GENESIS 17
17
Pagsirkomsisyon, an Tanda kan Tipan
1Kan nubenta y nuebe na an edad ni Abram, nagpahiling saiya an Kagurangnan asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos. 2Makikipagtipan ako saimo asin tatawan taka nin dakul na kapagarakian.” 3Nagdapa si Abram sa daga dangan nagtaram saiya an Dios, 4“Uya, makikipagtipan ako saimo: nangangako ako na ika an gigikanan nin dakul na nasyon. 5Poon ngunyan, bako nang Abram an saimong ngaran kundi Abraham#15 ABRAHAM: Sa pandangog, an ngaran na ini nakakaarog sa Hebreyong tataramon na ama nin dakul na nasyon. huli ta gigibohon takang ama nin dakul na nasyon. 6Tatawan taka nin dakul na kapagarakian asin gigibohon ko sindang mga nasyon patin magigin mga hade an iba sainda.
7“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian. 8Itatao ko saimo asin sa saimong mga kapagarakian an dagang ini, saen saro kang dayuhan ngunyan. An bilog na Canaan masasadirihan kan saimong mga kapagarakian sagkod pa man, asin ako an magigin Dios ninda.”
9Nagtaram pa an Dios ki Abraham, “Kaipuhan otobon mo man an pakipagtipan mo sa sako, ika asin an saimong mga kapagarakian sa maabot na henerasyon. 10Ini an sakong tipan na ootobon mo asin kan saimong mga kapagarakian: kaipuhan na serkomsisyonon an gabos na lalaki sa saindo. 11-12Magpoon ngunyan, kaipuhan serkomsisyonon mo an lambang aking lalaki pag-edad kaini nin walong aldaw, sagkod an mga oripon na namundag sa saindong mga harong asin an mga oripon na binakal nindo sa mga dayuhan. Ini an magigin tanda kan satong tipan. 13Kaipuhan serkomsisyonon an lambang saro; an tanda na ini sa saindong hawak iyo an magpapatotoo kan satong daing kataposan na tipan. 14An siisay man na lalaki na bakong serkomsisyonado dai ibibilang na kaayon sa sakong banwaan, huli ta dai niya inotob an pakipagtipan sako.”
15Nagtaram an Dios ki Abraham, “Dai mo na pag-apodon Sarai an saimong agom; poon ngunyan, Sara an magigin ngaran niya. 16Bebendisyonan ko siya asin tatawan taka nin aking lalaki huli saiya. Bebendisyonan ko siya asin magigin ina siya nin mga nasyon patin magigin hade an ibang magikan saiya.”
17Nagdapa si Abraham sa daga, alagad napangisi siya kan saiyang isaboot, “Pwede pa daw magkaaki an sarong arog sakong sanggatos na an edad? Pwede pa daw mag-aki si Sara sa edad na nubenta?” 18Kaya hinapot niya an Dios, “Tano ta bakong si Ismael na sana an sakong magin eredero?”
19Alagad nagsimbag an Dios, “Dai. Mangangaki nin lalaki si Sara na saimong agom asin ngangaranan mo siyang Isaac.#19 ISAAC: Sa Hebreyo, an ngaran na ini nangangahulogan nagngingisi siya o mangisi. Makikipagtipan ako saiya asin sa saiyang mga kapagarakian sagkod pa man. An tipan na iyan sarong daing kataposan na tipan. 20Nadangog ko an saimong pakimaherak manongod ki Ismael, kaya bebendisyonan ko siya asin tatawan nin dakul na aki asin kapagarakian. Magigin ama siya nin doseng prinsipe, asin gigibohon kong sarong dakulang nasyon an saiyang mga kapagarakian. 21Alagad ootobon ko an sakong tipan sa saimong aking si Isaac, na mamumundag ki Sara sa masunod na taon, sa arog kaining panahon.” 22Pakataram kaini, binayaan nin Dios si Abraham.
23Kan aldaw na idto, kinuyog ni Abraham an Dios; sinerkomsisyon niya an aki niyang si Ismael asin an gabos na lalaki sa laog kan saiyang harong sagkod an mga lalaking oripon na namundag sa saiyang harong saka an mga oripon na binakal niya. 24Sinerkomsisyon si Abraham sa edad na nubenta y nwebeng taon, 25asin si Ismael na saiyang aki sa edad na treseng taon. 26Sinerkomsisyon sinda sa parehong aldaw, 27kaiba kan gabos na lalaking oripon ni Abraham.
Iliyochaguliwa sasa
GENESIS 17: BPV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Philippine Bible Society, New Testament © 1981, Bible © 1992
GENESIS 17
17
Pagsirkomsisyon, an Tanda kan Tipan
1Kan nubenta y nuebe na an edad ni Abram, nagpahiling saiya an Kagurangnan asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos. 2Makikipagtipan ako saimo asin tatawan taka nin dakul na kapagarakian.” 3Nagdapa si Abram sa daga dangan nagtaram saiya an Dios, 4“Uya, makikipagtipan ako saimo: nangangako ako na ika an gigikanan nin dakul na nasyon. 5Poon ngunyan, bako nang Abram an saimong ngaran kundi Abraham#15 ABRAHAM: Sa pandangog, an ngaran na ini nakakaarog sa Hebreyong tataramon na ama nin dakul na nasyon. huli ta gigibohon takang ama nin dakul na nasyon. 6Tatawan taka nin dakul na kapagarakian asin gigibohon ko sindang mga nasyon patin magigin mga hade an iba sainda.
7“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian. 8Itatao ko saimo asin sa saimong mga kapagarakian an dagang ini, saen saro kang dayuhan ngunyan. An bilog na Canaan masasadirihan kan saimong mga kapagarakian sagkod pa man, asin ako an magigin Dios ninda.”
9Nagtaram pa an Dios ki Abraham, “Kaipuhan otobon mo man an pakipagtipan mo sa sako, ika asin an saimong mga kapagarakian sa maabot na henerasyon. 10Ini an sakong tipan na ootobon mo asin kan saimong mga kapagarakian: kaipuhan na serkomsisyonon an gabos na lalaki sa saindo. 11-12Magpoon ngunyan, kaipuhan serkomsisyonon mo an lambang aking lalaki pag-edad kaini nin walong aldaw, sagkod an mga oripon na namundag sa saindong mga harong asin an mga oripon na binakal nindo sa mga dayuhan. Ini an magigin tanda kan satong tipan. 13Kaipuhan serkomsisyonon an lambang saro; an tanda na ini sa saindong hawak iyo an magpapatotoo kan satong daing kataposan na tipan. 14An siisay man na lalaki na bakong serkomsisyonado dai ibibilang na kaayon sa sakong banwaan, huli ta dai niya inotob an pakipagtipan sako.”
15Nagtaram an Dios ki Abraham, “Dai mo na pag-apodon Sarai an saimong agom; poon ngunyan, Sara an magigin ngaran niya. 16Bebendisyonan ko siya asin tatawan taka nin aking lalaki huli saiya. Bebendisyonan ko siya asin magigin ina siya nin mga nasyon patin magigin hade an ibang magikan saiya.”
17Nagdapa si Abraham sa daga, alagad napangisi siya kan saiyang isaboot, “Pwede pa daw magkaaki an sarong arog sakong sanggatos na an edad? Pwede pa daw mag-aki si Sara sa edad na nubenta?” 18Kaya hinapot niya an Dios, “Tano ta bakong si Ismael na sana an sakong magin eredero?”
19Alagad nagsimbag an Dios, “Dai. Mangangaki nin lalaki si Sara na saimong agom asin ngangaranan mo siyang Isaac.#19 ISAAC: Sa Hebreyo, an ngaran na ini nangangahulogan nagngingisi siya o mangisi. Makikipagtipan ako saiya asin sa saiyang mga kapagarakian sagkod pa man. An tipan na iyan sarong daing kataposan na tipan. 20Nadangog ko an saimong pakimaherak manongod ki Ismael, kaya bebendisyonan ko siya asin tatawan nin dakul na aki asin kapagarakian. Magigin ama siya nin doseng prinsipe, asin gigibohon kong sarong dakulang nasyon an saiyang mga kapagarakian. 21Alagad ootobon ko an sakong tipan sa saimong aking si Isaac, na mamumundag ki Sara sa masunod na taon, sa arog kaining panahon.” 22Pakataram kaini, binayaan nin Dios si Abraham.
23Kan aldaw na idto, kinuyog ni Abraham an Dios; sinerkomsisyon niya an aki niyang si Ismael asin an gabos na lalaki sa laog kan saiyang harong sagkod an mga lalaking oripon na namundag sa saiyang harong saka an mga oripon na binakal niya. 24Sinerkomsisyon si Abraham sa edad na nubenta y nwebeng taon, 25asin si Ismael na saiyang aki sa edad na treseng taon. 26Sinerkomsisyon sinda sa parehong aldaw, 27kaiba kan gabos na lalaking oripon ni Abraham.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Philippine Bible Society, New Testament © 1981, Bible © 1992