Markos 2இலிருந்து பிரபலமான வேதாகம வசனங்கள்

பகிர்

Jesus he naḣon, hehan hewicakiya; Tuna zanipi kin hena pejinutawicaśta kin cinpi śni, tuka wayazankapi kin hena e cinpi: wicaśta owotanna kin heca on wahi śni, tuka waḣtanipi sa iyopeic̣iyapi kta e wicakico wahi ce.

Unkan wacinyanpi kin he Jesus wanyake c̣ehan, ṭaṭake cin heciya; Cinś wayaḣtani kin nicicajujupi ce.

Unkan hehan hewicakiya; Anpetu wakan kin he wicaśta on kagapi, qa wicaśta kin iś anpetu wakan kin on kagapi śni

Unkan wicota kin on tokadan ikiyedan upi śni, hehan tipi akaḣpe kin yuḣdokapi; he yujujupi hehan ṭaṭake cin owinja akan yanka ecehna en yuhukun iyeyapi.

Tuka Wicaśta Cinhintku kin he maka akan woaḣtani kajuju kta okihi, he sdonyayapi kta; hehan ṭaṭake cin he heciya; Najin, qa owinja ehdaku, qa yati ekta hda wo, eciciya ce, eya.

Wayaḣtani nicicajujupi, qa iś, Najin, owinja ehdaku qa mani wo, ṭaṭake cin eciyapi kta, unma tukte waśakadan he.

Unkan hecehnana najin hiyaye c̣a, owinja ehdaku, qa owa, sin wicitokam tankan kihda; he cen owasin inihanpi, Wakantanka yatanpi qa heyapi; Tohinni taku dececa wanunyakapi śni.