GÉNESIS 16
16
Agar huan icone, Ismael
1Sarai, isihua Abram, amo huelqui conepiya, pero quipiyayaya se itequipanojca tlen tlali Egipto catli itoca Agar. 2Huajca Sarai moilhui quichihuas quen momajtoyaj quichihuaj ipan nopa tonali huan quimactilis ihuehue itequipanojca. Yeca quiilhui Abram:
―Xiquita, TOTECO amo nechcahuilijtoc ma niconepiyas, huajca xicochi ihuaya notequipanojca Agar para yaya huelis quinpiyas coneme catli elise quen na noconehua.
Huan Abram quichihuili cuenta catli Sarai quiilhui. 3Huan Sarai quinotzqui Agar, nopa egipto ejquetl, huan quimactili Abram para ihuaya ma cochi. Quema panoc ya ni, Abram ya quipixqui majtlactli xihuitl para itztos ipan tlali Canaán. 4Huan Abram quiiximatqui Agar, huan Agar conecuic. Huan quema Agar momacac cuenta para ya conepiya, mohueyimatqui huan pejqui quicualancaita Sarai. 5Huajca Sarai quiilhui Abram:
―Ta motlajtlacol para nechcualancaita Agar. Na nimitzmactili para ihuaya ximoteca, pero quema quimatqui para conepiyas, mohueyimatqui. Ma TOTECO quiijto ajqueya quipiya tlajtlacoli, sintla ta o na.
6Huan Abram quinanquili:
―Xiquita, Sarai, motequipanojca Agar itztoc momaco para tijtlatzacuiltis quen tiquitas cuali.
Huajca Sarai pejqui quitlaijiyohuiltía Agar, huan yeca Agar cholojtejqui. 7Pero se itequihua TOTECO quipanti Agar campa meyayaya atl ipan nopa huactoc tlali campa amo tleno eli. Itztoya ipan nopa ojtli catli yohui para Shur. 8Huan itequihua TOTECO quitlatzintoquili:
―Agar, tiitequipanojca Sarai, ¿canque tihuala huan canque tiya?
Huan Agar quinanquili:
―Nicholohua imaco noteco, Sarai.
9Huajca itequihua TOTECO quiilhui:
―Ximocuepa campa moteco huan xijneltoquili nochi catli mitznahuatis.
10Huan nojquiya itequihua TOTECO quiilhui:
“Na niquinmiyaquilis moteipan ixhuihua hasta amo aqui huelis quinpohuas.
11Ya ticonecuitoc huan tijpiyas se oquichpil huan tijtocaxtis Ismael,
pampa TOTECO quicajqui quema timotequipachohuayaya.
(Ismael quinequi quiijtos ‘TOTECO tlacaqui’.)
12Huan mocone elis se tlacatl catli mosisinía.
Mohuilanas ininhuaya nochi,
huan nochi quinequise quihuilanase.
Huan yaya itztos ica cualantli mojmostla ica nochi iicnihua.”
13Huan Agar quitocaxtlali TOTECO catli ihuaya mocamanalhuijtoya “yaya Toteco Dios Catli Nochi Quiita”. Quej nopa quitocaxti pampa moilhuiyaya: “Niquitztoc Toteco Dios catli nechita huan noja niitztoc.”
14Huan yeca nopa ameli catli mocahua tlatlajco Cades huan Bered ama quitocaxtijtoque Beer Lahai Roi. (Beer Lahai Roi quinequi quiijtos “Iamel Yaya Catli Itztoc Huan Catli Nechita”.)
15Huan Agar quitlacatilti icone Abram, huan Abram quitocaxti Ismael. 16Huan Abram quipiyayaya 86 xihuitl quema tlacatqui Ismael.
Iliyochaguliwa sasa
GÉNESIS 16: nhwW
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2005, Wycliffe Bible Translators, Inc. All rights reserved
GÉNESIS 16
16
Agar huan icone, Ismael
1Sarai, isihua Abram, amo huelqui conepiya, pero quipiyayaya se itequipanojca tlen tlali Egipto catli itoca Agar. 2Huajca Sarai moilhui quichihuas quen momajtoyaj quichihuaj ipan nopa tonali huan quimactilis ihuehue itequipanojca. Yeca quiilhui Abram:
―Xiquita, TOTECO amo nechcahuilijtoc ma niconepiyas, huajca xicochi ihuaya notequipanojca Agar para yaya huelis quinpiyas coneme catli elise quen na noconehua.
Huan Abram quichihuili cuenta catli Sarai quiilhui. 3Huan Sarai quinotzqui Agar, nopa egipto ejquetl, huan quimactili Abram para ihuaya ma cochi. Quema panoc ya ni, Abram ya quipixqui majtlactli xihuitl para itztos ipan tlali Canaán. 4Huan Abram quiiximatqui Agar, huan Agar conecuic. Huan quema Agar momacac cuenta para ya conepiya, mohueyimatqui huan pejqui quicualancaita Sarai. 5Huajca Sarai quiilhui Abram:
―Ta motlajtlacol para nechcualancaita Agar. Na nimitzmactili para ihuaya ximoteca, pero quema quimatqui para conepiyas, mohueyimatqui. Ma TOTECO quiijto ajqueya quipiya tlajtlacoli, sintla ta o na.
6Huan Abram quinanquili:
―Xiquita, Sarai, motequipanojca Agar itztoc momaco para tijtlatzacuiltis quen tiquitas cuali.
Huajca Sarai pejqui quitlaijiyohuiltía Agar, huan yeca Agar cholojtejqui. 7Pero se itequihua TOTECO quipanti Agar campa meyayaya atl ipan nopa huactoc tlali campa amo tleno eli. Itztoya ipan nopa ojtli catli yohui para Shur. 8Huan itequihua TOTECO quitlatzintoquili:
―Agar, tiitequipanojca Sarai, ¿canque tihuala huan canque tiya?
Huan Agar quinanquili:
―Nicholohua imaco noteco, Sarai.
9Huajca itequihua TOTECO quiilhui:
―Ximocuepa campa moteco huan xijneltoquili nochi catli mitznahuatis.
10Huan nojquiya itequihua TOTECO quiilhui:
“Na niquinmiyaquilis moteipan ixhuihua hasta amo aqui huelis quinpohuas.
11Ya ticonecuitoc huan tijpiyas se oquichpil huan tijtocaxtis Ismael,
pampa TOTECO quicajqui quema timotequipachohuayaya.
(Ismael quinequi quiijtos ‘TOTECO tlacaqui’.)
12Huan mocone elis se tlacatl catli mosisinía.
Mohuilanas ininhuaya nochi,
huan nochi quinequise quihuilanase.
Huan yaya itztos ica cualantli mojmostla ica nochi iicnihua.”
13Huan Agar quitocaxtlali TOTECO catli ihuaya mocamanalhuijtoya “yaya Toteco Dios Catli Nochi Quiita”. Quej nopa quitocaxti pampa moilhuiyaya: “Niquitztoc Toteco Dios catli nechita huan noja niitztoc.”
14Huan yeca nopa ameli catli mocahua tlatlajco Cades huan Bered ama quitocaxtijtoque Beer Lahai Roi. (Beer Lahai Roi quinequi quiijtos “Iamel Yaya Catli Itztoc Huan Catli Nechita”.)
15Huan Agar quitlacatilti icone Abram, huan Abram quitocaxti Ismael. 16Huan Abram quipiyayaya 86 xihuitl quema tlacatqui Ismael.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2005, Wycliffe Bible Translators, Inc. All rights reserved