GENESISE 9
9
Kgolagano ya Modimo le Noa
1 Modimo wa segofatsa Noa le bomorwawe, wa ba raya, wa re: “Atang lo ntsifale, lo tlale ka lefatshe. 2Lo tlaa boifiwa, lo tlaa tshajwa ke phologolo nngwe le nngwe le sebatana sa lefatshe, le nonyane nngwe le nngwe ya loapi; gotlhe mo go nyeulang ka bontsi mo lefatsheng, le ditlhapi tsotlhe tsa lewatle, go tsentswe mo atleng sa lona. 3Dilo tsotlhe tse di tsamayang tse di tshelang, di tlaa nna dijo tsa lona; jaaka merogo e metala, ke di lo neile tsotlhe fela. 4 Nama e e tlhakanyeng le botshelo jwa yone, jo e leng madi a yone, lo se ka lwa e ja. 5Ruri madi a lona, madi a matshelo a lona, ke tlaa a lopa; ke tlaa a lopa mo phologolong nngwe le nngwe, le mo sebataneng; le mo seatleng sa motho e bong seatla sa morwa rramotho, ke tlaa lopa botshelo jwa motho.
6 “Le fa e le mang yo o tshololang madi a motho, le ene madi a gagwe a tlaa tshololwa ke motho; gonne Modimo o dirile motho mo setshwanong sa one.
7 “Lona, atang, lo ntsifale; lo tshole bana ba le bantsi mo lefatsheng, lo ntsifale mo go lone.”
8Modimo wa bua le Noa, le bomorwawe ba na nae wa re: 9“Bonang, ke tlhomamisa kgolagano ya me le lona, le losika lwa lona morago ga lona. 10Ke e tlhomamisa le ditshedi tsotlhe tse lo nang natso, dinonyane, le dikgomo, phologolo nngwe le nngwe le dibatana tsa lefatshe tse lo nang natso; tsotlhe tse di tswang mo ntlong e e kokobalang, e bong diphologolo le dibatana tsotlhe tsa lefatshe. 11Ke tlaa tlhomamisa kgolagano ya me le lona; le gone nama yotlhe ga e ketla e tlhola e kgaolwa ka metsi a morwalela; le gone ga go ketla go tlhola go tla morwalela go senya lefatshe.” 12Modimo wa re: “Se, ke sone sesupo sa kgolagano e ke e dirang gare ga me le lona, le dilo tsotlhe tse di tshedileng, tse lo nang natso, go ya ditshikeng tse di se nang bokhutlo: 13Ke tlhoma motshe wa me, ke le Modimo, mo lerung; o tlaa nna sesupo sa kgolagano gare ga me le lefatshe. 14Go tlaa dirala gore, fa ke lere leru le okama lefatshe, go tlaa bonala motshe wa godimo mo lerung. 15Ke tlaa gakologelwa kgolagano ya me, e e emeng fa gare ga me le lona, le dibopiwa tsotlhe tse di tshedileng tsa nama tsotlhe, mme metsi ga a ketla a tlhola a tswa morwalela go senya ditshedi tsotlhe. 16Motshe wa godimo o tlaa nna mo lerung; mme ke tlaa o leba, gore ke tle ke gakologelwe kgolagano e e sa khutleng fa gare ga Modimo le dibopiwa tsotlhe tse di mo lefatsheng.” 17Modimo wa raya Noa, wa re: “Se, ke sone sesupo sa kgolagano e ke e tlhomamisitseng fa gare ga me le ditshedi tsotlhe tse di mo lefatsheng.”
Noa le bomorwawe
18Bomorwa Noa ba ba duleng mo ntlong e e kokobalang e ne e le Sheme, le Hame le Jafethe. Hame ke rra Kanana. 19Ba bararo bao e ne e le bomorwa Noa, jalo ga tswa mo go bone ba ba farafereng lefatshe lotlhe. 20Noa a simolola go nna molemi wa mbu, mme a tlhoma tshimo ya mofine. 21A nwa bojalwa jwa mofine, a tagwa, a bo a sa ikatega a le mo mogopeng wa gagwe. 22Hame, rra Kanana, a bona bosaikategang jwa ga rraagwe, a bolelela bomorwa rraagwe ba babedi kwa ntle. 23Sheme le Jafethe ba tsaya seaparo, ba se baya mo maruding a bone boo babedi, ba kata ka samorago, ba bipa bosaikategang jwa ga rraabo; difatlhogo tsa bone tsa bo di mo fularetse, ba se ka ba bona bosaikategang jwa ga rraabo. 24A thanya mo bojalweng jwa gagwe jwa mofine, a itse se morwawe yo mmotlana o se mo diretseng. 25A re:
“A go hutsege Kanana.
O tlaa nna motlhanka
wa batlhanka
mo go bomorwa rraagwe.”
26A ba a re:
“A go bakwe Jehofa
Modimo wa ga Sheme:
A Kanana a nne motlhanka
wa gagwe.
27A Modimo o godise Jafethe;
o tlaa aga mo megopeng
ya ga Sheme,
mme a Kanana a nne motlhanka
wa gagwe.”
28E rile morwalela o sena go feta, Noa a tshela dinyaga di le 350. 29Malatsi otlhe a ga Noa e ne e le dinyaga tse di 950, ke fa a swa.
தற்சமயம் தேர்ந்தெடுக்கப்பட்டது:
GENESISE 9: TSW08NO
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© Bible Society of South Africa 1992. Used with permission. All rights reserved.
GENESISE 9
9
Kgolagano ya Modimo le Noa
1 Modimo wa segofatsa Noa le bomorwawe, wa ba raya, wa re: “Atang lo ntsifale, lo tlale ka lefatshe. 2Lo tlaa boifiwa, lo tlaa tshajwa ke phologolo nngwe le nngwe le sebatana sa lefatshe, le nonyane nngwe le nngwe ya loapi; gotlhe mo go nyeulang ka bontsi mo lefatsheng, le ditlhapi tsotlhe tsa lewatle, go tsentswe mo atleng sa lona. 3Dilo tsotlhe tse di tsamayang tse di tshelang, di tlaa nna dijo tsa lona; jaaka merogo e metala, ke di lo neile tsotlhe fela. 4 Nama e e tlhakanyeng le botshelo jwa yone, jo e leng madi a yone, lo se ka lwa e ja. 5Ruri madi a lona, madi a matshelo a lona, ke tlaa a lopa; ke tlaa a lopa mo phologolong nngwe le nngwe, le mo sebataneng; le mo seatleng sa motho e bong seatla sa morwa rramotho, ke tlaa lopa botshelo jwa motho.
6 “Le fa e le mang yo o tshololang madi a motho, le ene madi a gagwe a tlaa tshololwa ke motho; gonne Modimo o dirile motho mo setshwanong sa one.
7 “Lona, atang, lo ntsifale; lo tshole bana ba le bantsi mo lefatsheng, lo ntsifale mo go lone.”
8Modimo wa bua le Noa, le bomorwawe ba na nae wa re: 9“Bonang, ke tlhomamisa kgolagano ya me le lona, le losika lwa lona morago ga lona. 10Ke e tlhomamisa le ditshedi tsotlhe tse lo nang natso, dinonyane, le dikgomo, phologolo nngwe le nngwe le dibatana tsa lefatshe tse lo nang natso; tsotlhe tse di tswang mo ntlong e e kokobalang, e bong diphologolo le dibatana tsotlhe tsa lefatshe. 11Ke tlaa tlhomamisa kgolagano ya me le lona; le gone nama yotlhe ga e ketla e tlhola e kgaolwa ka metsi a morwalela; le gone ga go ketla go tlhola go tla morwalela go senya lefatshe.” 12Modimo wa re: “Se, ke sone sesupo sa kgolagano e ke e dirang gare ga me le lona, le dilo tsotlhe tse di tshedileng, tse lo nang natso, go ya ditshikeng tse di se nang bokhutlo: 13Ke tlhoma motshe wa me, ke le Modimo, mo lerung; o tlaa nna sesupo sa kgolagano gare ga me le lefatshe. 14Go tlaa dirala gore, fa ke lere leru le okama lefatshe, go tlaa bonala motshe wa godimo mo lerung. 15Ke tlaa gakologelwa kgolagano ya me, e e emeng fa gare ga me le lona, le dibopiwa tsotlhe tse di tshedileng tsa nama tsotlhe, mme metsi ga a ketla a tlhola a tswa morwalela go senya ditshedi tsotlhe. 16Motshe wa godimo o tlaa nna mo lerung; mme ke tlaa o leba, gore ke tle ke gakologelwe kgolagano e e sa khutleng fa gare ga Modimo le dibopiwa tsotlhe tse di mo lefatsheng.” 17Modimo wa raya Noa, wa re: “Se, ke sone sesupo sa kgolagano e ke e tlhomamisitseng fa gare ga me le ditshedi tsotlhe tse di mo lefatsheng.”
Noa le bomorwawe
18Bomorwa Noa ba ba duleng mo ntlong e e kokobalang e ne e le Sheme, le Hame le Jafethe. Hame ke rra Kanana. 19Ba bararo bao e ne e le bomorwa Noa, jalo ga tswa mo go bone ba ba farafereng lefatshe lotlhe. 20Noa a simolola go nna molemi wa mbu, mme a tlhoma tshimo ya mofine. 21A nwa bojalwa jwa mofine, a tagwa, a bo a sa ikatega a le mo mogopeng wa gagwe. 22Hame, rra Kanana, a bona bosaikategang jwa ga rraagwe, a bolelela bomorwa rraagwe ba babedi kwa ntle. 23Sheme le Jafethe ba tsaya seaparo, ba se baya mo maruding a bone boo babedi, ba kata ka samorago, ba bipa bosaikategang jwa ga rraabo; difatlhogo tsa bone tsa bo di mo fularetse, ba se ka ba bona bosaikategang jwa ga rraabo. 24A thanya mo bojalweng jwa gagwe jwa mofine, a itse se morwawe yo mmotlana o se mo diretseng. 25A re:
“A go hutsege Kanana.
O tlaa nna motlhanka
wa batlhanka
mo go bomorwa rraagwe.”
26A ba a re:
“A go bakwe Jehofa
Modimo wa ga Sheme:
A Kanana a nne motlhanka
wa gagwe.
27A Modimo o godise Jafethe;
o tlaa aga mo megopeng
ya ga Sheme,
mme a Kanana a nne motlhanka
wa gagwe.”
28E rile morwalela o sena go feta, Noa a tshela dinyaga di le 350. 29Malatsi otlhe a ga Noa e ne e le dinyaga tse di 950, ke fa a swa.
தற்சமயம் தேர்ந்தெடுக்கப்பட்டது:
:
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© Bible Society of South Africa 1992. Used with permission. All rights reserved.