If you have would like a copy of this version please contact info@davaraudiobibles.org

Odki New Testament © The Pakistan Bible Society (Text), Odki New Testament Audio Bible ℗ 2024, Davar Partners International (Audio)

Odki New Testament

अब्राहम ची ऊलाद्ध, दाऊद ची ऊलाद्ध, ईशु मसीह ची वंशावली।
अब्राहम कनु इसहाक पैदा हुला, इसहाक कनु याकूब पैदा हुला, ते याकूब कनु यहूदा ते ओचे भऊ पैदा हुले। यहूदा चे पूत फिरिस ते जेरह हुते ते वांची आई चे नां तमार हुते, हिस्रोन कनु एराम पैदा हुला, ते एराम कनु अम्मीनादाब पैदा हुला, ते अम्मीनादाब कनु नहशोन ते नहशोन कनु सलमोन पैदा हुला। ते सलमोन ते राहब कनु बोअज पैदा हुला, ते बोअज ते रूत कनु ओबेद पैदा हुला, ते ओबेद कनु यिशै पैदा हुला।
ते यिशै कनु दाऊद राजा पैदा हुला। ते दाऊद कनु सुलैमान वे असतरी कनु पैदा हुला जको पेहले उरिय्याह ची घराआली हुती। ते सुलैमान कनु रहबाम पैदा हुला, ते रहबाम कनु अबिय्याह पैदा हुला, ते अबिय्याह कनु आसा पैदा हुला, ते आसा कनु यहोशाफात पैदा हुला, ते यहोशाफात कनु योराम पैदा हुला, ते योराम कनु उज्जियाह पैदा हुला। ते उज्जियाह कनु योताम पैदा हुला, ते योताम कनु आहाज पैदा हुला, ते आहाज कनु हिजकिय्याह पैदा हुला। ते हिजकिय्याह कनु मनश्शिह पैदा हुला, ते मनश्शिह कनु आमोन पैदा हुला, ते आमोन कनु योशिय्याह पैदा हुला। ते बल्ति इस्राएल चे लौका नु गुलाम बणाती बेबीलोन जाणे चे समय मां योशिय्याह कनु यकुन्याह, ते ओचे भऊ पैदा हुले।
गुलाम हुती कर बेबीलोन पुचाले जाणे चे बाद यकुन्याह कनु शालतिएल पैदा हुला, ते शालतिएल कनु जरूब्बाबिल पैदा हुला। ते जरूब्बाबिल कनु अबीहूद पैदा हुला, ते अबीहूद कनु इल्याकीम पैदा हुला, ते इल्याकीम कनु अजोर पैदा हुला। ते अजोर कनु सदोक पैदा हुला, ते सदोक कनु अखीम पैदा हुला, ते अखीम कनु इलीहूद पैदा हुला। ते इलीहूद कनु इलियाजार पैदा हुला, ते इलियाजार कनु मत्तान पैदा हुला, ते मत्तान कनु याकूब पैदा हुला। ते याकूब कनु यूसुफ पैदा हुला, जको मरियम चा मोणस हुता, ते मरियम कनु ईशु जको मसीह किहवावे, पैदा हुला।
यूं करती अब्राहम कनु दाऊद तक चौहङा पीढ़ीया हुलीया। ते दाऊद कनु बेबीलोन सनु गुलाम बणाती कर पुचाले जाणे तक चौहङा पीढ़ीया हुलीया, ते गुलाम बणाती कर बेबीलोन सनु पुचाले जाणे चे समय कनु मसीह चे पैदा हुवणे तक चौहङा पीढ़ीया हुलीया।


ईशु मसीह चा जनम ऐ तरीके लारे हुला, कि जिसे बेले ओची आई मरियम ची सग़ाई यूसुफ चे लारे हुती गेली, तां वांचे मिलणे कनु पेहले ही वा पवित्र आत्मा ची ओर कनु गर्भवती लाभली गेली! तां विचे घरा आले यूसुफ ने जको धर्मी हुता ते विनु बदनाम करने ना चाहवे ला, विनु चोप-चाप करती कर छोड़ने ची सोचली। जिसे बेले ओ यां बाता ची सोच मां हुता तां प्रभु चा स्वर्ग़दूत ओनु खाबा मां ङिसला ते केहले, “हे यूसुफ! दाऊद ची ऊलाद्ध, तु आपणी घरा आली मरियम नु आपणे इठे आणने कनु ना ङर, कांकि जको विचे ढिड्डा मां छै, ऊं पवित्र आत्मा ची ओर कनु छै। वा पूत जमावी ते तु ओचे नां ईशु राखीयो, कांकि ऊं आपणे लौका चा वांचे पापा कनु उद्धार करी।”
ईं सारे कोच्छ ऐवास्ते हुले कि जको वचन प्रभु ने भविष्यवक्‍ता चे जरिये केहला हुता, ओ पूरा हो। “ङेखा, हेक कुंवारी ढिड्डा लारे हुवी ते हेक पूत पैदा करी, ते ओचे नां इम्मानुएल राखले जई।” जाया मतलब, “नरीकार अम्चे लारे छै।”
बल्ति यूसुफ नीङे कनु सुज़ाक हुती कर प्रभु चे दूता ची आज्ञा चे अनुसार आपणी घराआली नु, बीहा करती कर आपणे इठे गेहती आला। ते जब तक विणे पूता नु नी जणले तब तक ओ विचे गोढु कोनी गेला, ते ओणे ओचे नां ईशु राखले।

వినండి मत्ती 1