1 Mose 12
12
ABALAHAMI
12-25
Nzambi wutela Abalami katotuka mu tsi andi
1Yave wukamba Abalami: «Botuka mu tsi aku, mu kanda diaku ayi mu nzo se diaku, yenda ku tsi yi ndiela kumonisa. 2Manditula nkulu batu baphuele, mandisakumuna. Mandivanga zina diaku di ba dinnene. Mawuba lusakumunu kudi batu bankaka. 3Mandisakumuna babo ba kusakumuna, Mandisinga babo ba kusinga, Ayi mu ngeyo muna sakumunu makanda mamo ma ntoto.»
4Abalami wuyenda banga bunkambila Yave, ayi Loti wuyenda yandi. Abalami wuba lusambudi ayi mvu ntanu bu katotuka mu Halani. 5Abalami wubonga nketo andi Salayi ayi muana khomba andi Loti, banata bimvuama bibio ayi babo babesalanga yandi ku Halani. Bayenda ku ndambu tsi yi Kanana.
Abalami mu tsi Kanana, bosi ku Ngipiti
Bayenda ku tsi Kanana. Batula kuna. 6Abalami wusabuka tsi nate ku Sikemi, nate ku nti wu telebinta ki Mole. Mu thangu yina, ba Kanani baba mu tsi yina.
7Yave wumonika kudi Abalami ayi wunkamba: «Mandivana tsi yayi kudi nkuna aku.» Abalami wutungila Yave ziku mu kumvikila nkayilu va fulu kinkamonikina. 8Tona kuna, wuyenda ku tsi yi miongo midi ku ndambu yintotukilanga thangu yi Beteli. Wutunga nzo andi yingoto yidi va khati ka Beteli ku nlekilanga thangu ayi Ayi#12.8 Beteli (Nzo Nzambi) ayi Ayi mbungulu zidi thatuki yi 15 yi bikilometa ku yilu Yelusalemi. ku ndambu yintotukilanga thangu. Kuna katungila Yave ziku dinkaka ayi wunsambila mu zina di Yave. 9Landila diawu, Abalami wuyenda mu fulu ka fulu nate ku wanda tsi Kanana.
10Malema maba mu tsi buna Abalami wukulumuka ku Ngipiti mu kala kuna bonso nkibi, bila malema maba mangolo mu tsi. 11Mu thangu kakota mu Ngipiti, Abalami wukamba kudi nketo andi Salayi: «Nzebi ti kitoko kiwombo widi. 12Mu thangu basi Ngipiti mabakumona, mabakamba ti widi nketo ami, buna ma baphonda ayi ma bakubika ngeyo wumoyo. 13Ndikubombidila, wubakamba ti widi busi#12.13 Busi: Mu 20.2, 12, 26.7 Sala wuba khomba Abalami. Baba se dimosi vayi ngudi ziviakana. kiami, muingi bakheba mbote, buna mandivuka mu diambu diaku.»
14Mu thangu Abalami katula ku Ngipiti, basi Ngipiti bamona ti nketo Abalami wuba wukitoko beni. 15Zimfumu zi luyalu lu Falao bamona phe nketo beni, baniemisa kudi Mfumu awu Falao, buna banata nketo beni ku nzo Falao. 16Mu diambu diandi, Abalami wutoma kebo mbote. Bamvana mameme, zikhombo, zingombe, ziphunda zikheto ayi zimbakala, bisadi bibabakala ayi bibaketo, ayi bakamela. 17Vayi mu diambu di Salayi, nketo Abalami, Yave wubuisa bivunga bingolo kudi Falao ayi batu babo baba mu nzo andi. 18Buna Falao wutumisa Abalami ayi wunyuvula: «Bila mbi wuphangidi diphila yayi? Bila mbi kambu kukhambila ti nketo aku? 19Bila mbi wukhambidi ti niandi busi kiaku? Mu diawu, ndimbongidi muba nketo ami. Buabu tala nketo aku, niandi niowo! Wumbonga ayi wenda!»
20Falao wutuma batu bandi, bawu batotula Abalami, nketo andi ayi bibio bikavua.
தற்சமயம் தேர்ந்தெடுக்கப்பட்டது:
1 Mose 12: YOM-CD
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©2024 Seed Company in coordination with Forum Communautaire des Traducteurs de la Bible et Alphabétisation