩ-kɛ se ɛla nɛ kɔ-yɔɔ cɛ. Ɛnawa se ɛyáa ḿbá pɛwɛnɩ lidaʋ ɛ-yɔɔ lɛ, eheyi kalɩkalaɣ ŋ́gá se: «Man-taabalʋ! Đɔkɩ ña-tɩ, mbʋ́ pʋyɔɔ yɔ, menkpeɣ-ŋ ña-kɩwɛɛkɩm.» 3Peeɖe paɣtʋ wɩlɩyaa nabɛyɛ yɔɔdaɣnɩ ɖama se: «Abalʋ ɛnɛ ɛwɛɛkɩɣ Ɛsɔ hɩɖɛ!» 4Yesu na pa-lɩmaɣza ḿbʋ́ lɛ, ɛpɔzɩ-wɛ se: «Pɩlabɩ ɛzɩma nɛ ɩwɛnɩ lɩmaɣza kɩdɛkɛdɛɛ ḿbʋ́? 5Yee meheyi kalɩkalaɣ ŋ́gá se menkpeɣ-kɛ ka-kɩwɛɛkɩm yaa kakʋyɩ kɔɖɔ, tɩ-naalɛ tɩ-taa lɛ, ndʋ́ tɩfɛyɩ kaɖɛ? 6Mancaɣ mawɩlɩ-mɩ se Ɛyʋ Pɩyalʋ wɛnɩ ɖoŋ se ekpeɣ ɛyáa pa-kɩwɛɛkɩm kedeŋa yɔɔ cɩnɛ.»
Peeɖe eheyi kalɩkalaɣ ŋ́gá se: «Ña! Kʋyɩ ŋkpaɣ ña-ñalʋʋ nɛ ŋkpe.» 7Abalʋ ɛnʋ ɛkʋyɩ nɛ ekpe ɛ-tɛ. 8Ɛyáa sakɩyɛ mbá paawɛɛ yɔ pana ḿbʋ́ lɛ, sɔɔndʋ kpa-wɛ nɛ pasa Ɛsɔ ɛzɩma mbʋ́ ɛha ɛyáa ɖoŋ ɛnʋ yɔ pʋ-yɔɔ.
Yesu ya Maatiyee se ɛtɩŋ ɛ-wayɩ
(Mrk 2.13-17; Luk 5.27-32)
9Pʋwayɩ lɛ, Yesu tasɩ wobu nɛ ɛsɩndaa nɛ ɛna abalʋ weyi payaɣ se Maatiyee yɔ, ɛcaɣ tikee ɖɩmʋyɛ. Peeɖe Yesu heyi-i se: «Kʋyɩ ŋtɩŋ-m!» Ɛ́lɛ́ kʋyɩ ɖɔɖɔ nɛ ɛtɩŋ-ɩ.
10Pɩkɛdaa lɛ, Yesu wolo ɖɩɣa nɛ ɛcaɣ tɔɔnaɣ ɖɩtɔɔyɛ. Tikee mʋyaa sakɩyɛ nɛ kɩwɛɛkɩm laɖaa lɛlaa paawɛ peeɖe nɛ pa nɛ ɩ nɛ ɛ-tɔmkpɛlɩkɩyaa pɔtɔkɩ tɔɔnaɣ. 11Ŋgʋ́, Farɩsɩ ñɩma nabɛyɛ kana-wɛ ḿbʋ́. Peeɖe pɔpɔzɩ Yesu tɔmkpɛlɩkɩyaa se: «Pɩlabɩ ɛzɩma nɛ mɩ-caa nɛ tikee mʋyaa nɛ kɩwɛɛkɩm laɖaa lɛlaa pɛkpɛndɩ nɛ pɔtɔkɩ?» 12Yesu nɩ ḿbʋ́ lɛ, ecosi-wɛ se: «Pɩtɛkɛ alaafɩya tɩnaa pʋpɔzʋʋ se powolo fɛɖaa tɛ, kʋdɔndɩnaa pʋpɔzʋʋ se powolo. 13Iwolo ɩñɩnɩ Ɛsɔtɔm Takayaɣ taa tɔm ndʋ́ pamawa yɔ tɩ-tɔbʋʋ. Ńdʋ́ lɛ se:
‹Ma Ɛsɔ mɔntɔsɔɔlɩ mɩ-kɩlaŋ,
ɛlɛ́, me-liu wɛɛ se ɩna ɖama pʋtɔdɩyɛ.› »
Yesu tasɩ yɔɔdʋʋ se: «Pɩtɛkɛ mbá pamaɣzɩɣ se pɛkɛ kʋtʋʋzaa yɔ pa-wayɩ mɔnkɔma. Ɛlɛ́, mbá pasɩm pa-tɩ se pɛkɛ kɩwɛɛkɩm laɖaa yɔ pa-wayɩ mɔnkɔm se pɛlɛɣzɩ wɛtʋ.»
Yesu yɔɔdʋʋ nɔɔ hɔkʋʋ tɔm
(Mrk 2.18-22; Luk 5.33-39)
14Yesu tɛm yɔɔdʋʋ ḿbʋ́ lɛ, Lɩm Sɔʋ Sɔnzɩ Laɖʋ Yohanɛɛsɩ tɔmkpɛlɩkɩyaa wolo ɛ-cɔlɔ nɛ pɔpɔzʋʋ-ɩ se: «Pɩlabɩ ɛzɩma ɖa nɛ Farɩsɩ ñɩma ɖɩhɔkʋʋ nɔɔ tam nɛ ñɔ-tɔmkpɛlɩkɩyaa ñaahɔkʋʋ?»
15Peeɖe Yesu cosi-wɛ se: «Ɩmaɣzɩɣ se mbá paya-wɛ halɩkpaɣyɛ kazandʋ ɖeɖe yɔ, powoki pacaɣnɩ ɛsɛ ñɩŋɩyɛ nɛ pɔhɔkɩ nɔɔ halʋ kɩfalʋ walʋ ɛsɩndaa yaa we? Pɩɩlakɩ ḿbʋ́! Ɛlɛ́, pɔkɔŋ lɩzʋʋ walʋ ɛnʋ pɛ-hɛkʋ taa alɩwaatʋ natʋyʋ. Tɩ-taa pɔkɔŋ nɔɔ hɔkʋʋ.»
16Yesu tasɩ-wɛ heyuu se: «Paakpakɩɣ pɩsaʋ kɩfalʋʋ hɔɔlaɣ nɛ pɔtɔnɩ wonuu kɩbɩnʋʋ. Pɩtɛkɛ ḿbʋ́, pɔcɔtʋʋ lɛ, hɔɔlaɣ ŋgá kasʋʋ nɛ kɔhɔ kɩbɩnʋʋ nɛ kɩtɛzɩ cɩyʋʋ.»
17Ɛtasɩ yɔɔdʋʋ ɖɔɖɔ se: «Paasuu sʋlʋm pɛŋ weyi ɩtɔwaa yɔ ɩ-taa. Pɩtɛkɛ ḿbʋ́, pʋkɔŋ se pɩpɩɣ yɔ, pɩyasɩɣ-ɩ nɛ sʋlʋm wɛɛkɩ pikpe tataa yem. Ɛlɛ́, pɛŋ weyi ɩtɔtɔɔ yɔ, ɩ-taa posuu nɛ pɩtɩŋa payɩ pʋwɛɛ pi-ɖeɖe camɩyɛ.»
Yesu wazɩ halʋ nɔɔyʋ ɛ-kʋdɔŋ nɛ efezi halɩbɩɣa nakɛyɛ nɛ sɩm taa
(Mrk 5.21-43; Luk 8.40-56)
18Yesu yɔɔdaɣnɩ Lɩm Sɔʋ Sɔnzɩ Laɖʋ Yohanɛɛsɩ tɔmkpɛlɩkɩyaa ḿbʋ́ lɛ, Yuda ñɩma sɔsɔ nɔɔyʋ wolo eluŋ ɛ-tɛɛ nɛ ɛtɔ se: «Mɛn-pɛlɛ sɩba lɛɛlɛɛyɔ. Ɛlɛ́, kɔɔ ɖiwolo nɛ ŋtɩnɩ ñe-nesi ɛ-yɔɔ nɛ efe.» 19Peeɖe Yesu nɛ ɛ-tɔmkpɛlɩkɩyaa pakʋyaa patɩŋ-ɩ. 20Pɛɖɛɣaɣ ḿbʋ́ lɛ, halʋ nɔɔyʋ wobini Yesu wayɩ nɛ etukuni e-toko ndomiye. Halʋ ɛnʋ, calɩm kɛwɛɛ pikpeŋni-i nɛ pɩcɛyɩɣ-ɩ pɩŋŋ pɩnzɩ hiu nɛ naalɛ yɔ. 21Etukuni-i ḿbʋ́, mbʋ́ pʋyɔɔ yɔ, ɛɖʋ ɛ-taa se: «Yee manpɩzaa mehiɣ e-toko nɛ montukuna yɔ, mɔ-yɔɔ cɛkɩ.» 22Ɛlabɩ ḿbʋ́ lɛ, Yesu kisi nɛ ɛna-ɩ nɛ eheyi-i se: «Mɛn-pɛlɛ! Đɔkɩ ña-tɩ! Lidaʋ ŋgʋ́ ŋwɛnɩ mɔ-yɔɔ yɔ, kɩlɩzɩ-ŋ pɩ-taa.» Kpaagbaa ḿbʋ́ lɛ, halʋ yɔɔ cɛ.
23Yesu ɖɛwa nɛ ɛtalɩ Yuda ñɩma sɔsɔ ɛnʋ ɛ-tɛ lɛ, ɛmaɣnɩ hɩsɩ hʋlɩyaa nɛ ɛyáa samaɣ posuni ɖɩɣa nɛ pamakɩ kubusi. 24Peeɖe eheyi-wɛ se: «Ɩlɩɩ cɩnɛ, pɛlɛ ɛnʋ eɖou kuɖou, ɛtasɩ kɩsɩbʋ.» Ɛyɔɔdɩ ḿbʋ́ lɛ, powoŋ-i.
25Palɩzɩ ɛyáa awayɩ lɛ, Yesu sʋʋ kuduyuu tɛɛ nɛ ɛ́ɖɔ́kɩ pɛlɛ ɛnʋ e-nesi taa nɛ ɛ́lɛ́ kʋyɩ.
26Pɩlabɩ ḿbʋ́ lɛ, tɔm ńdʋ́ tɩcɔɔ egeetiye ńɖɩ́ ɖɩ-taa payɩ.
Yesu kuli yʋlʋmaa naalɛ nabɛyɛ ɛsɛ
27Pʋwayɩ lɛ, Yesu kʋyɩ Yuda ñɩma sɔsɔ ɛnʋ ɛ-tɛ se ekpeŋ. Ekpeŋaɣ lɛ, yʋlʋmaa naalɛ nabɛyɛ tɩŋɩɣ ɛ-wayɩ nɛ pamakɩ kubusi se: «Wiyaʋ Daaviidi Sayɩ! Na ɖa-pʋtɔdɩyɛ.»
28Ɛtalɩ ɖɩɣa lɛ, yʋlʋmaa ḿbá powolo ɛ-cɔlɔ. Peeɖe ɛpɔzɩ-wɛ se: «Ɩwɛnɩ lidaʋ mɔ-yɔɔ se manpɩzɩɣ malabɩ-mɩ mbʋ́ mi-liu wɛɛ yɔ yaa we?» Paba cosi-i se: «Ɛɛɛ, Kɩpaɣlʋ ŋpɩzɩɣ.» 29Peeɖe etukuni pɛ-ɛsɛ nɛ eheyi-wɛ se: «Pɩla ɛzɩ ɩwɛnaʋ lidaʋ yɔ.»
30Ɛyɔɔdɩ ḿbʋ́ lɛ, pɛ-ɛsɛ kuli. Ɛlɛ́ ɛka pa-ñʋŋ taa se: «Ɩkpa mɩ-tɩ ɖeu, ɩtaaheyi-tʋ nɔɔyʋ.» 31Patɩlɩ peeɖe lɛ, pamaanɩ Yesu tɔm yɔɔ nɛ pɔcɔɔ pe-egeetiye tɩŋa taa payɩ nɛ pasaŋ-ɩ.
Yesu laba nɛ kaayɔɔdaɣ nakɛyɛ yɔɔ cɛ
32Yʋlʋmaa ḿbá pɛɖɛɣaɣ lɛ, nɔɔyʋ woni abalʋ nɔɔyʋ Yesu cɔlɔ. Eleeu nɔɔyʋ wɛ ɛ-wayɩ nɛ ɛpɩsɩ-ɩ kaayɔɔdaɣ. 33Yesu ɖɔɔnɩ eleeu ɛnʋ nɛ abalʋ ɛnʋ ɛpazɩ yɔɔdʋʋ nɛ ɛyáa samaɣ yɩɣyɩɣ-ɩ nɛ kɔtɔŋ se: «Đooo yɔ, nabʋyʋ talabɩdɩ Izrɛɛlɩ ɛjaɖɛ taa ɛzʋnɔ!» 34Peeɖe Farɩsɩ ñɩma tɔm se: «Aleewaa caa hanɩ-ɩ ɖoŋ nɛ ɛɖɔɔnʋʋnɩ aleewaa.»
Yesu na ɛyáa samaɣ pʋtɔdɩyɛ
35Yesu cɔwaɣ tɛtʋ sɔsɔtʋ nɛ cikpetu patɩŋa pa-taa nɛ eheyiɣ ɛyáa Ɛsɔ Kewiyaɣ Laŋhɛzɩyɛ Tɔm Ɛsɔ ɖɩsɛyɛ taa nɛ ɛlakɩ nɛ kʋdɔndɩnaa ndɩ ndɩ nɛ ajamaa ndɩ ndɩ patɩŋa pɔ-yɔɔ cɛkɩ. 36Ɛna ɛyáa samaɣ lɛ, pɩlabɩ-ɩ pʋtɔdɩyɛ nɛ kɛ. Mbʋ́ pʋyɔɔ yɔ, pɩɩkɩlɩ-wɛ nɛ pekiitiɣ yem ɛzɩ heŋ weyi ɩfɛyɩnɩ ninɖiɣyu yɔ. 37Peeɖe eheyi ɛ-tɔmkpɛlɩkɩyaa se: «Kʋmtʋ ɖɔwa, ɛlɛ́, kʋnɖaa tɔɖɔɔ. 38Pʋ-yɔɔ lɛ, itendi tɩ-tʋ nɛ ɛsɔzɩ kʋnɖaa sakɩyɛ nɛ pasɩnɩ-mɩ kʋm.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia